Lajme nga vendi
Nikollovski: Brenda 2 muajve lëshohen në përdorim 2 kilometrat e para të autostradës Shkup-Bllacë

Ministri i Transportit dhe Lidhjeve, Aleksandar Nikollovski, ka paralajmëruar se 2 kilomentrat e para të autostradës Shkup-Bllacë, do të lëshohen në përdorim brenda 2 muajve, shkruan gazeta LAJM.
“2 kilomentrat e para janë në fazë finale, nuk dua të jep afate, por mendoj se është reale që në 2 muajt e ardhshëm të lëshohen në përdorim. Për të mos dhënë datë konkrete them, dy muaj”, tha Nikollovski.
“Sa i përket 12 km të mbetura ose me riprojektimin mund të dalin më tepër sepse poenta është që edhe atje të kemi rrugë të realizueshme. Në pjesën e projektimit kemi situatë të njejtë sikur me hekurudhën. Këtë do ta them për herë të parë në publik, këto 12 km nuk lëvizin nga traseja ekzistuese, të cilën të gjithë e dimë, pra përmes rrugës magjistrale aktuale që shpie nga Shkupi drejt kufirit me Kosovë, sepse nga ana e Kosovës deri aty ka arritur autostrada, pranë kufirit, ku ka një rrethrrotullim dhe është logjike që ne aty të lidhemi. Por, siç kanë vendosur nga udhëheqësia e kaluar e Rrugëve Shtetërore në krye me Ejup Rrustemin, deri sot nuk e di përse, ska asnjë shpjegim logjik, të mos shkojnë përmes asaj traseje, të shkojnë përmes një traseje të re që është malore dhe në të cilën trase prej 12 km, 6 km janë tunele që janë shumë vështirë të realizueshëm. Mund të na ndodh njësoj si me hekurudhën me Bullgarinë, krahas kostos së lartë të austradës, momentalisht vlera është 240 milion euro që është 20 milion euro për kilometër. Cështja e dytë është a mund të realizohet. Sepse është diçka tjetër, të vizatoni rrugë në zyrë dhe diçka tjetër ta realizoni atë në terren”, tha Nikollovski.
Lajme nga vendi
Thirrja për vullnetarë për Festivalin Olimpik Evropian për të Rinj, i cili këtë verë do të mbahet në Shkup dhe Kumanovë

Këtë verë në Shkup dhe Kumanovë do të mbahet Festivali Olimpik Rinor Evropian – FORE Shkup 2025, i cili do të përfaqësojë ngjarjen më të madhe multisportive të mbajtur ndonjëherë në Maqedoni.
Festivali do të bashkojë mbi 2500 sportistë të rinj nga kontinenti evropian dhe do të mbahet nga 20 deri më 26 korrik në Shkup, Kumanovë dhe Osijek të Kroacisë.
Më shumë se 900 vullnetarë do të angazhohen në fusha të ndryshme dhe do të kenë mundësinë të jenë pjesë e FORE nga afër, duke fituar kështu përvoja, aftësi dhe miqësi të reja.
“Roli i vullnetarëve përfshin çdo gjë – nga organizimi i garave sportive, mirëpritja dhe udhëheqja e delegacioneve, mbështetja e aktiviteteve mediatike, deri te krijimi i një atmosfere të këndshme dhe frymëzuese për të gjithë vizitorët. Ata do të jenë fytyra e parë e Shkupit me të cilën do të takohen sportistët e rinj nga e gjithë Evropa”, thonë organizatorët e Festivalit Olimpik për të Rinj Evropian.
Komiteti Organizativ i FORE Shkup 2025 tashmë ka shpallur thirrjen për vullnetarë, duke u ofruar mundësinë të gjithë të interesuarve të bëhen pjesë e këtij evenimenti historik. Regjistrimi bëhet në këtë link.
“Kushdo që dëshiron të jetë pjesë e këtij evenimenti mund të aplikojë dhe të bëhet pjesë kyçe e ekipit që do ta kthejë festivalin në një përvojë të paharrueshme për të gjithë pjesëmarrësit. Vullnetarizmi është një mundësi e madhe për të rinjtë, studentët, sportdashësit dhe këdo që dëshiron të kontribuojë në një projekt të madh ndërkombëtar dhe të prezantojë Maqedoninë si një mikpritëse e shkëlqyer”, thonë nga komiteti organizativ i FORE Shkup 2025.
Lajme nga vendi
Prokuroria ngriti aktakuzë edhe ndaj babait të Vasil Jovanovit, i cili vrau 22-vjeçaren Frosina Kulakova duke e përplasur në një vendkalim për këmbësorë

Prokuroria e Shkupit ngriti aktakuzë edhe ndaj babait të Vasil Jovanovit, i cili vrau 22-vjeçaren Frosina Kulakova duke e përplasur në një vendkalim për këmbësorë.
“Prokurori publik nga Prokuroria Themelore Publike Shkup ka ngritur aktakuzë kundër 50-vjeçarit nga Shkupi për vepër penale – Shkaktim i rrezikut të përgjithshëm nga neni 288 paragrafi 4 lidhur me paragrafin 1 të Kodit Penal.1 30.01.2025, ka shkaktuar rrezik për jetën dhe trupin e njerëzve me një veprim përgjithësisht të rrezikshëm, i vetëdijshëm se nga veprimet e tij mund të ndodhin pasoja të dëmshme, por në mënyrë mendjelehtë ka besuar se ato nuk do të ndodhin”, njofton prokuroria.
Sipas prokurorisë, ai e ka lejuar Vasilin të drejtojë automjetin e pasagjerëve Peugeot 207, edhe pse e dinte se djali i tij nuk lejohej të drejtonte makinë për shkak se nuk kishte patentë shofer dhe ishte autor i shumëfishtë i kundërvajtjeve në komunikacion, konkretisht: një vepër penale – aksident trafiku me pasoja të lehta në nëntor 2022, 11 pa leje drejtimi,gjatë vitit 2023 dhe 2024, si dhe vepër penale – aksident trafiku me pasoja fatale më 29 janar 2025. Aksidenti i komunikacionit në të cilin humbi jetën Frosina ka ndodhur në një vendkalim për këmbësorë në Blv. “Partizanski Odredi” dhe rruga 29 Noemvri (tek furra “Silbo”), kur drejtuesi i mjetit nuk ka ndaluar në kohë në vendkalimin e këmbësorëve. Në atë moment 22-vjeçarja Frosina Kulakova po kalonte tashmë bulevardin te vendkalimi i këmbësorëve dhe semafori për automjetet ishte i kuq. Ai ka qenë duke vozitur në korsinë e djathtë të bulevardit dhe ka goditur Frosinën ku më pas ajo ka gjetur vdekjen në vend.
Lajme nga vendi
Në dy ditët e fundit 1.296 kundërvajtje trafiku, 196 për shpejtësi tej normave të lejuara

Në dy ditët e para (01.dhe 02.prill ) të këtij muaji, duke vazhduar me kontrollet e intensifikuara të qarkullimit rrugor në të gjithë vendin, punonjësit e policisë nga të gjithë sektorët e punëve të brendshme kanë lëshuar gjithsej 1296 urdhërpagesa për kundërvajtje të kryera nga përdoruesit e Rregullave Rrugore në Rrugë.
Gjithashtu, janë evidentuar 393 shkelje për parkim të parregullt, 196 për drejtim me shpejtësi tej normave të lejuara, më pas janë shqiptuar 101 masa për drejtim mjeti pa leje drejtimi dhe 199 sanksione për kundërvajtje të kryera nga këmbësorët.
Gjithashtu, janë zbuluar 72 pjesëmarrës në trafik të cilët nuk kanë përdorur rripin e sigurimit, gjashtë drejtues motoçikletash nuk kanë mbajtur helmetë mbrojtëse, 32 sanksione janë shqiptuar për përdorim të celularit gjatë drejtimit të automjetit, ndërsa 16 drejtues mjetesh janë larguar nga trafiku për drejtim të automjetit nën ndikimin e alkoolit, si dhe janë shqiptuar tetë masa për drejtim të semaforit të kuq.
Në përputhje me Ligjin për automjete, 38 automjete janë larguar nga qarkullimi, 14 prej tyre për shkak të defekteve teknike dhe 24 për shkak të mungesës së regjistrimit.
Kontrollet e trafikut do të vazhdojnë edhe në ditët në vijim. Apelojmë tek qytetarët që të respektojnë rregullat dhe rregulloret e komunikacionit në mënyrë që të rrisim sigurinë në komunikacion dhe së bashku të kontribuojmë për rrugë më të sigurta.
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve