Lajme nga vendi
RMV, bie interesi për gjimnazet, rritet për arsimin profesional
Arsimi i mesëm profesional po bëhet gjithnjë e më tërheqës dhe interesant për të rinjtë. Kështu tregon edhe afati i parë për regjistrim i këtij viti, pas së cilës vërehet se gjimnazet mbeten me shumë vende të lira, ndërsa drejtorët e shkollave profesionale lavdërohen me regjistrim më të mirë krahasuar me vitet e kaluara, shkruan Meta.mk, transmeton Portalb.mk.
Nëse vitin e kaluar për 285 vende të lira në gjimnazin “Orce Nikolov” kanë aplikuar 337 kandidatë, pas së cilës është dashur të bëhet përzgjedhje me test kualifikues, këtë vit numri i aplikantëve është 271, që do të thotë se numri i parashikuar i vendeve të lira nuk është përmbushur. Para shkollës dje qysh nga mëngjesi ishin prindër dhe nxënës që kërkonin veten në listat që ishin shfaqur te dera e hyrjes dhe disa prej tyre qanin nga gëzimi sepse ishin pranuar.
Drejtori i “Orce Nikollov” Mitko Dimovski thotë për Meta.mk se pret që numri të plotësohet në afatin e dytë të regjistrimit.
“Kandidatët kanë një mesatare 5.00, dhe pesë nga aplikantët kanë katër në dëftesat e tyre. Të gjithë nxënësit zyrtarisht duhet t’i sjellin dokumentet për kontroll në shkollë sot dhe nesër”, tha dje Dimovski.
Edhe numri i kandidatëve të regjistruar në “Nikolla Karev” tregon se interesimi për gjimnazin është në rënie. Drejtori i kësaj shkolle të mesme Andrej Manolev thotë se sipas konkursit janë 272 vende të lira, ndërsa për regjistrim kanë aplikuar 273 nxënës.
“Vitin e kaluar kemi refuzuar 35 nxënës, dy vite më parë – 70, kurse këtë vit kemi vetëm një student që do të duhet të refuzohet. Për mendimin tim, arsyet e uljes së interesit janë dy, njëra është ulja e natalitetit në vend dhe e dyta janë përfitimet e arsimit të dyfishtë në shkollat profesionale”, thotë Manolev.
Vende të lira ka në “Rade Jovçevski Korçagin” si dhe në “Josip Broz Tito”. Në “Korçagin” duan të mësojnë 177 nxënës, pra ka vend për 85 kandidatë. Në “Josip Broz Tito” janë regjistruar 293 fëmijë, ndërsa për periudhën e dytë të regjistrimit mbeten edhe 47 vende të lira.
“Në paralelet e mësimit në gjuhën turke janë regjistruar 45, kurse mbesin edhe 19 vende të lira”, njofton për Meta.mk drejtoresha e “Josip Bro Tito”, Silvana Kërzhovska.
Pasqyrë tjetër është në arsimin e mesëm profesional. I kënaqur nga regjistrimi i këtij viti është drejtori i shkollës profesionale “Vllado Tasevski”, Aleksandar Sibinovski, i cili për Meta.mk informoi se për 300 vende të lira kanë aplikuar 187 nxënës.
“Vitin e kaluar për 300 vende kemi pasur 150 nxënës, që do të thotë se është rritur numri këtë vit. Përsëri kemi rritje në profesionin e elektro, gjegjësisht telekomunikacionit dhe teknologjisë kompjuterike dhe automatizimit. Kandidati i fundit i pranuar ka 68 pikë nga 75 të mundshme, që do të thotë se të gjithë fëmijët janë të shkëlqyer”, informon Sibinovski.
Rritje të interesimit ka edhe në shkollën e mesme “Maria Kiri Skllodovska”, ku, siç informon drejtori Darko Spasev, këtë vit për 570 vende të lira kanë aplikuar 412 nxënës, ndërsa vitin e kaluar kanë aplikuar 376 kandidatë, që tregon rritje të interesimit.
Do të ketë test kualifikimi në mjekësi
Në shkollën e mesme të mjekësisë “Pançe Karagjozov” do të ketë test kualifikimi për drejtimin farmacist në mësimin në gjuhën shqipe.
“Këtu ka më shumë kandidatë të regjistruar se sa ka vende të lira, pra të gjithë kanë të njëjtin numër pikësh. Ajo që është interesante është se edhe pse është përmbushur kërkesa për hapjen e drejtimi gjinekologjik-obstetrikë në gjuhën maqedonase, nuk ka aplikuar asnjë kandidat. Për infermierët kemi tri paralele në gjuhën maqedonase dhe janë pothuajse të mbushura, ka ende ndonjë vend të lirë. Vende të lira ka edhe për teknik dentar. Ka interesim të dukshëm për farmaci edhe në gjuhën maqedonase edhe në gjuhën shqipe sepse ka mundësi për punësim në “Alkaloid”, thotë drejtoresha Maja Saliu për Meta.mk.
