Lajme nga vendi
Liga e parë: Shkupi – Shkëndija ndahen me barazim, Cake sërish shpëton ekipin nga disfata
Dy fitore të skuadrave vendase , tre barazime dhe një fitore e ekipit mysafirë me 19 gola të shënuar dhe 1 kartonë të kuq është epilogu i ndeshjeve të javës së pestë në Ligën e parë të futbollit vendor. Përkundë barazimit Shkëndija kryeson tabelën së bashku me Rabotniçkin me nga 11 pikë
Ndeshja e shumë pritur mes Shkupit dhe Shkëndijës që u zhvillua në Çair ku të pranishëm ishin mbi 3 mijë tifozë të denjësisht përkrahën ekipet e tyre përfundoi me barazim 1-1. Të parët në epërsi kaluan vendasit në minutat shtesë pjesës së parë e me autor Jumemi Kanda, ndësa tetovarët barazuan në minutën e 60-të me autor Klisman Cake . Marrë nëpërgjithësi epilogu I kësaj ndeshje është reale. Kët pas ndeshjes e ka pohuar edhe trajneri Jeton Beqiri
“ “Me paraqitjen që kishim, sigurisht se po! Nuk ishte paraqitja jonë më e mirë dhe është një fushë ku gjitha skuadrat me këtë mënyrë loje të Shkupit, që edhe një herë e komplimentoj, secila skuadër do ta ketë problem. Kur nuk bën paraqitjen maksimale dhe nuk humb, deri dikund mund të pranohet barazimi, pavarësisht se ambiciet tona janë që në gjitha ndeshjet të bëjmë maksimumin dhe të mundohemi ta fitojmë. Por ka edhe ndeshje ku nuk je në maksimumin e mundshëm, ndoshta edhe për shkak se një kohë të gjatë nuk kishim ekipin të kompletuar në stërvitje shkaku i disa dëmtimve dhe 5 tjerë që ishim me përfaqësuesen e Maqedonisë. Por këto nuk janë arsyetime për paraqitjen e sotme. Në përgjithësi nuk jam i kënaqur, por duhet të vazhdojmë të punojmë shumë, të qëndrojmë me këmbë në tokë dhe të mundohemi në ndeshjet e ardhshme të bëjmë paraqitje më pozitive.” deklaroi trajneri Jeton Beqiri
Në Manastir Pelisteri dhe Struga Trim Lum ndanë pikët duke luajtur me rezultatin 1-1. Po me barazim 1-1 ka përfunduar edhe ndeshja në Maxhari mes Gostivarit dhe Vardarit. AP Brera në Strumicë mundi Besën 3-2 ,Rabotniçki në mundi kundër Tikveshit 3-1. Fitoren e vetme në cilësinë e mysafirit e shënoi Sileksi në përballjen me Voska Sport në Ohri 3-0.
Liga e pare java e 5-të, rezultatet
Shkupi – Shkëndija 1-1
Gostivari – Vardari 1-1
Pelisteri – Struga Trim Lum 1-1
AP Brera – Besa Dobëerdoll 3-2
Voska Sport – Sileksi 0-3
Rabotniçki – Tikveshi 3-1
TABELA :
1.Shkëndija 11 pikë, 2.Rabotniçki 11, 3. Struga Trim Lum 10, 4.Sileksi 9, 5.Gostivatri 9, 6. AP Brera 6, 7.Shkupi 5, 8.Pelisteri 5, 9.Besa 4, 10. Tikveshi 4, 11.Voska sport 4, 12.Vardari 4 pikë
Në xhiron e 6-të më 22.shtator , me fillim në ora 15:00, takohen:
Besa 1976 – Pelisteri
Rabotniçki – AP Brera
Shkendija – Voska Sport
Sileksi – Gostivar
Struga Trim Lum – Shkupi
Tikveshi – Vardari
/ TV KOHA / Shaban Sinani
Lajme nga vendi
Vdes i moshuari në Maqedoninë e Veriut, një javë më parë ishte infektuar nga virusi i Nilit Perendimor
Një pensionist 78-vjeçar nga Obleshev e Kocanit, ka ndërruar jetë një javë pasi u shtrua në Klinikën për Sëmundje Infektive dhe Gjendje Febrile, pas infektimit nga virusi i Nilit Perëndimor. Ky është rasti i parë vdekjeprurës nga kjo sëmundje në vend, dhe i katërti i regjistruar.
