Na nevojitet axhendë gjithpërfshirëse socialdemokratike për procesin e zgjerimit, sepse ai nuk është vetëm përshgtatje mekanike ose zbatim administrativ i kritereve për anëtarësim, por gjithnjë e më shumë bëhet çështje e rëndësishme politike dhe gjeopolitike, porositi lideri i LSDM-sl, venko Filipçe në fjalimin në panelin “Mbështetje praktike e përgatitjeve për aderim në BE”, në kuadë të Konferencës në organizim të Programit “Vili Brant” për zgjerimin e BE-së në Aleancë progresive të socialistëve dhe demokratëve (SD) që po mbahet në Bruksel.

Sipas tij, se integrimet evropiane aktualisht janë plotësisht të ngecura për Maqedoninë dhe kjo është rezultat i mosinteresimit të Qeverisë së udhëhequr nga VMRO DPMNE.

“Fatkeqësisht, ndjesia kur ulemi në takime të tilla është një zhgënjim i madh. Shohim sesi vendet përreth thonë dhe shpjegojnë se si po përparojnë, shohim se çfarë po bën Shqipëria, me të cilën deri pak muaj më parë po ecnim paralelisht në rrugën evropiane. Tani ata kanë një plan konkret për të përfunduar negociatat deri në Krishtlindje 2027 dhe për t’u bërë një vend anëtar i BE-së deri në 2030. E shihni se sa intensive është puna përpara”, tha Filipçe

Sipas tij, Qeveria nuk ka as ide e as vullnet për të bërë një hap konkret përpara.

“Fatkeqësisht, tani nuk mund të mburremi me asgjë, kemi ngelur në vend. Kjo qeveri nuk ka as ide dhe as dëshirë për të bërë një hap përpara në integrimet evropiane. Është e qartë se çfarë duhet bërë, duhet të respektohen marrëveshjet ndërkombëtare, por askush nuk u beson më fjalëve të ëmbla të përfaqësuesve të qeverisë. Është e qartë për të gjithë se Maqedonia nuk mund të ecë përpara me këtë Qeveri, nuk ka dëshirë, nuk ka ide, nuk ka plan”, theksoi Filipçe.

Advertisement

Filipçe paralajmëroi se koha nuk po funksionon në favor të Maqedonisë dhe se çdo ditë ngecje prapa rajonit e ndërlikon të ardhmen.

Qeveria e Maqedonisë së Veriut në një kumtesë për media thotë se më në fund, sistemi shëndetësor risetohet, përveç rikonstruksioneve të shumta në institucionet shëndetësore me qëllim përmirësimin e kujdesit dhe shërbimit shëndetësor për pacientët, rriten edhe pagat e punonjësve shëndetësorë dhe infermierëve që luftojnë pa pushim për shëndetin e qytetarëve.

Nga Qeveria thonë se nga buxheti i shtetit janë siguruar 550 milionë denarë për rritjen e pagave në sektorin e shëndetësisë.

“Për vetëm 6 muaj, punonjësit shëndetësorë, infermierët, stafi teknik dhe administrativ kanë marrë rritje të dytë prej 5 për qind, me ç’rast paga e mjekëve është rritur për 4.815 denarë, ndërsa e infermierëve për 6.200 denarë. Për më tepër, me Buxhetin janë ndarë rreth 4.5 miliardë denarë për rritjen e kapitacionit për mjekët amë të mjekësisë së përgjithshme dhe gjinekologjisë nga 75 në 100 denarë ose rritje prej 33 për qind, ndërsa për stomatologët nga 61 në 75 denarë, ose rritje prej 23 për qind”.

“Me këtë tregojmë se askush nuk është harruar apo lënë pas dore, përkundrazi, bëjmë përpjekje maksimale për përmirësimin dhe mbështetjen e sistemit shëndetësor dhe për nxitjen e motivimit të mjekëve amë. Qëllimi ynë është që deri në fund të mandatit, pagat në sektorin e shëndetësisë të rriten për 50 për qind”, thonë nga Qeveria.

Në rrugën Tetovë – Kodra e Diellit vazhdon ndalimi për automjete të rënda, ndërsa për automjetet tjera është i detyrueshëm përdorimi i pajisjeve dimërore (zinxhirët).

Qarkullimi në rrugët tjera shtetërore po zhvillohet në rrugë të lagështa. Intensiteti i trafikut në rrugët jashtë zonave urbane është mesatar. Në vendkalimet kufitare në anën e RMV-së nuk ka vonesa për hyrje dhe dalje nga vendi.

Rruga rrugore Ohër – Resnjë, përmes Parkut Kombëtar Galicica, është e mbyllur për qarkullim për të gjitha llojet e automjeteve që nga data 15 nëntor 2024.

LAMM rekomandon rregullimin e shpejtësisë së lëvizjes, respektimin e sinjalistikës së komunikacionit të vendosur dhe menaxhimin e kujdesshëm të mjeteve, veçanërisht në rrugët nëpër lugina, lugina lumore dhe gryka, ku ka mundësi për rrëshqitje të dheut. Kjo veçanërisht vlen për segmentet Katllanovë – Veles, Mavrovë – Dibër – Strugë, Vinicë – Berovë dhe Koçan – Dellçevë.