Nga Prokuroria Themelore Publike njoftojnë se kanë dhënë urdhër për zbatimin e procedurës hetimore ndaj tre vëllezërve të cilët dyshohen për vrasjen e 35-vjeçarit me iniciale R.K. në Debresh.

Nga Prokuroria thonë se vëllezërit dyshohet se me paramendim kanë privuar nga jeta bashkëfshatarin e tyre, ndërkaq motivi dyshohet të ketë qenë hakmarrja.

“Në ditën kritike fillimisht ka ndodhur një përleshje fizike mes njërit prej vëllezërve dhe viktimës. Pas përleshjes, i dyshuari ka thirrur vëllezërit e tij, të cilët të revoltuar kanë marrë armë zjarri nga shtëpitë e tyre – një kallashnikov dhe një pistoletë. Të tre kanë shkuar në shtëpinë e viktimës me një veturë të tipit “Volvo” me targa të Zvicrës. Kur e kanë gjetur, kanë qëlluar drejt tij me pistoletë dhe me automatik, duke i shkaktuar plagë të shumta me armë zjarri nga të cilat viktima ka ndërruar jetë menjëherë”, thuhet mes tjerash në njoftimin e Prokurorisë.

Komisioni për Financim dhe Buxhet pasdite e vazhdoi seancën për ribalancin e Buxhetit. Në ditën e dytë të debatit të përgjithshëm, deputetët diskutuan rreth uljes së buxhetit të gjykatave dhe prokurorive publike, Sipas deputetëve të opozitës, institucionet e pushtetit gjyqësor duhet të kenë buxhet më të madh, ndërsa sërish, sipas deputetëve të qeverisë, ky buxhet është i tepërt me besim prej vetëm dy për qind te qytetarët.

Debati i përgjithshëm për ribalancin e buxhetit zgjat më së shumti tri ditë, ndërsa ai i amendamenteve për të cilin janë dorëzuar 58 amendamente gjashtë ditë. Dje, në ditën e parë të debatit, ministrja Gordana Dimitrieska-Koçoska ka arsyetuar ribalancin, duke theksuar se është krijuar në përputhje me gjendjen e konstatuar në buxhet. Siç tha Dimitrieska-Koçoska, janë siguruar mjete për gjithçka që duhet të paguhet sipas ligjit.

Të hyrat e përgjithshme në ribalancin e buxhetit janë planifikuar në 318,2 miliardë denarë, ndërsa shpenzimet në 362,8 miliardë denarë. Rritja e PBB-së është parashikuar në 2.1 për qind, inflacioni në nivelin 3.5 për qind dhe deficiti buxhetor 4.9 për qind.

Kryetarja e Komisionit për financim dhe buxhet, Sanja Lukarevska, e ndërpreu seancën dhe njoftoi se ajo do të vazhdojë sot në orën 12:00.

Moti sot do të jetë kryesisht me diell dhe i nxehtë me erë të lehtë deri mesatare nga drejtimi verior. Temperatura minimale do të lëvizë në interval prej 9 deri në 20, ndërsa ajo maksimale do të lëvizë prej 30 deri 38 gradë Celsius. Indeksi UV do të jetë 9.

Në Shkup moti do të jetë me diell dhe i nxehtë me erë të lehtë deri mesatare veriore. Temperatura minimale do të bie deri në 17, ndërsa ajo maksimale do të arrijë deri 37 gradë.

Sipas paralajmërimeve nga Drejtoria për Punë Hidrometeorologjike (DPHM), edhe në ditët në vijim do të mbizotërojë mot me diell me rritje graduale të temperaturës. Në fillim të javës së ardhshme përsëri do të fryjë erë mesatare deri e përforcuar veriore.