Sipas informacionit nga Instituti për Shëndet Publik (ISHP), simptomat e para te pacienti filluan më 9 shtator, me humbje apetite, dobësi dhe temperaturë të ngritur deri në 39°C.
“Për shkak të shqetësimit, agresivitetit, afazisë dhe humbjes së vetëdijes, pacienti më 10 shtator u dërgua me urgjencë në spitalin e Shkupit, ku iu nënshtruan procedurave neurologjike. Për shkak të gjendjes së rëndë dhe diagnozës së encefalitit, ai u dërgua në Klinikën për Sëmundje Infektive dhe Gjendje Febrile në Shkup. U morën mostra për analiza mikrobiologjike. U konfirmua infektimi nga virusi i Nilit Perëndimor. Pavarësisht trajtimit, pacienti ndërron jetë më 16.09.2024”, njofton ISHP.
Rasti i parë i importuar u regjistrua në prill, ndërsa dy të tjerë në korrik dhe gusht të këtij viti.
Pacienti ishte një fermer, babai i dy fëmijëve, dhe nuk kishte udhëtuar jashtë vendit në periudhën e inkubacionit. Në rajonin e Koçanit është regjistruar pranimi i mushkonjave. Autoritetet shëndetësore kanë ndërmarrë masa për dezinfektimin e territorit.
ISHP thekson se sëmundjet e transmetuara nga vektorët po bëhen gjithnjë e më relevante, dhe ndryshimet klimatike ndikojnë në shpërndarjen dhe aktivitetin e tyre. Ka një rrezik të mesëm për popullatën, por mund të minimizohet duke ndjekur rekomandimet për parandalim.
Lajme nga vendi
Nesër mot me vranësira dhe reshje të shiut, temperaturat deri në 25 gradë
Nesër do të mbajë mot i ndryshueshëm me vranësira dhe me reshje të kohëpaskohshme të shiut, ndërsa në disa vende do të jenë më të rrëmbyeshme të përcjella me bubullima, kumton Drejtoria për Punë Hidrometeorologjike (DPHM).
Temperatura minimale do të sillet në interval prej tetë deri në 15 gradë Celsius, ndërsa ajo maksimale gjatë ditës do të arrijë prej 14 deri në 25 gradë Celsius.
Të shtunën në pjesët perëndimore do të ketë kushte për reshje të dobëta lokale të shiut. Në ditët në vijim do të mbajë mot me diell me vranësira të ulëta deri në mesatare. Temperatura ditore do të jetë në rritje graduale.
Lajme nga vendi
Spitali modular në Klinikën Infektive në Shkup do të përdoret ose nga Burgu i Idrizovës ose nga Ministria e Mbrojtjes
Ministri i Shëndetësisë Arben Taravari njofton se po shqyrtohet nëse spitali modular i vendosur në Klinikën Infektive në Shkup do të merret nga Ministria e Mbrojtjes apo do të transferohet në Burgun e Idrizovës.
Taravari tha se ka vendim të Qeverisë për marrjen e spitalit modular nga Ministria e Mbrojtjes, por se duhet ambulancë edhe në Burgun e Idrizovës.
“Sa i përket spitalit modular të Klinikës Infektive, tashmë ka një vendim të qeverisë me të cilin Ministria e Mbrojtjes duhet ta marrë atë spital. Ekziston një ide tjetër sepse në burgun e Idrizovës duhet spital. Tani jemi në dilemë nëse ai spital modular ta transferojmë atje për të shërbyer si ambulancë në Burgun e Idrizovës”, tha Taravari gjatë vizitës në Spitalin e Shtipit.
Për spitalin modular në Shtip, i cili funksionon që nga marsi i vitit 2021, Taravari tha se duhet menduar në mënyrë racionale se si të përdoret aty ku ka nevojë.
Ndryshe, gjatë pandemisë me vendim të Ministrisë së Shëndetësisë u ndërtuan spitale modulare në 16 qytete të vendit.
-
Lajme nga vendi2 years ago
Zyra e Avokatit të Popullit në Tetovë sot do të jetë e hapur
-
Lajme nga vendi2 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve