Lajme nga bota
Familjarët nderojnë ata që humbën jetën në nëndetësen “Titan”
![](https://tetovaexpres.com/wp-content/uploads/2023/06/678d5c40-ba70-47a7-b8ce-6ba5aceadc69.jpg)
Familja e miliarderit britanik Hamish Harding, aventurierit që humbi jetën në nëndetësen “Titan” me katër pasagjerë të tjerë, i ka bërë homazhe “babait të tyre të përkushtuar”.
Pesë pasagjerë vdiqën në shpërthimin e nëndetëses gjatë udhëtimit në rrënojat e Titanikut – miliarderi Hamish Harding, biznesmeni pakistanez Shahzada Dawood dhe djali i tij Sulaiman, oqeanografi francez dhe eksperti i Titanikut Paul-Henri Nargeolet dhe Stockton Rush, themeluesi i kompanisë ” Oceangate”.
Familja e Harding tha në një deklaratë se ai ishte “një eksplorues i pasionuar, pavarësisht nga fusha, i cili jetonte për familjen e tij, punën e tij dhe aventurën e radhës”.
Vdekja e tij la “një boshllëk në jetën tonë që nuk mund të plotësohet kurrë”, tha familja e tij, duke shtuar se ata ishin “të bashkuar në pikëllim” me familjet e viktimave të tjera.
“Është me një zemër të rëndë dhe pikëllim të madh që ne vajtojmë humbjen e Zëvendës Presidentit tonë Shahzada Dawood dhe djalit të tij të dashur Suleman Dawood,” tha në një deklaratë Engro Corporation, një konglomerat pakistanez./makfax/
Lajme nga bota
Kaos në Paris! Pak orë para ceremonisë së hapjes së Lojërave Olimpike ndërpriten lëvizjet me trena, u vihet zjarri hekurudhave
![](https://tetovaexpres.com/wp-content/uploads/2024/07/trenat-france.jpeg)
Rrjeti hekurudhor i shpejtë i Francës është sulmuar duke sjellë ndërprerje të mëdha në shumë prej linjave hekurudhore më të ngarkuara të vendit, disa orë përpara ceremonisë së hapjes së Lojërave Olimpike në Paris.
Sipas mediave ndërkombëtare, në rrjetet hekurudhore është vënë zjarr, duke bërë të pamundur nisjen e trenave.
“Ky është një sulm masiv në një shkallë të gjerë për të paralizuar rrjetin TGV,” tha SNCF për Agence France-Presse, duke shtuar se shumë rrugë do të duhet të anulohen dhe situata do të zgjasë të paktën gjatë gjithë fundjavës, derisa të kryhen riparimet.
Operatori kombëtar i trenave tha se kishte qenë viktimë e disa akteve të tilla keqdashëse gjatë natës, duke shtuar se sulmet prekën linjat e tij në Atlantik, në veri dhe në lindje.
Firma hekurudhore ndër të tjera ka njoftuar qytetarët se biletat për këto udhëtime të ndërprera janë të këmbyeshme dhe të rimbursueshme.
Lajme nga bota
Aktorja e famshme amerikane: Do të largohem nga SHBA nëse fiton Trump
![](https://tetovaexpres.com/wp-content/uploads/2024/07/Untitled-6.jpg)
Që kur Joe Biden njoftoi se po tërhiqet nga gara për zgjedhjet presidenciale në SHBA, dhjetëra personazhe të famshëm e falenderuan dhe deklaruan mbështetjen e tyre të plotë për Kamala Harris.
Zëvendëspresidentja amerikane, e cila pritet të jetë kandidatja demokrate, do të përballet me republikanin Donald Trump. Ky i fundit, përveç mbështetësve të tij fanatikë, po përballet me dhjetëra yje të Hollivudit, të cilët do të bënin gjithçka që ai të humbiste zgjedhjet.
Në rastin e Sharon Stone, natyrisht, gjërat janë pak më ndryshe.
Aktorja 66-vjeçare, sipas një raporti të Daily Mail, thuhet se ka thënë se nëse Trump rizgjedhet president i Shteteve të Bashkuara, ajo do të largohet nga vendi.
“Patjetër që po mendoj të blej një shtëpi në Itali. Mendoj se ky është një investim i zgjuar për momentin”.
Miqtë e aktores thonë se ajo tashmë ka kërkuar shtëpi gjithashtu në rivierën franceze. Yje të tjerë të Hollivudit që kanë folur kundër Trump përfshijnë Jamie Lee Curtis, Katy Perry dhe Robert De Niro, i cili ka thënë:
“Nuk ka asgjë më të rëndësishme për vendin tonë sesa mposhtja e Donald Trump në kutitë e votimit”.
/abcnews.al
Lajme nga bota
Sot hapen Lojërat Olimpike: parada përgjatë Senës do të sigurohet nga 45,000 policë
![](https://tetovaexpres.com/wp-content/uploads/2024/07/pariz-olimpijada.jpg)
Franca synon të impresionojë botën sot me një ceremoni hapëse ekstravagante për Olimpiadën e Parisit, ku rreth 45,000 policë, 10,000 ushtarë dhe 2,000 kompani private sigurie do të ofrojnë sigurinë për paradën përgjatë lumit Sena, brigjeve të tij dhe monumenteve përreth.
Olimpiada mbahet në një kohë të rreziqeve të mëdha të sigurisë, pra në një kohë të tensioneve gjeopolitike të rritura
Pothuajse 7,000 atletë janë planifikuar të lundrojnë në lumin Sena, duke kaluar monumentet më të famshme të Parisit, ndërsa më shumë se 300,000 spektatorë do t’i ndjekin ata nga bregu.
Që nga Olimpiada e fundit në Pekin në 2022, luftërat kanë shpërthyer në Ukrainë dhe Gaza, tani një sfond i tensionuar i Lojërave. Franca është në nivelin më të lartë të sigurisë, megjithëse zyrtarët kanë përsëritur se nuk ka ndonjë kërcënim të veçantë për ceremoninë e hapjes apo vetë lojërat.
Si pjesë e një operacioni të madh sigurie, autoritetet vendosën 155 persona nën masa vëzhgimi që kufizojnë ashpër lëvizjet e tyre sipas ligjit kundër terrorizmit.
Garuesit izraelitë do të shoqërohen nga njësi taktike elitare dhe ata garues do të kenë mbrojtje 24-orëshe gjatë Lojërave Olimpike, thanë zyrtarët.
Dhjetra liderë botërorë do të jenë në Paris për ceremoninë e hapjes, e cila do të mbrohet nga snajperët në çati. Shtrati i lumit Sena është pastruar nga bombat dhe hapësira ajrore e Parisit do të mbyllet.
Avionët e survejimit me radar dhe dronët Reaper do të monitorojnë vendet e ndjeshme nga lart dhe avionët luftarakë Mirage 2000 do të jenë në gatishmëri për të kapur aeroplanët që mund të devijojnë në hapësirën ajrore të kufizuar.
-
Lajme nga vendi2 years ago
Zyra e Avokatit të Popullit në Tetovë sot do të jetë e hapur
-
Lajme nga vendi2 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve