Lajme nga vendi
Rijad Shaqiri për INA: Do të nxjerrim Likovën nga Zona e krizës, do të investojmë tek të rinjtë duke qeverisur me duar të pastra e pa korrupsion
Kandidati për deputet i dyti në listë i koalicionin VLEN Rijad Shaqiri në një prononcim për Agjencinë e lajmeve INA flet për fitoren siç thotë ai plebishtare në fshatin e tij dhe kapacitetet mobilizuese të opozitës për një fitore në zgjedhjet parlamentare.
Lidhur me zgjedhjet presidenciale
Rijad Shaqiri vuri theksin tek vendvotimi nr 112 në fshatin Likovë ku siç ceku ai pati blerje dhe manipulim të votave dhe mbushje të kutive.
Për dallim nga Fronti Evropian Rijad Shaqiri thotë se VLEN ka kuadër më të mirë profesional dhe program më të mirë zgjedhor.
Ai thotë se nuk është prej politikanëve që flet shumë por mbi të gjitha premton se gjatë mandatit katërvjeçsr do angazhohet qe Zona e Likovës të del nga e vlerësimi zyrtar si Zonë e rrezikshme dhe në të cilën do të sjellin investime në shumë sfera.INA: Në vendlindjen tuaj patët një epërsi ndaj BDI-së dhe Frontit Evropian por në Komunën e Likovës dolët të dytët me vota. Mendoni se do të ndryshojë ky rezultat në zgjedhje parlamentare?
Shaqiri: Është e vërtetë, në fshatin Hotël kishim një rezultat shumë të mirë dhe për këtë kisha dashur t’i falënderoj të gjithë bashkëvendasit e mi për përkrahjen masive dhe fitoren plebishitare që na e dhanë. Por kjo nuk është e gjitha. Në përgjithësi në komunën e Likovës koalicioni VLEN ka treguar kapacitet të jashtëzakonshëm mobilizues dhe është treguar si forcë e vërtetë politike e cila mundet dhe do ta fitojë kundërshtarin tonë politik.
Duhet po ashtu të potencoj që në zgjedhjet e së mërkures partia në pushtet i ka përdorur të gjitha mekanizmat e mundshëm të pushtetit për të siguruar vota, si për shembull presionin ndaj të punësuarve, blerjen e votave, tentimin për mbushjen e kutive siç ishte rasti në vendvotimin 1112/1. Nga ana tjetër votat për koalicionin VLEN ishin vota të vullnetit të lirë, shprehje e dëshirës për ndryshim, si dhe manifestim i rezistencës së hekurt kundër regjimit që po na qeverisë tashmë 23 vite në Maqedoninë e Veriut.
INA: Çfarë ju dallon ju nga Fronti Evropin
Shaqiri: Sa i përket zgjedhjeve të 8 majit, rezultati inkurajues që patëm në Komunën e Likovës na jep motiv dhe vullnet të punojmë edhe më shumë në mënyrë që të jemi fitues. Për më shumë, oferta jonë karshi Frontit Europian është shumë më e mirë si nga aspekti kadrovik ashtu edhe nga ai programor. Prandaj jam i bindur që do të gjejmë mbështetjen e duhur dhe kjo diferencë në vota jo vetëm që do të zvogëlohet, por koalicioni VLEN do të del bindshëm fitues.
INA: Çfarë strategjie do të përdorni në fushtatë deri më 8 maj ju dhe koalicioni VLEN?
Shaqiri: Do të kërkojmë besimin e qytetarëve të Likovës dhe të zonës 2 në përgjithësi, duke i siguruar të gjithë qytetarët që vota për ne është votë për të mirën e qytetarëve. Unë si kandidat bashkë me kandidatët tjetër me një ekip të ekspertkve të angazhuar në shtabin zonal zgjedhor do t’i drejtohemi qytetarëve të Likovës, Haraçinës, Kumanovës e Çairit për t’i kërkuar votën për një qeveri me duar të pastra, pa krim e korrupsion e pa nepotizëm, për të përmirësuar jetën e qytetarëve, për nxitur ekonominë e vogël e të mesme, për t’i mundësuar të rinjëve vende pune dhe pët të shpalosur plane konkrete për kthimin e tyre nga mërgimi.
INA: Cilat do të jenë zotimet e juaja si kandidat për deputet për Komunën e Likovës që ende zyrtarisht është zonë e krizës dhe me probleme të dukshme infrastrukturore, kulturore e arsimore!
Shaqiri: Unë nuk jam profil i politikanit që premtoj shumë, por unë atë që e them e bëj. Jam futur në këtë betejë politike jo si qëllim në vete, por për popullin tim, për rininë e popullit tim, për ta vazhduar misionin aty ku e la prindi im. Në komunën e Likovës mbi 29% e qytetarëve jetojnë ne diasporë. Kjo do të thotë që nëse dikur kemi pasur nga një mërgimtar për shtëpi, sot ka ngelur nga një banor në shtëpi e tjerët kanë migruar. E më e dhimbshme akoma, shumica që po migrojnë janë të rinjë të kualifikuar të cilët ikin sepse nuk mund të gjejnë vende pune me paga të dinjitetshme në sektorin privat, ndërsa në anën tjetër ballafaqohen me sherifët lokal që vendet e punës në sektorin publik thua se i kanë pronë private.
Ne kërkojmë mbështetjen e qytetarëve që fillimisht komunës së Likovës njëherë e përgjithmonë t’i hiqet epiteti “zonë e rrezikshme” në mënyrë që të krijojmë kushte për investime të huaja që do të krijojnë vende të reja të punës. Ky është prioriteti im i parë për të cilin do të angazhohem pa rreshtur gjatë mandatit tim si deputet. Po ashtu, do të adresoj edhe sfidat me të cilat përballen banorët e kësaj ane, siç janë kostoja e lartë e jetesës, respektivisht fatura e lartë e rrymës elektrike, mungesa e kushteve dhe librave në arsim, mungesa e transportit publik, etj.
Do të kërkojmë besimin e qytetarëve të Likovës dhe të zonës 2 në përgjithësi, duke i siguruar të gjithë qytetarët që vota për ne është votë kundër qeverisjes së keqe 23 vjeçare dhe mundësi që ne ta kthejmë shpresën për jetë më të mirë në vendlindjen tonë.
(INA)
Më 18 prill në Maqedoninë e Veriut ka filluar fushata zgjedhore për zgjedhjet kuvendare, të cilat do të mbahen më 8 maj. Fushata zgjedhore përfundon sot, ndërsa nga mesnata nis edhe heshtja zgjedhore.
Ju sjellim disa nga aktivitetet e koalicioneve më të mëdha në ditën e fundit të fushatës.
LSDM dhe koalicioni “Për ardhmëri Evropiane” mbajti tubim në Strumicë. Kreu i kësaj partie. Dimitar Kovaçevski tha se të gjithë qytetarët që dalin për të votuar më 8 maj, do të duhet të kenë parasysh se vota për LSDM-në është votë për të nesërme dhe të ardhme më të mirë.
“Nëse ata vijnë në pushtet, mbani mend këto fjalë. Deri në vitin 2030 do t’i shihni, Malin e Zi dhe shtetet e tjera se si ulen në karriget e tyre në Bruksel, ndërsa e jona, përsëri me VMRO-në në pushtet, do të mbetet e zbrazët. Pastaj, do t’i fajësojnë qytetarët brenda, do t’i fajësojnë fqinjët jashtë dhe në fund do të jetë fajtore vetë BE-ja, siç ishte fajtore prej vitit 2006 deri në vitin 2017. Mi mbani mend fjalët, ka inçizim nga ky fjalim, do ta ridëgjojmë dhe rishikojmë shumë herë”, u shpreh Dimitar Kovaçevski, LSDM.
Dragan Kovaçki nga VMRO-DPMNE u bëri thirrje të gjithë qytetarëve që më 8 maj të votojnë për opsionin që siç tha ai, do ta kthejë shtetin në duart e qytetarëve.
“Për dy ditë prej sot, të mërkurën, votohet. Për dy ditë qytetarët do të kenë mundësi të zgjedhin mes Maqedonisë së poshtëruar, plaçkitur e shkatërruar dhe Maqedonisë dinjitoze, Maqedonisë që ndërtohet dhe ku ligjet vlejnë për të gjithë njësoj. Prandaj prej këtu, prej Karbincit patriotik, bëj thirrje për kohezion, unitet, për unitet maqedonas, për unitetit shoqëror, për unitetit nacional. Të jemi krenarë dhe me unitet, ta kthejmë Maqedoninë në duart e qytetarëve. Ju ftoj të gjithëve të dilni dhe të votoni për numrin 2″, theksoi Dragan Kovaçki.
Fronti Evropian zhvilloi takim me përfaqësuesit e Odës ekonomike të Maqedonisë Veriperëndimore ku është folur lidhur me implementimin e programit të Odës në programin e frontit dhe qeverisë.
“Konstatuam bashkërisht që në aspekt të programit ekonomik shumë gjëra na bashkojnë me odën ekonomike të Maqedonisë Veriperëndimore dhe natyrisht që ngelet që bashkërisht t’i implementojmë këto politika në të mirë të të mirës së përgjithshme, në të mirë të zhvillimit të vendit, në të mirë të hapjes dhe vazhdimit të rrugëtimit drejt Bashkimit Evropian dhe në të mirë të qytetarëve të këtij vendi”, tha Ziadin Sela.
Ndërsa Koalicioni VLEN sonte ka mbajtur tubimin përmbyllës në Tetovë. Prej atje, liderët e këtij koalicioni kërkuan mbështetjen e qytetarëve më 8 maj.
“E di që ju kemi lodhur edhe juve, pasi me leje e pa leje kemi trokitur në çdo derë, por mikpritja e juve ka qenë e jashtëzakonshme. Me thënë të vërtetën na keni shtuar përgjegjësinë edhe më shumë. Me besë premtoj se unë dhe ekipi i VLEN-it, kur ta bëjmë qeverinë tash së shpejti pas 2-3 ditëve, do të vrapojmë edhe më fuqishëm sesa në fushatë. Nuk do të rahatohemi në kolltuqe. Kjo fushatë ishte një nevojë e paharrueshme”, u shpreh Arben Taravari nga Koalicioni VLEN./Telegrafi/
“Me besë premtoj se unë dhe të gjithë prijësit e VLEN-it, kur të bëjmë Qeverinë, do të vrapojmë edhe më fort se në fushatë”, ky ishte premtimi i parë publik që Arben Taravari e bëri në tubimin madhështor në Tetovë, duke shtuar se pas 8 majit ata nuk do të rehatohen në lëkurat e kolltuqeve, por do të punojnë edhe më fort për të gjithë. Taravari theksoi se edhe pse kishte shumë oferta nga Ali Ahmeti, ai zgjodhi të jetë me popullin.
“Nuk dua ta zgjas. Kjo fushatë ishte një përvojë e paharrueshme për mua!
Gjeta shokë dhe ekip si VLENI, pashë edhe tradhti nga disa që ashtu si çdo tradhtar ju mbetet vetëm hija e vet, por gjeta shumë besë e burrni tek shumica! Unë pata shumë oferta nga Ali Ahmeti, oferta që si u pa ca të partisë time nuk i rezistuan dot…po unë zgjodha të jem ju. Jam krenar që e kam bërë këtë zgjedhje dhe na qoftë Fitorja Gëzuar!” theksoi Taravari.
Taravari i bindur për fitore tha se Ndryshimi Historik do mbahet mend si Revolucioni i Dritave.
“Tani, gjithçka ka nisur me ca drita celularësh, të cilat ndriçuan edhe atëherë ku regjimi bërtiste se ja fik dritat popullit…këto drita rezistuan…u shtuan dhe sot janë shkëlqim lirie që kanë çuar një shtet në këmbë! Tani ftoj në skenë kolegët e mi të VLENit dhe dua që të gjithë bashkë të bëjmë foto me dritat tuaja dhe le ta dinë të gjithë se ky Ndryshim Historik do mbahet mend si Revolucioni i Dritave. Zoti Ju Bekoftë!” përfundoi Taravari para mijëra qytetarëve në Tetovë.
Ndryshimi historik do të mbahet mend si Revolucioni i Dritave
“Me besë premtoj se unë dhe të gjithë prijësit e VLEN-it, kur të bëjmë Qeverinë, do të vrapojmë edhe më fort se në fushatë”, ky ishte premtimi i parë publik që Arben Taravari e bëri në tubimin madhështor në Tetovë, duke shtuar se pas 8 majit ata nuk do të rehatohen në lëkurat e kolltuqeve, por do të punojnë edhe më fort për të gjithë. Taravari theksoi se edhe pse kishte shumë oferta nga Ali Ahmeti, ai zgjodhi të jetë me popullin.
“Nuk dua ta zgjas. Kjo fushatë ishte një përvojë e paharrueshme për mua!
Gjeta shokë dhe ekip si VLENI, pashë edhe tradhëti nga disa që ashtu si çdo tradhëtar ju mbetet vetëm hija e vet, por gjeta shumë besë e burrni tek shumica! Unë pata shumë oferta nga Ali Ahmeti, oferta që si u pa ca të partisë time nuk i rezistuan dot…po unë zgjodha të jem ju. Jam krenar që e kam bërë këtë zgjedhje dhe na qoftë Fitorja Gëzuar!” theksoi Taravari.
Taravari i bindur për fitore tha se Ndryshimi Historik do mbahet mend si Revolucioni i Dritave.
“Tani, gjithçka ka nisur me ca drita celularësh, të cilat ndriçuan edhe atëherë ku regjimi bërtiste se ja fik dritat popullit…këto drita rezistuan…u shtuan dhe sot janë shkëlqim lirie që kanë çuar një shtet në këmbë! Tani ftoj në skenë kolegët e mi të VLENit dhe dua që të gjithë bashkë të bëjmë foto me dritat tuaja dhe le ta dinë të gjithë se ky Ndryshim Historik do mbahet mend si Revolucioni i Dritave. Zoti Ju Bekoftë!” përfundoi Taravari para mijëra qytetarëve në Tetovë.
Lajme nga vendi
Afrim Gashi: Premtoj, nuk do të ju mashtroj asnjëherë, gjithmonë jam udhëhequr nga qëllime të pastra
Lideri i Alternativës, Afrim Gashi nga tubimi i VLEN-it në Tetovë ka premtuar se nëse VLEN hynë në Qeveri, nuk do t’i mashtrojnë asnjëherë votuesit e tyre, transmeton TV21.
Shtoi që në 10 vjet karrierë, është udhëhequr nga qëllime të pastra.
“Qëndroj para jush ballëhapur dhe ju them pa droj se jam po ai Afrim Gashi që dola ta rrëzoj Car Dushanin, po ai që dola ta rrëzoj Nikolla Gruevskin…”, tha mes tjerash Gashi.
Nata e fundit e fushatës, partitë mbajtën tubimet përmbyllëse ja mesazhet e tyre
Arben Taravari: Ndryshimi historik do të mbahet mend si Revolucioni i Dritave
Afrim Gashi: Premtoj, nuk do të ju mashtroj asnjëherë, gjithmonë jam udhëhequr nga qëllime të pastra
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
-
Lajme nga vendi2 years ago
Zyra e Avokatit të Popullit në Tetovë sot do të jetë e hapur
-
Lajme nga vendi2 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi1 year ago
Kovaçevski paralajmëroi drejtor të ri të Drejtorisë për Zbatimin e Sanksioneve