Lajme nga bota
Izraeli sulmon qendrën e Bejrutit, vritet lideri i Hamasit për Libanin
Fronti Popullor për Çlirimin e Palestinës (FPÇP) në Liban ka njoftuar se tre anëtarë të tij janë vrarë në një sulm ajror mbi Bejrut në orët e hershme të mëngjesit. Sulmi pranë urës Kola, një kryqëzim i rëndësishëm në qytet, është hera e parë që një vendndodhje brenda kufijve të kryeqytetit libanez është goditur në luftën aktuale. Ky është gjithashtu sulmi i parë ndaj qendrës së Bejrutit që nga lufta e vitit 2006.
Grupi i armatosur njoftoi se janë vrarë Mohamed Abed Al-Al, anëtar i byrosë politike dhe kreu i departamentit për sigurinë ushtarake, Imad Odeh, anëtar i departamentit ushtarak dhe komandës ushtarake në Liban, dhe Abdul Rahman Abed Al-Al.
FPÇP premtoi se “do të vazhdojë rrugën e luftës dhe rezistencës derisa okupimi të shkatërrohet, pavarësisht sa gjatë do të zgjasë dhe sa të mëdha janë sakrificat”.
Lideri i Hamasit në Liban është vrarë në një sulm izraelit, njoftoi grupi militant palestinez. Fatah Sherif Abu al-Amin është vrarë së bashku me disa nga anëtarët e familjes së tij në një sulm në Libanin jugor, thuhet në deklaratë.
Hamas ka pothuajse një vit që po zhvillon luftë kundër Izraelit në Gaza. E ngjashme me grupin militant libanez Hezbollah, ai mbështetet nga Irani. Deklarata e Hamasit erdhi këtë mëngjes pasi një grup tjetër militant palestinez, Fronti Popullor për Çlirimin e Palestinës, njoftoi se tre nga udhëheqësit e tij ishin vrarë në një sulm në qendër të Bejrutit.
Një shqiptar është ekzekutuar në Spanjë, ndërsa trupi i tij është braktisur në derën e spitalit.
Ngjarja ka ndodhur në ‘La Selva’ të Gironas, ku një automjet tip “Audi” braktisi në derën e spitalit “Blanes” një person të vdekur. Viktima, i identifikuar më pas si shtetas shqiptar, ishte qëlluar me armë zjarri në pjesën e pasme të kokës.
Sipas policisë, mjeti që e braktisi ishte “Audi” ngjyrë e zezë me targa të huaja dhe brenda tij mendohet se kanë qenë 3 persona. Viktima nuk kishte mjet identifikimi me vete dhe autopsia e tij pritet të zhvillohet të hënën.
Lajme nga bota
Izraeli vendos “mbyllje gjithëpërfshirëse” në Bregun Perëndimor në 1-vjetorin e sulmeve të 7 tetorit
Ushtria izraelite vendosi “mbyllje gjithëpërfshirëse” në Bregun Perëndimor të pushtuar në përvjetorin e parë të sulmeve të 7 tetorit, transmeton Anadolu.
Sipas lajmit të televizionit shtetëror izraelit KAN, autoritetet izraelite kanë vendosur “një unazë të plotë sigurie në Bregun Perëndimor duke mbyllur pikat e kalimit me Izraelin, duke parandaluar kalimin e punëtorëve palestinezë”.
Ushtria izraelite vendosi gjithashtu të rrisë praninë e saj ushtarake “në Bregun Perëndimor të pushtuar dhe në të gjitha frontet”, duke marrë parasysh ngjarjet e mundshme që mund të ndodhin më 7 tetor, përvjetorin e sulmeve të “Tufanit të Aksasë”.
– Pushtimi i Gazës nga Izraeli pas 7 tetorit
Krahu i armatosur i Hamasit, Brigadat Izzeddin Kassam, nisi një sulm gjithëpërfshirës ndaj Izraelit më 7 tetor 2023, me arsyetimin e “përgjigjes ndaj shkeljeve të vazhdueshme kundër palestinezëve dhe vlerave të shenjta, veçanërisht xhamisë Al-Aksa”.
Në sulmet e 7 tetorit, Izraeli njoftoi se kanë humbur jetën 1.200 izraelitë ndërsa janë plagosur 5.132 të tjerë.
Në sulmet e Izraelit që nga 7 tetori në Rripin e Gazës humbën jetën të paktën 41.770 palestinezë, përfshirë rreth 17 mijë fëmijë dhe 11.378 gra, ndërsa 97.166 të tjerë janë plagosur
Përderisa raportohet se ka ende mijëra të vdekur nën rrënoja, infrastruktura civile po shkatërrohet gjithashtu duke synuar spitalet dhe institucionet arsimore ku njerëzit ishin strehuar.
Ushtria izraelite ka njoftuar se që nga 7 tetori janë vrarë 724 ushtarë, prej të cilëve 346 gjatë procesit të pushtimit tokësor, ndërsa 4.448 të tjerë janë plagosur.
81 pengje izraelite dhe 240 palestineze u liruan reciprokisht gjatë “pauzës humanitare” në konflikt, e cila u dha për 4 ditë më 24 nëntor 2023 dhe më vonë u zgjat edhe për 3 ditë të tjera. Nga ana tjetër, Izraeli vazhdoi të arrestonte dhe burgoste mijëra palestinezë.
Në Bregun Perëndimor të pushtuar dhe Kudsin Lindor, të paktën 741 palestinezë janë vrarë në sulmet e ushtarëve izraelitë dhe izraelitëve që uzurpuan tokat palestineze që nga 7 tetori 2023.
ISHSSH e publikoi raportin për foshnjën e vdekur 14-muajshe
Tri të mitura në Kosovë vetëlëndohen në duar, dyshohet se u nxitën nga Tik-Toku
Dita e premte ditë jopune për të gjithë qytetarët e Maqedonisë së Veriut
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
-
Lajme nga vendi2 years ago
Zyra e Avokatit të Popullit në Tetovë sot do të jetë e hapur
-
Lajme nga vendi2 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve