Sport
VOLEJBOLL: MË 6 PRILL STARTON LIGA E VETERANËVE
Në organizim të Federatës së Volejbollit të Maqedonisë së Veriut këtë fundjavë starton edicioni i parë i volejbollit për veteranë, të moshave mbi 40 vjeç, ku do të marrin pjesë tetë skuadra të veteranëve si Shkëndija e Tetovës, Tetova, Boreci Veles , 11 Oktomvri i Prilepit, Gjevgjelia, Strumica, Skopje dhe ZSV Sportist nga Strumica . Ky kampionat i parë i volejbollit për veteranë do të zhvillohet me sistemin e turnirëve në të gjitha qytetet e ekipeve pjesëmarrëse, ndërsa java e parë do të mbahet në Gjevgjeli. Për fillimin e kësaj Lige të volejbollit për veteranë, Durim Luma tha se Shkëndija do të prezantohet me volejbollistët të cilët fituan titullin kampion dhe do të drejtohen nga trajneri Miftar Ziberi
‘’Vitin e kaluar u bë një garë eksperimentale për veteranët, mirëpo këtë vit do të startoj liga e re e veteranëve të volejbollit të Maqedonisë. Do të marrin pjesë 8 ekipe ndër to është edhe Shkëndija e cila vendosi që të merr pjesë në këtë ligë. Besoj se do të jetë një kënaqësi për të gjithë ata që do të ndjekin këtë eveniment pasi do të shohin lojtar shumë të vjetër . Kriteri është që ato të jenë mbi 40 vjeç por aty do të ketë edhe 60 vjeçar dhe 65 vjeçar. Sa i përket Shkëndijës , ka një fond lojtarësh veteranë ku në ekip do të marrin pjesë ish lojtarët e Shkëndijës si Pllumb Vela, Ilir Vela, Besim Rexha, Mensur Hamza, Durim Luma, Naser Qamili do të jetë kapiten, Miftar Zyberi do të jetë trajneri që do të na udhëheqë neve dhe shumë lojtar të tjerë Fatoni, ndërsa ne e kemi regjistruar edhe Idris Bexhetin i cili ka premtuar se po që se hymë në play off, në katër vendet e para ai do të vinë nga Zvicra dhe do ti bashkëngjitet ekipit’’ deklaroi Durim Luma veteranë në ekipin e Shkëndijës
Me që kjo Ligë do të zhvillohet në sistemin e turnirëve, dhe do të organizohen në shtatë qytete sipas radhës
‘’Ky manifestim do të mbahet me turnirë domethënë do të ketë shtatë turnirë. I pari do të organizohet në Gjevgjeli, ndërsa ne në xhiron e parë do të luajmë kundër ZSV Strumica, turneu i dytë do të mbahet në Strumicë, aty do të luajmë me ekipin rival tonin Tetova, kurse turneu i tretë do të mbahet në Tetovë, ku organizatorë do të jetë Shkëndija. Besoj se tre turnirët tera do të caktohen deri në fund të manifestimit’’ tha Durim Luma.
Në xhiron e parë të Ligës së veteranëve që fillon më 6 prill në Gjevgjeli do të përballen: 11 Oktomvri – Gjevgjelia, Tetova – Strumica, Boreci – Skopje dhe ZSV Sportist Strumica – Shkëndija.
Shaban Sinani – TV Koha
Federata e Karatesë e RMV shpall karatistët më të suksesshëm të vitit 2025
Federata e Karatesë e Republikës së Maqedonisë së Veriut ka shpallur karatistët më të suksesshëm për vitin 2025. Ndër sportistët e dalluar janë edhe garuesit e klubit të karatesë “Uskana” nga Kërçova, të cilët u nderuan për rezultatet e jashtëzakonshme gjatë gjithë vitit.
Sportistët e vitit 2025 nga Kërçova, të shpallur fillimisht nga Shoqata “Votra” dhe tashmë edhe nga Federata e Karatesë e RMV,
në kategorinë e seniorëveBlerina Zendeli – vendi i parë në kategorinë e juniorëve
Përveç tyre u vlerësua dhe
Veron Dervishi – vendi i dytë 
në kategorinë e kadetëve
Ndërkohë, Nexhbi Dervishi, seleksionues në Federatën e Karatesë së RMV, kishte nderin të ndajë mirënjohje për sportistët më të mirë në kategoritë e juniorëve dhe seniorëve.
Urime kampionëve! Puna dhe sukseset tuaja gjatë vitit 2025 u kurorëzuan me këto mirënjohje me vlerë të madhe.
Ju jeni krenaria e Kërçovës dhe na nderoni kudo që shkoni.
Shpresojmë që këto suksese të bien në sy edhe të autoriteteve të Komunës së Kërçovës, për t’i vlerësuar kampionët tanë ashtu siç e meritojnë.
Suksese edhe në vazhdim! Ju priftë e mbara!
Presidenti i Shteteve të Bashkuara, Donald Trump, e priti Gianni Infantinon me pompozitet para kamerave, duke e cilësuar si “mbretin e futbollit” dhe “mbretin e sportit”. Kreu i FIFA-s iu përgjigj komplimenteve në të njëjtën frymë gjatë fjalimit të tij në Forumin Ekonomik Botëror në Davos, ku paralajmëroi se verën e ardhshme do t’ia dorëzojë Kupën e Botës ekipit kampion në krah të presidentit amerikan.
Ky njoftim rikujton një skenë të ngjashme pas Kupës së Botës për Klube të verës së kaluar, kur Trump ia dorëzoi personalisht trofeun Chelsea-t pas triumfit ndaj PSG-së. Infantino e shfrytëzoi rastin për të zgjeruar mesazhin përtej futbollit, duke theksuar se, ndonëse bota është e ndarë, FIFA promovon paqen dhe besimin, ndërsa Shtetet e Bashkuara, sipas tij, janë të gatshme të mirëpresin gjithë botën.
Mbërë janë zhvilluar 18 ndeshjet e para fundit të fazës së ligës në Europa Ligë. Me fitoret respektive, Lyon dhe Aston Villa kanë siguruar kualifikim në fazën e 1/8-ave të finales duke u bërë dy skuadrat e paratë kualifikuara.
Janë luajtur ndeshjet e para të raundit të shtatë të Europa Ligë , faza e parafundit e këtij edicioni, duke dhuruar emocione, gola dhe rezultate vendimtare për renditjen.
Në “Renato Dall’Ara”, Bologna dhe Seltik ndanë nga një pikë në një duel emocionues. Skuadra skoceze e mbylli pjesën e parë në avantazh të dyfishtë (0-2), pavarësisht se mbeti me një lojtar më pak pas daljes nga loja të japonezit Reo Hatate, i cili u ndëshkua me dy kartonë të verdhë brenda pak minutash.
Në fraksionin e dytë, italianët shfrytëzuan epërsinë numerike dhe reaguan fuqishëm, duke barazuar rezultatin me golat e Dallinga në minutën e 58-të dhe Rowe në të 72-ën.
Lyon vijon marshimin perfekt në këtë kompeticion. Francezët triumfuan 0-1 në transfertë ndaj Young Boys dhe, bashkë me Aston Villa, kryesojnë renditjen me pikë të plota. Anglezët nga ana e tyre siguruan një fitore minimale, por të çmuar, 0-1 në fushën e Fenerbahçes, falë golit të Jadon Sancho.
Emocione pati në sfidën Porto–Plzen, e cila u mbyll 1-1, me portugezët që shmangën humbjen në fund. Feyenoord nuk gaboi përpara tifozëve të vet, duke mposhtur bindshëm 3-0 Sturm Graz. Freiburg fitoi minimalisht 1-0 ndaj Maccabi Tel Aviv, një sukses që e vendos ekipin gjerman në pozita të favorshme për kualifikimin.
Spektakël i vërtetë u pa në derbin nordik mes Brann dhe Midtjylland, ku ndeshja përfundoi 3-3. Norvegjezët arritën barazimin falë një penalltie në minutat shtesë. PAOK festoi një fitore të rëndësishme 2-0 në shtëpi kundër Betis, ndërsa Crvena Zvezda mori tre pikë të arta në transfertë, duke triumfuar 0-1 ndaj Malmos.
Pas 7 xhirove të zhvilluara tabelën e kryesojn ë Lyoni dhe Aston Vila me nga 18 pikë para para Freiburg që ka 17 pikë
Operatori i tretë mobil në RMV do të fillojë punën në fillim të vitit 2027, do të ketë rrjetin e vet 5G
Matësit digjital zëvendësohen me të mençur, qytetarët të ndarë në mendime
Furgonët e Policisë nisen nga Prizreni burgjet kanë vend të mjaftueshëm për ‘dallavergjitë’ e votave, 800 shtretër të lirë
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
