Lajme nga vendi

Nëpër barnatore nuk ka antibiotikë, mjekët: Kjo është e papranueshme

Published

12 months ago

May 30, 2023

Më shumë se dy muaj, disa nga antibiotikët që përdoren më së shumti në trajtimin e fëmijëve nuk janë në dispozicion nëpër farmacitë. Përveç antibiotikëve, mungojnë edhe barnat e tjera, por edhe terapia me ampula, shprehet mjeku amë nga Struga, Axher Halied.

“Kur e dini se keni armik për të cilin duhet të përdorni antibiotik, keni infeksion bakterial, në atë rast duhet të përdorim antibiotik me spektrin më të ngushtë. Por, të mos kesh “Ospen” është diçka e papranueshme. Duhet të japim antibiotik me spektër të gjerë, antibiotik që funksionon në spektër të gjerë të baktereve, sepse nëse jepni antibiotik me spektër të ngushtë, është politikë shumë e keqe”, deklaroi Gorica Popova– mikrobiologe.

Mjekët pediatër thonë se muajt e fundit mezi funksionojnë. Ata detyrohen të kërkojnë zëvendësim për barnat që nuk janë në dispozicion, por kjo nuk është zgjidhje afatgjatë.

“Japim antibiotikë të tjerë të ndryshëm, disa zëvendësues, spërkatës me inhalim”, tha Tatjana Jacovska- pediatre.

Jaqovska thotë se mungesa e antibiotikëve është në nivel global.

“Në botë ka mungesë të antibiotikëve, sidomos të këtyre shurupeve, nuk ka substancë aktive. E ndjejmë problemin edhe ne këtu, nuk është vetëm për Maqedoninë, është substancë aktive e cila pas Covid-it po zhduket në të gjithë botën, do të shohim se çfarë do të ndodhë në të ardhmen”, theksoi Tatjana Jaqovska- mjeke pediatre.

Farmacitë nuk kanë shurup Ospen 750, 1000 dhe 1500 mg dhe Amoksiklav 625 mg. /Alsat.mk Gazetar: Miki TRrajkovski

Lajme nga vendi

Valon Asanin e dënon edhe fshati i tij. Pëson debakël në Poroj

Published

11 hours ago

May 9, 2024

TetovaExpres

Për të dytën herë Valon Asani kandidat për deputet nga radhët e BDI ka humbur bindshëm nga koalicioni VLEN në vendlindjen e tij në fshatin Poroj.

Fitorja e VLENIT në Porojin legjendar ka qenë e thellë edhe atë 980 vota për VLEN dhe 616 për Frontin Europian.

Lajme nga vendi

Shehu: Anëtarë të Komisioneve Zgjedhore, shkelin Kodin Zgjedhor

Published

1 day ago

May 8, 2024

TetovaExpres

Konferencë e jashtëzakonshme e KSHZ-së. Nënkryetarja e këtij institucioni, Ditmire Shehu deklaroi se disa anëtarë të Komisioneve Zgjedhore nuk iu përmbahen rregullave të parapara me ligj, duke shkel kështu Kodin Zgjedhor.

“Disa anëtarë të Këshillave zgjedhor nuk iu përmbahen udhëzimit për votim për zgjedhjet presidenciale dhe parlamentare të ditës së sotme, apo 8 majit. Të nderuar anëtarë të Këshillave Zgjedhorë, ju lutemi që tu përmbaheni në përpikshmëri detyrave dhe obligimeve që dalin nga Kodi Zgjedhor dhe nga aktet nënligjore të KSHZ-së…Votuesi mund të paraqitet në vendvotim vetëm njëherë për të ushtruar të drejtën e tij të votës.

Në disa komuna kishim, shkelje, kemi dërguar vërejtje tek të njëjtat dhe shpresojmë se i njëjti gabim nuk do të përsëritet. Ka disa komuna ku është regjistruar shkelja e Kodit Zgjedhor”, tha Shehu.

Lajme nga vendi

Avokati i Popullit ka pranuar 30 telefonata për shkelje të së drejtës së votës

Published

1 day ago

May 8, 2024

TetovaExpres

Zyra e Avokatit të Popullit njoftoi se kanë pranuar 30 telefonata dhe një person i ka kontaktuar personalisht. Shumica e ankesave janë për atë pse u pyetën nëse dëshironin të votonin për zgjedhjet presidenciale apo parlamentare.
Disa persona thirrën dhe u ankuan nga shtëpitë e të moshuarve se nuk mund të ushtrojnë të drejtën e tyre për të votuar. Ankesa ka edhe nga punonjës të sektorit privat të cilët nuk janë liruar sot nga detyra.

Avokati i Popullit njoftoi se nga ora 07:00 deri në 19:00 qytetarët do të mund të paraqesin çdo shkelje të së drejtës së votës në linjën telefonike falas 0800-543-21 ose personalisht në zyrat në Shkup, Strumicë, Kërçovë, Tetovë. Manastir, Shtip dhe në Kumanovë.