Lajme nga vendi
Në Universitetin e Tetovës u prezantua projekti për nxitjen e vullnetarizmit
Në Universitetin e Tetovës, Asociacioni Maqedonas-Amerikan Alumni e bëri prezantimin e projektit që ka për qëllim inkurajimin e aktiviteteve vullnetare, krijimin e rrjeteve shoqërore dhe bashkëpunimit mes studentëve dhe profesorëve. Ideja e projektit është që, më së paku 500 studentë nga universitete të ndryshme të kyçen në aktivitete përkatëse jashtë procesit mësimor, formimi i katër klubeve vullnetare në katër universitete publike, të cilët do të marrin pjesë në më së paku 12 aktivitete për punë të dobishme shoqërore për një periudhë njëvjeçare, nxitja e formimit të klubeve për interesa jashtëmësimore,
angazhimi i anëtarëve të MAAA si mentorë, trajnues dhe pjesëmarrës, lehtësimi i bashkëpunimit ndërmjet klubeve, liderëve lokalë dhe organizatave joqeveritare, si dhe ndërtimi i kampanjës në mediumet sociale në nivel nacional – ngritja e vetëdijes te përdoruesit e rrjeteve sociale për përfitimet nga kyçja në aktivitetet vullnetare të theksuara më lartë.
Rektori i UT-së, Prof. Dr. Kushtrim Ahmeti u shpreh se ky është aktiviteti i parë që e organizojmë së bashku, pas nënshkrimit të marrëveshjes së bashkëpunimit me Asociacionin Alumni, me shpresën se aktivitete të tilla do të kemi edhe në të ardhmen. “Sot është aktiviteti i parë që e realizojmë së bashku dhe pikërisht ka të bëjë me vullnetarizmin që në mënyrë të drejtpërdrejtë lidhet me ju si studentë. Besoj se ky do të jetë një moment ku ju do të reflektoni dhe do të vazhdoni aktivitetet, të cilët kanë të bëjnë me punën
vullnetare, e që do t’u ndihmojnë për përfitimin e shkathtësive plotësuese, por edhe që të jeni aktivë në komunitet. Ju si studentë dhe të gjithë ne duhet ta kemi parasysh faktin se kemi edhe përgjegjësi ndaj komunitetit, duhet t’i zhvillojmë ato përgjegjësi sociale dhe është një moment shumë i mirë reflektimi”, u shpreh Rektori i UT-së, Prof. Dr. Kushtrim Ahmeti.
Prof. Dr. Bashkim Ziberi, anëtar i bordit drejtues të Asociacionit Maqedonas-Amerikan Alumni, tha se qëllimi i këtij organizimi është shkëmbimi i përvojave për sa i takon vullnetarizmit dhe angazhimit tonë në shoqëri. “Ne të gjithë kemi përgjegjësi, duke filluar nga ju si studentë e deri tek ne që kemi pak më shumë përvojë në këtë pjesë, kështu që, të gjithë së bashku do të kontribuojmë në të mirë të shoqërisë.
Asociacioni i Maqedonas – Amerikan Alumni është një organizatë që përbëhet prej anëtarëve te cilët kanë qenë në programe të ndryshme të Bashkimit Evropian. Unë jam vetë alumni, kam qenë në programin e Fulbrightit të Qeverisë Amerikane në Boston të SHBA-ve dhe nëse ka diçka që më kanë lënë përshtypje është pikërisht vullnetarizmi i shoqërisë amerikane”, tha mes tjerash, Prof. Dr. Bashkim Ziberi.
