Lajme nga vendi
KSHZ-ja duhet t’i konfirmojë kandidaturat presidenciale
![](https://tetovaexpres.com/wp-content/uploads/2024/03/images-1.jpg)
Komisioni Shtetëror i Zgjedhjeve (KSHZ) pritet që sot të mbajë seancë ku duhet të kofirmojë kandidaturat e shtatë kandidatëve presidencial për zgjedhjet e 24 prillit. Kandidatura kanë paraqitur Stevo Pendarovski i mbështetur nga LSDM-ja dhe koalicioni, Gordana Siljanovska – Davkova e mbështetur nga VMRO-DMPNE-ja dhe koalicioni, Maksim Dimitrievski nga ZNAM, Biljana Vankovska e mbështetur nga E Majta, Bujar Osmani nga BDI, Stevço Jakimovski nga GROM dhe Arben Taravari i mbështetur nga koalicioni “VLEN”. Shortin për përcaktimin e listës së vetme të kandidatëve KSHZ-ja do ta mbajë më së voni me 28 mars.
KSHZ-ja pas pranimit të listave të kandidatëve, ka kontrolluar nëse ato janë konform me dispozitat e Kodit zgjedhor dhe kontrolloi nëse kandidatët për president i plotësojnë kushtet e parapara me Kushtetutë dhe nenin 7 paragrafi 2, 3 dhe 4 të Kodit zgjedhor, përmes kontrollimit të të dhënave në regjistrat përkatës të institucioneve kompetente. Institucionet që posedojnë të dhënat për plotësimin e kushteve janë detyruar t’i dorëzojnë të dhënat në formë elektronike komisionit brenda 24 orëve nga marrja e kërkesës pa asnjë kompensim.
Nëse KSHZ-ja konstaton se lista është dorëzuar në afatin e caktuar dhe është vendosur në përputhje me dispozitat e Kodit zgjedhor, listën e dorëzuar do ta konfirmojë me vendim menjëherë, më së voni në afat prej 24 orësh. Nëse konstatohet se në listë ka parregullsi të caktuara, KSHZ-ja do të ftojë përfaqësuesit e autorizuar të parashtruesit të listës për t’i hequr parregullsitë brenda 48 orëve nga marrja e njoftimit të komisionit për parregullsitë. Nëse parregullsitë ose lëshimet hiqen brenda afatit ligjor, lista e dorëzuar do të konfirmohet me vendim. Në rast të parregullsive nga neni 67 paragrafi (2) nga Kodi zgjedhor, parashtruesi listës mund të zëvendësojë kandidatin e propozuar që nuk i plotëson kushtet me një kandidat të ri brenda afatit kohor prej 48 orësh dhe është i detyruar që vetë të sigurojë të dhënat për plotësimin e kushteve të parapara në nenin 7, paragrafi (2), (3) dhe (4) nga Kodi zgjedhor.
Sipas librit të afateve për aktivitete zgjedhore nëse KSHZ-ja konstaton se lista nuk është dorëzuar në kohë, përkatësisht pas afatit të caktuar, listën e dorëzuar do ta refuzojë me vendim brenda 24 orëve.
Nëse KSHZ-ja konstaton se parregullsitë ose lëshimet, parashtruesi i listës nuk i ka hequr brenda 48 orëve, listën e dorëzuar do të refuzojë me vendim më së voni në afat prej 24 orëve, duke llogaritur skadimin e afatit për heqjen e parregullsive.
Parashtruesit e listave ose kandidaturave munden përmes përfaqësuesve të tyre të autorizuar të paraqesin kërkesë me shkrim për tërheqjen e listës ose kandidaturës brenda 48 orëve nga miratimi i vendimit për konfirmimin e listave përfundimtare në pajtim me nenin 67 paragrafi (5) të Kodit zgjedhor. Kur bëhet fjalë për tërheqjen e listës së kandidatëve lista mund të tërhiqet vetëm në tërësi.
![Избори 2020 гласање граѓани (1) На предвремените парламентарни избори денеска до 13 часот во Охрид на гласање излегле 28,27 отсто од лицата со право на глас.](https://mia.mk/articles/images/%D0%B4%D0%BE-13-%D1%87%D0%B0%D1%81%D0%BE%D1%82-%D0%BD%D0%B0-%D0%B8%D0%B7%D0%B1%D0%BE%D1%80%D0%B8%D1%82%D0%B5-%D0%B2%D0%BE-%D0%BE%D1%85%D1%80%D0%B8%D0%B4-%D0%B8%D0%B7%D0%BB%D0%B5%D0%B3%D0%BB%D0%B5-28-%D0%BE%D1%82%D1%81%D1%82%D0%BE,-%D0%B2%D0%BE-%D1%81%D1%82%D1%80%D1%83%D0%B3%D0%B0-17-%D0%BE%D1%82%D1%81%D1%82%D0%BE-/B3/large.webp?use_watermark=0)
Partive u mbeten edhe 14 ditë deri në fillimin e fushatës për zgjedhjet presidenciale, ndërsa në rrjedhë janë afatet për përgatitjen e listave për deputetë. Listat e kandidatëve për deputetë në Kuvend i dorëzohen KSHZ-së nga përfaqësuesit e autorizuar, më së voni deri në mesnatë të datës 2 prill.
Lajme nga vendi
Paraburgim për një 31 vjeçar nga Shkupi, dyshohet për tentim për përdhunim
![](https://tetovaexpres.com/wp-content/uploads/2024/09/paraburgim_Pritvor-780x470-1.jpg)
Prokuroria Themelore Publike (PTHP) Shkup ka lëshuar urdhër për zhvillimin e procedurës hetuese ndaj personit për të cilin ekziston dyshimi i bazuar se ka kryer vepër penale sulm seksual dhe dhunim nga neni 186 paragrafi 1 lidhur me nenin 19 (në tentativë ) të Kodit Penal.
“Më 5 shtator, 31-vjeçari ka sulmuar një grua në Kisella Vodë dhe në kundërshtim me vullnetin e saj të shprehur qartë, ka tentuar qëllimisht të kryejë akte seksuale ndaj saj. Viktima ka qenë duke ecur në drejtim të shtëpisë së saj dhe pasi ka kaluar në vendkalimin për këmbësorë në bulevardin “Boris Trajkovski” afër komunës Kisella Boda, i dyshuari e ka kapur me të dyja duart dhe ka tentuar ta tërheqë zvarrë në një rrugë anësore. Ai e shtyu dhe tentoi ta sulmonte seksualisht. Gruaja vazhdonte të bërtiste, të kërkonte ndihmë dhe përpiqej të çlirohej, ndërsa kur njerëzit filluan të mblidheshin, i dyshuari e la të ikte pa e arritur qëllimin e tij”, thuhet në njoftimin e lëshuar nga PTHP-ja.
Prokurori publik kompetent i ka dorëzuar gjyqtarit të procedurës paraprake propozim për caktimin e masës së paraburgimit për të dyshuarin, me të cilin ka deklaruar se ekziston rreziku që ai të ikë, të pengojë procedurën penale ose të përfundojë tentativën e veprës penale. Gjykata themelore penale e Shkupit e ka pranuar propozimin dhe të dyshuarit i është shqiptuar masa e paraburgimit në kohëzgjatje prej 30 ditësh.
Lajme nga vendi
Durmishi: Ministria e Ekonomisë dhe Punës ndan mjete financiare për realizimin e programit (projektit) për mbrojtjen e konsumatorëve
![](https://tetovaexpres.com/wp-content/uploads/2024/09/thumbnail.jpg)
Ministria e Ekonomisë dhe Punës, në përputhje me përkushtimin e saj për mbrojtjen e të drejtave të konsumatorëve, shpalli sot thirrje publike për ndarjen e mjeteve financiare për realizimin e programeve dhe projekteve nga shoqatat e konsumatorëve në kuadër të Programit për mbrojtjen e konsumatorëve për vitin 2024. Mjetet financiare nga ky Program janë të dedikuara për realizimin e programeve dhe projekteve nga shoqatat e konsumatorëve. Përmes kësaj mbështetjeje financiare, Ministria e Ekonomisë dhe Punës ndan mjete financiare për realizimin e programit (projektit) për mbrojtjen e konsumatorëve në vlerë prej 300.000,00 denarë deri në 500.000,00 denarë në përputhje me propozim programet (projektet) e dorëzuara për mbrojtjen e konsumatorëve deri në shterimin e mjeteve financiare të parashikuara për këtë thirrje, të organizatave joqeveritare për mbrojtjen e konsumatorëve për sigurimin e informacioneve dhe ndihmës për konsumatorët.Kjo iniciativë është pjesë e përpjekjeve tona të vazhdueshme për të përmirësuar cilësinë e jetës së të gjithë qytetarëve dhe për të forcuar mbrojtjen dhe të drejtat e tyre.Inkurajojmë të gjitha shoqatat e konsumatorëve që të shfrytëzojnë këtë mundësi dhe të aplikojnë për mbështetje financiare që do t’u mundësojë atyre të realizojnë projekte të rëndësishme për të mirën e konsumatorëve. Kjo thirrje është dëshmi e përkushtimit tonë për transparencë, drejtësi dhe gjithëpërfshirje në krijimin e politikave që përmirësojnë kushtet e jetesës së të gjithë qytetarëve.Më shumë informacione për kushtet e aplikimit, shumën e mjeteve financiare dhe afatin për dorëzimin e kërkesave mund të gjeni në ueb-faqen tonë www.economy.gov.mk.Sektori i Koordinimit të aktiviteteve të ministrit
Ju bëjmë thirrje të kontribuoni bashkërisht në forcimin e të drejtave të konsumatorëve në vendin tonë. Afati përfundimtar për dorëzimin e aplikimeve është jo më vonë se ora 16:00 më 20.09. të vitit 2024.Tv Koha
Lajme nga vendi
Gjendet një trup i pajetë brenda një hoteli në Tetovë
![](https://tetovaexpres.com/wp-content/uploads/2024/09/policia-mk-stop-780x439-1.webp)
Me datë 05.09.2024 në ora 11:40, në SPB Tetovë nga Emergjenc Mjekësore e Tetovës kanë raportuar se në një hotel në Tetovë ndodhet një person i vdekur, i cili nga mjeku i Mjekësisë Emergjente ka konstatuar vdekjen pa shenja dhune.
“Është konstatuar se bëhet fjalë për P.J.R (68) nga Britania e Madhe. Prokurori publik dhe zyrtarët policorë nga SPB- Tetovë kanë kryer këqyrje në vendin e ngjarjes dhe me urdhër të Prokurorisë Publike, trupi i pajetë i të ndjerit është dorëzuar për obduksion”, thuhet në kumtesën e SPB Tetovë.
-
Lajme nga vendi2 years ago
Zyra e Avokatit të Popullit në Tetovë sot do të jetë e hapur
-
Lajme nga vendi2 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve