Connect with us

Lajme nga vendi

“RMV gati për BE”, shqiptarët vazhdojnë të diskriminohen, maqedonasit luftojnë për identitet!

Published

on

Shqiptarët sado që krekosen për afirmimin e të drejtave, dhe udhëheqjen e institucioneve me peshë në vend, sërish kur zbritet në terren dhe shihet gjendja e qytetarëve shqiptarë dëshmohet e kundërta. Rajonet e banuara me shqiptarë vazhdojnë të mbesin zonat me më pak të punësuar, kjo pasi për politikat shtetërore maqedonase mund të konsiderohet forma moderne e dëbimit apo largimit nga shteti të shqiptarëve. Varfëro, mos punëso, dëbo, duken këto tre shtylla përmes të cilave pa luftë e në paqe shqiptarët e Maqedonisë së Veriut po lëshojnë vendin e tyre, në kërkim të një jete më të dinjitetshme dhe me perspektivë. Edhe tani kur shqiptarët po udhëheqin me shumë pozita të larta e janë bartës të institucioneve kryesore në vend, sërish diskriminimi mbetet damka reale e gjendjes së shqiptarëve në këtë që trajtohen nga pala tjetër. Por, qëndrueshmëria shqiptare i ka ballë dhe ka vazhduar me rezistencë dhe ngritje në të njëjtën kohë. Diskrimini i fundit për të cilin është raportuar bëhet fjalë në institucionin “Pyjet Kombëtare”, ku sipas zëvendës drejtorit shqiptarë, Safet Miftari, aty ka vetëm urrejtje, diskriminim në baza etnike, dhe keqpërdorime të shumta të detyrës zyrtare. E nga ana tjetër teksa vendi po bën përpjekje për ndryshimet kushtetuese, maqedonasit po luftojnë për identitetin e tyre, e shqiptarët si kurdoherë vazhdojnë të përballen me diskriminim, shkruan Zhurnal.

Vazhdon diskriminimi ndaj shqiptarëve –

“Urrejtje, neglizhencë, diskriminim në bazë etnike dhe keqpërdorime të shumta të detyrës zyrtare”, këto janë vetëm disa nga akuzat e zëvendës drejtorit të “Pyjeve Kombëtare”, Safet Miftari për drejtorin e të njëjtit institucion, Valentin Gruevski. Në ditën e parë të punës, Miftari thotë se kishte kërkuar që të paktën emri i tij të shkruhet në gjuhën shqipe, por pas kësaj kërkese, sipas tij shqipja u hoq me sprej të zi edhe nga tabela në pjesën hyrëse të institucionit.

“Kemi 10 sektorë ku janë nga ata 10 asnjë të emëruar shqiptar, kërkova që të paktën 3 të menaxhojmë ne, kërkova që të paktën 3 zëvendës sektorësh të menaxhojmë ne, nuk ndodhi edhe ajo, hasi në vesh të shurdhër. E njëjta situatë ndodhë edhe me njësitë rajonale, pra këtë ndërmarrje publike e përbëjnë 30 njësitë rajonale, pra në çdo qytet nga një drejtor, gjithashtu edhe te ato drejtorë, ne me numër edhe në bazë të përfaqësimit të drejtë dhe adekuat apo përqindjes, na takojnë 9 drejtorë, nuk është bë edhe ajo, janë vetëm 3 nga BDI-ja”, deklaroi Safet Miftari, zëvendës drejtor i “Pyjeve Kombëtare”.

Në këtë institucion me mbi 1,800 të punësuar, shqiptarët përfaqësohen me më pak se 5 për qind. Edhe pse zëvendës drejtor, Miftari thotë se nacionaliteti i tij e shtynë drejtorin që atë të mos e llogarit fare, madje më shumë kompetenca t’u jep punonjësve të thjeshtë se sa atij. Miftari ngre dyshime edhe për kurdisje tenderësh, me çka paralajmëroi padi penale.

Advertisement

“Nëse nuk ndërmerren masa bëj apel deri te institucionet përkatëse, duke filluar nga agjencia për zbatimin e gjuhës shqipe, antikorrupsioni, policia financiare të ndërmerren masa sepse unë do të bëj edhe padi penale ndaj personit në fjalë nëse nuk ndërmerren masa të parandalohen keqpërdorimet, kemi dyshime se edhe firma qeveritare këtu kurdisin tenderere”, shtoi Safet Miftari, zëvendës drejtor i “Pyjeve Kombëtare”, për Alsat.

Ai shtoi se edhe pse ka kërkuar, nuk i jepet qasje në listën e plotë të të punësuarve pasi çdo ditë në zyra sheh njerëz të ri, që i sjell partia Liberal Demokrate. ALSAT kontaktoi me drejtorin Valentin Gruevski i cili këto akuza i cilësoi si marrëzira ndërsa Miftarin si njeri konfliktuoz. Ai e pranoi se vetëm 3 shqiptarë janë udhëheqës të njësive rajonale, por sipas tij, në institucion s’ka shqiptarë inxhinier të pyjeve, që është kusht për të qenë drejtor sektori apo i njësitit rajonal.

Shqiptarët në RMV nuk diskriminohen vetëm në shkolla e çerdhe, por edhe në investime ekonomike, në punësime, e në Kushtetutë madje ofendohen me 20% –

Enti Shtetëror i Statistikave ka publikuar të dhënat për vendet aktive të punës dhe ato të lira në nivel shteti për tremujorin e katërt të vitit 2022.Instituti për Politika Publike Arbën Xhaferi i ka analizuar këto të dhëna nga pikëpamja rajonale dhe ka rezultuar se zonat e banuara me shqiptarë vazhdojnë të mbesin me numrin më të ulët të punësimeve në nivel shteti.

Vazhdon keqpërdorimi i balancuesit për punësim, i cili ka për qëllim përfaqësimin e drejtë dhe adekuat të qytetarëve në institucionet e shtetit. Rasti i fundit që është denoncuar në televizionin Alsat, është punësimi në Agjencinë për mbështetje financiare në Bujqësi dhe zhvillim rural. Në fund të vitit 2022, Agjencia ka hapur në konkurs për punësim me numër rendor 739/2022, ku përveç kritereve tjera të cilët është dashur t’i plotësojnë kandidatët, potencohet qartë vendi i lirë është për qytetar të përkatësisë etnike SHQIPTAR.

Advertisement

Në vendimin e marrë nga Agjencia për Mbështetje Financiare në Bujqësi dhe Zhvillim rural të vulosur më 7 shkurt të këtij viti, qëndron emri i një qytetare maqedonase e cila është shpallur si fituese e konkursit dhe është punësuar në pozitën e bashkëpunëtorit më të ri për mbështetje dhe kontroll të dokumenteve.

Raste të tilla ka shumë, prandaj shqiptarët vazhdojnë ende të trajtohen si qytetarë të dorës së dytë, që më shpesh shpërfillen se sa përfillen. Dhe, kjo është dëshmi që shqiptarët ndjehen të diskriminuar në gjitha instancat dhe në gjitha mënyrat e mundshme, dhe kjo pastaj shkakton dëshpërim e zhgënjim dhe përkthehet me largim prej vendi.

Gjuha shqipe në Maqedoninë e Veriut është zyrtare në komunat me shumicë shqiptare, në Shkup, si dhe në institucionet qendrore, si në Kuvend dhe Qeveri, por në Kushtetutë ajo nuk definohet si gjuhës shqipe, por si gjuhë që e flasin mbi 20 për qind e qytetarëve nga numri i përgjithshëm i banorëve të Maqedonisë së Veriut. Një përkufizim që është ofendues sepse gjuha e popullit shtetformues definohet me përqindje, kjo është e pakuptimtë dhe prandaj është nevoja dhe momenti tani të ndryshohet.

Kujtojmë që, për nxënësit shqiptarë në Veles dhe në Idrizovë edhe këtë vit mbetet dëshira, nevoja dhe kërkesa e njëjtë, një shkollë ku do të vijojnë mësimin në gjuhën e tyre amtare. Por, kjo kërkesë po has në vesh të shurdhër dhe këta nxënës po trajtohen si nxënës të dorës së dytë për të cilët nuk vlejnë ligjet e njëjta të këtij shteti, që garantojnë për secilin qytetarë shkollimin në gjuhën amtare.

Megjithatë, siduket është futur në praktikë trinomi varfëro, mos punëso, dëbo, dhe përmes kësaj pa luftë e në paqe shqiptarët e Maqedonisë së Veriut po lëshojnë vendin e tyre, në kërkim të një jete më të dinjitetshme dhe me perspektivë. Shqiptarët sado që krekosen për afirmimin e të drejtave, dhe udhëheqjen e institucioneve me peshë në vend, sërish kur zbritet në terren dhe shihet gjendja e qytetarëve shqiptarë dëshmohet e kundërta. /Zhurnal.mk

Advertisement
Advertisement

Lajme nga vendi

Njëmbëdhjetë persona në kontakt me të punësuaren e hospitalizuar në Klinikën infektive nën mbikëqyrje 14-të ditore

Published

on

Njëmbëdhjetë persona në kontakt me një të punësuare të shtruar në Klinikën infektive janë nën mbikëqyrje 14-të ditore, pasi ajo është diagnostikuar me ethe hemorragjike krimea kongo, informoi sot Renata Mlladenovska, drejtore e Inspektoratit Shtetëror Sanitar dhe Shëndetësor (ISHSSH).

“Pas marrjes së informacionit nga Instituti për Shëndet Publik, të njëjtën ditë, pra më 5 gusht, ekip i epidemiologëve nga Qendra për Shëndet Publik – Shkup, ka kryer kontroll epidemiologjik, janë bërë anketa dhe kontakte. Informacioni është ndarë dhe me ISHSSH-në dhe si institucion lëshuam edhe 11 zgjidhje, ato janë kontakte të tashmë pacientes së shtruar e cila është edhe e punësuar në Klinikën infektive. Ato 11 kontakte do të jenë nën mbikëqyrje shëndetësore 14-ditore”, tha Mlladenovska.