Më pas, presidentja e MAAA, Verica Jordanova, në pika të shkurtra shpalosi aktivitetet e zhvilluara të asociacionit dhe projektet që pritet t’i realizojnë në vijim, ndërsa prezantimin e projektit të Asociacionit Maqedonas-Amerikan Alumni e bëri sekretarja e përgjithshme, Irena Popovska. Gjithashtu, përvojat e tyre të vullnetarizmit i shkëmbyen edhe Pranvera Kasami – ILPP, Dan Robish nga Peace Corps, profesori i Fakultetit Juridik, njëherit edhe Fullbright Alumni, Prof. Dr. Ali Musliu, si dhe Ognen Janevski – sekretar organizativ i MAAA.aktuale.mk
Në Qendrën për Kulturë në Tetovë, në organizim të Familjes Ramadani dhe Shoqatës së Shkrimtarëve “Oeneum”, promovohen librat “Një melodi e këputur” e autorit Selim Ramadani, “Arti dhe pavdekësia – Selim Ramadani, me autorë Hava Muçollari dhe Ilmi Dervishi dhe “Na bashkoi poezia 25” me autorë Merita Shefqet Abazi dhe Ilmi Dervishi.
Këto promovime u bënë në kuadër të ceremonisë përkujtimore “Arti i përjetësisë – Selim Ramadani” post mortum.
Shkrimtarë, poet por edhe ata që e kanë njohur për së afërmi vazhdojnë të insistojnë që Teatri I Tetovës ta mbajë emrin e tij.
AGIM VINCA – Krijues
“Selimi merrej edhe me krijimtari letrare, nuk ishte pa talent as edhe në këtë fushë, por për mua, ai në radhë të parë është aktor, është artist, krijues që la gjurmë në kulturën shqiptare, ndaj konsideroj se institucioni Teatri I Tetovës, që është teatër profesionist, duhet ta mbajë emrin e tij
Krijimtaria e tij ka qenë ushqimi i tij shpirtëror duke kërkuar hapësirë botimi në revistat dhe gazetat e asaj kohe ku ka qenë produktiv për aq sa ka shkruar duke u marrë me disa zhanre njëkohësisht.
XHELAL ZEJNELI – Profesor
“Ta zbardhim fytyrën, personalitetin, figurën e Selim Ramadanit, I cili është Migjeni i shqiptarëve, këtu në qytetin rrëzë Sharrit. Ka vdekur I ri 30-vjeçar në Spitalin e Shkupit dhe është aktori I parë shqiptar në Maqedoni, I diplomuar, I shkolluar që e ka kryer Akademinë e Artit. Të tjerët pas tij, shqiptarë të Maqedonisë, vijnë pas 30 vjetëve. Emrin e tij ne duhet ta përjetësojmë, nëpër institucionet e shkollat tona, universitetin, teatrin e Tetovës I cili është pa emër”
Ceremonia përkujtimore u organizua nga familja Ramadani në nderim të veprimtarisë së tij dhe boshllëkut që ka lënë pas. Ai u nda nga jeta i ri, gati në moshë sa Migjeni pa arritur t’i nxjerr të gjitha këngët e pakëndueme.
Kjo ceremoni mblodhi në Tetovë, krijues nga të gjitha hapësirat shqiptare.
Salla sportive e qytetit në Tetovë, e ndërtuar në vitet e 80-ta të shekullit të kaluar, ende nuk është vënë në përdorim.
Ky objekt sportiv me një kapacitet prej rreth 5,000 vendesh është i vetmi në qytet që përmbush standardet për ndeshje ndërkombëtare dhe të ligës së parë.
Megjithatë, në vend të sportit, salla, e cila strehon disa kompani prodhuese dhe shërbyese, përdoret për biznes.
Kryetari i Komunës së Tetovës, Bilall Kaami, tha se janë fituar të gjitha “betejat” ligjore dhe tani, salla është nën kompetencat e Komunës.
‘’Përfundimisht pas gati 5 viteve në krye të detyrës në Komunën e Tetovës janë fituar betejat ligjore dhe salla e sportit i është kthyer komunës së Tetovës. Komuna e Tetovës është duke përgatitur projekt për rikonstruminin e sallës dhe e njëjta të jetë në shërbim të sportit dhe atë duke i plotësuar të gjitha kriteret për lojëra ndërkombëtare për destinimin që e ka. Për basket, volejboll, hendboll dhe gjithë këto sporte të cila luhen në sallë. Unë besoj se shumë shpejt përkrah stadiumit si një terren kapital për sportin tetovar edhe salla e sportit do të jetë në shërbim të sportistëve tetovar’’ deklaroi kryetari i Komunës Bilall Kasami
Komuna e Tetovës thotë se palestra sportive e qytetit iu dha me koncesion një kompanie private në vitin 2001, e cila, sipas marrëveshjes, ka të drejtë ta menaxhojë deri në vitin 2034.
Janë zhvilluar negociata për ndërprerjen e koncesionit dhe dorëzimin e sallës te pushteti vendor, kurse sipas kreut të Komunës, tashmë salla vehet në shërbim të qytetarëve.
Këtë vit, Komuna e Tetovës mori në zotërim stadiumin e qytetit, i cili gjithashtu menaxhohej nga koncesionari privat që tani menaxhon palestrën sportive të qytetit.
Sipas njoftimeve të pushtetit vendor, stadiumi në Tetovë, ku aktualisht po kryhen aktivitete ndërtimi, do të marrë një pamje të re brenda 18 muajsh.
Shaban Sinani – TV Koha
Më 17.04.2026, zyrtarë policorë nga DPB Gostivar kanë privuar nga liria personin J.A.(28) nga fshati Senokos i Gostivarit. Gjatë bastisjes në shtëpinë e tij dhe objektet ndihmëse, të kryer me urdhër gjyqësor, zyrtarët policorë kanë gjetur dhe sekuestruar marihuanë. Pas dokumentimit të plotë të rastit, ndaj tij do të paraqitet kallëzim përkatës.
…..
Më 17.04.2026 në ora 10:20, zyrtarë policorë nga DPB Gostivar kanë arrestuar personat A.B.S.(55) dhe L.I.(60), të dy nga fshati Çajlë i Gostivarit, të cilët kanë prishur rendin dhe qetësinë publike me një përleshje fizike mes vete. Pas dokumentimit të plotë të rastit do të vijojë parashtresë përkatëse.
…..
Më 17.04.2026 në ora 13:15 në rrugën “Bllagoja Toska” në Tetovë, zyrtarë policorë nga SPB Tetovë kanë privuar nga liria personin H.K.(24) nga Tetova. Gjatë ndërmarrjes së masave, zyrtarët policorë kanë ndaluar një motoçikletë me targa të Tetovës, të cilin e drejtonte H.K., ku është konstatuar se e drejtonte pa leje drejtimi. Pas dokumentimit të plotë të rastit do të vijojë kallëzim përkatës.
……
Më 17.04.2026 në ora 16:30 në rrugën “Risto Oxhaklieski” në Gostivar, zyrtarë policorë nga DPB Gostivar kanë arrestuar Gj.A.(45) nga Gostivari pasi ka prishur rendin dhe qetësinë publike dhe pas marrjes së masave është konstatuar se është nën ndikimin e alkoolit, gjegjësisht i janë matur 1.67 promilë alkool në gjak. Pas dokumentimit të plotë të rastit do të vijojë parashtresë përkatëse.
…….
Më 17.04.2026 në ora 21:20 në Gostivar, në vendin e quajtur “Qelqore”, zyrtarë policorë nga DPB Gostivar kanë privuar nga liria personin N.R.(34) nga Gostivari, i cili drejtonte automjetin e udhëtarëve “Fiat” me targa të Gostivarit pa pasur të dhënë provimin për patentë shoferi. Pas dokumentimit të plotë të rastit do të vijojë kallëzim përkatës.
……
Më 17.04.2026 në ora 22:40, zyrtarë policorë nga DPB Gostivar kanë arrestuar personin L.E.(39) nga fshati Banjicë e Epërme e Gostivarit, pasi që ka prishur rendin dhe qetësinë publike me sjellje agresive. Pas dokumentimit të plotë të rastit do të vijojë parashtresë përkatëse.
……
Më 17.04.2026 në ora 14:55 në SPB Tetovë, personi L.I.(44) nga Tetova ka denoncuar se rreth orës 12:00 në një shkollë fillore, djali i tij i mitur është sulmuar fizikisht nga një bashkënxënës i tij. Po ndërmerren masa për zbardhjen e rastit.
……
Më 17.04.2026 në ora 20:15, zyrtarë policorë nga Departamenti i Policisë Galatë kanë privuar nga liria personin E.M. nga një fshat i Gostivarit, duke vepruar sipas denoncimeve paraprake se ka drejtuar kërcënime ndaj ish-partneres së tij 35-vjeçare dhe familjes së saj. Pas dokumentimit të plotë të rastit do të vijojë parashtresë përkatëse.
…..
Më 17.04.2026 në ora 19:00 në Departamentin e Policisë Rostushë, A.B.(21) ka denoncuar se në vendin e quajtur “Çeshma e Poshtme” në fshatin Skudrinjë, pas një mosmarrëveshjeje paraprake për vendparkim, është sulmuar fizikisht nga A.R.(50), të dy nga fshati Skudrinjë, komuna e Mavrovës dhe Rostushës. Po ndërmerren masa për zbardhjen e rastit.
……
Më 17.04.2026 në ora 22:15 në DPB Gostivar është denoncuar prishje e rendit dhe qetësisë publike me përleshje fizike mes E.A. dhe L.”x”. Gjatë ndërmarrjes së masave, zyrtarët policorë kanë gjetur të lënduar L.”x”, të cilit i është dhënë ndihmë nga qytetarët, ndërsa personi tjetër është larguar nga vendi i ngjarjes. Po ndërmerren masa për zbardhjen e rastit.
……
Më 17.04.2026 në ora 22:50 në fshatin Pallçisht i Poshtëm, komuna e Bogovinës, zyrtarë policorë nga Departamenti i Policisë Kamjan kanë privuar nga liria personat M.A.(27), Sh.H.(35), S.R.(43) dhe A.D.(36), të gjithë nga fshati Toplicë, pasi gjatë kontrollit të automjetit të udhëtarëve “Opel” me targa të Gostivarit, të cilin e drejtonte Sh.H., ndërsa të tjerët ishin pasagjerë, në automjet është gjetur dhe sekuestruar marihuanë. Pas dokumentimit të plotë të rastit do të vijojë parashtresë përkatëse.
……
Më 17.04.2026 në ora 16:00 në rrugën rajonale Shkup-Tetovë, në fshatin Zhelinë, zyrtarë policorë kanë ndaluar automjetin e udhëtarëve “Mercedes” me targa të Tetovës, të drejtuar nga K.Sh.(31) nga fshati Rogle, komuna e Zhelinës. Gjatë kontrollit të ushtruar, zyrtarët policorë kanë konstatuar se i denoncuari kryen transport publik të udhëtarëve pa licencë. Pas dokumentimit të plotë të rastit do të vijojë kallëzim përkatës.
…..
Më 18.04.2026 në ora 00:40 në DPB Gostivar, nga Qendra Urgjente Gostivar është denoncuar se tek ata është dërguar me lëndime të rënda trupore 42-vjeçarja V.N.. Sipas denoncimit, ajo i ka marrë lëndimet nga shpërthimi i një bombole gazi dhe për shkak të seriozitetit të lëndimeve është transferuar në Kompleksin e Klinikave “Nënë Tereza” në Shkup. Këqyrja e vendit të ngjarjes është kryer nga ekipi i DPB Gostivar.
KARATE: ISA ELMAZI PJESËMARRËS NICOSIA KARATE OPEN 2026
“ARTI I PËRJETËSISË”: CEREMONI PËRKUJTIMORE PËR SELIM RAMADANIN!
ÇEFERIN NGA SHKUPI: FUTBOLLI S`DUHET TË JETË PRIVILEGJ PËR TË PASURIT!
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga bota3 weeks ago“Do jem makthi i Iranit”, Trump ‘kërcënon’ sërish: Nëse nuk ulen në negociata, bombardimet do të shtohen
-
Lajme nga rajoni3 weeks agoZbardhet dëshmia e autorit të vrasjes së Liridonës, Plava: Kisha marrëveshje me Murselin, më tha se Behgjet Pacolli ka qenë në dijeni
-
Sport3 weeks agoBARDHI: NËNVLERËSIMI VETËM SE NA MOTIVON KUNDËR DANIMARKËS!