Connect with us

Lajme nga vendi

Zona industriale zhvillimore, investim nga kompania tajvaneze “Yageo”

Published

1 year ago

on

Mbi 3.900 të punësuar dhe një investim total prej 205 milionë euro për dhjetë vjet, parashikon marrëveshja e nënshkruar në Taipei nga drejtori i Zonës Zhvillimore Teknologjiko-Industriale dhe njerëzit e parë të korporatës tajvaneze “Yageo”. Kjo kompani në vendin tonë planifikon të prodhojë pjesë rezervë dhe komponentë për automjetet elektrike, si dhe pajisje të sofistikuara për teknologjitë e gjelbra. Do të ndërtohen dy kapacitete prodhuese, një në Shkup deri në korrik vitin e ardhshëm dhe pastaj duhet të fillojë faza e dytë në Shtip.

“Para se të vinim këtu, mediat më pyetën pse Maqedonia, për dy arsye, së pari që kemi një përvojë të mirë me ju për më shumë se 10 vjet dhe tjetra është që qeveria është gjithmonë miqësore me investitorët e huaj, vendi është stabil, ka një kualitet të mirë të fuqisë punëtore dhe shpejtësi të realizimit.”, – deklaroi drejtori ekzekutiv i “Yageo”, Dejvid Vang.

Procesi i negociatave ka qenë i vështirë pasi në garë kanë qenë edhe disa vende nga rajoni, por në fund është arritur qëllimi, thotë drejtori i Zonës Zhvillimore.

“205 milion euro mjete reale të cilat do të hyjnë në Maqedoni dhe do të sjellin rreth 4 mijë vende të reja pune. Po sjellim teknologji të shekullit 21, Maqedonia me këtë investim bëhet pjesë e vendeve të cilat sigurojnë komponente vitale për prodhues të cilat janë brende botërore.”, – theksoi drejtori i ZZHTI-së, Jovan Despotovski.

Nëpërmjet video-lidhjes kryeministri Kovaçevski tha se politikat për tërheqjen e investimeve po japin rezultat.

Advertisement

“Me konceptin e ri të nxitjes së investimeve, arritëm ta vendosim vendin tonë mjaft lart në hartën e destinacioneve që kanë kapacitet dhe kushte për të realizuar investime me kualitet të lartë nga të cilat do të përfitojmë ne si vend, por më e rëndësishmja investime që sjellin përfitim të drejtpërdrejtë për qytetarët.”, – u shpreh kryeministri, Dimitar Kovaçevski.

Të gjitha kompanitë në zonën zhvillimore numërojnë rreth 17 mijë të punësuar, vetëm me këtë investim pritet që numri i punëtorëve në vitet e ardhshme të rritet për 30%.mrt.com

GAZMEND KURTISHI

Related Topics:
Advertisement

Lajme nga vendi

Filloi viti i ri akademik në Universitetin e Tetovës

Published

2 days ago

on

October 1, 2024

By

Në Universitetin e Tetovës ka filluar viti akademik 2024/25.Ceremonia e pritjes së studentëve është mbajtur para rektoratit të këtij universiteti ku studentët u pritën nga stafi akademik. Në fjalimin e tij rektori i këtij universiteti Jusuf Zejneli tha se për nga historia Universiteti i Tetovës është aritja më e madhe e shqiptarëve të këtyre trevave dhe gjatë rrugëtimit u ka prirë shumë proceseve dhe organizimeve të mëdha kombëtare politike e shoqërore. Rruga e dijes është e mbushur me shumë sfida dhe u duhet të jeni të vetëdijshëm se cdo vit akademik sjell me vete risi dhe mundësi të shumta për të mësuar gjëra të reja, për të sfiduar veten dhe për të zgjeruar horizontet tuaja.Ju do të përballeni me sfida, vështirësi, sakrificë, mund e përpjekje, por edhe me shumë aritje dhe suksese që do të formojnë karakterin tuaj dhe do t’ju përgatisin për të ardhmen si profesionistë të dalluar. Është e rëndësishme të mbani mend se suksesi nuk është gjithmonë në fund të rrugës, por në vetë procesin e përpjekjes, tha para studentëve rektori Jusuf Zejneli.“Deri sa jeni bërë pjesë e Universitetit tonë, ju i jeni bashkuar një komuniteti që vlerëson jo vetëm përsosmërinë akademike, por edhe rritjen personale, diversitetin dhe përfshirjen. Tani më, ju përbëni një mozaik talentesh, kulturash dhe prejardhjesh të ndryshme që pasurojnë mjedisin tonë akademik. Andaj ne drejtuesit e Universitetit të Tetovës bashkë me stafin akademik dhe atë administrativ jemi përkushturar për t’ju udhëhequr dhe mbështetur në këtë udhëtim arsimor – shkencor. Ne do të përpiqemi vazhdimisht që të krijojmë për ju një mjedis më të mirë arsimor dhe të ju ndihmojmë juve të arrini qëllimet tuaja akademike.Universiteti i Tetovës, është një institucion serioz i cili ofron mundësi të shkëlqyera për zhvillimin e studentëve. Nëpërmjet gamës së gjerë të programeve studimore, infrastrukturës si dhe resurseve, ne do të ju orfojmë juve mundësi të shumta zhvillimi professional”u shpreh rektori Jusuf Zejneli.Gabimet janë pjesë e mësimit, dhe nuk duhet t’i shikoni si pengesa, por si mundësi për të rritur njohuritë dhe aftësitë tuaja. Mbështetja që merrni nga njëri-tjetri dhe nga profesorët tuaj është thelbësore. Mos kini frikë të kërkoni ndihmë kur ndiheni të pasigurtë, dhe njëkohësisht, ofroni ndihmën tuaj atyre që kanë nevojë. Bashkëpunimi dhe përkushtimi janë dy nga çelësat që do t’ju çojnë drejt suksesit, theksoi mes tjerash rektori Zejneli.Në fund, në mënyrë simbolike janë ndarë edhe indeksat për studentët që këtë vit fillojnë vitin e ri akademik në Universitetin e Tetovës./Tv Koha/

Continue Reading

Lajme nga vendi

Kumanovë, i riu me veturë e godet një këmbësor dhe ikën

Published

2 days ago

on

October 1, 2024

By

MPB ka njoftuar se me 30.09.2024, në orën 20:38, në SPB Kumanovë u raportua se në bulevardin “Brigada e tretë maqedonase e goditjes”, një automjet “Volkswagen Golf” me targa nga Kumanova, i drejtuar nga Sh.R. (18) nga fshati Nikushtak, komuna e Likovës, goditi E.R. (21) nga Kumanova, pas së cilës u largua nga vendi i ngjarjes.

Në aksident, E.R. pësoi lëndime të rënda trupore, të cilat u konstatuan në Spitalin e Përgjithshëm të Kumanovës.

Continue Reading

Lajme nga vendi

Qeveria LSDM-BDI vitin e kaluar votuan Strategjinë për heqjen e ‘balancuesit’, zbardhet dokumenti

Published

2 days ago

on

October 1, 2024

By

Qeveria e Republikës së Maqedonisë së Veriut, në përbërjen e mëparshme, në seancën e mbajtur më 11.07.2023, miratoi Strategjinë për Reformën e Administratës Publike 2023 – 2030 dhe Planin e Veprimit 2023 – 2026 për të njëjtën Strategji, mëson INA përmes dokumentit të siguruar.

Qeveria atëkohë në Strategjinë e saj, përcaktoi se “… tejkalohet nevoja e aplikimit të mjetit balancues, i cili në praktikë shkakton keqpërdorime të shumta…”.

Në tekstin e plotë të seksionit të Strategjisë së Qeverisë për Reformat e Administratës Publike 2023-2030 thuhet: “…parimi i qasjes së barabartë në çdo vend pune, parimi i ekspertizës dhe kompetencës dhe parimi i barazisë gjinore duhet të jenë parësor dhe të zbatohen vetëm në të gjithë procesin e përzgjedhjes, punësimit dhe avancimit në të gjitha nivelet në administratën publike, ndërsa në fazën para marrjes së vendimit të përzgjedhjes, natyrisht që duhet të merret parasysh parimi i përfaqësimit adekuat dhe të drejtë të pjesëtarëve të komuniteteve. Në këtë mënyrë nga njëra anë tejkalohet nevoja e përdorimit të mjetit të quajtur “balancues”, i cili në praktikë shkakton keqpërdorime të shumta…”.

Gjatë javëve të kaluara u hap një debat për vendimin e Gjykatës Kushtetuese për ngrirjen e aplikimit të Balancuesit. Në këtë debat opozita akuzoi Qeverinë e re për një deshqiptarizim të qëllimshëm dhe të shënjestruar, ndërsa partitë në pushtet nga koalicioni VLEN akuzuan për mashtrim dhe shkaktim të qëllimshëm problemesh politike nga përbërja e vjetër e Gjykatës Kushtetuese e zgjedhur me votat e BDI-së dhe LSDM-së.

Qeveria e kaluar me vendimin për miratimin e Strategjisë së Reformës së Administratës Publike 2023-2030 hapi debatin dhe nevojën që Gjykata Kushtetuese të merrte vendimin për rishikimin dhe ngrirjen e Balancuesit.

Advertisement

Siç mëson INA, Këtë seancë të qeverisë e drejtoi Fatmir Bytyqi nga LSDM-ja, por të pranishëm ishin ministrat e BDI-së Fatmir Besimi dhe Jeton Shaqiri.

Madje, Qeveria në përbërjen e mëparshme kishte dhënë një konkluzion shtesë për të obliguar ministritë që të përcaktojnë koordinatorët për zbatimin e kësaj Strategjie dhe reforme.(INA)

Continue Reading

Më të lexuarat