Sport
Tifozat Kuq e Zi reagojnë për rastin e KF Tërnocit: FSHF-ja e vetmja që i amniston këto sulme
Grupi i tifozëve, Tifozat Kuq e Zi, që përkrah Shqipërinë, ka reaguar pasi policët serbë u futën në zhveshtoren e KF Tërnocit, klubit shqiptar nga Lugina e Preshevës që garon në një ligë të ulët të Serbisë.
Ngjarja ndodhi të dielën në qytetin serb Bosilegrad, ku Tërnoci luajti ndeshje kampionale me Mladostin.
Sipas “TKZ” sërish ka dështuar thënia që “sporti është përtej politikës”.
“E vetmja organizatë që i amniston këto sulme ndaj qenies shqiptare e nuk i cilëson dashakeqe është FSHF-ja, e cila po e organizon ‘Euro 2027’ me pretendimet se sporti bashkon. Turpi është mbi ju! KF Tërnoci, nuk jeni vetëm!”, ka shkruar grupi TKZ.
Ky grup vazhdimisht kundërshton FSHF-në për organizimin e përbashkët me Serbinë të Euro U21 të vitit 2027. Është në konflikt me FSHF-në edhe për biletat për ndeshjet e Shqipërisë.
Katër fitore të vendasve dhe shtatë fitore të skuadrave mysafire është epilogu i 11 ndeshjeve të zhvilluara sot në kampionatin amerikan të basketbollit NBA.
Humbja e dytë radhazi për kryesuesit e Oklahoma, që u mundën në fushën e tyre nga Lakers, një përballje mes dy ekipesh rivale për titull. Luka Donçiq me 30 pikë ishte lider për Lakers, ndërsa 26 pikët e Shai për Oklahoma mbetën për statistikë.
Edhe ekipi i Cleveland, që kryeson në Lindje, u mund 120-113 nga Sacramento, takim ku Zach LaVine realizoi 37 pikë. Kampionët në fuqi të Boston fituan 124-90 ndaj Washington, ndeshje ku 7 lojtarë të Celtics realizuan mbi 10 pikë.
Zhgënjen skuadra e Golden State, që në fushën e saj u mund 106-96 nga Houston, ndërsa Milwaukee fitoi 111-07 në fushën e Nju Orleans. Trent me 29 pikë ishte shënuesi më i mirë për Bucks.
Rezultatet e sotme
Charlotte – Chicago, 117-131
Oklahoma – Lakers, 99-126
Brooklyn – Toronto, 109-120
Atlanta – Utah Jazz, 137-134
Boston – Washington, 124-90
Cleveland – Sacramento, 113-120
Portland – San Antonio, 120-109
Nju Jork – Phoenix, 112-98
Denver – Indiana, 120-125
Golden State – Houston, 96-106
Nju Orleans – Milwaukee, 107-111
Kampionati në Ligën e pare të futbollit vendor vazhdon të shtunën dhe të dielën me ndeshjet e xhiros së 26-të. Sipari hapet të shtunën me takimin Struga Trim Lum – Pelisteri
Ndeshjen e javës së 26-të kundër Pelisterit do ta zhvillojmë të shtunën, një ditë më parë nga ndeshjet tjera të kësaj xhiroje.
Përballja mes klubit të futbollit Struga Trim dhe Pelisteri I Manastirit hapin siparin e javës së 26-të në Ligën e pare të futbollit vendor . Vendasit në këtë ndeshje futen pas barazimit 0-0, javën e kaluar me Shkupin, ndërsa Pelisteri vjen pas disfatës 1-3 nga Vardari në Manastir. Kjo është përballja e 9-të mes këtyre dy skuadrave në elitën e futbollit Vendasit kanë 5 fitore, 2 ndeshje kanë përfunduar me barazim ndërsa ekipi nga Manastiri ka vetëm një fitore . Kampioni në fuqi Struga Trim Lum pritet të regjistroj fitoren e 12 sezonale dhe njëherit të stabilizohet në pozitën e pestë q; e mbanë aktualisht me 11 fitore , 6 barazime e 8 disfata dhe 39 pikë të grumbulluara. Për takimin e së shtunës Besmir Bojku I Struga Trim Lum u shprehë optimist se pikët do mbeten në Strugë.
‘’Sigurisht se do të jetë një ndeshje shumë e vështirë. Jemi në një fazë kritike të kampionatit ku mendoj se secila pikë është shumë e rëndësishme për çdo ekip. Por shpresoj se nesër tri pikët do të ngelin në Strugë dhe të vazhdojmë garën për dalje në europë’’ tha futbollisti Besmir Bojku
Pesë takimet tjera të xhiros së 26-të zhvillohen të dielën me fillim në ora 15:00, takohen: Besa – Gostivari, Tikveshi – Shkëndija, Shkupi – Rabotniçki, Voska Sport – Sileksi dhe AP Brera – Vardari.
Sport
Presidenti Çeferin: Bashkëpunimi Shqipëri-Serbi, rikujtesë e shkëlqyer se nuk ka kufij në futboll
Sot në Beograd, Serbi, u mbajt Kongresi i 49-të i UEFA-s, ku u morën vendime të rëndësishme për zhvillimin e futbollit europian. Të pranishëm në kongres ishin figura të rëndësishme të futbollit botëror, përfshirë Presidentin e FIFA-s, Gianni Infantino, dhe shumë personalitete të tjera të njohura.
Delegacioni shqiptar përbëhej nga Presidenti i FSHF-së, Armand Duka, Zv. Presidenti i FSHF-së, Lufti Nuri, Sekretari i Përgjithshëm i FSHF-së, Ilir Shulku, dhe Drejtori Administrativ i FSHF-së, Aldi Topçi. Ndërkohë, të pranishëm ishin dhe një delegacion nga Kosova që përbëhej nga Presidenti i FFK-së, Agim Ademi dhe Sekretari i Përgjithshëm i FFK-së, Markus Weidner.
Kongresi u udhëhoq nga Presidenti i UEFA-s, Aleksander Çeferin, i cili gjatë fjalës së tij dha mesazhe të rëndësishme për të gjithë botën, duke nënvizuar sportin e futbollit si një mjet për bashkim dhe frymëzim.
Ai mori si shembull Kampionatin Europian “Gjermani 2024”, duke theksuar se atje ku politika ndan, futbolli ndërton ura.
Gjithashtu, Presidenti Çeferin përmendi organizimin e përbashkët të Kampionatit Europian U-21 2027 nga Shqipëria dhe Serbia si një rikujtesë të shkëlqyer se nuk ka kufij në futbollin europian. Ai i ftoi të gjithë të lënë pas historitë e së shkuarës për të ndërtuar së bashku një të ardhme më të mirë.
“Futbolli europian duhet të vazhdojë të qëndrojë si një model uniteti në këtë botë që po bëhet gjithnjë e më e ndarë. Ne bashkojmë dhe inspirojmë. Është misioni ynë, për të cilin jemi plotësisht të angazhuar.
Kampionati Europian 2024: Që nga atmosfera elektrizuese në stadiume deri te miliona tifozë që frymëzoi në mbarë botën, EURO 2024 na kujtoi se atje ku politika ndan, futbolli ndërton ura. Ne nuk ishim të ndarë, por punuam së bashku për të shfaqur lëvizjen më të madhe shoqërore në Europë.
Futbolli është më shumë se një sport: është një pasqyrë dhe një model i shoqërisë. Ai flet një gjuhë universale që kalon përtej kufijve, bashkon komunitetet dhe frymëzon ëndrra dhe për këtë arsye, ne e shohim turneun e finaleve të EURO U-21 2027, që do të zhvillohet në Shqipëri dhe Serbi, si një rikujtesë të shkëlqyer se nuk ka kufij në futbollin europian.
Futbolli është më shumë se historia e së shkuarës, është e ardhmja që ne po ndërtojmë dhe po e ndërtojmë së bashku”, – tha Presidenti i UEFA-s, Aleksander Çeferin.
Durmishi: Masat po japin rezultat, çmimet e produkteve bazë ushqimore po stabilizohen, inflacioni në muajin mars u ul me 1.3% në nivel mujor
Maltina Ahmeti merr vendin e dytë në garat prestigjioze të violinës të mbajtura në Sofje, Bullgari
Mickoski shuan dilemat, tregon nëse do të ketë rikonstruktim të qeverisë para zgjedhjeve lokale!
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve