Mbrëmë në Veleshtë të Strugës ka ndërruar jetë Fisnik Bekteshi nga Veleshta, gazetari dhe drejtori i radios së njohur strugane “Radio Rrapit”.

Lajmi mortor është përcjell nga kolegë dhe miq të tij përmes rrjeteve sociale, ku bëhet e ditur se varrimi i të ndjerit do të bëhet sot në varrezat e fshatit Veleshtë.

“Struganët humbën një njeri të madh atdhetar, një patriot, një gazetar të artit, kulturës, sportit dhe humorit, humbje e madhe për familjen Bekteshi! U prehsh në paqe i dashur koleg Fisnik, emri jotë do të përmendet ndër brezat e ardhshëm, Ngushëllime të sinqerta familjes, fisit dhe shoqërisë, Zoti e bëftë banorë të Parajsës”, kanë shkruar nga portali Strugaexpress, që ishin bashkëpunëtorë dhe miq me të ndjerin.

Ministria e Arsimit dhe Shkencës njofton se mësimi në vitin shkollor 2023/2024 do të realizohet plotësisht siç parashihet me planet për organizimin e punës në shkollat ​​fillore dhe të mesme. Edhe pse votimi në kuadër të rrethit të parë dhe të dytë zgjedhor është caktuar në ditë pune, nxënësit nuk do të humbasin mësimet dhe nuk do të kalojnë pjesë të materialit mësimor.

“23 prilli dhe 7 maji, gjegjësisht ditët para votimit, do të jenë ditë pune për të gjitha shkollat. Gjegjësisht në shkollat në të cilat do të zhvillohet procesi zgjedhor, mësimi do të mbahet nga ora 07:00 deri në orën 11:00, me orë të shkurtuara mësimore për të gjitha paralelet gjegjësisht klasat. Në shkollat e tjera, në të cilat nuk do të votohet, mësimi zhvillohet si zakonisht dhe sipas orarit të caktuar ditor”, thuhet në kumtesën e Ministrisë së Arsimit dhe Shkencës.

MASH më tej rikujton se viti mësimor për nxënësit e shkollave të mesme zgjat deri më 10 qershor, ndërsa për nxënësit e shkollave fillore deri më 17 qershor.

“Edhe pse votimi në kuadër të rrethit të parë dhe të dytë zgjedhor është caktuar në ditë pune, nxënësit nuk do të humbasin mësimet dhe nuk do të kalojnë pjesë të materialit mësimor”, thekson MASH-i.

Njoftimi i dërguar deri te shkollat e ka publikuar edhe Sindikata e pavarur për arsim, shkencë dhe kulturë (SASHK) në faqen e tyre në FB, me pyetjen: “Nga kur ditët jopune brenda natës bëhen ditë pune?”

Advertisement

“Ministri i Arsimit duhet të tërheqë menjëherë Njoftimin për shkollat, me të cilin detyrohen të punojnë ditët “jo pune”, të shpallura nga Qeveria, për shka të mbajtjes së zgjedhjeve të ardhshme. Në të vërtetë edhe edhe vitet e tjera shkollore kanë përfunduar dhe janë verifikuar nga ministri me më pak se 180 ditë pune, siç është viti shkollor 2021/22”, theksohet në reagimin e SASHK-ut.

Ndryshe, këtë vit nxënësit për herë të parë do të kenë pushim pranveror, i cili do të fillojë më 29 prill dhe do të zgjasë deri më 6 maj.

Moti sot do të jetë pjesërisht i vranët dhe më i freskët me reshje të kohëpaskohshme shiu, sidomos në pjesët veriperëndimore ku do të ketë kushte për shtrëngata të rralla. Në zonat malore reshjet do të kalojnë herë pas here në borë.

Do të fryjë erë e dobët deri mesatare veriperëndimore, ndërsa në pjesën perëndimore do të fryjë erë e fortë perëndimore. Temperatura minimale do të jetë në interval prej 3 deri në 9, ndërsa maksimalja do të arrijë nga 13 deri në 19 gradë.

Në Shkup do të mbajë mot pjesërisht i vranët dhe më i freskët me reshje të kohëpaskohshme shiu. Do të fryjë erë e lehtë deri mesatare veriperëndimore. Temperatura minimale do të zbresë deri në 6, ndërsa ajo maksimale do të arrijë deri në 15 gradë.