Lajme nga vendi
Rrogat e zyrtarëve, nismë për ndryshime ligjore nga një zyrë avokatie
Një zyrë avokatie nga Struga ka parashtruar nismën për ndryshim të nenit 11 të Ligjit për rrogat e personave të zgjedhur dhe emëruar, me çka baza për përllogaritjen e rrogave të bartësve të funksioneve do të definohet si minimale për rrogën e paguar vitin e kaluar, e jo sipas rrogës mesatare.
Kjo nismë u është dërguar të gjitha grupeve parlamentare, ndërsa ka për qëllim bartësit e funksioneve të dëshmonë solidaritet me popullin në kohë krize, thonë parashtruesit e kësaj nisme.
Në këtë mënyrë do të harmonizoheshin rrogat e zyrtarëve të zgjedhur dhe emëruar në përputhje me standardin në vend.
“Është etike dhe morale që bartësit e funksioneve të dëshmojnë kredibilitet dhe solidaritet me popullin e tyre, të bëjnë ndryshime adekuate ligjore, të mos e lejojnë atë rritje të rrogave e cila është e lartë” – thotë Gligor Qatoski.
Nga zyra e avokatëve në Strugë, e cila ka parashtruar nismën poashtu theksojnë se rroga nuk duhet të jetë motivi kryesorë i zyrtarëve shtetërorë, por përgjegjësi për të kontribuar për interesat e shtetit dhe qytetarëve.
“Në këtë mënyrë zyrtarët përsëri do të kishin rroga mbi mesataren, ndërsa do të dëshmonin se solidarizohen me popullin. Poashtu do të dëshmonin se funksionin e marrin jo për benefitet financiare dhe privilegjet, por si ndjenjë përgjejgësie” – u shpreh Qatoski.
Reagimet e opinonit erdhën pas vendimit të Gjykatës kushtetuese për të anuluar pjesë nga ligji për rrogat dhe kompensimet tjera të zyrtarëve të zgejdhur dhe emruar duke rritur ndjeshëm rrogat e zyrtarëve të zgejdhur dhe emruar.
Kundër rritjes së pagave me 78% është shprehur edhe presidenti i shtetit Stevo Pendarovski, ndërsa Qeveria ka paralajmëruar një zgjidhje ligjore për këtë çështje. Por, deri sa të vijë zgjidhja ligjore zyrtarët e zgjedhur dhe emëruar morën rrogën e parë me rritje, siç parasheh vendimi i gjykatës kushtetuese. (Rejhane Bushi – Metaj, TVM2)
Lajme nga vendi
Tetovë, interesim I lartë për vaksinim
Vaksinimi kundër gripit sezonal ka nisur sot dhe zhvillohet në 36 loakcione të vendit. Janë siguruar 70 mijë doza, ndërsa 32 mijë qytetarë janë paraqitur për vaksinim.Në Qendrën për Shëndet Publik në Tetovë shihet një interesim i madh i qytetarëve për t’u vaksinuar.Bllagorodna Mishkovska mjeke në Qendrën për Shëndet Publik në Tetovë thotë se, vaksinimi po zhvillohet pa pengesa, ndërsa tregon edhe arsyet pse duhet vaksinuar.Sipas saj, nëse ka interesim më të madh do të sigurohen doza shtesë. “Sikurse viteve të kaluara edhe këtë vit kemi një interesim të shtuar për vaksinim.Të gjithë qytetarët e interesuar aplikojnë në portalin vakcinacija.mk, pra bëhet fjalë për grupet e rrezikuara dhe marrin sms termin se kur të vijnë të marrin vaksinën. Janë siguruar vaksina për pesë grupet e rrezikuara, të sëmurit kronikë, personat e moshës mbi 60 vjeçare, puntorët shëndetësorë, fëmijët deri në moshën 5 vjeçare dhe gratë shtatzëna.Për të gjithë këta, Ministria e Shëndetësisë ka siguruar vaksina pa pagesë.Qendra për Shëndet Publik në Tetovë, deri më tash ka siguruar 1700 doza të vaksinës kundër gripit sezonal” thotë Bllagorodna Mishkovska mjeke në Qendrën për Shëndet Publik në Tetovë Nga Qendra për Shëndet Publik thonë se vaksinimi mbron pacientët kundër gripit sezonal dhe ka nivel të lartë të imunitetit, por edhe nëse infektohen simptomat janë më të vogla dhe gripi kalohet më lehtë. Ministria e Shëndetësisë njofton se të gjithë të regjistruarit do të marrin porosi SMS për datën, orën e saktë dhe vendin ku duhet të paraqiten për vaksinim. Mjekët apelojnë që të gjithë qytetarët që janë pjesë e pesë grupeve të rrezikuara, në kohë të marrin vaksinën dhe të mbrohen nga viruset e ndryshme gjatë periudhës së ardhshme. / TV KOHA/
Lajme nga vendi
Visar Ganiu : Fëmijët ma rregulluan ditën që në mëngjes
Lajme nga vendi
Miratohet ribalansi I buxhetit të komunës së Tetovës
-
Lajme nga vendi2 years ago
Zyra e Avokatit të Popullit në Tetovë sot do të jetë e hapur
-
Lajme nga vendi2 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve