Lajme nga bota

Janë gjetur mbetjet e nëndetëses “Titan”, të gjithë udhëtarët janë të vdekur

Published

2 years ago

June 23, 2023

Kompania “Oceangate” njoftoi se pesë udhëtarët nga nëndetësja e “Titan” janë të vdekur, me çka i është dhënë fund kërkimit, njofton BBC, transmeton Portalb.mk.

“Drejtori ynë ekzekutiv Stokton Rash, Shahzada Davud dhe djali i tij Sulejman, Hamish Harding dhe Pol-Anri Narzheole kanë vdekur. Këta persona kanë qenë hulumtues të vërtetë të cilët kanë ndarë frymë avanturiste dhe pasion të thellë ndaj hulumtimit dhe mbrojtjes së oqeaneve”, kumtuan nga “Oceangate”.

Admirali i rojës Bregdetare të Amerikës Poll Mauxher konfirmoi se anija robotike e anijes kanadeze “Horajzon Arktik” e ka gjetur bishtin konik të “Titan” rreth 500 metra nga mbetjet e “Titanikut”.

“Janë gjetur edhe gjurmë tjera të cilat tregojnë se ka pasur humbje katastrofike të presionit në dhomë. Anija robotike e cila ka operuar në thellësinë e oqeanit në afërsi të “Titanikut” mbetet në vendin e fatkeqësisë”, tha Mauxher.

Ai tha se janë gjetur pesë pjesë të mëdha të “Titanit”.

“Nuk e di nëse mund t’i tërheqim trupat. Është mjedis tepër i ashpër dhe i pafalshëm”, shtoi Mauxher.

Gilermo Zenlajn, njëri prej themeluesve të “Oceangate”, paraprakisht deklaroi se në nëndetësen ndoshta ka ndodhur “shpërthim momental”.

“Kur jeni në thellësi të madhe, trysnia është aq e madhe saqë nëse ka defekt, do të vinte në shpërthim momental. Nëse ka ndodhur ajo, ka ndodhur që prej para katër ditësh”, tha Zenlajn.

Lajme nga bota

Ari mbërrin vlerë rekorde

Published

1 day ago

April 1, 2025

TetovaExpres

Ari ka mbërritur në vlerë rekorde, në kohën kur nervozizmi ka prekur të gjitha tregjet dhe ekonominë botërore.

Siç ka shkruar “The Guardian”, çmimi në mëngjesin e së martës ka mbërritur në 3148.8 dollarë për ons (28 gramë).

Krejt kjo ndodhi në prag të 2 prillit, të asaj që po quhet si “dita e çlirimit” nga presidenti amerikan Donald Trump. Trumpi i sheh tarifat si mënyrë e mbrojtjes së ekonomisë së brendshme nga “gara jo e drejtë botërore”. Ai ka premtuar shpalosjen e një plani të tarifave të mërkurën. Tarifat që do t’i shpalosë ai, pritet të prekin të gjithë botën.

Ngritja e çmimit në vlerë rekorde përbën po ashtu tremujorin më të fuqishëm të arit që nga viti 1986.

Lajme nga bota

Shpërthen vullkani në Islandë, nisin menjëherë evakuimet

Published

2 days ago

April 1, 2025

TetovaExpres

Vullkani Sunddhnúksgígar në Islandë ka shpërthyer, duke detyruar autoritetet të shpallin “alarmin e kuq” dhe të evakuojnë turistët nga zona.

Sipas Benedikt Ófeigsson, drejtor i matjeve të deformimeve, shenjat e para të shpërthimit u regjistruan pas aktivitetit sizmik nëntokësor. Aktualisht, autoritetet po punojnë për të evakuuar qytetin Grindavík, ndërsa magma ende nuk ka arritur në sipërfaqe.

Një nga vendet më të njohura turistike, hoteli luksoz Blue Lagoon, është evakuuar plotësisht, duke zhvendosur të gjithë vizitorët në hotele të tjera. Menaxherja e hotelit, Helga Árnadóttir, deklaroi se mysafirët u zgjuan dhe u larguan menjëherë sapo u bë e qartë se shpërthimi kishte filluar.

Autoritetet lëshuan alarmin e kuq rreth orës 6:00 të mëngjesit. Zyra Meteorologjike e Islandës raportoi ndryshime të dukshme në presionin e matjeve, duke treguar rrjedhje magme dhe një shpërthim të mundshëm.

Ekspertët kishin paralajmëruar më parë se një shpërthim në kraterin Sundhnúkur ishte shumë i mundshëm për shkak të akumulimit të magmës.

Lajme nga bota

Masxhidi Al-Haram kanë zbatuar një proces inovativ pastrimi që freskon të gjithë xhaminë dhe oborret e saj në vetëm 35 minuta çdo ditë

Published

5 days ago

March 28, 2025

TetovaExpres

Për të ruajtur standartet më të larta të higjienës dhe për të siguruar një ambient të pastër për milionat e vizitorëve, autoritetet e Masxhidi Al-Haram kanë zbatuar një proces inovativ pastrimi që freskon të gjithë xhaminë dhe oborret e saj në vetëm 35 minuta çdo ditë.

Ky proces i shpejtë realizohet falë 24 grupeve të specializuara të pastrimit që punojnë pa ndërprerje, mbështetur nga një forcë punëtore prej 3,500 punonjësish të dedikuar.

Operacioni i pastrimit përdor teknologji të avancuar, përfshirë 12 makineri të specializuara larëse dhe 67 makineri pastrimi të avancuara, për të pastruar me efikasitet të gjitha zonat pa ndërprerë rrjedhën e besimtarëve.

Përveç kësaj, sistemi i menaxhimit të mbetjeve është gjithëpërfshirës, me më shumë se 3,000 kosha mbeturinash të vendosur strategjikisht brenda dhe jashtë xhamisë. Në mesatare, mbledhen 70 ton mbetje çdo ditë, me këtë shifër që rritet në 100 ton gjatë periudhave më të ngarkuara.

Ky sukses mbresëlënës tregon angazhimin e menaxhimit të xhamisë për të ofruar një ambient të sigurt, të pastër dhe mikpritës për pelegrinët dhe vizitorët.