Lajme nga vendi
Vijojnë afatet për ankesa për procesin zgjedhor në Qendër Zhupë, Mavrovë-Rostushë dhe Tetovë
Vijojnë afatet për parashtrimin e ankesave për zgjedhjet për kryetar komune të Qendër Zhupë dhe Mavrovë-Rostushë dhe për anëtarët e Këshillit të Komunës së Tetovës. Nëse ka dorëzuar kundërshtime, Komisioni Shtetëror i Zgjedhjeve do t’i shqyrtonte të martën ose të mërkurën, ndërsa publikimi i rezultateve përfundimtare do të varet nga ajo si do të zgjidhen dhe nëse do të ketë padi në Gjykatën Administrative.
Komisioni Shtetëror i Zgjedhjeve mbrëmë vonë pas zgjedhjeve të së shtunës i kumtoi rezultatet e para.
Sipas tyre, në Qendër Zhupë për kandidatin Arijan Ibraim nga PDTM kanë votuar 3.340 votues nga gjithsej 3.395 votues. Në Mavrovë-Rostushë, kandidati i LSDM-së Medat Kutrovski ka fituar 3.266 vota, ndërsa Mevmed Xhaferi nga VMRO-DPMNE-ja 1.935 vota.
Në Këshillin e Komunës së Tetovës, sipas rezultateve të para, më shumti mandate ka fituar BESA, gjithsej 12, pas çka vijojnë BDI-ja me 11 mandate, VMRO-DPMNE-ja me katër mandate dhe LSDM-ja me dy mandate. Nga një mandat në Këshillin e Komunës së Tetovës kanë fituar Alternativa dhe PDSH-ja.
Koalicioni i kryesuar nga LSDM-ja festoi për fitoren e dyfishtë në zgjedhjet e jashtëzakonshme lokale për kryetar komune në komunat Mavrovë Rostushë dhe Qendër Zhupa, ndërsa VMRO-DPMNE-ja festoi për, siç e prezantuan, fitoren e dyfishtë në Tetovë, gjegjësisht se ata e kanë fituar LSDM-në, ndërsa BESA e fitoi BDI-në në Tetovë.
Sipas LSDM-së, qytetarët kanë zgjedhur avancim dhe i kanë njohur politikat reale.
Nga VMRO-DPMNE-ja, të cilët festuan në Tetovë, kërkuan dorëheqje nga kryeministri dhe zgjedhje të parakohshme.
Për shkak të dështimit zgjedhor në Tetovë dhe mos fitimit të asnjë mandati për këshilltar, dje ka dorëzuar dorëheqje të parevokueshme, lideri i Aleancës për Shqiptarët, Zijadin Sela.
Pas takimit të kryesisë së lartë në Tetovë, Sela në konferencë për shtyp paralajmëroi se më nuk do të kandidojë për vendin e liderit në parti.
Ai informoi se në periudhën që vijon, Asambleja qendrore duhet të mblidhet dhe të vendos kush do të jetë u.d. kryetar i partisë.
Lajme nga vendi
Paraburgim për një 31 vjeçar nga Shkupi, dyshohet për tentim për përdhunim
![](https://tetovaexpres.com/wp-content/uploads/2024/09/paraburgim_Pritvor-780x470-1.jpg)
Prokuroria Themelore Publike (PTHP) Shkup ka lëshuar urdhër për zhvillimin e procedurës hetuese ndaj personit për të cilin ekziston dyshimi i bazuar se ka kryer vepër penale sulm seksual dhe dhunim nga neni 186 paragrafi 1 lidhur me nenin 19 (në tentativë ) të Kodit Penal.
“Më 5 shtator, 31-vjeçari ka sulmuar një grua në Kisella Vodë dhe në kundërshtim me vullnetin e saj të shprehur qartë, ka tentuar qëllimisht të kryejë akte seksuale ndaj saj. Viktima ka qenë duke ecur në drejtim të shtëpisë së saj dhe pasi ka kaluar në vendkalimin për këmbësorë në bulevardin “Boris Trajkovski” afër komunës Kisella Boda, i dyshuari e ka kapur me të dyja duart dhe ka tentuar ta tërheqë zvarrë në një rrugë anësore. Ai e shtyu dhe tentoi ta sulmonte seksualisht. Gruaja vazhdonte të bërtiste, të kërkonte ndihmë dhe përpiqej të çlirohej, ndërsa kur njerëzit filluan të mblidheshin, i dyshuari e la të ikte pa e arritur qëllimin e tij”, thuhet në njoftimin e lëshuar nga PTHP-ja.
Prokurori publik kompetent i ka dorëzuar gjyqtarit të procedurës paraprake propozim për caktimin e masës së paraburgimit për të dyshuarin, me të cilin ka deklaruar se ekziston rreziku që ai të ikë, të pengojë procedurën penale ose të përfundojë tentativën e veprës penale. Gjykata themelore penale e Shkupit e ka pranuar propozimin dhe të dyshuarit i është shqiptuar masa e paraburgimit në kohëzgjatje prej 30 ditësh.
Lajme nga vendi
Durmishi: Ministria e Ekonomisë dhe Punës ndan mjete financiare për realizimin e programit (projektit) për mbrojtjen e konsumatorëve
![](https://tetovaexpres.com/wp-content/uploads/2024/09/thumbnail.jpg)
Ministria e Ekonomisë dhe Punës, në përputhje me përkushtimin e saj për mbrojtjen e të drejtave të konsumatorëve, shpalli sot thirrje publike për ndarjen e mjeteve financiare për realizimin e programeve dhe projekteve nga shoqatat e konsumatorëve në kuadër të Programit për mbrojtjen e konsumatorëve për vitin 2024. Mjetet financiare nga ky Program janë të dedikuara për realizimin e programeve dhe projekteve nga shoqatat e konsumatorëve. Përmes kësaj mbështetjeje financiare, Ministria e Ekonomisë dhe Punës ndan mjete financiare për realizimin e programit (projektit) për mbrojtjen e konsumatorëve në vlerë prej 300.000,00 denarë deri në 500.000,00 denarë në përputhje me propozim programet (projektet) e dorëzuara për mbrojtjen e konsumatorëve deri në shterimin e mjeteve financiare të parashikuara për këtë thirrje, të organizatave joqeveritare për mbrojtjen e konsumatorëve për sigurimin e informacioneve dhe ndihmës për konsumatorët.Kjo iniciativë është pjesë e përpjekjeve tona të vazhdueshme për të përmirësuar cilësinë e jetës së të gjithë qytetarëve dhe për të forcuar mbrojtjen dhe të drejtat e tyre.Inkurajojmë të gjitha shoqatat e konsumatorëve që të shfrytëzojnë këtë mundësi dhe të aplikojnë për mbështetje financiare që do t’u mundësojë atyre të realizojnë projekte të rëndësishme për të mirën e konsumatorëve. Kjo thirrje është dëshmi e përkushtimit tonë për transparencë, drejtësi dhe gjithëpërfshirje në krijimin e politikave që përmirësojnë kushtet e jetesës së të gjithë qytetarëve.Më shumë informacione për kushtet e aplikimit, shumën e mjeteve financiare dhe afatin për dorëzimin e kërkesave mund të gjeni në ueb-faqen tonë www.economy.gov.mk.Sektori i Koordinimit të aktiviteteve të ministrit
Ju bëjmë thirrje të kontribuoni bashkërisht në forcimin e të drejtave të konsumatorëve në vendin tonë. Afati përfundimtar për dorëzimin e aplikimeve është jo më vonë se ora 16:00 më 20.09. të vitit 2024.Tv Koha
Lajme nga vendi
Gjendet një trup i pajetë brenda një hoteli në Tetovë
![](https://tetovaexpres.com/wp-content/uploads/2024/09/policia-mk-stop-780x439-1.webp)
Me datë 05.09.2024 në ora 11:40, në SPB Tetovë nga Emergjenc Mjekësore e Tetovës kanë raportuar se në një hotel në Tetovë ndodhet një person i vdekur, i cili nga mjeku i Mjekësisë Emergjente ka konstatuar vdekjen pa shenja dhune.
“Është konstatuar se bëhet fjalë për P.J.R (68) nga Britania e Madhe. Prokurori publik dhe zyrtarët policorë nga SPB- Tetovë kanë kryer këqyrje në vendin e ngjarjes dhe me urdhër të Prokurorisë Publike, trupi i pajetë i të ndjerit është dorëzuar për obduksion”, thuhet në kumtesën e SPB Tetovë.
-
Lajme nga vendi2 years ago
Zyra e Avokatit të Popullit në Tetovë sot do të jetë e hapur
-
Lajme nga vendi2 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve
You must be logged in to post a comment Login