Connect with us

Lajme nga vendi

(VIDEO) Të hënën EVN nis vendosjen e njëhsorëve të energjisë elektrike

Published

on

Ekipet e EVN- së nga e hëna do të vendosin njehsorët e energjisë elektrike në Haraçinë dhe në çdo vendbanim ku ka humbje energjetike. EVN ka informuar se ka humbje të mëdha të energjisë elektrike pasi në disa fshtra dhe komuna ka vjedhje të energjisë elektrike dhe kyçje ilegale.

Ministri I ekonomisë Kreshnik Bekteshi tha për Televizionin Sitell se sistemi I vendosjes së hehsorëve të energjisë elektrike do të zbatohet në të gjitha komunat ku ka humbje të energjisë elektrike.

KRESHNIK BEKTESHI, MINISTËR I EKONOMISË

“Nga e hëna ekipet e EVN-së duhet të fillojnë punën pa probleme në Haraçinë për të marrë masat e duhura që rrjeti të funksionojë sipas të gjitha rregullave dhe të paguhet rryma. Nga e hëna do të vendosen të gjithë njehsorët e energjisë elektrike sipas planit të EVN-së dhe trupit koordinues në pajtim me banorët”.

Ministri deklaroi se mbetet shqetësues fakti se edhe përkundër krizës energjetike, Maqedonia e veriut ka humbje të mëdha të rrymës.

Advertisement

Ndërkaq, EVN ka sqaruar se rreth 5 % e energjisë elektrikë shfrytëzohet pa autorizim.

EVN

“Rreth 5% e energjisë elektrike shfrytëzohet pa autorizim, gjegjësisht vidhet. 5% janë rreth 300.000 MWh. Të gjitha humbjet e energjisë elektrike, humbjet teknike dhe komerciale, EVN-ja i gjen në treg të hapur me çmim tregu. Nëse e marrim si çmim tregu 300 euro për MWh harxhimet për vjedhjen e energjisë elektrike janë mbi 100 milion euro”.

Humbjet janë reduktuar në 50% që nga 2006 e këndej. Nga kompania praktikisht pranojnë se një pjesë e humbjeve nga vjedhja e rrymës kalkulohen në faturat e të gjithë qytetarëve të tjerë.

EVN

Advertisement

“Humbjet e papranuara nga vjedhjet e energjisë elektrike janë në llogari të EVN – Elektrodistribuim, kurse një pjesë e humbjeve kalkulohen në çmimin e energjisë elektrike sipas metodologjisë për llogaritjen e energjisë elektrike nga ana e Komisionit Rregullator të Energjetikës”.

EVN-ja ankohet se nuk mund të vendosë rregull në shfrytëzimin dhe pagesën e rrymës në disa rajone për shkak se nëpunësit e tyre përballen me sulme verbale dhe fizike, dëmtim të pajisjeve dhe alarmeve por edhe mbështetje jo të mjaftueshme nga policia për ndërhyrje të koordinuar. Debati mbi pagesën e faturave dhe vjedhjen e rrymës u aktualizua ditëve të fundit kur banorë të Haraçinës denoncuan mungesën disaditore të rrymës në të gjithë fshatin. Kompania tha se bëhet fjalë për defekt të shkaktuar nga ngarkesa e madhe e trafostacioneve. Banorët e cilësuan si gënjeshtër për të dhënë një pasqyrë jo të mirë për fshatin. /SHENJA/

Advertisement
Click to comment

You must be logged in to post a comment Login

Leave a Reply

Lajme nga vendi

Bojmacaliev: Qytetarët të paraqesin nëse kanë ndonjë kërcënim për prishjen e procesit zgjedhor

Published

on

Njësitë e Punëve të Brendshme të Negotinës dhe Kavadarit janë të gatshëm për zgjedhjet e tetë majit, ndërsa qytetarët nëse kanë ndonjë kërcënim për prishjen e procesit zgjedhor, të raportojnë të njëjtat, theksoi sot zëvendësministri plotësues i Punëve të Brendshme Mitko Bojmacaliev i cili së bashku me drejtorin e DSP-së, Sasho Tasevski ishin për vizitë pune në territorin e Sektorit të Punëve të Brendshme.

Nga ana e drejtuesve të këtyre njësive organizative, theksoi Bojmacaliev, është njoftuar për rezultatet e arritura në tre muajt e fundit të këtij viti, si dhe kanë vlerësuar gjendjen e favorshme të sigurisë.

Njëkohësisht, ai theksoi se janë të gatshëm për zgjedhjet presidenciale dhe parlamentare të vitit 2024, në drejtim të kryerjes profesionale të përgjegjësive të tyre.

“Më lejoni t’i përgëzoj kolegët nga SPB Veles për organizimin dhe koordinimin e shkëlqyer në lidhje me raundin e parë të zgjedhjeve presidenciale 2024 me bindjen se në raundin e dytë të zgjedhjeve presidenciale dhe parlamentare të cilat do të mbahen më 8 maj, të mërkurën, do të vazhdojnë me realizimin profesional të angazhimeve të punës së policisë për të garantuar një proces zgjedhor demokratik. Edhe një herë policia e Maqedonisë duhet të tregojë dhe të dëshmojë në veprim se është këtu që qytetarët ta shprehin votën e tyre lirshëm, pa presion dhe shantazh nga askush”, tha Bojmacaliev.

