Lajme nga vendi

Në kohë krize, thirrje qytetarëve dhe bizneseve të kursejnë rrymë

Published

2 years ago

August 29, 2022

Në prag të dimrit të pritur të vështirë mbështetja e bujqve dhe menaxhimi me krizën energjetike mbeten prioritete kryesore të Qeverisë, paralajmëroi kryeministri Dimitar Kovaçevski, përderisa në të njejtën kohë lideri i VMRO-DPMNE-së, Hristian Mickoski kërkoi nga kompetentët të prodhojnë rrymë e cila, do të përfundojë si ndihmë ekonomisë.

Kryeministri Kovaçevski dje pas inaugurimit të sistemit për ujitje “Sllavishko pole” në Komunën Rankovc paralajmëroi se Këshilli ekonomik do t’i shqyrtojë kërkesat e sektorit të biznesit për zbutjen e goditjes nga çmimet e larta të rrymës për kompanitë dhe sapo t’i kenë llogaritjet, Qeveria do të intervenojë në atë pjesë.

Megjithatë, sipas tij, ulja e mundshme shtesë e TVSH-së nuk do të kishte ndikim ndaj çmimit të energjisë elektrike, sepse ajo në tregun e lirë është mbi 1000 euro.

Kryeministri theksoi edhe se kyçe në periudhën në vijim është të bëhen kursime të energjisë elektrike çdokund ku është e mundur.

“Ndodhemi në periudhë kur çmimet e energjisë elektrike janë më të larta se cila do logjikë ekonomike, flas për tërë kontinentin evropian, ndërsa ajo që e kanë si detyrë të gjithë resorët në Qeveri dhe kompanitë të cilat janë në pronësi shtetërore, atë do të duhet ta porosisin me qëllim që të kemi furnizim të papengueshëm me energji elektrike”, shtoi kryeministri Kovaçevski.

Nga ana tjetër, lideri i VMRO-DPMNE-së, Mickoski nga Berova akuzoi se biznesmenët e vendit paguajnë rrymë më të lartë se kolegët e tyre në rajon dhe u bëri thirrje kompetentëve të prodhojnë rrymë e cila “do të përfundojë si ndihmë ekonomisë”.

“U bëj apel kompetentëve, në vend që të vazhdojnë me kokëfortësinë e tyre, të merren me punë, të ndalojnë të vjedhin nga ELEM, sot EMV, të ndalojnë vjedhjen ndaj qytetarëve dhe t’i mundësojnë biznesit dhe ekonomisë në këto kohë të vështira të mbijetojnë, pasi ata janë heronjtë e kësaj kohe që luftojnë çdo muaj për të siguruar ekzistencën e punonjësve. Prandaj, në vend se të vazhdojnë me ato deklarata, të merren me punë, të ndalojnë vjedhjen, të prodhojnë rrymë dhe ajo rrymë të përfundojë si ndihmë për ekonominë dhe në këtë mënyrë ta bëjnë ekonominë e vendit konkurruese, tha Mickoski.

Ministri i Financave, Fatmir Besimi, ndërkaq, vlerësoi se shtatë muaj prej fillimit të luftës në Ukrainë, pikëpamjet ekonomike edhe më tej mbeten në dozë të lartë të paqartësisë, me rreziqe në rritje për shkak të inflacionit në rritje, mundësisë për ndalje të dërgesës së gazit nga Rusia, rritjes së çmimeve të energjisë elektrike dhe ashpërsimit të kushteve për financim.

Në kolumnë Besimi thekson se çmimet e energjisë për amvisëritë dhe ndërmarrjet evropiane do të jenë më të larta se pritjet e mëparshme.

“Kjo do të ndikojë në besimin e konsumatorëve, që po bie dhe gjithnjë e më pak do të jenë të gatshëm t’i shpenzojnë kursimet e veta, që do të reflektohet në konsumin në gjysmën e dytë të vitit. Çmimi i energjisë do të ketë ndikim edhe ndaj investimeve. Shpenzimet e rritura dhe pikëpamjet më të dobëta për konsum final do të ndikojnë tek ndërmarrjet që të shkurtojnë projektet jothelbësore”, shton Besimi.

Ai përkujton edhe se gazi natyror u shtrenjtua mbi 3.300 dollarë për 1000 metra kub, që është rritje e çmimit të tij në krahasim me mesin e vitit 2021 për 700 për qind.

Ai thekson edhe se pritjet e ekspertëve energjetikë janë se deri në fund të dimrit kjo gjendje nuk do të ndryshojë shumë, përveç në rast të ndërprerjes së luftës në Ukrinië dhe vendimit të Gjermanisë të importojë gaz rus përmes Rrjedhës veriore 1 dhe 2.

Në kushte të këtilla, shton ministri, Qeveria ndërmerr dhe do të ndërmarrë masa për amortizim të çmimeve në rritje të energjisë elektrike, përmes subvencioneve të prodhimit të EMV-së dhe uljes së TVSH-së për energjinë elektrike prej 18 në 5 për qind, që në nivel vjetor i kushton Buxhetit të shtetit rreth 50 milionë euro më pak të ardhura nga TVSH-ja.

Lajme nga vendi

(DOKUMENT) Pas Hazbi Likës, nga BDI ikin dhe funksionar të tjerë. Ali Ahmeti pranon letër të funksionarëve që distancohen nga vendimet e tij!

Published

2 hours ago

April 23, 2024

TetovaExpres

Njëri nga eksponentët e lartë të BDI-së në Tetovë i ka dërguat letër kreut të BDI-së, Ali Ahmeti se po distancohet nga të gjitha aktivitetet partiake. Arsye për këtë, siç thuhet në letrën e siguruar, është formimi i Frontit Europian, për të cilin, siç thuhet në letër, ka dështuar.

– Konsideroj se pas dështimit të konstituimit të “Frontit të madh për Evropë” i proklamuar më herët, koalicionimet aktuale me parti të tjera të vogla si “parti individe”, si dhe me parti të pakicave etnike, ndoshta edhe mund të arsyetohet me idenë e formimit të “Frontit Evropian” si dhe demonstrimit, për herë të parë, të kapacitetit koalicionues të Bashkimit Demokratik per Integrim ndaj partive të pakicave, mirepo koalicionimi me nje parti me afat përdorimi të skaduar që moti që vegjeton në skenën politike në njp gjendje agonie dhe që udhëhiqet nga një person ekstrem destruktiv, recidivist dhe i sankcionuar ndërkombëtarisht, është jo vetëm i gabuar por edhe tejet kompromentues”, thuhet në letrën e dërguar nga anëtarëi i Këshillit Kombëtar të BDI-së, i cili na u lut që emrin ta mbajmë anonim.

Ai thotë se nuk pajtohet që BDI të koalicionojë me parti që janë individuale dhe me fumtjen e në lista të kryetarëve të partive që janë dënuar nga institucionet ndërkombëtare.

“Prandaj unë, si anëtar i Keshillit Kombëtar të Bashkimit Demokratik per Integrim, për aq sa u tha me lartë, deklaroj se jam kategorik kundër këtij koalicionimi. I vetëdijshëm se ky qëndrim i imi do të jetë në kundërshtim me vendimin e shumices dhe rrjedhimisht nuk do ndryshojë asgjë, megjithatë e ndjej si një detyrim moral që për shkak të qëndrimeve të mija të deklaruara hapur lidhur me këtë koalicionim absurd dhe kompromentues të distancohem nga ky vendim i Kryetarit te Bashkimit Demokratik për Integrim”, thuhet në letrën e dërguar kryesisë së BDI-së nga Anëtari i Këshillit Kombëtar të partisë, i cili vazhdimisht ka qenë edhe në pozita partiake.

Burime nga brenda partisë, njoftojnë se ky është vetëm një rast nga dhjetëra raste të cilat deri në këto momenti i kanë dërguart letër kreut të BDI-së Ali Ahmeti se nuk pajtohen me idenë e tij për formimin e një “Fronti Europian” me siç i quajnë, “Parti të individëve”. Ndërsa sot nga BDI edhe zyrtarisht u largua nga BDI edhe njëri nga funmksionarët kyç, Hazbi Lika, i njohur si Komandant Çela.

Në postin e publikuar në Facebook, nënkuptohej se Lika po koordinohet për fitoren e VLEN.

Lajme nga vendi

Sot votuan të burgosurit, të sëmurët dhe diaspora

Published

3 hours ago

April 23, 2024

TetovaExpres

Derisa po vazhdon heshtja e zgjedhjeve presidenciale, të drejtën e votës po e shfrytëzojnë votuesit nga diaspora, të burgosurit, të moshuarit dhe të sëmurët dhe personat e pafuqishëm. Votimi për president ka nisur me anëtarët e këshillave zgjedhorë që kanë udhëtuar për të zhvilluar votimin në diasporë. Në Listën zgjedhore janë shënuar 191 votues, të cilët duhet të votojnë në diasporë.

Për zgjedhjet presidenciale, në listën zgjedhore janë regjistruar 1.814.317 votues. Në certifikatat nga Lista Zgjedhore për votim në vend janë regjistruar 1.713.758 votues, ndërsa jashtë vendit në përfaqësitë diplomatike-konsullore pritet të votojnë 2.569 votues.

Në certifikatën e posaçëm nga Lista zgjedhore për personat që vuajnë dënimin me burg ose ndodhen në paraburgim gjatë zgjedhjeve janë regjistruar 2 147 votues.

Në Listën Zgjedhore për personat që gjatë zgjedhjeve ndodhen në institucionet për përkujdesje jashtëfamiljare janë regjistruar edhe 534 votues, të cilët kanë dorëzuar kërkesë për votim. Dy persona janë renditur si persona të zhvendosur brenda vendit.

Votuesit në zgjedhjet e shtatë presidenciale do të mund të zgjedhin një nga shtatë kandidatët për president, pasi në garë janë pesë burra dhe dy gra.

Lajme nga vendi

Shporta sindikale minimale për prill është 60.212 denarë

Published

3 hours ago

April 23, 2024

TetovaExpres

Shporta sindikale minimale për prillin arrin në 60.212 denarë dhe është për 1.214 denarë më e lartë se sa në mars vitin e kaluar, kur ishte 58.998 denarë. Me një banesë të marrë me qera prej 60 metrave katrorë, megjithatë, arrin 75.587 denarë, kumtoi Lidhja e Sindikatave të Maqedonisë (LSM).

Sipas llogaritjes së LSM-së, nga shporta minimale sindikale, një familje katëranëtarëshe për ushqim dhe pije i duhet të ndajë 22.200 denarë ose 36,9 për qind, për veshmbathje dhe këpucë 4.866 denarë, gjegjësisht 8,1 për qind, për qera, ujë, energji elektrike dhe ngrohje 6.014 denarë ose 10 për qind, për higjienë personale dhe mbajtjen e higjienës së shtëpisë 1.827 denarë ose tre për qind, për shëndet 1.059 denarë ose 1,8 për qind, për transport 5.068 denarë, gjegjësisht 8,4 për qind.

Një familjeje katëranëtarëshe në prill të këtij viti i nevojiteshin 3.004 denarë për komunikime, gjegjësisht pesë për qind nga shuma e shportës minimale, për rekreacion dhe kulturë 4.378 denarë ose 7,3 për qind, për arsim 6.955 denarë ose 11,6 për qind, për restorante dhe hotele 3.890 denarë ose 6,5 për qind, kurse për mallra dhe shërbimet tjera 950 denarë, gjegjësisht 1,6 për qind.

Nëse jetojnë në banesë me qira nevojiten edhe 15.375 denarë shtesë.