Lajme nga vendi
Ahmeti lëvdon Grubin e Osmanin: “Gëzohem kur dëgjoj se janë pasqyra e shtetit”
Lëre që nuk i heq, por edhe në tubimet me qytetarët, kreu i integristëve Ali Ahmeti vazhdimisht i lëvdon zv/kryeministrin e parë Grubin, ministrin Osmani dhe ministrat e tjerë nga partia e tij. Ahmeti tha se 20 vite ka investuar në ngritjen e kuadrove që sot, sipas tij, po na e zbardhin fytyrën para shteteve, vendeve e kombeve të përparuara.
“Unë gëzohem dhe më rritet krenaria kur dëgjoj dhe më thonë të huajt nga Brukseli e Uashingtoni se këta janë pasqyra e shtetit dhe e Qeverisë dhe kjo më fisnikëron, më bën të lumtur dhe të palodhshëm që ne të vazhdojmë të ecim përpara. Në këto momente që ne flasim, Bujar Osmani po kthehet nga Ukraina. Është ministër i jashtëm i gati gjysmës së globit, do të thotë që kemi arritur dhe ato investime që kemi bërë nuk na kanë shkuar huq”, tha Ali Ahmeti, kryetar i BDI-së.
E për kritikat që në BDI ka humbur demokracia e brendshme, Ahmeti tha se partia po funksionon për mrekulli.
“BDI, jo që unë jam kryetar i kësaj partie, por është një nga partitë më me demokraci të brendshme, lëri çka flasin ata se s’ka demokraci. Funksionojnë për mrekulli të gjithë institucionet dhe organet”, pohoi Ali Ahmeti, kryetar i BDI-së.
Lëvdata për Grubin kishte edhe ministri i Ekonomisë, Kreshnik Bekteshi. Tha se me këtë përbërje të ekzekutivit, e sidomos me Grubin, kanë sjellë vendime shumë të rëndësishme për qytetarët, e sidomos për shqiptarët.
“Për herë të parë është miratuar vendim i Qeverisë me iniciativë të Ministrisë për Sistem Politik ku është ministër njëkohësisht zv/kryeministri i parë që të gjitha mjetet e masave të ndryshme, programeve të ndryshme të cilat do të ndahen për qytetarët në nivel shteti të ndahen me metodologjinë e zhvillimit të barabartë rajonal. Çfarë do të thotë kjo? Nëse në një kohë, para disa dekadave, gjatë procesit të privatizimit, diskriminimeve të ndryshme ka ndodhur që rajone të ndryshme të jenë të favorizuara”, tha Kreshnik Bekteshi, ministër i Ekonomisë.
Ndërkaq nga pyetjen e qytetarëve të Gostivarit, Grubi u pyet se a do të tërhiqej për hir të bashkimit të partisë. Ai tha se kjo pyetje për të është shumë e lehtë.
“Ne e kemi vetëm një misionar në vendin tonë dhe jemi rreshtuar pas këtij misionari dhe për mua nuk ka dy standarde. Ja këtu jemi, ja le të më shohin edhe fëmijët e mi, për mua fjala Ali Ahmetit është e fundit”, tha Artan Grubi, zv/kryeministër i parë.
Kjo është dita e katërt që Ahmeti bashkë me funksionarë të BDI-së të nivelit lokal e qendror po takohet me qytetarët nën moton “Bashkë për Europë”. Takime paralelisht mban edhe grupi i zjarrit, ku sot nënkryetari i BDI, Izet Mexhiti dhe sekretari organizativ i BDI-së Blerim Bexheti do të mbajnë takim me të rinjtë nga Shkupi.tv21.
Lajme nga vendi
Njëmbëdhjetë persona në kontakt me të punësuaren e hospitalizuar në Klinikën infektive nën mbikëqyrje 14-të ditore

Njëmbëdhjetë persona në kontakt me një të punësuare të shtruar në Klinikën infektive janë nën mbikëqyrje 14-të ditore, pasi ajo është diagnostikuar me ethe hemorragjike krimea kongo, informoi sot Renata Mlladenovska, drejtore e Inspektoratit Shtetëror Sanitar dhe Shëndetësor (ISHSSH).
“Pas marrjes së informacionit nga Instituti për Shëndet Publik, të njëjtën ditë, pra më 5 gusht, ekip i epidemiologëve nga Qendra për Shëndet Publik – Shkup, ka kryer kontroll epidemiologjik, janë bërë anketa dhe kontakte. Informacioni është ndarë dhe me ISHSSH-në dhe si institucion lëshuam edhe 11 zgjidhje, ato janë kontakte të tashmë pacientes së shtruar e cila është edhe e punësuar në Klinikën infektive. Ato 11 kontakte do të jenë nën mbikëqyrje shëndetësore 14-ditore”, tha Mlladenovska.
Ajo sqaroi se çfarë nënkupton mbikëqyrja shëndetësore.
“Pacientja, përkatësisht kontaktet do të duhet të paraqiten dhe të jenë në kontakt të vazhdueshëm me epidemiologun kujdestar nga Qendra për Shëndet Publik – Shkup, nuk është izolim klasik, megjithatë nuk duhet të kenë kontakt me të tjerët – nëse është familja e ngushtë, thjesht të durojnë këto 14 ditë që të mos përhapet ky infeksion dhe shpresoj që ky të jetë rasti i fundit. Sa u përket 29 kontakteve të mëparshme, nga ato 29 kontakte, një është konfirmuar si rast, kemi mbikëqyrje shëndetësore, vendime të marra për 40 persona”, ka thënë Mlladenovska.
E pyetur nëse këta 11 kontakte janë të gjithë nga Klinika infektive apo familja, ajo sqaroi se nga këta 11, dhjetë persona janë nga familja e ngushtë e pacientes dhe një kontakt është e një kolege të saj poashtu nga Klinika infektive.
Më herët, kryetari i Komisionit për Sëmundje Infektive, Zllate Mehmedoviq, tha për MIA-n se Komisioni absolutisht qëndron prapa asaj që është bërë nga Instituti i Shëndetit Publik, masat e ndërmarra dhe rekomandimet që jepen.
Nga ajo që kanë parë, shtoi ai, rasti i parë është rast i infektimit të drejtpërdrejtë, ndërsa i dyti me gjasë është gjatë transmetimit përmes gjakut të kontaminuar.
Në rastin e parë të infeksionit të drejtpërdrejtë ndërroi jetë një paciente 27-vjeçare, pas infektimit nga pickimi i rriqrës.
Lajme nga vendi
Dogana e Maqedonisë ka konfiskuar fletobligacione në vlerë 92 milionë dollarë nga një shtetas i Turqisë

Drejtori i Doganave, Stefan Bogoev në një konferencë të jashtëzakonshme për shtyp njoftoi se Doganat e Maqedonisë së Veriut kanë konfiskuar fletobligacione në vlerë të 92 milionë dollarëve, shkruan TV21. Bogoev tha se janë konfiskuar 184 fletobligacione me vlerë të veçantë nominale prej 500 mijë dollarëve.
“Obligacionet janë gjetur tek një udhëtar, shtetas i Turqisë, i cili ka ardhur me fluturim të rregullt nga Stambolli dhe është përcaktuar për të kaluar në të ashtuquajturin “kanal i gjelbër”, respektivisht se nuk ka mall për të deklaruar, ndërsa gjatë kontrollit me skaner dhe kontrollit shtesë të detajuar, tek i njëjti janë gjetur në 4 dosje brenda një çante të zezë”, tha mes tjerash Bogoev duke shtuar se personi në fjalë është dënuar nga gjykata e vendit, ndërsa fletobligacionet i janë dorëzuar Agjencisë për Menaxhim me Pronë të Konfiskuar.
Lajme nga vendi
100 ushtarë nesër nisen për në Slloveni, janë kërkuar mjete materiale dhe teknike

Nesër në mëngjes ushtarët maqedonas duhet të nisen për në Slloveni, ku do të ndihmojnë në përballimin e përmbytjeve katastrofike. Këtë e theksoi sot ministrja e Mbrojtjes, Slavjanka Petrovska, duke theksuar se nuk ka pasur vonesa në ndihmën e ofruar.
Që në momentin e parë kur ndodhi aksidenti, e gjithë maja e shtetit kontaktoi autoritetet atje dhe ne i dhamë mbështetjen tonë vetëmohuese. Nga ata na thanë se sapo të bëjnë analizat do të dorëzohen kërkesat dhe kanë mbërritur dje. Për këtë kemi reaguar menjëherë dhe sot në seancën e Qeverisë do të marrim vendim që të dërgohen 100 ushtarë nga përbërje të ndryshme, të cilët do t’u përgjigjen nevojave të ushtrisë dhe shtetit slloven, tha Petrovska.
Ministri sqaroi se ushtarët tanë tashmë janë gati. Në kërkesë thuhet se kërkohen 200 ushtarë.
Sipas saj, janë kërkuar mjete të tjera materialo-teknike të cilat nuk jemi në gjendje t’i dorëzojmë.
Presidenti Stevo Pendarovski dje në bisedë me presidenten sllovene Natasha Pirc-Musar shprehu keqardhje dhe keqardhje për Slloveninë dhe gjithë banorët e saj për humbjet dhe dëmet e pësuara nga vërshimet, të cilat ishin të përmasave të mëdha, dhe shprehu gatishmërinë për të ndihmuar.
-
Lajme nga vendi1 year ago
Zyra e Avokatit të Popullit në Tetovë sot do të jetë e hapur
-
Lajme nga vendi1 year ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi11 months ago
Kovaçevski paralajmëroi drejtor të ri të Drejtorisë për Zbatimin e Sanksioneve