Continue Reading

Lajme nga vendi

KSHZ shkarkon anëtarët e vendvotimit 1112/1 në Likovë

Published

on

Shkarkohet këshilli i zgjedhor në vendvotimin 1112/1 në Komunën e Likovës, për shkak të parregullsive të paraqitur nga Kalicioni VLEN në rrethin e parë të zgjedhjeve presidenciale. Vendimi i këtillë i Komisioni Shtetëror të Zgjedhjeve u soll pas vendimit të Gjykatës Administrative për prishjen e votimit në këtë vendvotim në Likovë.

Pas këtij vendimi, anëtari i KSHZ-së, Abdush Demiri ka dërguar apel deri tek anëtarët e të gjithë këshillave vendorë që në zgjedhjet e 8 majit të jenë më të kujdesshëm.

“Të nderuar koleg, i nderuari opinion. Pas vendimit për të prishur rezultatin dhe pas vendimit për shkarkimin e këshillit vendor në vendvotimin 1112/1 në Komunën e Likovës, shfrytëzoj rastin që t’u drejtohem gjithë këshillave vendore si organe të rëndësishme për realizimin e procesit zgjedhor, që të jenë në nivel të detyrës të mundësojnë proces zgjedhor të qetë, fer dhe demokratik, për çdo shqetësim dhe parregullsi t’i notojnë dhe paraqesin në mënyrën e paraparë me ligjin për zgjedhje. Nga vendimi i sotëm për shkarkim sigurisht do të ketë iniciativë për ngritje të procedurës për përgjegjësi diciplinore dhe penale nga organet përkatëse për antarët e vendvotimit përkatës. Apeloj deri te të gjithë këshillat vendore që të mos lejojnë për asnjë çmim që dikush të ndikojë në punën tuaj, kryeni obligimin me përputhje me detyrimit e juaja sipas ligjit për zgjedhje”, deklaroi Demiri nga KSHZ.

Continue Reading

Lajme nga vendi

KSHZ: Në zgjedhjet e dyfishta – qytetarët mund të votojnë vetëm një herë!

Published

on

Në zgjedhjet e dyfishta të 8 Majit, qytetarët kanë të drejtë vetëm njëherë të paraqiten nëpër vendvotime. Bëhet fjalë për rregullin zgjedhor që do të vlejë të mërkurën e 8 majit, kur mbahet rrethi I dytë I zgjedhjeve presidenciale dhe zgjedhjet parlamentare.

KSHZ-ja miratoi udhëzuesin, ku qytetarët njoftohen se nëse vendosin të votojnë vetëm për një palë zgjedhje, më pas nuk mund të ndërrojnë mendje dhe sërish të kthehen për të votuar për zgjedhjet tjera.

Kryetari i KSHZ-së, Aleksandar Dashtevski, gjatë një interviste për MIA-n, theksoi se me rëndësi është që qytetarëve t`u sqarohet se kanë të drejtë për të votuar për dy llojet e zgjedhjeve ose vetëm për parlamentaret dhe presidencialet.

“Qytetari mund të vijë vetëm një herë dhe të votojë për dy zgjedhjet. Procedura është si vijon ; kur vjen jep letërnjoftimin, shkon në identifikimin biometrik, rrethohet në listë dhe i japin fletëvotime për të votuar” – tha Dashtevski.

Por, me rëndësi për qytetarët është se kur në vendvotime do të pyeten, të kenë përgjigje të saktë nëse do të votojnë vetëm për një palë zgjedhje apo në zgjedhjet e dyfishta. Kjo është e rëndësishme pasi për zgjedhjet presidenciale ekziston cenzusi prej 40%.

Advertisement

“Supozoj se më së shumti do të votohet për dy zgjedhjet, kurse mund të ndodh vetëm për zgjedhjet parlamentare, pasi dihet se jehona dhe interesi është më I amdh për parlamentaret” – tha Dashtevski.

Kreu I KSHZ-së ka theksuar se natën e 8 majit, rezultatet e zgjedhjeve mund të dihen deri në mesnatë, duke marrë parasysh ndryshimet që KSHZ-ja I ka bërë gjatë periudhës së kaluar, por edhe përvojës me zgjedhjet paraprake.

“Kemi ndërmarrë masa për këto zgjedhje që të përforcojnë harduerin që njëkohësisht të pranojë sa më shumë informacione, kemi trajnuar më shumë njerëz në terren. Kemi të trajnuar rreth 1.700 njerëz që të fusin të dhënat, për të gjithë, në bashkëpunim me Entin e Statistikës, kemi siguruar 1.700 laptopë. Gjithashtu që të përshpejtohet procesi zgjedhor nëpër vendvotime, në vend të 5 personave do të ketë 7, kurse gjatë numërimit do të jenë të gjithë të pranishëm” – deklaroi Dashtevski.

Zgjedhjet e 11-ta me rradhë parlamentare mbahen më 8 maj bashkë me rrethin e dytë të zgjedhjeve presideciale.

Në zgjedhjet parlamentare, qytetarët votojnë për përbërjen e re parlamentare. Në Kuvend zgjidhen 120 deputetë sipas modelit proporcional, ku territori i vendit është ndarë në 6 njësi zgjedhore të konstatuar me Kodin Zgjedhor dhe në çdo njësi zgjedhore zgjidhen nga 20 deputetë. /tvklan.mk/

Advertisement
Continue Reading

Më të lexuarat