Lajme nga vendi
Besimi: Në Buxhetin e propozuar për vitin 2023 shpenzimet kapitale janë më të larta se deficiti i buxhetit
Buxheti i propozuar për vitin 2023 është në pajtim me rregullën e artë në financat publike – shpenzimet kapitale janë më të larta se deficiti buxhetor, përkatësisht do të merret hua vetëm për financim të projekteve investuese. Realizimi i buxhetit do të udhëhiqet sipas parimit vlerë për paratë e investuara, me ç’rast do të kihet kujdes që paratë e qytetarëve të shfrytëzohen atje ku japin efekte më të mëdha në realizimin e qëllimeve për cilësi më të madhe të jetës, tha ministri i Financave, Fatmir Besimi duke e arsyetuar Propozim-buxhetin e plotësuar të Republikës së Maqedonisë së veriut për vitin 2023 në fillim të mbledhjes së sotme të Kuvendit.
Propozim-buxheti për vitin 2023, thekson ministri, është real, i locon prioritetet dhe alokon në mënyrë adekuate mjete të qytetarëve dhe ndërmarrjeve. Gjatë vitit 2023 është planifikuar përmirësim i vazhdueshëm i sistemit për planifikim të Buxhetit, përmes kontrollit më të mirë të shpenzimeve dhe ndërmarrjes së propozim masave të caktuara në anën e shpenzimeve dhe anën e të ardhurave.
“Të ardhurat e përgjithshme të Buxhetit për vitin 2023 janë planifikuar në nivel prej 282,1 miliardë denarë dhe të njejtat janë për 14,8 për qind më të larta në raport me vitin 2022, përderisa shpenzimet janë planifikuar në nivel prej 324,8 miliardë denarëve apo për 12,6 më të larta në krahasim me vitin 2022. Deficiti buxhetor është planifikuar në nivel prej 4,6 për qind të BPV-së së planifikuar apo 42,7 miliardë denarë”, sqaroi Besimi.
Projeksionet për të ardhurat e Buxhetit për vitin 2023 bazohen në zërat e ardhshëm – realizim i të ardhurave në vitin rrjedhës 2022, pritjet për rritjen ekonomike dhe përmirësim të efikasitetit dhe efektivitetit të sistemit për pagesë të të ardhurave publike.
“për realizim të projeksioneve të të ardhurave janë planifikuar masa dhe aktivitete në drejtim të përmirësimit të rregullativës tatimore ekzistuese; uljes së evazionit tatimor; vendosje e teknologjive avancuese; modernizim dhe automatizim i proceseve të punës; përforcim i kapaciteteve të institucioneve për grumbullim të të ardhurave; pagesë e rritur dhe më efikase e të ardhurave tatimore; si dhe përforcim i koordinimit institucional”, theksoi Besimi.
Të ardhurat e përgjithshme tatimore, të cilat i përfshijnë të ardhurat në bazë të tatimit të fitimit, tatimit të të ardhurave personale, tatimit të vlerës së shtuar, akcizave, të dhënave importuese dhe të ardhurave të tjera tatimore dhe të ardhurave individuale të shfrytëzuesve buxhetorë, në Buxhetin për vitin 2023 janë projektuar në shumë prej 162,6 miliardë denarë, që, siç tha, është për 13,6 për qind mbi shumën e të ardhurave të planifikuara me Buxhetin për vitin 2022. Të njejtat marrin pjesë me 17,7 për qind në BPV-në për vitin 2023, që është përafërsisht njejtë me pjesëmarrjen në vitin e kaluar.
Shtoi se shpenzimet e përgjithshme në Buxhetin për vitin 2023, janë planifikuar në shumë prej 324,8 miliardë denarë, apo për 36,3 miliardë denarë më të larta në raport me Buxhetin për vitin 2022.
Shpenzimet rrjedhëse për vitin 2023 janë planifikuar në shumë prej 276,1 miliardë denarë apo për 7,7 për qind më shumë në raport me vitin 2022, janë dedikuar për pagesë të rregullt të rrogave për të punësuarit në sektorin publik, pagesë të rregullt dhe me kohë të pensioneve, të ardhura të garantuara minimale dhe të drejta të tjera sociale, pagesë të subvencioneve në bujqësi, mbështetje të ndërmarrjeve të vogla dhe mesme, mbështetje dhe subvencionim i aktiviteteve inovative, si dhe mbështetje të sektorit energjetik.
“Qëllimi i Propozim – Buxhetit për vitin 2023 është të ndihmojë në zbutjen e pasojave nga kriza energjetike, të sigurojë financim të papengueshëm të integrimeve euroatlantike, përmbushje të standardeve të NATO-s, por edhe të vendosë bazë për rikuperim ekonomik dhe të sigurojë përshpejtim të rritjes ekonomike. Ky Propozim-Buxhet është dizajnuar për përmbushje të përcaktimit për konsolidim fiskal dhe sigurim të qëndrueshmërisë fiskale”, shtoi Besimi.
Shpenzimet kapitale janë planifikuar në nivel prej rreth 48,8 miliardë denarë apo për rreth 51,8 për qind më lartë në raport me planin për vitin 2022, me ç’rast për financim të investimeve është planifikuar të sigurohen mjete nga disa burime dhe atë: mjete buxhetore, IPA fonde dhe kredi. Niveli i planifikuar i shpenzimeve kapitale për vitin 2023 merr pjesë me 5,3 për qind të BPV-së.
Deficiti i projektuar për vitin 2023 në shumë prej 42,7 miliardë denarëve si dhe pagesa e borxhit në shumë prej 52,1 miliardë denarë, prej të cilave borxhi i jashtëm në shumë prej 36,5 miliardë denarëve dhe borxhi vendor në shumë prej 15,6 miliardë denarëve, do të financohen përmes detyrimit vendor dhe të huaj.
Lajme nga vendi
Ministria e Infrastukturës jep dy kontrata me negocim në vlerë rreth 1.5 milion euro për punë shtesë në rrugën Prizren-Tetovë
Ministria e Infrastukturës do të nënshkruajë sot dy kontrata me procedurë të negocuar pa publikim të kontratës në vlerë rreth 1.5 milion euro për punë shtesë në rrugën Prizren-Tetovë, shkruan Reporteri.net.
Kontratat janë dhënë për Lotin 1 dhe Lotin 3. Për kontratën me titull “Ndërtimi i rrugës Prizren – Kufiri me Maqedonin e Veriut (Tetovë), segmenti Struzhë – Kyçja në Autoudhën dr.Ibrahim Rugova në Prizren – Jug Loti 3”, vlera është 834 mijë e 424 euro. Për këtë lot, me kontratë është shëprblyer kompania “EUROKOS HOLDING SH.P.K”.
Ministria e Infrastukturës do të nënshkruajë sot dy kontrata me procedurë të negocuar pa publikim të kontratës në vlerë rreth 1.5 milion euro për punë shtesë në rrugën Prizren-Tetovë, shkruan Reporteri.net.
Kontratat janë dhënë për Lotin 1 dhe Lotin 3. Për kontratën me titull “Ndërtimi i rrugës Prizren – Kufiri me Maqedonin e Veriut (Tetovë), segmenti Struzhë – Kyçja në Autoudhën dr.Ibrahim Rugova në Prizren – Jug Loti 3”, vlera është 834 mijë e 424 euro. Për këtë lot, me kontratë është shëprblyer kompania “EUROKOS HOLDING SH.P.K”.
Kontrata tjetër, ajo për Lotin 1 është në vlerë 653 mijë e 715. Punimet do t’i kryej konsorciumi “4 A-M; PREMIUM BETON SH.P.K.; GPG Company Sh.p.k”.
Të dy kontratat janë dhënë dje, teksa nënshkrimi i tyre është planifikuar të bëhet sot.
MI kishte nënshkruar kontratat për këtë rrugë në vlerë 32 milionë euro në gusht të vitit 2024.
Për Lotin 1, ishte dhënë kontratë në vlerë 8 milionë euro, për Lot 2 15 milionë e 600 mijë euro, por që pastaj ishte kthyer në rivlerësim dhe për Lotin 3 në vlerë 8 milionë e 346 mijë e 804 euro.
Pas nënshkrimit të këtyre dy kontratave, Ministri i Infrastukturës, Libur Aliu, kishte thënë se ajo kjo rrugë mundëson edhe hapjen e një korridori të ri rrugor me ndikim ekonomik për të dyja vendet
“Kjo rrugë i lidhë dy autostrada ndërkombëtare të cilat kalojnë në të dy anët e maleve të Sharrit, dhe lidhja e këtyre dy rrugëve në pikën më të afërt mes tyre, përveç se i afron dy qytetet dhe dy shtetet tona, ajo mundëson edhe hapjen e një korridori të ri rrugor me ndikim ekonomik për të dyja vendet”, kishte shkruar Aliu para tetë muajsh./Reporteri.net
Kontrata tjetër, ajo për Lotin 1 është në vlerë 653 mijë e 715. Punimet do t’i kryej konsorciumi “4 A-M; PREMIUM BETON SH.P.K.; GPG Company Sh.p.k”.
Të dy kontratat janë dhënë dje, teksa nënshkrimi i tyre është planifikuar të bëhet sot.
MI kishte nënshkruar kontratat për këtë rrugë në vlerë 32 milionë euro në gusht të vitit 2024.
Për Lotin 1, ishte dhënë kontratë në vlerë 8 milionë euro, për Lot 2 15 milionë e 600 mijë euro, por që pastaj ishte kthyer në rivlerësim dhe për Lotin 3 në vlerë 8 milionë e 346 mijë e 804 euro.
Pas nënshkrimit të këtyre dy kontratave, Ministri i Infrastukturës, Libur Aliu, kishte thënë se ajo kjo rrugë mundëson edhe hapjen e një korridori të ri rrugor me ndikim ekonomik për të dyja vendet
“Kjo rrugë i lidhë dy autostrada ndërkombëtare të cilat kalojnë në të dy anët e maleve të Sharrit, dhe lidhja e këtyre dy rrugëve në pikën më të afërt mes tyre, përveç se i afron dy qytetet dhe dy shtetet tona, ajo mundëson edhe hapjen e një korridori të ri rrugor me ndikim ekonomik për të dyja vendet”, kishte shkruar Aliu para tetë muajsh./Reporteri.net
Pavarësisht se jemi në vitin 2025, studentët në universitetet shtetërore të vendit po vazhdojnë të përdorin indekse tradicionale, duke mbajtur ato në duar, pa pasur mundësinë për të përdorur një indeks elektronik. Ky fenomen ka ngelur si pasojë e një pengesë administrative , duke e bërë këtë proces të dështuar. Megjithatë, një hap i rëndësishëm ka ndodhur së fundmi. Me iniciativë të Kuvendit Studentorë të Universitetit “Shën Kirili dhe Metodi” (UKM), një ndryshim i rëndësishëm është realizuar në Rregulloren që rregullon përmbajtjen dhe formatin e diplomave, si dhe dokumenteve të tjera të rëndësishme. Ky ndryshim është publikuar në “Gazetën Zyrtare të Maqedonisë së Veriut”, dhe ka sjellë mundësinë për implementimin e indeksit elektronik, duke kaluar mbi pengesat administrative të deritanishme.
“Me iniciativë të Kuvendit Studentor të UKIM-it, është bërë një ndryshim i rëndësishëm në Rregulloren për përmbajtjen dhe formatin e diplomave, udhëzimet për përgatitjen e shtojcës së diplomës dhe dokumenteve të tjera publike, të publikuara në Gazetën Zyrtare të RMV, nr. 67 më 28.3.2025”, thonë ata.
Njëkohësisht, digjitalizimi ka qenë një prioritet edhe për Organizatën Kombëtare Studentore. Ata, me mbështetje nga Fondacioni për Demokraci të Westminster-it, realizuan një studim mbi gjendjen aktuale të digjitalizimit në arsimin e lartë, dhe zhvilluan një plan aksional për modernizimin e këtij sektori. Kjo ka çuar në një bashkëpunim me disa institucione për të përshpejtuar digjitalizimin dhe për të siguruar një administratë studentore më efikase.
“Si përfaqësues studentorë, ne mbetemi të angazhuar në përmirësimin e të drejtave të studentëve dhe modernizimin e proceseve akademike. Futja e indeksit elektronik nuk është vetëm një ndryshim teknik, por edhe një hap thelbësor për një proces administrativ më të thjeshtë dhe për qasje më të lehtë në informacion për të gjithë studentët”, përfundojnë përfaqësuesit e studentëve. Ndryshe, siç theksojnë ata, ky hap do të lehtësojë jetën e studentëve dhe administratës, duke krijuar një sistem më të shpejtë, më të sigurt dhe më efikas. (koha.mk)
Universiteti i Evropës Juglindore ka hapur dyert sot për maturantët, duke promovuar fakultetet dhe programet studimore që ofron ky universitet, shkruan Alsat.
Në UEJL ofrohen edhe studime të personalizuara, por edhe programe të reja të përvitshme, për të cilat studentët shprehin interesim dhe tregojnë rregullshmëri në ndjekjen e ligjëratave, u shpreh me rektori i UEJL-së, Abdylmenaf Bexheti.
Ai më tej shtoi se një nga arsyet kryesore se persë duhet të zgjidhet UEJL, është pikërisht punësueshmëria e madhe e studentëve të UEJL-së, e cila ka një tregues të lartë mbi 80 për qind.
“Mënyra e të studiuarit në UEJL, duke filluar nga strukturat programore, me njohuritë bazike të shkathtësive të studentëve, e ka dëshmuar edhe tregu i punës. Raportet e rregullta të tregut të punës na flasin se mbi 80 për qind e studentëve të UEJL, punësohen që tre muajt e parë pas diplomimit, në një shkallë të papunësueshmërisë së shtetit me 13 për qind, pra kjo është diçka që dëshmohet vetvetiu. Dhe krejt për fund, mendoj se studentët përshtypjet e tyre i formojnë mbi atë që i pyesin gjeneratat paraprake. Andaj sivjet vazhdojmë me risitë programe, pra kemi edhe dy programe specialistike sidomos, programi një vjeçar i shkencave shëndetësore, dhe ai i masterit të psikologjisë, dy risi që ne i ndjekim në bazë të nevojave të tregut të punës”, tha Abdylmenaf Bexheti. Rektor i UEJL-së.
Ministria e Infrastukturës jep dy kontrata me negocim në vlerë rreth 1.5 milion euro për punë shtesë në rrugën Prizren-Tetovë
INDEKS ELEKTRONIK PËR STUDENTËT! Më në fund nis realizimi i kërkesës së kamotshme
Universiteti i Evropës Juglindore ka hapur sot dyert për maturantët
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve