Tre fitore të vendasve dhe tre barazime me gjithsejtë 15 gola të shënuar është epilogu ndeshjeve  të xhiros së 11-të dhe të  fundit  të rrethit të parë në elitën e futbollit vendor. Lider në rrethin e parë kampionatit 2024/2025 është ekipi i Rabotniçkit  me 23 pikë

Në stadiumin e qytetit në Tetovë  në praninë e një numri të konsiderueshëm të tifozëve vendas, ndeshja derbi mes Shkëndijës dhe  kampionit në fuqi Struga Trim u mbyll me rezultat të barabartë 1-1. Në pjesën e parë skuadra vendase  ishte  superiore  krijoi raste  por arritën të shënon vetë një nga  penaltia të cilën e realizoi Besart Ibraimi.  Trajnerët e  ekipeve  Jeton Beqiri i Shkëndijës  dhe Qatip Osmani i Struga Trim Lum pas ndeshjes  shprehën keqardhje për rastet e dështuara.

 “Mendoj se nuk e menaxhuam lojën si duhet pas rezultatit 1:0, gabuam në shumë situata, duke i dhënë Strugës shumë mundësi kur ne ishim në posedim të topit. Disa goditje standarde të cilat u’a dhuruam vetëm. Ndjej keqardhje për situatën se si nuk e menaxhuam mirë dhe si nuk ishim më syçelë në ato goditje standard. Nuk lejohet në ndeshje si kjo të pranohet gol nga ato situata të cilat ne i kemi analizuar.” deklaroi Jeton Beqiri trajner i KF Shkëndija

Kampioni në  fuqi Struga Trim Lum në këtë pjesë të sezonit vjeshtor  nuk ka  qenë formën e dëshiruar prandaj  trajneri  Qatip Osmani tha se pas disfatës katastrofale kundër Sileksit edhe një pikë e fituar  kundër  Shkëndijës është e madhe. 

Fitore në këtë xhiro ka shënuar Shkupi  kundër Tikveshit në Çair  3-1. Autor të golave ishin  Kadriu 2 gola dhe Avornio ndërsa golin e nderit për mysafirët e shënoi Spahiu.  Gostivari në stadiumin “Boris Trajkovski” të Maxharit mundi AP Brera me rezultat të thellë 4-1. Besa e Dobërdollit në Kratovë ka humbur nga Sileksi me rezultat 2:0. Në Ohri, Voska Sport barazoi me Pelisterin 1:1 në Ohër. Derbi i mes  Vardarit  dhe Rabotniçki ka përfunduar me barazim pa  gola 0-0. Pas përfundimit të rrethit të parë të kampionatit kryeson Rabotniçki me  23 pikë e ndjekur nbga Shkëndija, Sileksi dhe Gostivari që kanë nga  20 pikë.

Advertisement

Kërcyesi suedez me shkop  Armand “Mondo” Duplantis dhe kërcyesja ukrainase së larti janë shpallur atletët më të mirë të atletikës në Evropë për vitin 2024 nërëmjen “Golden Track” që u mbajt në Shkup.

 Në organizim  të Federatës Europiane të Atletikës të shtunën në sallën e madhe të Operës dhe Baletit kombëtar në Shkup u mbajt një gala mbrëmje ku  u  shpallën atletët më të mirë  të Europës për vitin 2024. Epiteti atlet më të mirë për këtë vit u takoi Yaroslava Mahuçik rekordmenia botërore në kërcim së larti nga Ukraina dhe Armand Duplantis i Suedisë, i cili ka arritur rekordin botëror të kërcimit me shkop në lartësi 6 metra e 26 centimetra dhe është fitues i medaljes së artë në Lojërat e Parisit.

Një çmim special Team Spirit u fitua nga skuadra italiane e cila kryesoi tabelën e medaljeve në Kampionatin Evropian të Atletikës Roma 2024 me 11 medalje ari. Çmimi u mor nga Antonella Palmisano dhe Leonardo Fabbri, kampionët e garës së ecjes 20 kilometra dhe të hedhjes së gjyles. Sportistët e rinj më të mirë për vitin 2024 u shpallën serbe, Adriana Vilagos, e cila garon në hedhjen e shtizës dhe holandez, Nils Laros, i cili është finalisti më i ri në finalen olimpike në 1500 metra dhe rekordmeni evropian në këtë disiplinë nën moshën 20 vjeç.

Kryetari i Federatës Europiane të Atletikës Dobromior Karamarinov ,në fjalën e tij të rastit para të pranishmëve tha se pas një jave shumë intensive pune në Shkup, Atletika Evropiane ka shpallur sportistët më të mirë të vitit, në ceremoninë e Golden Tracks.

 “Ishte një javë shumë e ngarkuar, kishim takim të Bordit Ekzekutiv, takim të Këshillit, konventa filloi me disa punëtori, disa seminare dhe mbledhje, dhe mundet me shumë besim të them se gjatë kësaj periudhe Shkupi ishte kryeqyteti i atletikës evropiane” tha  Dobromir Karamarinov  kryetar i Federatë Europiane të Atletikës .

Advertisement

 I pranishëm në kë ceremoni  madhështore ishte njeriu i parë i atletikës botërore, Sebastian Koe, i cili konsiderohet edhe kandidati më serioz për president të ri të Komitetit Olimpik Ndërkombëtar,përfaqësues nga të gjitha Federata Kombëtare të Atletikës, në Europë dhe  Ministri i Sportit  në Qeverinë Maqedonisë Veriut Borko Ristovski  dhe shumë emra të njohur të atletikës nga vende të ndryshme./TV KOHA/  Shaban Sinani

Nesër në të gjitha terrenet e Ligës së parë në program janë  ndeshjet e xhiros së 11-të  dhe fundit e rrethit të parë. Krye ndeshje e kësaj jave luhet në Tetovë, mes Shkëndijës dhe Struga Trim Lum, ndërsa një sfidë interesante zhvillohet edhe në Shkup mes Vardarit dhe Rabotniçkit. Të gjitha ndeshjet nisin në orën 13:00

 KF Shkëndija në ndeshjen e fundit të rrethit të parë do të përballet me kampionin në fuqi ekipin Struga Trim Lum ku pritet të krijohet atmosferë impozante nga tifozeria  tetovare. Ekipi kuqezi këtë ndeshje e pret pas një serie pa pranuar gol në katër ndeshjet e fundit zyrtare. Qendërmbrojtësi Klisman Cake tha se në ekip mbretëron atmosferë që është garanci për suksesin e radhës

 ‘’Përgatitja ka shkuar mirë pavarësisht se  nuk kemi pasur  shumë  kohë për tu përgatitur pasi ndeshjet janë çdo tre ditë. Jemi në atmosferën e duhur dhe përgatitja shkon mirë duke  pritur lojën e nesërme. ‘’ deklaroi qendër mbrojtësi Klisman Cake

Kampioni në fuqi në dy sezonet e fundit ka dal fitues në Tetovë, por futbollisti Cake mendon se ajo i takon të kaluarës.

 ‘’Normalisht që po. Ne e dimë që duhet të hymë dhe të fitojmë lojën. I kemi harruar ato disfatat pavarësisht se na kanë dhimbur shumë. Por nesër do të hymë  për fitore direkt.‘’ tha  futbollisti Cake

Advertisement

Nga ana tjetër në taborin e kampionit në fuqi janë të bindur  se në Tetovë ku ka atmosferë të jashtëzakonshme  sportive ekipi do të japi më të mirën nga vetvetja për të nxjerr rezultat pozitivë. Këtë e deklaroi edhe futbollisti Ard Kasami i cili tha  se në Tetovë udhëtojnë me të njëjtin qëllim. 

“Ndeshjet me  Shkëndijën gjithmonë kanë qenë të veçanta pasi e  dimë se në Tetovë gjithmonë bëhet  një atmosferë e mirë. E dimë se kemi të bëjmë  me një ekip kualitativ, kanë lojtar me përvojë . Mirëpo edhe neve  si kampion që jemi  gjithmonë në çdo ndeshje futemi për fitore  dhe po ashtu  me të njëjtin  qëllim do të shkojmë në Tetovë. Kemi  punuar  gjatë javës maksimalisht jemi të përgatitur për këtë ndeshje dhe besojë shumë se me angazhim maksimal  të  secilit lojtar  që të kryeje secili punën e vetë do t’ia arrijmë qëllimit  dhe  do të kthehemi në Strugë me rezultat pozitivë’’ deklaroi Ard Kasami  futbollist i KF Struga Trim Lum

Ndeshje interesante priten edhe në takimet tjera sidomos në arenë ‘’Todor Proeski’’ ku përballen Vardari – Rabotniçki. Në Çair takohen Shkupi – Tikveshi, Në Maxhari Gostivari përballet ,me AP Brera, Në Kratovë, Sileksi është nikoqire e Besës së Dobërdollit dhe në Ohri, Voska Sport përballet me Pelisterin. Të gjitha  ndeshjet e xhiros së 11-të luhen të  dielën në ora 13:00

  JAVA E 11, TAKOHEN

Shkupi – Tikveshi

Advertisement

Voska Sport – Pelisteri

Gostivari – AP Brera

Sileksi – Besa

Vardar- Rabotniçki

Shkëndija – Struga Trim Lum  /TV KOHA / Shaban Sinani

Advertisement