Një grua ka sjellë në jetë fëmijën e saj të parë në moshën 61 vjeçare në Klinikën Gjinekologjike dhe Akusheri në Shkup.

Drejtoresha Irena Aleksiovska Papestiev njoftoi se ka lindur para disa ditësh në Klinikën Gjinekologjike në Shkup.

Ajo konsiderohet si gruaja më e vjetër që solli në jetë fëmijën e saj të parë në Maqedoni.

Sipas informacioneve të deritanishme, nëna dhe foshnja janë në gjendje stabile.

Fëmija u ngjiz me një procedurë in vitro.

Advertisement

Është kompletuar përbërja e re e Komisionit për falje, ndërsa nesër është paraparë të mbahet seanca e parë konstituive, thuhet në njoftimin e kabinetit të presidentes, Gordana Siljanovska Davkova.

Kryetare e Komisionit është Milka Ristova, ndërsa anëtarë të tij janë Oliver Bacanovic, Aleksandra Gruevska Drakulevski, Blerta Ahmedi, Dragana Batiq, Afet Mamuti dhe Doan Suleimanoski.

Ky komision është pjesë e organeve të presidentes, i cili me propozim të Ministrisë së Drejtësisë vendos se kush dhe çfarë lloj faljeje do t’u jepet të dënuarve me aktgjykim të formës së prerë.

“Më e rëndësishmja për këtë komision është që së pari ta bëjë këtë, pasi po vjen Viti i Ri, e më pas ka falje. Por, një orë më vonë ai duhet të thërrasë anëtarët e të gjitha komisioneve të mëparshme për falje, për të dëgjuar vërejtjet, përvojat dhe sugjerimet e tyre. Pastaj, edhe për të thirrur kryetarin e Komisionit një seancë dëgjimore, ju e dini se është përgatitur një version pune i Ligjit për falje. Ligji ynë për faljen tani është me shumë defekt, pas ndryshimeve, që do të thotë shfuqizimi i dispozitave nga Gjykata Kushtetuese, realisht na duhet një ligj i përputhshëm me atë evropian dhe mendoj se atëherë Komisioni do të mund të marrë barrën e vendimmarrjes”, tha Siljanovska Davkova së fundi në një intervistë për MRT.

Presidentja thekson se na duhet një ligj që do të përcaktojë saktësisht se kush, si dhe çfarë bën, por rreziku më i madh për këtë proces është që të politizohet ose partizohet.

Advertisement

Vendimet për faljen e të dënuarve merren nga kreu i shtetit me rekomandimin e Komisionit të faljes, i cili është organ i përhershëm punues në shërbim të presidentit.

Përbërja e mëparshme e Komisionit, e cila u konstituua në fund të korrikut, dha dorëheqje kolektive, pasi disa nga faljet e shpallura për Ditën e Luftës Revolucionare Maqedonase, 23 tetor, shkaktuan reagime në opinion, ndërsa në disa media është raportuar se njëri nga personat e falur ishte anëtar i kartelit të drogës “Baron”.

Partia Lëvizja Besa këtyre ditëve feston 10-vjetorin e themelimit që për këtë, organizoi manifestim në Pallatin e Kulturës në Tetovë. Duke folur për rrugëtimin e Lëvizjes Besa, lideri Bilall Kasami tha se lëvizja BESA ka luajtur rol vendimtar edhe në proceset euro-integruese duke i përkrahur dhe duke qenë çelësi në çdo proces.Deklartaa Megjithatë, gjatë këtyre proceseve kemi bërë të qartë se rruga euro-atlantike nuk guxon të kalojë përmes shkeljes së të drejtave të shqiptarëve, prandaj në referendumin e 2019-ës kemi bërë fushatë me moton “Po për NATO dhe BE, por si shqiptar dhe jo si përqindje”, ndërsa gjatë ndryshimeve kushtetuese kemi kushtëzuar pushtetin e asaj kohe për të hequr formulimin maqedon dhe për ta zëvendësuar me qytetar i Maqedonisë për shqiptarët në dokumentet identifikuese. Pushteti i kaluar, dështimin në rrugën integruese donte ta kamuflonte me projekte avanturistike si Open Balkan. Megjithatë, edhe atëherë si opozitë kemi deklaruar dhe tash si pushtet po e vulosim qartë se nuk bëhemi pjesë e projekteve që e shkelin Kosovën.Kasami nuk shmangu dot akuzat ndaj Bashkimit Demokratik për Integrim, të cilën e fajësoi për largimin e qindra e mijërave shqiptarëve nga trojet e tyre.“Jeni të vetëdijshëm se në 20 vitet e fundit, vendit tonë i është shkaktuar një dëm i madh nga largimi masiv i qytetarëve, një fenomen i paparë më herët, duke shkaktuar kështu edhe një tkurrje të madhe demografike. BDI, si pjesë e pushtetit, jo vetëm që nuk ka marrë asnjë veprim për ta ndalur apo zbutur këtë largim masiv, por ka shfaqur një indiferencë të thellë edhe ndaj vetë diasporës. Ndërsa sot, kur kanë humbur pushtetin, shkojnë të vajtojnë në mërgatë, gjoja për gjuhën shqipe. Ata e kanë shkelur gjuhën shqipe dhe shqiptarët për 20 vite me radhë. Shembulli më i mirë për këtë është pikërisht ekzodi i shqiptarëve. Por vajtimet e tyre nuk janë as për gjuhën shqipe e as për mërgatën, por për humbjen e pushtetit dhe tenderëve”Si përfaqësues i koalicionit VLEN, mori pjesë edhe Izet Mexhiti, që siç tha, nuk përgatiti fjalim pasi shkoi në shtëpinë e vëllait, Bilall Kasamit,. Mexhiti tha se u munduan të tjerët të krijojnë përçarje në VLEN ndërsa për Besën.Mexhiti tha se fuqizimi i saj është edhe fuqizim i koalicionit.Në këtë përvjetor jubilar , të pranishëm ishin edhe ministrat Besar Durmishi dhe Fatmir Limani ndërsa kishte mysafoirë edhe nga partia e Arben taravarit dhe Alternativës. TV KOHA