Lajme nga bota
Aksident i tmerrshëm në Sllovaki: Një autobus përplaset me një kamion, dyshohet se ka të vdekur
![](https://tetovaexpres.com/wp-content/uploads/2023/05/Untitled-6.jpg)
Nga përplasja e një autobusi me një kamion në autostradën në Sllovaki, ka edhe të lënduar, ndërsa dyshohet se mund të ketë viktima.
Aksidenti i trafikut ka ndodhur mëngjesin e sotëm në afërsi të qytetit të Kutës në drejtim të Republikës Çeke.
Në aksident kanë marrë pjesë një kamion dhe një autobus me targa të Hungarisë, shkruan Cas.ck.
Ekipet e emergjencës janë në terren dhe tre helikopterë janë dërguar.
Policia tha se janë lënduar gjithsej 37 persona. Sipas portalit Nova Chas, një person ka mbetur i vrarë.
Trafiku po devijohet përgjatë rrugëve përreth.А1он
Lajme nga bota
Izraeli u thotë palestinezëve të mos kthehen në veri të Gazës
![](https://tetovaexpres.com/wp-content/uploads/2024/04/Gaza_16_1-780x470-1.jpg)
Ushtria izraelite ka paralajmëruar palestinezët që të mos kthehen në veri të Gazës, pasi dëshmitarët dhe zyrtarët shëndetësorë thanë se ushtarët izraelitë hapën zjarr dhe vranë pesë persona, në mesin e tyre edhe banorë të zhvendosur të cilët po tentonin të ktheheshin në shtëpitë e tyre.
Qindra mijëra palestinezë u larguan nga veriu i enklavës pasi forcat izraelite nisën ofensivën e tyre, pak kohë pasi Hamasi – grupi palestinez i shpallur organizatë terroriste nga Shtetet e Bashkuara dhe Bashkimi Evropian – sulmoi jugun e Izraelit më 7 tetor.
Gjatë luftimeve, pjesë të mëdha të veriut janë shkatërruar, përfshirë shumicën e Qytetit të Gazës. Pas muajsh kufizime të vendosura nga Izraeli për hyrjen e ndihmës në veri, afër 300.000 persona që gjenden ende në atë zonë, sipas Kombeve të Bashkuara, janë buzë urisë.
Megjithatë, shumë palestinezë duan që të kthehen në veri, përderisa për muaj të tëra ata janë strehuar në kampe me tenda, në shkolla të shndërruara në strehimore apo në shtëpitë e të afërmve të tyre në jug të Rripit të Gazës. Disa të tjerë janë në Rafah – qytetin më jugor të Gazës – përderisa Izraeli ka deklaruar se ka në plan që ta sulmojë këtë vendbanim me qëllim që të shkatërrojë Hamasin.
Në orët e vona të së hënës, ministri i Mbrojtjes, Yoav Gallant, u takua me zyrtarët kryesorë që po punojnë në përgatitjet për pushtimin në Rafah, tha zyra e tij. Komuniteti ndërkombëtar, përfshirë SHBA-në, ka kundërshtuar ofensivën e planifikuar, duke thënë se do të rrezikonte 1.4 milion palestinezët që vlerësohet se janë strehuar në Rafah.
Zyra e Gallantit tha se në takim është diskutuar edhe për planet për evakuimin e civilëve dhe zgjerimin e dërgesave ushqimore dhe pajisjeve mjekësore në Gazë.
Izraeli, që ka reduktuar numrin e ushtarëve në mbarë Gazën, vazhdimisht ka kundërshtuar thirrjet që të lejojë palestinezët të kthehen në veri të territorit, duke argumentuar se luftëtarët e Hamasit po vazhdojnë të operojnë në atë zonë.
Zëdhënësi i ushtrisë izraelite, Avichay Adraee, shkroi në X, që më herët njihej si Twitter, se palestinezët duhet të qëndrojnë në jug të Gazës, pasi tha se veriu “është zonë luftuese e rrezikshme”.
Si pasojë e luftës Izrael-Hamas, në Gazë janë vrarë afër 34.000 persona dhe janë plagosur më shumë se 76.000 të tjerë, sipas shifrave të prezantuara nga Ministria e Shëndetësisë në këtë enklavë. Izraeli ka thënë se ka vrarë më shumë se 12.000 luftëtarë të Hamasit gjatë luftimeve, por nuk ka paraqitur prova për të mbështetur këtë pretendim. Ndërkaq, në sulmin e 7 tetorit, Hamasi vrau 1.200 persona në Izrael dhe rrëmbeu afër 250 të tjerë.
Lajme nga bota
VIDEO/ Dronët iranianë kalojnë mbi Irak, Jordania paralajmëron se do të qëllojë çdo mjet që shkel hapësirën ajrore
![](https://tetovaexpres.com/wp-content/uploads/2024/04/Screenshot-2024-04-13-at-3.37.41-PM-640x400-1.jpg)
Dronët iranianë që janë nisur nga Irani janë duke kaluar në këto momente mbi hapësirën ajrore të Irakut.
Jordania nga ana tjetër ka lajmëruar se do të qëllojë çdo dron që shkel hapësirën e saj ajrore.
Israeli Army confirms Iran launched dozens of suicide drones (at least 50) ~one hour ago.
Visual confirmation Shahed-136 kamikaze drones are curently flying over Iraq. pic.twitter.com/XTQznbmTJQ— Qalaat Al Mudiq (@QalaatAlMudiq) April 13, 2024
Lajme nga bota
Burimet amerikane: Irani sulm masiv mbi objektivat ushtarake dhe qeveritare izraelit
![](https://tetovaexpres.com/wp-content/uploads/2024/04/Harta-e-izraelit.jpg)
Një sulm masiv me rreth 100 dronë dhe më pas dhjetëra raketa nga Irani janë lëshuar drejt territori të Izraelit, duke shënjestruar objektivat ushtarake dhe qeveritare.
Ky është skenari i orëve të ardhshme që sipas burimeve amerikane e pret vendin hebre hija e një kërcënimi iranian.
Presidenti Biden iu drejtua me thirrje Iranit: “Mos e bëni: Shtetet e Bashkuara janë të përkushtuara për mbrojtjen e Izraelit dhe Irani nuk do të ketë sukses”.
“Ne jemi gati për këtë sulm nga Irani, Izraeli është i fortë”, ka deklaroi pak minuta më parë kryeministri izraelit Netanyahu.
-
Lajme nga vendi2 years ago
Zyra e Avokatit të Popullit në Tetovë sot do të jetë e hapur
-
Lajme nga vendi2 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi1 year ago
Kovaçevski paralajmëroi drejtor të ri të Drejtorisë për Zbatimin e Sanksioneve