Lajme nga vendi
Për momentin po bëhen llogaritjet për çmimin e rrymës nga 1 janari, nuk priten shtrenjtime të mëdha
Për momentin po bëhen llogaritjet për çmimin eventual të energjisë elektrike nga 1 janari, por Qeveria nuk do të lejojë që të ketë goditje të çmimeve për qytetarët, deklaroi sot kryeministri Dimitar Kovaçevski.
“Ajo që po bëhet për momentin janë llogaritjet dhe diskutimet në relacion të ministrive kompetente dhe ndërmarrjeve kompetente në shtet në kuptim të përcaktimit të çmimit të energjisë elektrike për gjysmën e ardhshme të vitit duke filluar nga 1 janari. Është me rëndësi, që më shumë elemente të ketë në çmimin e energjisë elektrike sepse EMV nuk prodhon energji elektrike vetëm për EVN Houm, por ajo prodhon energji elektrike edhe për humbjet në rrjet dhe gjithashtu në pjesën e cila është e nevojshme edhe për shpërndarje, që nënkupton se nuk mund të thuhet nëse një çmim do të jetë 48 euro, por bëhet fjalë për tri kategori të çmimeve të cilat ndikojnë në çmimin final të cilin e marrin blerësit”, tha kryeministri Kovaçevski.
Mund të konfirmoj, potencoi ai, se “Qeveria nuk do të lejojë të ketë goditje të çmimeve për qytetarët”.
“Për të gjithë qytetarët siç nuk lejuam deri më tani, gjithashtu do të mundohemi të përcaktohet çmim i energjisë elektrike me prodhimtari të rritur të energjisë elektrike sepse në atë mënyrë mund të ulet çmimi i cili do të mundësojë edhe relaksim të tregut të rregulluar në pjesën e konsumatorëve të vegjël, ku ka 72 mijë kompani të cilat punësojnë 98 për qind të të punësuarve në shtet”, tha Kovaçevski.
Kryeministri tha se nuk mund të dihet çmimi final i rrymës, por se nuk do të ketë goditje të çmimeve për qytetarët. Çmimi i rrymës, tha ai, varet së pari nga vendimi i KRRE-së i cili vendos i pavarur, përderisa çmimi i energjisë elektrike të cilin prodhimtaria shtetërore e energjisë elektrike ia shet EMV-së varet nga shpenzimet e prodhimit, si dhe nga ekonomia e shkallës të cilën e arri.
Lajme nga vendi
Tetovë, interesim I lartë për vaksinim
Vaksinimi kundër gripit sezonal ka nisur sot dhe zhvillohet në 36 loakcione të vendit. Janë siguruar 70 mijë doza, ndërsa 32 mijë qytetarë janë paraqitur për vaksinim.Në Qendrën për Shëndet Publik në Tetovë shihet një interesim i madh i qytetarëve për t’u vaksinuar.Bllagorodna Mishkovska mjeke në Qendrën për Shëndet Publik në Tetovë thotë se, vaksinimi po zhvillohet pa pengesa, ndërsa tregon edhe arsyet pse duhet vaksinuar.Sipas saj, nëse ka interesim më të madh do të sigurohen doza shtesë. “Sikurse viteve të kaluara edhe këtë vit kemi një interesim të shtuar për vaksinim.Të gjithë qytetarët e interesuar aplikojnë në portalin vakcinacija.mk, pra bëhet fjalë për grupet e rrezikuara dhe marrin sms termin se kur të vijnë të marrin vaksinën. Janë siguruar vaksina për pesë grupet e rrezikuara, të sëmurit kronikë, personat e moshës mbi 60 vjeçare, puntorët shëndetësorë, fëmijët deri në moshën 5 vjeçare dhe gratë shtatzëna.Për të gjithë këta, Ministria e Shëndetësisë ka siguruar vaksina pa pagesë.Qendra për Shëndet Publik në Tetovë, deri më tash ka siguruar 1700 doza të vaksinës kundër gripit sezonal” thotë Bllagorodna Mishkovska mjeke në Qendrën për Shëndet Publik në Tetovë Nga Qendra për Shëndet Publik thonë se vaksinimi mbron pacientët kundër gripit sezonal dhe ka nivel të lartë të imunitetit, por edhe nëse infektohen simptomat janë më të vogla dhe gripi kalohet më lehtë. Ministria e Shëndetësisë njofton se të gjithë të regjistruarit do të marrin porosi SMS për datën, orën e saktë dhe vendin ku duhet të paraqiten për vaksinim. Mjekët apelojnë që të gjithë qytetarët që janë pjesë e pesë grupeve të rrezikuara, në kohë të marrin vaksinën dhe të mbrohen nga viruset e ndryshme gjatë periudhës së ardhshme. / TV KOHA/
Lajme nga vendi
Visar Ganiu : Fëmijët ma rregulluan ditën që në mëngjes
Lajme nga vendi
Miratohet ribalansi I buxhetit të komunës së Tetovës
-
Lajme nga vendi2 years ago
Zyra e Avokatit të Popullit në Tetovë sot do të jetë e hapur
-
Lajme nga vendi2 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve