Lajme nga bota
Regjisori i Titanikut: OceanGate ishte paralajmëruar për rrezikun
Regjisori hollivudian, James Cameron – i cili drejtoi filmin e vitit 1997, Titanik – ka thënë se e ka përjetuar shumë afër zemrës humbjes e nëndetëses Titan. Ai vetë është zhytur 33 herë deri në rrënojat e Titanikut, transmeton REL.
Nëndetësja Titan, e cila u zhduk më 18 qershor, besohet të ketë shpërthyer dhe si pasojë e kësaj operatori i anijes, OceanGate, tha më 22 qershor se të pesë pasagjerët në bordin e nëndetëses besohet se kanë vdekur, sipas operatorit të anijes, OceanGate.
Në një intervistë për transmetuesin britanik BBC, Cameron tha se disa persona brenda komunitetit të zhytësve i kishin shkruar një letër OceanGate duke thënë se besonin, sipas fjalëve të Cameronit, se kompania “po shkonte drejt katastrofës”.
Cameron sugjeroi gjithashtu se kishte një “ironi të tmerrshme” në humbjen e Titanit dhe ekuipazhit të tij, duke e krahasuar atë me humbjen e vetë Titanikut në vitin 1912.
“Tani kemi një tjetër rrënim që bazohet për fat të keq në të njëjtat parime të mosdëgjimit të paralajmërimeve”, tha ai. “OceanGate ishte paralajmëruar”.
Ai tha se nga kompania ishin larguar nga puna shumë, por ai nuk specifikoi pse.
Cameron nuk është i pari që ka ngritur shqetësime lidhur me aktivitetet e kompanisë turistike OceanGate.
Një letër dërguar OceanGate nga Shoqëria e Teknologjisë Detare (MTS) në mars të vitit 2018 dhe e marrë nga New York Times thoshte se “qasja aktuale ‘eksperimentale’ e miratuar nga OceanGate… mund të çojë në rezultate negative (nga të vogla në katastrofike)”.
Edhe dokumentet e një gjykate amerikane tregojnë se një ish-punonjës i OceanGate paralajmëroi për probleme të mundshme të sigurisë qysh në vitin 2018.
Dokumentet tregojnë se David Lochridge, drejtori i operacioneve detare të kompanisë, ngriti shqetësime në një raport inspektimi.
Një zëdhënës i OceanGate nuk pranoi të komentojë mbi çështjet e sigurisë të ngritura nga Lochridge dhe MTS-ja.
Cameron tha se ai ishte në një anije të dielën kur nëndetësja u zhduk dhe nuk e mori vesh lajmin për zhdukjen e saj deri të hënën.
Kur mësoi se nëndetësja kishte humbur navigimin dhe komunikimin në të njëjtën kohë, ai tha se dyshoi menjëherë se kishte ndodhur një fatkeqësi.
“Ndjeva në trupin tim atë që kishte ndodhur. Të dështojnë elektronika e nëndetëses, sistemi i saj i komunikimit dhe transponderi gjurmues njëkohësisht – nëndetësja është e humbur”, tha Cameron duke shtuar se “mund të humbasësh komunikimet dhe navigimin së bashku pa një ngjarje katastrofike ekstreme”.
Ai tha se menjëherë i shkoi mendja se mund të kishte ndodhur një shpërthim.
Lajme nga bota
(VIDEO) Digjet në një anije mallrash me 3 mijë makina: Ka të vdekur, disa të plagosur
Një person ka vdekur dhe disa të tjerë janë plagosur në një zjarr që shpërtheu në një anije mallrash në veri të ishujve holandez të Frizianës Perëndimore, tha roja bregdetare holandeze.
Shpëtimi i 23 anëtarëve të ekuipazhit është në proces.
Disa prej tyre u hodhën në ujë, por u gjetën nga roja bregdetare.
Anija e mallrave po transportonte 3000 makina nga Gjermania në Egjipt.
Pasi njoftoi planet e tij për të dërguar municione thërrmuese në Ukrainë, Joe Biden zhvilloi një takim me presidentin e Kinës. Gjatë bisedimeve, ai i tha Xi Jinping të tregonte kujdes sepse Pekini mbështetet në investimet perëndimore.
“Ky nuk është një kërcënim. Ky është një vëzhgim,” tha Biden.
“Që kur Rusia filloi pushtimin e Ukrainës, 600 korporata amerikane janë tërhequr nga Rusia. Dhe ju më keni thënë se ekonomia juaj varet nga investimet nga Europa dhe Shtetet e Bashkuara.
“Kini kujdes!
Putin dhe Xi zhvilluan dy ditë bisedime në mars me fjalë të ngrohta miqësie midis Kinës dhe Rusisë dhe kritika të përbashkëta ndaj Perëndimit, por pa asnjë shenjë të një përparimi diplomatik mbi Ukrainën.
Ka tensione dhe pesimizëm të rritur në marrëdhëniet SHBA-Kinë për çështjet e sigurisë kombëtare, duke përfshirë Tajvanin, luftën e Rusisë në Ukrainë dhe ndalimet në rritje të eksporteve të SHBA.
Përkundër faktit se nëndetësja e kompanisë OceanGate së fundmi shpërtheu dhe në këtë mënyrë shkaktoi vdekjen e pesë personave, duket se organizatorët e “udhëtimit” nuk kanë ndërmend të heqin dorë nga këto ekspedita.
Gjegjësisht, në faqen zyrtare të OceanGate ende mund të shihni oferta për udhëtime në rrënojat e Titanikut, si dhe “ekspedita” të tjera.
“Çdo ekspeditë kushton 250,000 dollarë për person, ofron një zhytje nënujore, akomodim privat, trajnim të nevojshëm dhe pajisje ekspedite. Kapaciteti maksimal i nëndetëses është i kufizuar në gjashtë persona,” tha ai.
Gjithashtu, theksohet se pasagjerët në udhëtime të tilla marrin një përvojë emocionuese dhe unike.
“Nëndetësja jo vetëm që do t’ju ofrojë një përvojë udhëtimi emocionuese dhe unike, por gjithashtu do të ndihmojë komunitetin shkencor të mësojë më shumë rreth mbytjes dhe mjedisit të thellë të oqeanit. Çdo zhytje ka gjithashtu një qëllim shkencor dhe ju mund të mësoni më shumë rreth kërkimit tonë në faqe“, thuhet në faqen e internetit të kompanisë.
Kompania OceanGate organizoi një udhëtim për pesë persona dhe nëndetësja humbi komunikimin me anijen dhe sipërfaqen një ditë pas zhytjes. Pas disa ditësh kërkime, u konstatua se nëndetësja kishte shpërthyer, duke i lënë pasagjerëve as edhe një milimetër mundësi mbijetese./abcnews.al
Kompania anonime nga Qipro ka një ofertë për marrjen e plotë të “Euronickel Industri”
Kompania anonime nga Qipro ka një ofertë për marrjen e plotë të “Euronickel Industri”
Njëmbëdhjetë persona në kontakt me të punësuaren e hospitalizuar në Klinikën infektive nën mbikëqyrje 14-të ditore
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
-
Lajme nga vendi1 year ago
Zyra e Avokatit të Popullit në Tetovë sot do të jetë e hapur
-
Lajme nga vendi1 year ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi11 months ago
Kovaçevski paralajmëroi drejtor të ri të Drejtorisë për Zbatimin e Sanksioneve