Arsimi i mesëm në vendin tonë është i detyrueshëm. Siç njoftojnë për Meta.mk nga Ministria e Arsimit dhe Shkencës, numri i nxënësve në klasën e nëntë, krahasuar me vitin e kaluar, këtë vit ka shënuar rënie. Vitin e kaluar kishte 19.086 nxënës, ndërsa këtë vit – 18.882.
Lajme nga vendi
Ministria e Infrastukturës jep dy kontrata me negocim në vlerë rreth 1.5 milion euro për punë shtesë në rrugën Prizren-Tetovë
Ministria e Infrastukturës do të nënshkruajë sot dy kontrata me procedurë të negocuar pa publikim të kontratës në vlerë rreth 1.5 milion euro për punë shtesë në rrugën Prizren-Tetovë, shkruan Reporteri.net.
Kontratat janë dhënë për Lotin 1 dhe Lotin 3. Për kontratën me titull “Ndërtimi i rrugës Prizren – Kufiri me Maqedonin e Veriut (Tetovë), segmenti Struzhë – Kyçja në Autoudhën dr.Ibrahim Rugova në Prizren – Jug Loti 3”, vlera është 834 mijë e 424 euro. Për këtë lot, me kontratë është shëprblyer kompania “EUROKOS HOLDING SH.P.K”.
Ministria e Infrastukturës do të nënshkruajë sot dy kontrata me procedurë të negocuar pa publikim të kontratës në vlerë rreth 1.5 milion euro për punë shtesë në rrugën Prizren-Tetovë, shkruan Reporteri.net.
Kontratat janë dhënë për Lotin 1 dhe Lotin 3. Për kontratën me titull “Ndërtimi i rrugës Prizren – Kufiri me Maqedonin e Veriut (Tetovë), segmenti Struzhë – Kyçja në Autoudhën dr.Ibrahim Rugova në Prizren – Jug Loti 3”, vlera është 834 mijë e 424 euro. Për këtë lot, me kontratë është shëprblyer kompania “EUROKOS HOLDING SH.P.K”.
Kontrata tjetër, ajo për Lotin 1 është në vlerë 653 mijë e 715. Punimet do t’i kryej konsorciumi “4 A-M; PREMIUM BETON SH.P.K.; GPG Company Sh.p.k”.
Të dy kontratat janë dhënë dje, teksa nënshkrimi i tyre është planifikuar të bëhet sot.
MI kishte nënshkruar kontratat për këtë rrugë në vlerë 32 milionë euro në gusht të vitit 2024.
Për Lotin 1, ishte dhënë kontratë në vlerë 8 milionë euro, për Lot 2 15 milionë e 600 mijë euro, por që pastaj ishte kthyer në rivlerësim dhe për Lotin 3 në vlerë 8 milionë e 346 mijë e 804 euro.
Pas nënshkrimit të këtyre dy kontratave, Ministri i Infrastukturës, Libur Aliu, kishte thënë se ajo kjo rrugë mundëson edhe hapjen e një korridori të ri rrugor me ndikim ekonomik për të dyja vendet
“Kjo rrugë i lidhë dy autostrada ndërkombëtare të cilat kalojnë në të dy anët e maleve të Sharrit, dhe lidhja e këtyre dy rrugëve në pikën më të afërt mes tyre, përveç se i afron dy qytetet dhe dy shtetet tona, ajo mundëson edhe hapjen e një korridori të ri rrugor me ndikim ekonomik për të dyja vendet”, kishte shkruar Aliu para tetë muajsh./Reporteri.net
Kontrata tjetër, ajo për Lotin 1 është në vlerë 653 mijë e 715. Punimet do t’i kryej konsorciumi “4 A-M; PREMIUM BETON SH.P.K.; GPG Company Sh.p.k”.
Të dy kontratat janë dhënë dje, teksa nënshkrimi i tyre është planifikuar të bëhet sot.
MI kishte nënshkruar kontratat për këtë rrugë në vlerë 32 milionë euro në gusht të vitit 2024.
Për Lotin 1, ishte dhënë kontratë në vlerë 8 milionë euro, për Lot 2 15 milionë e 600 mijë euro, por që pastaj ishte kthyer në rivlerësim dhe për Lotin 3 në vlerë 8 milionë e 346 mijë e 804 euro.
