Lajme nga vendi
Zeqiri nuk ndjehet fajtor për dëmtimin e buxhetit, prokurorja zotohet se do të dëshmoj të kundërtën
Nuk ndjehem fajtor, tha në fillimin e seancës gjyqësore ish sekretari i përgjithshëm i Qeverisë, Muhamed Zeqiri pasi prokurorja Katerina Kolareviq lexoi aktakuzën, përkatësisht u shpreh e bindur se do të dëshmojë që Zeqiri kishte lidhur dy kontrata sy më sy, duke e dëmtuar buxhetin e shtetit për 1 milion e 450 mijë euro. Kolareviq tha se Zeqiri në fakt duhej të ishte simbol i kryerjes së detyrës me integritet.
“Prokuroria do të vërtetojë se edhe pse i akuzuari si sekretar i përgjithshëm i Qeverisë ka qenë i ngarkuar për zhvillimin e një procedure në kuadër të së cilës do të angazhohet një firmë, një shtëpi konsulente, e cila do të ofrojë propozim-modelin për ristrukturimi i SHA “Posta”, kjo nuk do te thotë që qeveria e liroi atë nga përgjegjësia për të respektuar ligjet, d.m.th. me këtë konkluzion qeveria nuk i dha dore te lire te lidhe kontrata sy në sy me persona juridike qe ai mendonte se ishin kompetentë”, tha Katerina Kolareviq, prokurore.
Kolareviq shtoi se gjithashtu do të vërtetojë se kompania Inter-Holding, ishte themeluar pak kohë para se Zeqiri të lidhte kontratë me atë dhe se nuk kishte kryer asnjë aktivitet tjetër. Ajo tha se Zeqiri nuk kishte respektuar parimet bazë të Ligjit për Prokurime Publike, që mes tjerash është edhe ekzistimi i konkurrencës, transparencës dhe mosdiskriminimi.
Nga ana tjetër Zeqiri në seancë erdhi me 3 avokatë, ata u shprehën të bindur se do të vërtetojnë që ky i fundit nuk ka kryer veprën për të cilën akuzohet dhe se kundërshtojnë çdo gjë që shkruhet në aktakuzë.
“Kundërshtojmë gjithçka, kjo është e thjeshtë, patët rasti vetë ta dëgjoni tani, e kundërshtojmë procedurën, mundësitë ligjore për shërbime konsulentë gjithashtu i kundërshtojmë, e patë edhe sot çfarë ndodhi. Ne jemi të bindur se në rastin konkret nuk ka asnjë element të veprës penale. Aspak kontrata nuk është lidhur në katër sy, dëgjuat sot se ka pasur rekomandime edhe nga Qeveria de detyrime për Zeqirin, gjithçka transparente, këtu është probleme në qoftë se nevojitej të ketë tender apo jo”, u shpreh Miroslav Vujiq, avokat.
Vujiq shtoi se Zeqiri ka qenë i angazhuar nga ana e Qeverisë që të zhvillojë këtë procedurë dhe se qëllimi i vetëm i tij, ka qenë të ndalojë dëmtimin e buxhetit të shtetit nga ana Postës së Maqedonisë dhe Hekurudhave, pasi këta të fundit vazhdimisht punonin në humbje. Mbrojtja kërkoi që në një prej seancave të ardhshme të dëshmojnë Fatmir Bytyqi, Bllagoj Bocvarski dhe Jani Makraduli. Procesin e udhëheq gjykatësja Franka Jançuleva Mihailovska ndërsa seanca e radhës u caktua për më 30 janar. /Alsat.mk Gazetar: Ardit Ramadani
Lajme nga vendi
Motiçikleta del nga rruga në mes fshatrave Kopanica dhe Bojanë, shoferi vdes në vend, pasagjeri lëndohet rëndë

Më 16.04.2025, rreth orës 18:25, në SPB Shkup është raportuar se në rrugën lokale fshat Kopanica – fshat Bojanë, Shkup, një motoçikletë “Suzuki” me targa të Shkupit, e drejtuar nga S.S. (38) nga fshati Bukoviq, Shkup, ka dalë nga rruga.
Për shkak të lëndimeve të marra, drejtuesi i motoçikletës ka ndërruar jetë në vendngjarje. Një mjek i Shërbimit të Ndihmës Urgjente ka konstatuar vdekjen, ndërsa me urdhër të prokurorit publik, trupi i pajetë është dërguar për obduksion.
Pasagjeri S.J. (41) nga fshati Kopanica, Shkup, ka pësuar lëndime të rënda, të cilat janë konstatuar në Kompleksin e Klinikave “Nëna Tereza”.
Një hetim ka pasuar nga prokurori publik dhe ekipi i hetuesve të SPB Shkup.
Lajme nga vendi
LSDM akuzon VMRO-DPMNE-në dhe ministrin e Punëve të Brendshme, Pançe Toshkovski se po kryen terror politik

