Lajme nga vendi
Të punësuarit e Drejtorisë për të hyra publike në protestë: gjendja e pagave është më shumë se dërrmuese dhe zhgënjyese
Të punësuarit e Drejtorisë për hyra publike kanë paralajmëruar protestë, në të cilën, siç thonë ata, do të shprehin pakënaqësinë e tyre ndaj ministrit të Financave Fatmir Besimi, për shkak të refuzimit të tij për të nënshkruar Marrëveshjen e re Kolektive të Drejtorisë së të Ardhurave Publike, transmeton Portalb.mk.
Protesta do të mbahet duke nisur nga ora 11:00 para godinës së Ministrisë së Financave.
“Në përmbajtjen e marrëveshjes së përmendur është përcaktuar rritje e pagave të punonjësve të Drejtorisë së të Ardhurave Publike, e cila është legjitime dhe e vendosur sipas dispozitave të nenit 66 të Ligjit për Buxhetin”. Në të njëjtën kohë, Kuvendi i Republikës së Maqedonisë së Veriut konfirmoi zbatimin e tillë të nenit të përmendur duke dhënë interpretimin e tij autentik. Paraprakisht grupet e punës të deleguara nga punëdhënësi dhe organizata përfaqësuese sindikale Solidariteti kanë përgatitur dhe kanë pranuar bashkërisht përmbajtjen e Kontratës së re Kolektive në nivel punëdhënësi”, thuhet në informacion.
Në përputhje me dispozitat e Rregullores për dorëzimin dhe regjistrimin e kontratave kolektive, sqarohet nga aty, së pari pala kontraktuese – punëdhënësi, marrëveshjen me shkresë e ka dorëzuar në Ministrinë e Financave për marrjen e pëlqimit për nënshkrimin e saj.
Ata shtojnë se përfaqësues të Ministrisë së Financave kanë bërë vërejtje për gjoja implikime financiare për buxhetin e Republikës së Maqedonisë së Veriut.
“Përkundër faktit që besojmë se nuk është kështu, ne u pajtuam që dispozitat e kontestuara të fshihen nga përmbajtja e kontratës, duke hequr dorë në këtë mënyrë nga disa të drejta që i kishim rënë dakord më parë me punëdhënësin. Përveç pjesëmarrësve të tjerë, në aktivitetet finale morën pjesë edhe drejtori i Drejtorisë së të Ardhurave Publike dhe Ministri i Financave, gjatë të cilave u përpilua përmbajtja e marrëveshjes kolektive të pranueshme për të gjithë. Duke qenë se deri më sot për arsye të pakuptueshme ende nuk është marrë pëlqimi për nënshkrimin e kontratës dhe punonjësit e administratës nuk mund të ushtrojnë të drejtën për paga më të larta, kanë vendosur të mbajnë protestën e sotme”, thuhet në njoftim.
Kur bëhet fjalë për pagat e punonjësve të Drejtorisë së të Ardhurave Publike, shtojnë punonjësit e këtij institucioni, situata është më se dërrmuese dhe zhgënjyese.
“Për 14 vite pagat janë korrigjuar vetëm për 5%, kurse në 4 vitet e fundit asnjë denar. Askush nuk dëshiron të vlerësojë faktin se bëhet fjalë për të punësuar në drejtori shtetërore, të cilët janë unik në aktivitete dekadash të aksioneve humanitare dhe donatore që shprehin përgjegjësinë e tyre sociale. Askush nuk mund ta mohojë faktin se ata janë të vetmit që kanë ndarë miliona nga pagat e tyre që janë derdhur në fond për t’u përballur me pandeminë Covid kur e gjithë shoqëria ishte në shok. Duke marrë parasysh vendosmërinë e punonjësve në drejtori për të përdorur të gjithë mekanizmat për ushtrimin e kësaj të drejte themelore, shprehim shqetësimin tonë për mundësinë e shfaqjes së situatave të padëshiruara, të kushtëzuara nga mospërmbushja e detyrave dhe detyrimeve të punës së punonjësve në mbajtjen eventuale të grevës së përgjithshme për të cilën insistojnë ata. Të gjithë duhet të jemi të vetëdijshëm se çfarë do të thotë kjo për të gjithë shoqërinë. Në të njëjtën kohë, ne kemi një detyrim të përbashkët, secili individualisht dhe të gjithë së bashku, të gjejmë një zgjidhje, e ajo është të japim pëlqimin për nënshkrimin e marrëveshjes kolektive tashmë të pranuar për të parandaluar të njëjtën gjë”, thuhet në deklaratë.
Lajme nga vendi
Ministria e Infrastukturës jep dy kontrata me negocim në vlerë rreth 1.5 milion euro për punë shtesë në rrugën Prizren-Tetovë
Ministria e Infrastukturës do të nënshkruajë sot dy kontrata me procedurë të negocuar pa publikim të kontratës në vlerë rreth 1.5 milion euro për punë shtesë në rrugën Prizren-Tetovë, shkruan Reporteri.net.
Kontratat janë dhënë për Lotin 1 dhe Lotin 3. Për kontratën me titull “Ndërtimi i rrugës Prizren – Kufiri me Maqedonin e Veriut (Tetovë), segmenti Struzhë – Kyçja në Autoudhën dr.Ibrahim Rugova në Prizren – Jug Loti 3”, vlera është 834 mijë e 424 euro. Për këtë lot, me kontratë është shëprblyer kompania “EUROKOS HOLDING SH.P.K”.
Ministria e Infrastukturës do të nënshkruajë sot dy kontrata me procedurë të negocuar pa publikim të kontratës në vlerë rreth 1.5 milion euro për punë shtesë në rrugën Prizren-Tetovë, shkruan Reporteri.net.
Kontratat janë dhënë për Lotin 1 dhe Lotin 3. Për kontratën me titull “Ndërtimi i rrugës Prizren – Kufiri me Maqedonin e Veriut (Tetovë), segmenti Struzhë – Kyçja në Autoudhën dr.Ibrahim Rugova në Prizren – Jug Loti 3”, vlera është 834 mijë e 424 euro. Për këtë lot, me kontratë është shëprblyer kompania “EUROKOS HOLDING SH.P.K”.
Kontrata tjetër, ajo për Lotin 1 është në vlerë 653 mijë e 715. Punimet do t’i kryej konsorciumi “4 A-M; PREMIUM BETON SH.P.K.; GPG Company Sh.p.k”.
Të dy kontratat janë dhënë dje, teksa nënshkrimi i tyre është planifikuar të bëhet sot.
MI kishte nënshkruar kontratat për këtë rrugë në vlerë 32 milionë euro në gusht të vitit 2024.
Për Lotin 1, ishte dhënë kontratë në vlerë 8 milionë euro, për Lot 2 15 milionë e 600 mijë euro, por që pastaj ishte kthyer në rivlerësim dhe për Lotin 3 në vlerë 8 milionë e 346 mijë e 804 euro.
Pas nënshkrimit të këtyre dy kontratave, Ministri i Infrastukturës, Libur Aliu, kishte thënë se ajo kjo rrugë mundëson edhe hapjen e një korridori të ri rrugor me ndikim ekonomik për të dyja vendet
“Kjo rrugë i lidhë dy autostrada ndërkombëtare të cilat kalojnë në të dy anët e maleve të Sharrit, dhe lidhja e këtyre dy rrugëve në pikën më të afërt mes tyre, përveç se i afron dy qytetet dhe dy shtetet tona, ajo mundëson edhe hapjen e një korridori të ri rrugor me ndikim ekonomik për të dyja vendet”, kishte shkruar Aliu para tetë muajsh./Reporteri.net
Kontrata tjetër, ajo për Lotin 1 është në vlerë 653 mijë e 715. Punimet do t’i kryej konsorciumi “4 A-M; PREMIUM BETON SH.P.K.; GPG Company Sh.p.k”.
Të dy kontratat janë dhënë dje, teksa nënshkrimi i tyre është planifikuar të bëhet sot.
MI kishte nënshkruar kontratat për këtë rrugë në vlerë 32 milionë euro në gusht të vitit 2024.
Për Lotin 1, ishte dhënë kontratë në vlerë 8 milionë euro, për Lot 2 15 milionë e 600 mijë euro, por që pastaj ishte kthyer në rivlerësim dhe për Lotin 3 në vlerë 8 milionë e 346 mijë e 804 euro.
Pas nënshkrimit të këtyre dy kontratave, Ministri i Infrastukturës, Libur Aliu, kishte thënë se ajo kjo rrugë mundëson edhe hapjen e një korridori të ri rrugor me ndikim ekonomik për të dyja vendet
“Kjo rrugë i lidhë dy autostrada ndërkombëtare të cilat kalojnë në të dy anët e maleve të Sharrit, dhe lidhja e këtyre dy rrugëve në pikën më të afërt mes tyre, përveç se i afron dy qytetet dhe dy shtetet tona, ajo mundëson edhe hapjen e një korridori të ri rrugor me ndikim ekonomik për të dyja vendet”, kishte shkruar Aliu para tetë muajsh./Reporteri.net
Pavarësisht se jemi në vitin 2025, studentët në universitetet shtetërore të vendit po vazhdojnë të përdorin indekse tradicionale, duke mbajtur ato në duar, pa pasur mundësinë për të përdorur një indeks elektronik. Ky fenomen ka ngelur si pasojë e një pengesë administrative , duke e bërë këtë proces të dështuar. Megjithatë, një hap i rëndësishëm ka ndodhur së fundmi. Me iniciativë të Kuvendit Studentorë të Universitetit “Shën Kirili dhe Metodi” (UKM), një ndryshim i rëndësishëm është realizuar në Rregulloren që rregullon përmbajtjen dhe formatin e diplomave, si dhe dokumenteve të tjera të rëndësishme. Ky ndryshim është publikuar në “Gazetën Zyrtare të Maqedonisë së Veriut”, dhe ka sjellë mundësinë për implementimin e indeksit elektronik, duke kaluar mbi pengesat administrative të deritanishme.
“Me iniciativë të Kuvendit Studentor të UKIM-it, është bërë një ndryshim i rëndësishëm në Rregulloren për përmbajtjen dhe formatin e diplomave, udhëzimet për përgatitjen e shtojcës së diplomës dhe dokumenteve të tjera publike, të publikuara në Gazetën Zyrtare të RMV, nr. 67 më 28.3.2025”, thonë ata.
Njëkohësisht, digjitalizimi ka qenë një prioritet edhe për Organizatën Kombëtare Studentore. Ata, me mbështetje nga Fondacioni për Demokraci të Westminster-it, realizuan një studim mbi gjendjen aktuale të digjitalizimit në arsimin e lartë, dhe zhvilluan një plan aksional për modernizimin e këtij sektori. Kjo ka çuar në një bashkëpunim me disa institucione për të përshpejtuar digjitalizimin dhe për të siguruar një administratë studentore më efikase.
“Si përfaqësues studentorë, ne mbetemi të angazhuar në përmirësimin e të drejtave të studentëve dhe modernizimin e proceseve akademike. Futja e indeksit elektronik nuk është vetëm një ndryshim teknik, por edhe një hap thelbësor për një proces administrativ më të thjeshtë dhe për qasje më të lehtë në informacion për të gjithë studentët”, përfundojnë përfaqësuesit e studentëve. Ndryshe, siç theksojnë ata, ky hap do të lehtësojë jetën e studentëve dhe administratës, duke krijuar një sistem më të shpejtë, më të sigurt dhe më efikas. (koha.mk)
Universiteti i Evropës Juglindore ka hapur dyert sot për maturantët, duke promovuar fakultetet dhe programet studimore që ofron ky universitet, shkruan Alsat.
Në UEJL ofrohen edhe studime të personalizuara, por edhe programe të reja të përvitshme, për të cilat studentët shprehin interesim dhe tregojnë rregullshmëri në ndjekjen e ligjëratave, u shpreh me rektori i UEJL-së, Abdylmenaf Bexheti.
Ai më tej shtoi se një nga arsyet kryesore se persë duhet të zgjidhet UEJL, është pikërisht punësueshmëria e madhe e studentëve të UEJL-së, e cila ka një tregues të lartë mbi 80 për qind.
“Mënyra e të studiuarit në UEJL, duke filluar nga strukturat programore, me njohuritë bazike të shkathtësive të studentëve, e ka dëshmuar edhe tregu i punës. Raportet e rregullta të tregut të punës na flasin se mbi 80 për qind e studentëve të UEJL, punësohen që tre muajt e parë pas diplomimit, në një shkallë të papunësueshmërisë së shtetit me 13 për qind, pra kjo është diçka që dëshmohet vetvetiu. Dhe krejt për fund, mendoj se studentët përshtypjet e tyre i formojnë mbi atë që i pyesin gjeneratat paraprake. Andaj sivjet vazhdojmë me risitë programe, pra kemi edhe dy programe specialistike sidomos, programi një vjeçar i shkencave shëndetësore, dhe ai i masterit të psikologjisë, dy risi që ne i ndjekim në bazë të nevojave të tregut të punës”, tha Abdylmenaf Bexheti. Rektor i UEJL-së.
Ministria e Infrastukturës jep dy kontrata me negocim në vlerë rreth 1.5 milion euro për punë shtesë në rrugën Prizren-Tetovë
INDEKS ELEKTRONIK PËR STUDENTËT! Më në fund nis realizimi i kërkesës së kamotshme
Universiteti i Evropës Juglindore ka hapur sot dyert për maturantët
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve