Connect with us

Lajme nga vendi

Të rinjtë e Fraksionit të BDI-së me porosi për ministrat: Mos luani me fatin tonë sepse ne nuk jemi lojërat e juaja të fatit

Published

on

Rinia është e ardhmja e një vendi, por ne sot me keqardhje duhet të përkujtojmë se neve, këtë të ardhme të vendit kjo Qeveri na e ka hequr krejtësisht nga rendi i ditës. Dhe me ne po luajnë pikërisht si me lojërat e fatit që dita ditës po i hapin në formë të kazinove dhe bastoreve. Këtë e theksuan të rinjtë e Fraksionit të Bashkimit Demokratik për Integrim në konferencën e sotme të shtypit.

Ata i akuzuan ministrat shqiptarë se në vend që të rinjve t’u hapin biblioteka, vende pune apo kënde rinore, ato po ju hapin bastore.

“Ne dëshirojmë të ngremë alarmin sot nga këtu se përveç që po na detyroni çdo dite e më shumë ta braktisim vendin dhe të marrim rrugët e kurbetit po na i sjellni edhe të keqen para derës me lojërat e fatit. Në vend që të na hapni biblioteka, vende pune apo kënde rinore, ju po na hapni bastore. Po na i rrezikoni ardhmërinë tonë si të rinj, po na i cenoni statusin financiar si dhe shëndetin mendorë”, tha nënkryetari i Forumit Rinor të BDI-së dhe përfaqësues i Fraksionit, Jetmir Asani.

Ai shtoi se janë të shqetësuar për formimin e video-lotarisë së re nga ana e Qeverisë së Maqedonisë së Veriut.

“Ne ndjehemi të shqetësuar nga lajmet që morëm se po themelohet një video lotari e re nga ana e qeverisë së Maqedonisë, me të cilën nënkuptojmë se APARATET do ti kemi çdo kund, në vend që ti kemi qendrat rinore apo qendrat për inovacion.

Advertisement

A e keni logjikuar se të rinjtë janë më të ndjeshëm ndaj ndikimit të lojërave të fatit se sa të rriturit, shtoi Asani

Ai përkujtoi në një anketë të realizuar nga Lëvizja Antibixhoz për ndikimin e lojërave të fatit tek të rinjtë theksohet se nga të anketuarit 58% të të rinjëve të paktën një herë kanë luajtur Kazino, Bastore, apo Online Kazino. Ndërsa ajo që është edhe më alarmante se po në këtë anketë thuhet se 67 prej të anketuarve kanë deklaruar se kanë luajtur për herë të parë nga mosha 8 deri 18 vjeçe.

“Në Maqedoninë e Veriut kemi mbi 1200 Kazino, Bastore, dhe Online Kazino ndërsa kemi 109 Shkolla të mesme, 227 Biblioteka dhe 20 qendra Rinore, që do të thotë 3 fish më shumë kemi Kazino dhe Bastore se sa vende ku mund të rinjtë të zhvillojnë mendimet e tyre dhe idetë e tyre.

Prandaj ne si të rinj vendosëm që të reagojmë ndaj këtij vendimi te ekzekutivit dhe i nxisim ministrat tanë dhe qeverinë tonë të filloj të mendoj më shumë në ndërtimin e mundësive më të mira, për të rinjtë për tu zhvilluar në jetën e tyre akademike si dhe shoqërore”, tha Asani.

Njëkohësisht të rinjtë i bëjnë thirrje Qeverisë së lojërave të fatit të vendosë gishtin në kokë se nëse nga 10 mijë të rinj në vit kanë braktisur vendin për kurbet, ky numër do të jetë shumë më i larte falë politikave qeveritare që nuk i kan fare për të rinjtë.

Advertisement

“Por keni politika se si të themeloni më shumë kompani për lojëra fati e ato ti udhëheqin njerëz të afërt me ju nga të cilët 3 anëtarë të Videollotarisë së re janë pikërisht të afërmit e ministrave të BDI-së. Andaj ju themi që mos të luani me fatin tonë sepse ne nuk jemi lojërat e juaja te fatit. Nëse nuk reflektoni do të marrim hapa të mëtutjeshëm duke përdorur metoda të ndryshme demokratike, për ta ndaluar këtë të keqe në shoqëri”, përfundoi Asani.

Advertisement

Lajme nga vendi

Vrasja e mjekut në Zhelezarë, tre të arrestuar

Published

on

Është arrestuar edhe një person lidhur me vrasjen e mjekut amë në Zhelezarë, me çka shkon në tre numri total i të arrestuarve që dyshohen të kenë lidhje me këtë rast. Ministri Teknik i Punëve të Brendshme, Pançe Toshkovski njoftoi se hetimi për vrasjen e shkaktuar me thikë po vazhdon edhe më tej. “Sipas informacioneve të mia është arrestuar edhe një person, pra gjithsej 3 persona. Kërkimi ka përfunduar në orët e vona të natës, vazhdohet me veprime të tjera hetimore që të mund të konfirmohet gjendja faktike”, deklaroi Pançe Toshkovski, Ministër Teknik i punëve të brendshme.
Ministri Teknik, Toshkovski gjatë ditës së djeshme njoftoi se janë ndërmarrë 20 veprime hetimore, janë kontrolluar mbi 50 kamera, sipas të cilave, siç tha ministri, është konstatuar se motivi i vrasjes nuk lidhej me profesionin që ushtronte mjeku i vrarë. Më 21 mars në orët e vona të mbrëmjes, mjeku amë është gjetur brenda makinës së tij me 9 plagë thike në trup. Atë e kanë gjetur djemtë e tij, të cilët kishin filluar ta kërkonin që kur babai i tyre nuk ishte kthyer në shtëpi në kohën e
paraparë.TV KOHA
Continue Reading

Lajme nga vendi

Taravari për marrëveshjen e Selës me Ahmetin: Nëse mendojnë që BDI-ja duhet të vazhdojë në pushtet është e drejt e tyre legjitime

Published

on

Kryetari i ASH-së, Arben Taravari tha se në rast se krahu i Selës në ASH vendos që të shkojë vetë në zgjedhje, ai është i gatshëm të jep vulat e partisë dhe të nënshkruaj propozimet e tyre, përcjell TV21.

“Nëse është arsyeja vulat pse shkojnë me BDI-në, unë para se ta mbajnë Kuvendin sot ju them përsëri, në qoftë se e mbani qëndrimin ende se mund të shkoni vetë, unë jam këtu që t’i pranojë listat me emrat që do t’i propozojnë ato për t’i nënshkruar dhe për t’i vulosur që të dalin me logon e ASH-së”, tha Taravari.

I pyetur për marrëveshjen e mundshme të ASH-krahu i Selës me BDI-në, ku ASH-së pretendohet se i premtohen 5 deputetë, Taravari the se e respekton vendimin e secilit.

“Shumë legjitime. Pavarësisht se si janë marrë vesh, unë e respektoj mendimin e çdo kujt. Unë këto dyshime i kam pasur edhe më parë, që ka afërsi dhe e kam thënë publikisht, ka afërsi të disa funksionarëve të ASH-së e BDI-në, por kjo nuk është diçka që është e jashtëzakonshme. Ata ashtu mendojnë, mendojnë që BDI-ja duhet të vazhdojë me pushtet dhe është shumë legjitime”, deklaroi Taravari.

Continue Reading

Lajme nga vendi

Osmani: Mendoj që kjo do të jetë një ndër fitoret më të mëdha që kemi pasur si bllok

Published

on

Në takimin me punonjësit në arsim dhe studentët, kandidati shqiptar për president, Bujar Osmani ka argumentuar se pse kandidohet si president.

“Dalim me idenë e presidentit të parë shqiptar dhe kërkojmë mbështetjen e gjithëve atyre të cilët kanë qenë të privuar nga mundësia për të pasur president, për shkak se këtu ka pasur monopole etnike dhe politike në 30 vitet e fundit, të cilët po i rrënojmë një nga një, mision pas misioni, duke e demonopolizuar shtetin dhe duke krijuar barazi të plotë. Asnjëherë duke tentuar që të dominojmë mbi të tjerët, por duke e kërkuar hisen tonë që secili të ketë mundësi të barabartë. Mendojë që kjo do të jetë një ndër fitoret më të mëdha që kemi pasur si bllok.

Ministri Osmani potencoi se këto zgjedhje do jenë jashtëzakonisht të rëndësishme. “Kujtoj që jemi në një udhëkryq të rëndësishëm historik, ku parashikueshmëria strategjike do të jetë përcaktuese se si do të jetë e ardhmja jonë e përbashkët. Një karakteristikë e veçantë e këtyre zgjedhjeve, dhe do të flas nga perspektiva partiake, për herë të parë po ridefinohet skena politike. Deri më tani, kemi pasur dy blloqe të mëdha politke, multietnike, që kanë pretenduar të udhëheqin shtetin, dhe keni pasur partitë politike shqiptare duke garuar, duke qenë partneri i vogël i blloqeve të mëdha”, tha ministri Osmani.

Continue Reading

Më të lexuarat