Pas nënshkrimit të këtyre dy kontratave, Ministri i Infrastukturës, Libur Aliu, kishte thënë se ajo kjo rrugë mundëson edhe hapjen e një korridori të ri rrugor me ndikim ekonomik për të dyja vendet
“Kjo rrugë i lidhë dy autostrada ndërkombëtare të cilat kalojnë në të dy anët e maleve të Sharrit, dhe lidhja e këtyre dy rrugëve në pikën më të afërt mes tyre, përveç se i afron dy qytetet dhe dy shtetet tona, ajo mundëson edhe hapjen e një korridori të ri rrugor me ndikim ekonomik për të dyja vendet”, kishte shkruar Aliu para tetë muajsh./Reporteri.net
Pavarësisht se jemi në vitin 2025, studentët në universitetet shtetërore të vendit po vazhdojnë të përdorin indekse tradicionale, duke mbajtur ato në duar, pa pasur mundësinë për të përdorur një indeks elektronik. Ky fenomen ka ngelur si pasojë e një pengesë administrative , duke e bërë këtë proces të dështuar. Megjithatë, një hap i rëndësishëm ka ndodhur së fundmi. Me iniciativë të Kuvendit Studentorë të Universitetit “Shën Kirili dhe Metodi” (UKM), një ndryshim i rëndësishëm është realizuar në Rregulloren që rregullon përmbajtjen dhe formatin e diplomave, si dhe dokumenteve të tjera të rëndësishme. Ky ndryshim është publikuar në “Gazetën Zyrtare të Maqedonisë së Veriut”, dhe ka sjellë mundësinë për implementimin e indeksit elektronik, duke kaluar mbi pengesat administrative të deritanishme.
“Me iniciativë të Kuvendit Studentor të UKIM-it, është bërë një ndryshim i rëndësishëm në Rregulloren për përmbajtjen dhe formatin e diplomave, udhëzimet për përgatitjen e shtojcës së diplomës dhe dokumenteve të tjera publike, të publikuara në Gazetën Zyrtare të RMV, nr. 67 më 28.3.2025”, thonë ata.
Njëkohësisht, digjitalizimi ka qenë një prioritet edhe për Organizatën Kombëtare Studentore. Ata, me mbështetje nga Fondacioni për Demokraci të Westminster-it, realizuan një studim mbi gjendjen aktuale të digjitalizimit në arsimin e lartë, dhe zhvilluan një plan aksional për modernizimin e këtij sektori. Kjo ka çuar në një bashkëpunim me disa institucione për të përshpejtuar digjitalizimin dhe për të siguruar një administratë studentore më efikase.
“Si përfaqësues studentorë, ne mbetemi të angazhuar në përmirësimin e të drejtave të studentëve dhe modernizimin e proceseve akademike. Futja e indeksit elektronik nuk është vetëm një ndryshim teknik, por edhe një hap thelbësor për një proces administrativ më të thjeshtë dhe për qasje më të lehtë në informacion për të gjithë studentët”, përfundojnë përfaqësuesit e studentëve. Ndryshe, siç theksojnë ata, ky hap do të lehtësojë jetën e studentëve dhe administratës, duke krijuar një sistem më të shpejtë, më të sigurt dhe më efikas. (koha.mk)
Universiteti i Evropës Juglindore ka hapur dyert sot për maturantët, duke promovuar fakultetet dhe programet studimore që ofron ky universitet, shkruan Alsat.
Në UEJL ofrohen edhe studime të personalizuara, por edhe programe të reja të përvitshme, për të cilat studentët shprehin interesim dhe tregojnë rregullshmëri në ndjekjen e ligjëratave, u shpreh me rektori i UEJL-së, Abdylmenaf Bexheti.
Ai më tej shtoi se një nga arsyet kryesore se persë duhet të zgjidhet UEJL, është pikërisht punësueshmëria e madhe e studentëve të UEJL-së, e cila ka një tregues të lartë mbi 80 për qind.
“Mënyra e të studiuarit në UEJL, duke filluar nga strukturat programore, me njohuritë bazike të shkathtësive të studentëve, e ka dëshmuar edhe tregu i punës. Raportet e rregullta të tregut të punës na flasin se mbi 80 për qind e studentëve të UEJL, punësohen që tre muajt e parë pas diplomimit, në një shkallë të papunësueshmërisë së shtetit me 13 për qind, pra kjo është diçka që dëshmohet vetvetiu. Dhe krejt për fund, mendoj se studentët përshtypjet e tyre i formojnë mbi atë që i pyesin gjeneratat paraprake. Andaj sivjet vazhdojmë me risitë programe, pra kemi edhe dy programe specialistike sidomos, programi një vjeçar i shkencave shëndetësore, dhe ai i masterit të psikologjisë, dy risi që ne i ndjekim në bazë të nevojave të tregut të punës”, tha Abdylmenaf Bexheti. Rektor i UEJL-së.
Ministria e Infrastukturës jep dy kontrata me negocim në vlerë rreth 1.5 milion euro për punë shtesë në rrugën Prizren-Tetovë
INDEKS ELEKTRONIK PËR STUDENTËT! Më në fund nis realizimi i kërkesës së kamotshme
Universiteti i Evropës Juglindore ka hapur sot dyert për maturantët
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve