Lajme nga vendi
Më shumë shi në Llazaropole, në Kodrën e Diellit 22 centimetra borë
Në shtet në orën 7 të mëngjesit nuk janë regjistruar temperatura minus, ndërsa më ftohtë me 0 gradë është në Kodër të Diellit, ku ka 22 centimetra borë. Më shumë shi në 24 orët e fundit ka rënë në Llazaropole, 35 litra për metër katror, pas çfarë vijojnë Pozharani me 33, Hanet e Mavrovës me 29, Kodra e Diellit me 24
Moti sot është me vranësira të ndryshueshme me shi lokal kryesisht në pjesët perëndimore. Në disa vende frynë erë mesatare deri në të përforcuar nga drejtimi jugor.
Siç paralajmëroi DPHM, sot moti do të jetë me vranësira të ndryshueshme dhe relativisht ngrohtë me reshje të përkohshme të shiut, veçanërisht në pjesët perëndimore dhe lindore. Borë do të bjerë në majat më të larta malore. Do të fryjë erë e fortë nga drejtimi jugor (mbi 70 km/orë) më e theksuar përgjatë Vardarit. Temperatura maksimale do të jetë në interval prej 11 deri 18 gradë.
Në Shkup mot me vranësira të ndryshueshme me shi të dobët të përkohshëm. Do të fryjë erë e fortë nga drejtimi juglindor. Temperatura maksimale do të arrijë deri në 15 gradë Celsius.
Lajme nga vendi
Të gjitha ndeshjet do të luhen sot prej orës 17:00, “finalja” shqiptare do të jetë në Shkup
Java e XXXI-të në futbollin e Maqedonisë së Veriut do të sjellë një derbi shqiptar në Çair, atë ndërmjet Shkupit dhe Shkëndijës. Të dy ekipet kanë pikë të barabarta,
Ndeshja do të luhet në stadiumin e Çairit, duke filluar nga ora 17:00. Kryesia e ekipit vendas ka vendosur që biletat për këtë ndeshje të jenë falas për të gjithë.
Në të njëjtën kohë do të luhet edhe ndeshja ndërmjet Strugës dhe Gostivarit, si dhe ajo ndërmjet Voska Sportit dhe Sileksit.
Duke filluar prej orës 17:00, do të luhen edhe ndeshjet tjera: Akadmia Brera – Bregallnicës, Vardar – Makedonija dhe Rabotnicki – Tikveshi.
Në krye të tabelës gjendet Shkëndija, Struga dhe Shkupi me nga 58 pikë, ndërsa Gostviari gjendet e gjashta me 40 pikë, ndërsa Voska Sporti e nënta me 37 pikë. Pas kësaj jave, kanë ngelur edhe dy javë tjera, duke përfshirë edhe dy ndeshjet e rëndësishme Shkëndija – Struga (12 maj) dhe Struga – Shkupi (19 maj).
Në sezonin 2024/25 në Ligën e Parë të Maqedonisë së Veriut do të jetë edhe ekipi tjetër shqiptar, Besa e Dobërdollit, pasi arriti të bëhet kampion në Ligën e Dytë në sezonin 2023/24.
Lajme nga vendi
Çfarë nëse VMRO-ja e anashkalon Frontin Europian?
Çfarë nëse VMRO-DPMNE-ja, si favorite për të fituar në bllokun maqedonas, do ta anashkalonte Frontin Europian – si fituese në bllokun shqiptar në formimin e Qeverisë së ardhshme në Maqedoninë e Veriut?
Kjo është pyetja që iu parashtruar kandidatit për deputet, nga Fronti Europian dhe kryeministër, Talat Xhaferit nga BDI-ja, transmeton TV21
Xhaferi nuk ka dha një qëndrim, pasi siç tha, për këtë çështje do të duhet të dakordohen dhe më pas të prononcohen partitë e Frontit Europian.
“Për çështje konkrete, pas mbarimit të zgjedhjeve. Organet partiake të Frontit Europian… Ka strukturë udhëheqëse të Frontit… Çështja do të diskutohet… Normal që do të ketë vendim përkatës”, tha Xhaferi.
Lajme nga vendi
Bekim Sali: Takimi në Fushë Topanë që u shndërrua në tubim (FOTO)
Takimi me banorët që u kthye në tubim, e quajti takimin me banorët e Fushë Topanës, kandidati për deputet i VLEN-it, Bekim Sali.
“Bashkë me kryetarët e VLEN-it, Afrimin e Izetin, zhvilluam takim me banorët e Fushë Topanës, i cili u shndërrua në tubim. Edhe Fushë Topana i thotë PO ndryshimit dhe programit tonë qeverisës.
Fushë Topana VLEN!”, ka shkruar Sali në Facebook.
-
Lajme nga vendi2 years ago
Zyra e Avokatit të Popullit në Tetovë sot do të jetë e hapur
-
Lajme nga vendi2 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi1 year ago
Kovaçevski paralajmëroi drejtor të ri të Drejtorisë për Zbatimin e Sanksioneve