Moti sot, paradite në disa lugina do të ketë kushte me mjegull. Gjatë ditës me diell me vranësira të ulëta deri në mesatare lokale. Në zonat malore do të ketë vranësira të shtuara dhe kushte për reshje të dobëta të kohëpaskohshme shiu. Do të fryjë erë e lehtë deri mesatare nga drejtimi i veriut. Temperatura minimale do të jetë në interval prej 1 deri në 10, ndërsa maksimalja do të arrijë nga 18 deri në 24 gradë.

Në Shkup paradite në pjesë të luginës do të ketë kushte për paraqitje të mjegullës së dobët, ndërsa gjatë ditës do të jetë me diell me vranësira të vogla. Do të fryjë erë e lehtë deri mesatare nga drejtimi i veriut. Temperatura minimale do të zbresë deri në 6, ndërsa ajo maksimale do të arrijë deri në 23 gradë.

Qeveria i dha dritë të gjelbër Projekt Buxhetit të vitit të ardhshëm, me të cilin sipas ministres së Financave, vendosen themelet e stabilizimit të financave publike dhe zhvillimit ekonomik. Të ardhurat në buxhetin 2025 janë paraparë për 13 për qind me të larta se sa këtë vit, ndërsa shpenzimet për 10 për qind më të larta. Rritja ekonomike është planifikuar në nivelin prej 3,7 për qind, deficiti buxhetor në 4 për qind, ndërsa inflacioni në 2,2 për qind. Ministrja e Financave tha se në buxhetin e vitit të ardhshëm janë paraparë më shumë fonde për bllokdotacione për komunat, për pagat- sidomos për rritje në arsimin fillor dhe atë të mesëm si dhe në shëndetësi. Sipas Koçoskës situata imponon kursimin, por do të veprohet me kujdes.

“Vendosëm për mbështetjen e projekteve të komunave, e cila do të vazhdojë edhe vitin e ardhshëm. Në mënyrë shtesë komunat do të marrin mbështetje përmes transfereve më të larta dhe bllokdotacioneve. ………….. Me Buxhetin janë paraparë fonde edhe mbështetjen e standardit jetësor. Janë siguruar fonde për pagesën e rregull të pensioneve, të cilat nga marsi do të rriten për 2500 denarë shtesë. Për këtë qëllim janë siguruar 15 miliardë dënarë shtesë ose në tërësi 105 miliardë denarë. Janë siguruar para për pagesën e rregullt të pagave, përkatësisht rritje prej 3,5 miliardë denarë ose 48 miliardë denarë në tërësi dhe plus 2 miliardët që i përmenda për bllokdotacionet, përkatësisht për arsimin”, deklaroi Gordana Dimitrieska Koçoska, ministre e Financave. /Alsat.mk

Prokuroria Themelore Publike Manastir ka iniciuar procedurë kundër një shtetasi të Manastirit 39 vjeçar, i dyshuar për veprën penale – Heqje e kundërligjshme e lirisë nga neni 140 paragrafi 5 në lidhje me paragrafin 2 dhe paragrafin 1, si dhe lëndim trupor. sipas nenit 130 paragrafi 2 në lidhje me paragrafin 1 të Kodit Penal.

“Më 21 tetor, gjatë dhunës në familje dhe në mënyrë të egër, i dyshuari e ka mbyllur në mënyrë të paligjshme dhe e ka mbajtur të mbyllur, e më pas e ka lënduar fizikisht ish-partneren e tij. Viktima ka hipur në automjetin e tij para shtëpisë së saj. Ai filloi të ngiste makinën dhe fillimisht e goditi me grusht në zonën e kokës, më pas e çoi në shtëpinë e tij të pushimit në Nizhny Pole, ku e shtyu me forcë, e mbylli dhe duke e mbajtur të mbyllur, e goditi me shuplakë, grushte dhe shkelma në kokë dhe trup për një orë.

Viktima nuk mund të duronte më sjelljen e tij të dhunshme, ndaj nga kuzhina mori një thikë me të cilën preu damarët e krahut të majtë. Por, i dyshuari ka vazhduar ta godasë atë ashpër, duke i shkaktuar lëndime të shumta trupore”, njoftojnë nga prokuroria.

Prokurori publik i ka dorëzuar gjyqtarit të procedurës paraprake propozim për caktimin e masës së paraburgimit, por i dyshuari është në arrati, andaj masa e paraburgimit do të fillojë të zbatohet nga dita e konstatimit, privimit të lirisë dhe paraburgimit.