Lajme nga vendi
Qent endacak vërshojnë rrugët e Tetovës | VIDEO

Rrugët e qytetit të Tetovës vlojnë nga qent endacak. Edhe pse kjo dukuri nuk është e re në rrugët e Tetovës, megjithatë ditëve të fundit janë shtuar shqetësimet e banorëve për tufa të mëdha të qenve. Komuna e Tetovës edhe pse vitin e kaluar kishte lidhur kontratë për trajtimin e qenve endacak me shoqatën Amos, megjithatë një hap i tillë nuk dha efekte te mëdha.
Nga komuna e Tetovës për Televizionin KOHA njoftuan se kontrata me këtë shoqatë ka përfunduar dhe tash nuk ka se kush të trajtojhë qent endacak, kurse në anën tjetër qytetarët janë të tmerruar nga prezenca e madhe e qenve në rrugët e Tetovës.Kryetari i këshillit të komunës së Tetovës Besar Durmishi është shprehur se ka patur të interesuar që me këtë problem të merret një shoqatë nga jashtë vendit por edhe ajo është tërhequr.Nuk ka asnjë informacion se deri ku është procedura për ndërtimin e strehimores në komunën e Vrapçishtit.
“Kemi patur marrëveshje me një shoqatë dhe u përfundua ajo marrëveshje. Ka dhëne efekte por jo edhe të kënaqëshme, kemi pasur disa efekte të mira por jo edhe komplet procesi i zgjidhjes së problemit me qent endacak.Vazhdon të jetë një problem që tangon vite me rradhë qytetin e Tetovës dhe jo vetëm.Kemi biseduar me institucionet që janë në nivel qendror dhe do të ndërmarrim hapa edhe pse kishim të interesuar një shoqatë nga vendet e huaja por ajo është tërhequr pa dhënë sqarim.Do të vazhdojmë të komunikojmë me institucionet që janë në nivel qendror dhe do të sjellim konkluzat”, deklaroi për Televizionin KOHA kryetari i këshillit të komunës së Tetovës Besar Durmishi.
Veterineri Rami Selmani thotë se në Tetovë tash për tash qentë janë një rrezik potencial, pasi që të njëjtët nuk janë të vaksinuar edhe trajtuar.Sipas tij, ata janë agresivë edhe rrezik, ndërsa mënyra më e mirë është që të njëjtët të trajtohen 12 muaj, duke u kastruar vaksinuar edhe vendosjen e çipëve.
“Nëse nuk merren masa pa ndërprerë edhe të ketë një buxhet të arsyeshëm për këtë punë , përndryshe do të ketë shumë kafshime ë Tetovë pasi që edhe qëndrojnë në tufë edhe kjo bën një rrezik të madh për qytetarët. Të paktën duhet vaksinohen , pra me vaksinë kundër tërbimit, të streliziohen , kastrohen edhe e përsëris përsëri duhet të lëshohen në të njëjtin vend “, tha për Televizionin KOHA Rami Selmani, veteriner.
Komuna e Tetovës ka paguar shoqatën Amos Pet me 300 euro për një qen që zënë në Tetovë, ndërsa në kontratë kanë që të zihen 82 qen. Por edhe përkundër kësaj në Tetovë numri i qenve nuk është ulur. Pas përfundimit të kontratës me shoqatën Amos, tashmë ka mbetur vetëm komisioni komunal tek i cili denoncohen rastet e kafshimit të qytetarëve nga qent endacak, ndërsa për trajtim të tyre në teren nuk ka askush të angazhuar, Nga ana tjetër, nga policia njoftojnë se gjatë 24 orëve të fundit janë regjistruar dy raste të kafshimit nga qent endacak në rajonin e Pollogut. Njëri ka ndodhur në Tetovë, kur një 42 vjeçare ka denoncuar se në Tetovë djali i saj i mitur është kafshuar nga një qen endacak. Rasti tjetër ka ndodhur në Gostivar, kur një 27 vjeçar në një rrugë të këtij qyteti është kafshuar nga qeni endacak. /Televizionin KOHA/
Lajme nga vendi
Shkon në 60 numri i viktimave nga tragjedia në Koçan, vdiq menaxheri i diskotekës

Shkon në 60 numri i viktimave nga zjarri në diskotekën “Puls” në Koçan. Ka ndërruar jetë Aleksandar Karadakovski, i cili ishte menaxher i kompanisë “MMM Cafe DOOEL” vetëm në letër, por realisht punonte si kamerier në diskotekën “Puls”.
Karadakovski vdiq në Lituani teksa po trajtohej dhe është viktima e 60-të e tragjedisë që goditi Maqedoninë./TV21
Lajme nga vendi
Kosova mori pjesë në Kongresin e UEFA-s në Beograd me simbolet shtetërore

Federata e Futbollit të Kosovës ishte pjesë e Kongresit të 49-të të UEFA-s, mbajtur në Beograd, ku delegacioni ynë, i kryesuar nga presidenti Agim Ademi dhe u.d. sekretari i përgjithshëm, Markus Weidner, përfaqësoi Kosovën me dinjitet dhe në përputhje të plotë me statusin tonë si anëtare e barabartë në UEFA dhe FIFA.
Në këtë ngjarje të rëndësishme të futbollit evropian, ashtu si çdo federatë tjetër anëtare, Kosova u prezantua me simbolet e saj shtetërore, teksa konfirmoi edhe një herë përkushtimin e saj për zhvillimin e futbollit dhe forcimin e bashkëpunimit me institucionet ndërkombëtare.
Deklaratat e pabaza të Federatës së Futbollit të Serbisë, që synuan ta paraqesin pjesëmarrjen tonë si diçka jashtë interesit të futbollit, nuk kanë asnjë bazë dhe vetëm sa dëshmojnë tendencën e vazhdueshme të përzierjes së politikës në sport nga ana e Serbisë.
FFK-ja gjithmonë ka përfaqësuar interesat e futbollit të Kosovës dhe do të vazhdojë të punojë për zhvillimin dhe avancimin e lojës së futbollit, duke mbajtur marrëdhënie të shkëlqyera me institucionet ndërkombëtare.
E kuptojmë se prania e delegacionit të Kosovës në kryeqytetin serb, si dhe fakti që flamuri i shtetit tonë valëviti përkrah atyre të shteteve të tjera, vazhdon të jetë i papranueshëm për politikën dhe një pjesë të opinionit në Serbi. Megjithatë, shteti i Kosovës është një realitet i pakthyeshëm dhe sa më shpejt që ta pranojnë këtë, aq më shpejt do të kontribuojnë në normalizimin e marrëdhënieve sportive dhe shtetërore.
Sa i përket pretendimeve për largimin e flamurit shtetëror të Kosovës gjatë punimeve të Kongresit, theksojmë se Kosova ishte e përfaqësuar zyrtarisht me simbolet e saj shtetërore, njësoj si çdo anëtare tjetër e UEFA-s. Çdo veprim i mundshëm në përfundim të mbledhjes, kur presidenti i FFK-së nuk ishte më në sallë, nuk e ndryshon faktin se Kosova ishte dhe mbetet pjesë e barabartë e këtij organizimi, ashtu siç është në familjen e futbollit evropian dhe botëror.
Sigurisht, si gjithmonë, persona të caktuar ndjekin agjenda kundër Kosovës dhe largojnë nga tavolina, madje edhe djegin flamurin e shtetit tonë (siç ndodhi mbrëmë në Beograd nga tifozë të klubeve serbe), por Kosova si shtet është dhe mbetet një realitet i pakthyeshëm. FFK-ja menjëherë do të paraqesë notë proteste në UEFA dhe institucionet tjera ndërkombëtare lidhur me këto veprime, që janë kundër vlerave që promovon UEFA.
Gjithsesi, edhe një herë ritheksojmë se Kosova u prezantua si e barabartë me të gjitha simbolet e saj dhe gjithçka ka shkuar sipas protokollit të UEFA-s deri në pjesën përfundimtare të punimeve.
FFK-ja falënderon UEFA-n për trajtimin e mirë dhe mbështetjen e vazhdueshme për zhvillimin e futbollit në Kosovë. Si gjithmonë, ne do të vazhdojmë të punojmë për ta forcuar futbollin tonë dhe për ta përfaqësuar Kosovën me dinjitet në arenën ndërkombëtare.
Lajme nga vendi
Thirrja për vullnetarë për Festivalin Olimpik Evropian për të Rinj, i cili këtë verë do të mbahet në Shkup dhe Kumanovë

Këtë verë në Shkup dhe Kumanovë do të mbahet Festivali Olimpik Rinor Evropian – FORE Shkup 2025, i cili do të përfaqësojë ngjarjen më të madhe multisportive të mbajtur ndonjëherë në Maqedoni.
Festivali do të bashkojë mbi 2500 sportistë të rinj nga kontinenti evropian dhe do të mbahet nga 20 deri më 26 korrik në Shkup, Kumanovë dhe Osijek të Kroacisë.
Më shumë se 900 vullnetarë do të angazhohen në fusha të ndryshme dhe do të kenë mundësinë të jenë pjesë e FORE nga afër, duke fituar kështu përvoja, aftësi dhe miqësi të reja.
“Roli i vullnetarëve përfshin çdo gjë – nga organizimi i garave sportive, mirëpritja dhe udhëheqja e delegacioneve, mbështetja e aktiviteteve mediatike, deri te krijimi i një atmosfere të këndshme dhe frymëzuese për të gjithë vizitorët. Ata do të jenë fytyra e parë e Shkupit me të cilën do të takohen sportistët e rinj nga e gjithë Evropa”, thonë organizatorët e Festivalit Olimpik për të Rinj Evropian.
Komiteti Organizativ i FORE Shkup 2025 tashmë ka shpallur thirrjen për vullnetarë, duke u ofruar mundësinë të gjithë të interesuarve të bëhen pjesë e këtij evenimenti historik. Regjistrimi bëhet në këtë link.
“Kushdo që dëshiron të jetë pjesë e këtij evenimenti mund të aplikojë dhe të bëhet pjesë kyçe e ekipit që do ta kthejë festivalin në një përvojë të paharrueshme për të gjithë pjesëmarrësit. Vullnetarizmi është një mundësi e madhe për të rinjtë, studentët, sportdashësit dhe këdo që dëshiron të kontribuojë në një projekt të madh ndërkombëtar dhe të prezantojë Maqedoninë si një mikpritëse e shkëlqyer”, thonë nga komiteti organizativ i FORE Shkup 2025.
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve