Connect with us

Lajme nga vendi

KASAMI: I ERDHI DITA!!

Published

on

Kryetari i Komunës së Tetovës, Bilall Kasami, ka shpalosur një lajm emocionues për të gjithë bashkëqytetarët në një tubim masiv në stadiumin e qytetit. Ai deklaroi se “Erdhi Dita” për të ndërtuar një Arenë Sportive në Tetovë, një dëshirë dhe një premtim që nuk është mbajzur për më shumë se gjysmë shekulli.

Kasami rikujtoi historinë e krenarisë tetovare dhe sukseset e Shkëndijës në këtë stadium, që, megjithë gjendjen mizore, ka qenë shpirti i tyre për më shumë se 50 vite. Ai nderoi edhe kontributin e grupit të tifozëve “Ballistët” dhe besimin e tyre të palëkundur në ndërtimin e një infrastrukture të re sportive.

Në fjalën e tij, ai shprehu keqardhjen për gjendjen aktuale të stadiumit të vjetër dhe theksoi se tetovarët dhe Shkëndija nuk kanë hequr dorë nga dëshira për sukses edhe në kushte të vështira.

Kasami nënvizoi se Tetova meriton një Arenë Sportive të nivelit europian, ku të organizohen jo vetëm ndeshje lokale, por edhe kampionate europiane. Ai përmendi se koha për realizimin e premtimit dhe besës së dhënë është tani.

Në përfundim, Kasami bëri thirrje që të gjithë të mbajnë kokën lart dhe të ndjehen krenarë për atë që po arrihet sot. Ai shprehu gëzimin dhe padurimin për të parë Arenën e re Sportive të Tetovës, duke i ftuar të gjithë të bashkohen në këtë rrugë drejt një vizioni të madh për sportin dhe qytetin.

Advertisement

Përndryshe, vlera e kontratës së punimeve është 599.931.520 denarë (rreth 9.7 milionë euro), ndërsa vlera e TVSH-së është e shprehur veçmas në vlerë prej 107.987.673 denarë.

Me projektin janë të parapara edhe Qendra Sportive dhe Rekreative e qytetit si dhe terreni sportiv në fshatin Saraqinë.

Sipas kontratës, punimet duhet të mbarojnë brenda tre viteve nga data e hyrjes në punë të kontraktuesit pas lidhjes së kontratës.

Advertisement

Lajme nga vendi

Janevska: Nga viti i ardhshëm do të përcaktohen kuotat e fakulteteve sipas analizës së tregut të punës

Published

on

Nga viti i ardhshëm, kuotat e institucioneve të arsimit të lartë do të përcaktohen në bazë të analizës së tregut të punës dhe të dhënave të Agjencisë për Punësim, deklaroi ministrja e Arsimit dhe Shkencës Vesna Janevska në emisionin “Stadiumi” në Kanalin 77.

Siç thuhet në njoftim, ministrja theksoi se këtë vit nuk ka pasur kohë për të ndërhyrë në konkurs, sepse ai ishte përgatitur nga menaxhmenti i mëparshëm dhe për shkak të afatit të shkurtër, Qeveria e re duhej ta miratonte.

Sipas Janevskës, vendi nuk ka nevojë për aq shumë juristë, për dallim nga mësimdhënësit e matematikës, fizikës dhe kimisë.

Këtë vit nuk kemi pasur kohë të ndërhyjmë në konkurs, sepse ai ishte përgatitur nga menaxhmenti i mëparshëm dhe për shkak të afatit të shkurtër, Qeveria e re duhej ta miratonte pa mundësi korrigjimesh. Por analiza ka filluar. Duhet të zvogëlohen disa kuota, për shembull, Maqedonia nuk ka nevojë për aq shumë juristë, ka nevojë për mësimdhënës të matematikës, fizikës, kimisë dhe ne do t’i stimulojmë të rinjtë me bursa që të zgjedhin profesione që janë të pakta, tha Janevska.

Ministria e Arsimit dhe Kulturës shton se po mendon të vendosë provimet pranuese në të gjitha institucionet e arsimit të lartë, por kjo do të diskutohet më tej.

Advertisement

– Janevska foli edhe për buxhetin për shkencën, të cilin, siç tha ajo, Qeveria synon ta rrisë nga 0,3 për qind të bruto-produktit të brendshëm në 1 për qind dhe se kjo do të ndodhë gradualisht, thuhet në njoftimin e Ministrisë së Arsimit.

Continue Reading

Lajme nga vendi

Aksion i policisë në një klub nate në rrugën e vjetër Tetovë-Shkup, kapen 8 shtetase të huaja të moshës 22 deri në 32-vjeç

Published

on

Mbrëmë (20.07.2024) në periudhën nga ora 00:00 deri në 02:00, policët e SPB Tetovë kryen një kontroll në një klub nate në rrugën rajonale Tetovë – Shkup. Gjatë kontrollit në objekt u gjetën tetë shtetase të huaja të moshës nga 22 deri në 32 vjeç nga Rusia, Moldavia dhe Shqipëria, të cilat kishin keqpërdorur qëndrimin e tyre, pra qëndronin në shtet në kundërshtim me qëllimin e deklaruar. Ato janë arrestuar dhe mbajtur në stacionin e policisë për procedurë të mëtejshme.

Continue Reading

Lajme nga vendi

Lëndohet rëndë elektriçisti nga Reçica e Vogël, duke kryer punime në një shtëpi bie në kontakt me një linjë të tensionit të lartë dhe pëson djegie

Published

on

MPB ka njoftuar se me datë 19.07.2024 në orën 10:10, në SPB Tetovë është raportuar se në Qendrën e Urgjencës në Tetovë është sjellë me djegie H.I. (60) nga Reçicë e Vogël e Tetovës. Sipas raportit, ai kishte ardhur në kontakt me një linjë të tensionit të lartë gjatë punës për instalimin e rrjetit elektrik në një shtëpi në ndërtim në Kallnik të Tetovës dhe kishte pësuar djegie. Inspektimi në vendngjarje është kryer nga një ekip i SPB Tetovë dhe një inspektor i punës.

Continue Reading

Më të lexuarat