LSDM akuzon VMRO-DPMNE-në dhe ministrin e Punëve të Brendshme, Pançe Toshkovski se po kryen terror politik me qëllim që të mbrohen zyrtarët e pushtetit nga përgjegjësia për tragjedinë e Koçanit, në të cilën humbën jetën 61 persona. Opozita, thekson se zyrtarët policorë nga Koçani e Shtipit të cilët janë përfshirë në hetimin e Prokurorisë janë të periudhës së kaluar, ndërsa ata që kanë qenë në detyrë natën e kobshme, sipas tyre as nuk përmenden.“Si nuk u gjend asnjë i dyshuar nga kryeshefët aktual dhe zyrtarët aktual të MPB-së në Koçan dhe Shtip të cilët kanë qenë përgjegjës të drejtpërdrejtë për sigurinë natën e kobshme. Pse për shembull kryeshefja e Sektorit për Punë të Brendshme në Koçan Marija Cvetkovska Manevska nuk është në mesin e të përfshirëve me hetimin? Pse kryeshefi i Krim Policisë në Koçan Tomo Donev, nuk është në mesin e të arrestuarve? Si është e mundshme as kryeshefi i SPB Shtip e as kryeshefi i Krim Policisë në Shtip, gjithashtu të mos jenë të përfshirë në hetim. Ministër Toshkovski, a keni pak ndërgjegje? Ju po kryeni terror dhe ndjekje politike vetëm për t’i mbrojtur ata që ju i keni emëruar dhe vendosur”, deklaroi Bogdanka Kuzeska, zëdhënëse e LSDM-së.Për drejtësi selektive akuzon edhe BDI-ja opozitare, e cila thekson se hetimi është hakmarrje politike, por që kamuflohet si drejtësi. Sipas integristëve, përgjegjësia po kërkohet në mënyrë selektive dhe ka për qëllim eliminimin politik.“U mor një vendim që pothuajse të gjithë të ndaluarit të lirohen nga paraburgimi aktiv, përveç Kreshnik Bekteshit, i cili vazhdon të mbahet në paraburgim – një person që prej kohësh është në shënjestër të hakmarrjes politike…Kjo tashmë nuk është çështje individuale – por një model i rrezikshëm i drejtësisë selektive, që po shndërrohet në instrument për presion dhe eliminim politik…Kjo nuk është drejtësi – kjo është politikë e kamufluar si gjyqësor…BDI nuk mbron individë – por mbron drejtësinë si parim – të barabartë për të gjithë”, thonë nga BDI.Ndryshe, ka shkuar në 62 numri i viktimave nga tragjedia në Koçan. Një pacient që po trajtohej në Beograd ka ndërruar jetë gjatë ditës së sotme. Informacionin e kanë kon!rmuar edhe nga Ministria e Shëndetësisë. Kujtojmë se disa të lënduar nga zjarri që shpërtheu në diskotekën “Puls” më 16 mars të këtij viti, vazhdojnë të kurohen jashtë shtetit.Tragjedia në Koçan,Opozita me akuza ndaj pushtetit.
Lajme nga vendi
Ahmeti kërkon nga VLEN të braktisë qeverinë anti-shqiptare

Kryetari i BDI-së, Ali Ahmeti nga Likova ku ka përuruar ujësjellësin, ka deklaruar se shqiptarët nuk janë hyzmeqar dhe argat në Maqedoni, ngase shteti u takon edhe shqiptarëve. Ai tha se me vasalë dhe hyzmeqarë nuk mund të bëhet shteti.“Nuk kemi kërkuar ma shumë nga përfaqësues që hiqen si legjitim që i përfaqësojnë shqiptarët por ta mbajnë situatën aty ku e lamë ne. E di që për kryeministër edhe 10 jetë me i pas këta smunden me e realizu. Ne e morëm nga zero dhe e lamë këtë shtet me kryeministër shqiptarë…Le ta braktisin qeverin anti-shqiptare Nuk është më Maqedonia e viteve para 2000…Maqedonia është e pas viteve 2000 e kemi larë me gjak çdo pëllëmbë të këtij vend, historinë më të re të Maqedonisë… nuk do të ju dëshpërojmë por do të jemi dalë Zotë, të vërtetë të atyre mal sakrificave që kanë bërë shqiptarët për t jetuar të lirë”, ka deklaruar Ahmeti.Kryetari i BDI-së, Ali Ahmeti nuk ka komentuar zhvillimet e fundit brena koalicionit VLEN me arysetimin se është kryetar partie dhe jo komentator i zhvillimeve politike.
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve