Lajme nga vendi
Pendarovski e nënshkroi Dekretin për Ligjin e ri për amnisti për personat e dënuar për mosrespektimin e kovid-masave
Presidenti Stevo Pendarovski sot e nënshkroi Dekretin e Ligjit të miratuar për amnisti, në të cilin parashikohet personat e dënuar për veprat penale nga neni 205 “Transmetim i sëmundjes ngjitëse” dhe neni 206 “Mos veprim sipas rregulloreve shëndetësore gjatë një epidemie” nga Kodi Penal, gjatë pandemisë Kovid-19, dënimi me para ose dënimi me burg duhet të zëvendësohet me një masë alternative të dënimit me kusht”; informojnë nga kabineti i tij.
Sipas këtij ligji, personat gjoba me para e të cilëve është mbi 1000 euro ose dënimi i shqiptuar u zëvendësohet me dënim me burgim, do të dënohen me kusht prej tre vjetësh, ndërsa ata persona gjoba e të cilëve është deri në 1000 euro ose dënimi i shqiptuar u zëvendësohet me dënim me burg do të marrin një dënim me kusht prej dy vjetësh, gjatë të cilit nuk duhet të kryejnë një vepër të re penale.
Nga tre, përkatësisht dy vjet, dënim me kusht do të marrin edhe personat që kanë paguar një pjesë të gjobës mbi 1000 dhe deri në 1000 euro, me çka lirohen nga pagimi i pjesës tjetër të gjobës, nëse nuk kryejnë vepër të re penale.
“Në periudhën nga 01.01.2020 deri më 30.06.2022, 1.223 persona janë dënuar me gjobë prej 123.000 denarë. Sipas rregulloreve ligjore, nëse gjobat e vendosura nuk plotësohen brenda 2 viteve, gjyqtari për ekzekutimin e sanksioneve i zëvendëson me vendim me burgim. Për shkak të mos pagesës së gjobës, Gjykata Themelore Penale ka marrë vendime zëvendësuese, me të cilat gjoba me para është zëvendësuar me dënim me burg për 280 persona. Sipas të njëjtave vendime janë dhënë 205 akte referimi për vuajtje të dënimit me burg”, kumtojnë nga kabineti i shefit të vendit.
Nga aty theksojnë se nevojën e rregullimit të kësaj situate e imponon numri i madh i lëndëve të tilla në Gjykatën Themelore Penale Shkup.
Ata sqarojnë se ligji nuk parashikon amnisti për personat juridikë dhe personat përgjegjës në personat juridikë të dënuar me vendim të plotfuqishëm me gjobë me para, për veprat penale nga neni 205 dhe neni 206 i Kodit Penal.
“Amnistia ekziston dhe aplikohet në shumë vende evropiane, ndërsa në vendin tonë që nga momenti i pavarësisë së saj janë miratuar më shumë ligje për amnisti, rikujtojnë nga kabineti.
Nga aty theksojnë se përmes amnistisë mund të korrigjohen gabimet gjyqësore në mënyrë të shpejtë dhe efikase në raste të caktuara.
“Korrigjimi i vendimit të gjykatës mund të kërkohet edhe nga arsye të tjera shtetërore-juridike dhe socio-politike, ndërsa nuk është e rrallë në një konstellacion të ndryshëm socio-ekonomik, veprimi i rrezikshëm shoqëror të humbet karakteristikat e tij më thelbësore dhe nëpërmjet amnistisë, dënimi të anulohet sa më parë, theksojnë nga kabineti i presidentit.
Lajme nga vendi
Qamili – Ratkocerit: Atletet e Kasamit më të pastra se këmishat e juaja nga parat e qytetarëve
Albi Qamili nga Lëvizja BESA e ka qujtur gazetarin Arben Ratkoceri sinonim të mbrojtjes së korrupsionit në vend.
Në një shkrim në rrjetin social Facebook, Qamili i është kundërpëgjigjur gazetarit Ratkoceri i cili u tall me veshjen e Kasamit gjatë tubimit me diasporën shqiptare në Berlin.
“Kostumi i “Faturinos” ose i kondukterit të autobusit, është shumë më i pastër dhe me vlerë se kostumet dhe këmishat që i bleni me paratë e qytetarëve të cilat i merr për botimin e një Gazete e cila thuajse nuk është aspak funksionale dhe nuk gjendet në më shumë se 10 pika të shitjes.
Atletet e bardha janë më të lehta se çizmet e shtrenjta që i bleni ju duke u sponsorizuar me dekada për të bërë propagandë në mbrojtje të kriminelëve të pushtetit.
Edhe juve, më mirë do u rritje në shtat kostumi i veterinarit, sesa petku i “gazetarit”, profesion i shenjtë, po që ju po e devalvoni.
Dikush është sinonim i popullit, e dikush sinonim për mbrojtjen e krimit dhe korrupsionit!”, ka shkruar Qamili.
Përplasjet mes Qamilit dhe Raktocerit vijnë pas përqeshjeve të fundit që i bëri gazetari Ratkoceri ndaj Kasamit duke e quajtur veshjen e tij si të një kondukteri autobusi.
Lajme nga vendi
Ratkoceri me gjuhën e Artanit fyen Bilall Kasamin, e quan kondukter autobusi
Botuesi i gazetës Koha, Arben Ratkoceri, ka shkruar një status me të cilin fyen liderin e Lëvizjes BESA, Bilall Kasami.
Ai ka ironizuar me Kasamin pse ka veshur atlete të bardha, ndërda e ka fyer për kostumin e tij, duke e quajtur si kondukter autobusi.
Kjo retorikë e të ashtuquajturit gazetar, është e njëjtë me retorikën e zv/kryeministrit Artan Grubi, për të mos thënë se mund tl jetë shkruar nga vetë ai.
Lajme nga vendi
Shaqiri: Pse mallkohet bashkëpunimi VLEN -Vetvendosje
Shkruan: Agron Shaqiri
Në një botë ku politikanët e nivelit ndërkombëtar shpesh shprehin mbështetje për kolegët e tyre politikë në vende të ndryshme, një gjest i tillë solidariteti mes subjekteve politike shqiptare po bëhet shkaku i një reaksioni të jashtëzakonshëm mediatik.
Jo në larg se dje, kancelari gjerman, Olaf Scholz, në një video-adresim u shpreh parezervë në mbështetje të fushatës elektorale të partisë maqedonase LSDM. Për këtë nuk u dëgjua asnjë shpërthim i polemikës.
Poashtu një gjë e ngjashme ndodhi edhe në zgjedhjet lokale të 2021, kur kryetari i bashkisë së Tiranës, Erion Veliaj, doli hapas në mbështetje për kandidatin për kryetar të Shkupit, Petre Shilegov. Por, as këtu nuk u ndez asnjë debat i madh.
Nëse këto veprime shihen si të zakonshme dhe të pranueshme, atëherë pse Vetëvendosja, nuk duhet të ketë të drejtën të shpreh solidaritetin e saj me, koalicionin VLEN?
-
Lajme nga vendi2 years ago
Zyra e Avokatit të Popullit në Tetovë sot do të jetë e hapur
-
Lajme nga vendi2 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi1 year ago
Kovaçevski paralajmëroi drejtor të ri të Drejtorisë për Zbatimin e Sanksioneve