Ajo sqaroi se çfarë nënkupton mbikëqyrja shëndetësore.

“Pacientja, përkatësisht kontaktet do të duhet të paraqiten dhe të jenë në kontakt të vazhdueshëm me epidemiologun kujdestar nga Qendra për Shëndet Publik – Shkup, nuk është izolim klasik, megjithatë nuk duhet të kenë kontakt me të tjerët – nëse është familja e ngushtë, thjesht të durojnë këto 14 ditë që të mos përhapet ky infeksion dhe shpresoj që ky të jetë rasti i fundit. Sa u përket 29 kontakteve të mëparshme, nga ato 29 kontakte, një është konfirmuar si rast, kemi mbikëqyrje shëndetësore, vendime të marra për 40 persona”, ka thënë Mlladenovska.

E pyetur nëse këta 11 kontakte janë të gjithë nga Klinika infektive apo familja, ajo sqaroi se nga këta 11, dhjetë persona janë nga familja e ngushtë e pacientes dhe një kontakt është e një kolege të saj poashtu nga Klinika infektive.

Advertisement

Më herët, kryetari i Komisionit për Sëmundje Infektive, Zllate Mehmedoviq, tha për MIA-n se Komisioni absolutisht qëndron prapa asaj që është bërë nga Instituti i Shëndetit Publik, masat e ndërmarra dhe rekomandimet që jepen.

Nga ajo që kanë parë, shtoi ai, rasti i parë është rast i infektimit të drejtpërdrejtë, ndërsa i dyti me gjasë është gjatë transmetimit përmes gjakut të kontaminuar.

Në rastin e parë të infeksionit të drejtpërdrejtë ndërroi jetë një paciente 27-vjeçare, pas infektimit nga pickimi i rriqrës.

Continue Reading

Lajme nga vendi

Dogana e Maqedonisë ka konfiskuar fletobligacione në vlerë 92 milionë dollarë nga një shtetas i Turqisë

Published

on

Drejtori i Doganave, Stefan Bogoev në një konferencë të jashtëzakonshme për shtyp njoftoi se Doganat e Maqedonisë së Veriut kanë konfiskuar fletobligacione në vlerë të 92 milionë dollarëve, shkruan TV21. Bogoev tha se janë konfiskuar 184 fletobligacione me vlerë të veçantë nominale prej 500 mijë dollarëve.

“Obligacionet janë gjetur tek një udhëtar, shtetas i Turqisë, i cili ka ardhur me fluturim të rregullt nga Stambolli dhe është përcaktuar për të kaluar në të ashtuquajturin “kanal i gjelbër”, respektivisht se nuk ka mall për të deklaruar, ndërsa gjatë kontrollit me skaner dhe kontrollit shtesë të detajuar, tek i njëjti janë gjetur në 4 dosje brenda një çante të zezë”, tha mes tjerash Bogoev duke shtuar se personi në fjalë është dënuar nga gjykata e vendit, ndërsa fletobligacionet i janë dorëzuar Agjencisë për Menaxhim me Pronë të Konfiskuar.

Continue Reading

Lajme nga vendi

100 ushtarë nesër nisen për në Slloveni, janë kërkuar mjete materiale dhe teknike

Published

on

Nesër në mëngjes ushtarët maqedonas duhet të nisen për në Slloveni, ku do të ndihmojnë në përballimin e përmbytjeve katastrofike. Këtë e theksoi sot ministrja e Mbrojtjes, Slavjanka Petrovska, duke theksuar se nuk ka pasur vonesa në ndihmën e ofruar.

Që në momentin e parë kur ndodhi aksidenti, e gjithë maja e shtetit kontaktoi autoritetet atje dhe ne i dhamë mbështetjen tonë vetëmohuese. Nga ata na thanë se sapo të bëjnë analizat do të dorëzohen kërkesat dhe kanë mbërritur dje. Për këtë kemi reaguar menjëherë dhe sot në seancën e Qeverisë do të marrim vendim që të dërgohen 100 ushtarë nga përbërje të ndryshme, të cilët do t’u përgjigjen nevojave të ushtrisë dhe shtetit slloven, tha Petrovska.

Ministri sqaroi se ushtarët tanë tashmë janë gati. Në kërkesë thuhet se kërkohen 200 ushtarë.

Sipas saj, janë kërkuar mjete të tjera materialo-teknike të cilat nuk jemi në gjendje t’i dorëzojmë.

Presidenti Stevo Pendarovski dje në bisedë me presidenten sllovene Natasha Pirc-Musar shprehu keqardhje dhe keqardhje për Slloveninë dhe gjithë banorët e saj për humbjet dhe dëmet e pësuara nga vërshimet, të cilat ishin të përmasave të mëdha, dhe shprehu gatishmërinë për të ndihmuar.

Advertisement
Continue Reading

Më të lexuarat