Connect with us

Lajme nga vendi

Pushuesit në Strugë dhe Ohër ndjehen të rrezikuar nga mjetet lundruese

Published

on

Në liqenin e Ohrit lëvizin shumë skuterë dhe motoskafë, të cilët paraqesin rrezik për jetën e pushuesve. Shpesh disa objekte lundruese vozisin afër pjesës ku notojnë turistët.

Një pushuese nga Shkupi thotë se, duke notuar, për pak i ka shpëtuar lëndimit.

“Ishte gjysmë metra afër kokës, e pash duke ardhur, i bëra me dorë, por vinte drejt meje. U tërhoqa. Ja, kaq distancë kishte. Ende kam stres…”, thotë një turiste nga Shkupi.

Në atë moment, rreth asaj ka pasur edhe notues të tjerë.

“Rreth meje kishte shumë njerëz dhe fëmijë. Si të reagojmë? Kjo s’është mirë…”, shprehet një turiste tjetër.

Advertisement

“Siç e pashë, i drejtojnë fëmijë. Prandaj, njerëzit u ngritën dhe thanë: Çfarë është kjo, do të shkaktojnë fatkeqësi. Nuk guxon të lejohet kjo”, thotë një pushues nga Zelanda e Re.

Rreziqe të ngjashme ka edhe në anën e liqenit të Ohrit. Turistët kërkojnë kontrolle më të mëdha.

“Po, kishte. Në plazhin e qytetit, Saraishte. Ishin 150-200 metra larg plazhit. A ka nevojë për më shumë kontroll? Po, sepse ndodhin aksidente të mëdha, me pasoja fatale dhe duhet bërë ajo. Nga ora 9 duhet të ndalohet deri në mbrëmje në orën 20”, thotë një turist në Ohër.

“Po, ka. Ne ishim edhe në Shën Naum. Dhe ka mjaft anije, moto-skafe. Ku vozisin më shumë? Në pjesën më të cekët dhe në mes ujit të cekët dhe të thellë”, thekson një turist tjetër.

Nga Kapedania e porteve thonë se deri tani janë shqiptuar 25 sanksione. Bëhej fjalë për mjete lundruese të paregjistruara, të cilat nuk kishin leje përkatëse ndërsa mjetet lundruese drejtoheshin kur nuk guxonin, që është nga ora 11:00 deri në 19:00. Ndaj personave të kapur tashmë është bërë kallëzim përkatës.

Advertisement

“Janë shqiptuar dënime. Në këto momente po zhvillohen gjykime ndaj 25 autorëve. Disa pozicione në liqenin e Ohrit i nënshtrohen përdorimit të skuterëve gjatë kohës së kufizuar nga ora 11:00 deri në orën 19:00… Pak ditë më parë, një drejtues skuteri, i cili u afrua aq afër plazhit, duke shkaktuar rrezik për plazhin e Saraishtes, u sanksionua rëndë. Në Strugë kemi disa gjoba në plazhin e meshkujve dhe femrave…”, tha Goran Ustianoski- kapedan i porteve.

Gjobat variojnë nga 200 deri në 400 euro në varësi të peshës së kundërvajtjes.

Advertisement
Click to comment

Leave a Reply

Your email address will not be published. Required fields are marked *

Lajme nga vendi

“Aktorët politikë burimi kryesor i “ndotjes” së hapësirës mediatike”

Published

on

Me afrimin e zgjedhjeve presidenciale dhe parlamentare, retorika e dëmshme mes aktorëve politikë intensifikohet, tregon Raporti i ri i Institutit për Studime të Komunikimeve, i cili mat narrativet e dëmshme politike në dy muaj e fundit. Raporti shton se aktorët politikë janë burimi kryesor i, siç thonë ata, i “ndotjes” së hapësirës mediatike dhe janë gati për “fushatë të zezë”.

“Te VMRO-DPMNE-ja narrativet e dëmshme më së shumti i drejtohen LSDM-së dhe BDI-së, të cilat partia opozitare i paraqet si “struktura kriminale, të papërgjegjshme dhe që nuk marrin parasysh interesat kombëtare”. LSDM, nga ana tjetër, shpeshherë e cilëson VMRO-DPMNE-në si “frenues i integrimit evropian” dhe e akuzon për qeverisje të korruptuar në institucionet lokale në mbarë vendin. “E Majta” shënjestron LSDM-në dhe BDI-në, por nuk kursen as VMRO-DPMNE-në, duke u paraqitur si një parti e vogël që punon për qytetarët kundër blloqeve të mëdha partiake” – Raport për narrativet e dëmshme politike.

Sipas Raportit, populizmi është gjithashtu në rritje, kështu që vërehet se pothuajse të gjitha subjektet politike kanë tendencë të paraqiten si në anën e popullit, duke përfaqësuar interesat e tyre në krahasim me kundërshtarët e tyre politikë. Me afrimin e datës së zgjedhjeve, edhe gjuha e përdorur është më e mprehtë. Akuzat për ndikim të huaj ishin dhe janë element i pashmangshëm i hulumtimit.

“Nëse në periudhën paraprake akuza të tilla i drejtoheshin kryesisht “Të Majtës” dhe VMRO-DPMNE-së, për të cilat LSDM-ja në pushtet pretendonte pa prova se janë nën ndikimin rus, është risi që Lidhja Evropiane për Ndryshim në janar dhe shkurt fokusohet në sulmet kundër Ali Ahmeti dhe përfaqësuesit e lartë të BDI-së, veçanërisht për temën e ndikimit negativ të jashtëm nga kryeministri i Kosovës, Albin Kurti, në politikën e brendshme. Nga ana tjetër, BDI shpeshherë akuzon kundërshtarët politikë nga partitë shqiptare për “lidhje ruse” dhe vë në dukje narrative etnocentrike dhe retorikë dikotomike “PO për Evropën, JO për Rusinë” që po merr përmasa me kandidaturën për president të vendit” – Raport për narrativet e dëmshme politike.

Sipas Raportit, shqetëson fakti i kritikave të shpeshta të aktorëve politikë me ndikim, si nga ish-kryeministri Kovaçevski, ashtu edhe nga lideri i opozitës Mickoski, ndaj mediave, gjë që nxit klimë mosbesimi dhe shkelje të lirisë së shprehjes. /Alsat.mk

Advertisement
Continue Reading

Lajme nga vendi

Trençevska: Do të ndërtohen çerdhe të reja me çka problemi me listat e pritjes do të tejkalohet

Published

on

Zëvendës ministrja shtesë e Punës dhe Politikës Sociale tha se ekziston listë pritjeje për regjistrimin e fëmijëve nëpër çerdhet e Shkupit dhe rrethinës. Trençevska vlerëson se me ndërtimet e çerdheve të reja ky problem do të tejkalohet, ndërsa qëllimi është që në vitin 2028, përqindja e fëmijëve të përfshirë në procesin arsimor parashkollor të rritet në 70 përqind.

”Lista e pritjes ekziston në komunat e Shkupit, në Qytetin e Shkupit, ku është problem më i madh për përfshirjen e fëmijëve në edukim dhe arsimim parashkollor. Pikërisht për këtë në të gjitha komunat e Shkupit kemi ndërtuar kapacitete shtesë të objekteve të reja dhe në dhjetor 2023, Qeveria ndau 4 milion euro për komunën Gjorçe Petrov, Karposh, Butel dhe Kisella Vodë, për ndërtim të çerdheve të reja, me çka problemi me listat e pritjes do të tejkalohet”, u shpreh Jovanka Trençevska, Zv ministre shtesë e Punës dhe Politikës Sociale.

Ndërsa ministri teknik, Gjoko Vellkovski kohë më parë pati deklaruar se ndër problemet kryesorë të çerdheve është edhe mungesa e kuadrit.

“Akoma 5000 fëmijë janë në listën e pritjes nëpër çerdhe, kjo nënkupton se kushtet hapësinorë nuk janë të mjaftueshme në pjesën më të madhe të komunave në Maqedoni. Pastaj këtu është problem me kuadrin, respektivisht pëlqimet që nuk i kanë marrë në disa vitet e fundit si kuadër, që të mund t’i plotësojnë vendet e zbrazëta nga pensionimet, ikjet prej punës dhe të ngjajshme”, kishte deklaruar Gjoko Vellkovski, Ministër i Punës dhe Politikës Sociale.

Më këtë pohim të ministrit teknik nga radhët e VMRO-DPMNE-së nuk pajtohet Trençevska. Sipas saj gjatë këtyre viteve nëpër çerdhe janë punësuar 2881 persona. /Alsat.mk

Advertisement
Continue Reading

Lajme nga vendi

Shpallet konkursi për regjistrim në shkollat ​​e mesme në Maqedoninë e Veriut

Published

on

Ministria e Arsimit dhe Shkencës sot ka shpallur Konkursin për regjistrimin e nxënësve në shkollat ​​e mesme publike për vitin akademik 2024/2025.

Në konkurs janë theksuar vendet e lira në shkollat ​​e qytetit të Shkupit dhe komunat në mbarë vendin për shkollat e mesme, arsimin profesionale dhe artistike, për shkollën e mesme matematiko-informatike, Akademinë Sportive dhe për shkollat ​​për mësim të nxënësve me nevoja të veçanta arsimore.

Regjistrimi i studentëve do të jetë elektronik përmes lidhjes në portalin e shërbimeve elektronike të Ministrisë së Arsimit dhe Shkencës https://e-uslugi.mon.gov.mk me njoftim të veçantë për nxënësit e shkollave të mesme përmes llogarive të tyre përdoruese në Schools.mk .

Në periudhën e regjistrimit të qershorit janë dy regjistrime elektronike – i pari do të jetë nga data 20 qershor deri më 25 qershor, kur do të dorëzohet në shkolla dokumentacioni i nevojshëm. Renditja përfundimtare nga regjistrimi i parë do të jetë më 26 qershor.

Regjistrimi i dytë elektronik do të bëhet në datat 1 dhe 2 korrik 2024, kur edhe dokumentet do të dorëzohen në shkolla, ndërsa listën përfundimtare të renditjes me rezultatet e regjistrimit dhe vendet e lira secila shkollë do t’i publikojë më 3 korrik të vitit 2024.

Advertisement

Në afatin e regjistrimit në gusht, regjistrimi do të bëhet më 21 gusht të vitit 2024.

Në konkurs janë përmbajtur kushtet dhe kriteret e regjistrimit, udhëzimet për zbatimin e konkursit, afatet e regjistrimit me detaje për kalimin e testeve kualifikuese dhe publikimin e rezultateve.

Continue Reading

Më të lexuarat