Lajme nga vendi
Mickoski: Kjo ditë është shumë e rëndë për Maqedoninë, institucionet të kryejnë detyrat!
Pas tragjedisë në Koçani ka reaguar edhe kryeministri i Maqedonisë, Hristijan Mickoski, raporton SHENJA.
Mickoski, ka shkruar se kjo është një ditë e rëndë dhe e trishtë për Maqedoninë. Sipas tij, humbja e jetëve të reja është e pazëvendësueshme dhe dhimbja është e pakufishme.
“Në këto momente dhimbjeje të thellë, mendimet tona janë me ata që i kanë humbur të dashurit e tyre. Të lënduarve u uroj shërim të shpejtë, ndërsa familjeve të viktimave – forcë për ta përballuar këtë humbje të paimagjinueshme. Populli dhe Qeveria do të bëjnë gjithçka që është në fuqinë e tyre për të zbutur, qoftë edhe pak, dhimbjen e tyre dhe për t’i ndihmuar në këto çaste më të vështira.
I bëj thirrje të gjitha institucioneve kompetente – shërbimeve shëndetësore, policisë, pushtetit lokal – të ndërmarrin masa urgjente për të ndihmuar të lënduarit dhe për të ofruar mbështetje për familjet e prekura. Qeveria është plotësisht e mobilizuar dhe do të bëjë gjithçka që është e nevojshme për të përballuar pasojat dhe për të përcaktuar shkaqet e kësaj tragjedie.
Gjatë ditës, pasi të jenë shqyrtuar rrethanat nga institucionet përkatëse, do t’i drejtohem publikut me më shumë informacione rreth hapave të ndërmarrë.
Në këto kohë trishtimi të thellë, kur zemrat tona janë të thyera nga dhimbja për këtë tragjedi të tmerrshme, bëj thirrje për unitet, bashkim, humanitet dhe përgjegjësi.
Zoti qoftë me familjet e viktimave dhe të lënduarve, si dhe me popullin e Maqedonisë”, ka shkruar Mickoski.
Lajme nga vendi
Protestuesit në Koçan demolojnë lokalin e pronarit të diskotekës ku ndodhi tre*gjedia
Qytetarët e revoltuar, kryesisht të rinj, kanë demoluar sot lokalin e dytë të pronarit ku ndodhi tragjedia.
Pas një grumbullimi spontan të qytetarëve në qendër të Koçanit, një grup prej njëqind të rinjsh janë vërsulur në lokal dhe kanë thyer një pjesë të inventarit.
Pas zbulimit se diskoteka Puls funksiononte pa licencë, qytetarët ishin të revoltuar.
Shiko videon: https://www.facebook.com/share/v/18e2fvSH3p/?mibextid=wwXIfr
Ministria e Shëndetësisë njofton se në koordinim me Spitalin psikiatrik dhe Klinikën e psikiatrisë, po formon ekipe mobile të përbëra nga psikiatër dhe psikologë të cilët do të ofrojnë mbështetje psikologjike për familjet dhe pacientët. Për të gjithë ata që kanë nevojë për këshillim ose ndihmë është në dispozicion linja telefonike 078 378 754, përmes së cilës profesionistë të fushës do të ofrojnë mbështetje psikologjike.
“Si pjesë e kësaj nisme, një ekip mobil i përbërë nga dy mjekë dhe një psikolog, do të angazhohet në Koçan me qëllim ofrimin e mbështetjes psikologjike të duhur dhe në kohë për qytetarët”, thuhet në kumtesë.
Ministria e Shëndetësisë mbetet e përkushtuar për përmirësimin e shëndetit mendor dhe sigurimin e kujdesit të duhur për të gjithë qytetarët.
Lajme nga vendi
Nëse do të ishte në funksion Qendra për djegie do të kishte kapacitet për katër ose pesë pacientë, deklaroi kryeministri
Nëse do të ishte në funksion Qendra për Djegie, do të kishte kapacitet për katër deri në pesë pacientë, por sistemi ynë shëndetësor ka treguar se është i qëndrueshëm dhe mund të përballojë një valë të tillë, theksoi kryeministri Hristijan Mickoski gjatë vizitës së sotme te të lënduarit nga zjarri në Koçan.
Mickoski theksoi se sistemi shëndetësor ka treguar se është i gatshëm të përballet me sfida të mëdha.
“Sistemi ynë shëndetësor ka treguar se është i qëndrueshëm dhe mund të pranojë një valë të tillë, e cila është mbase një sfidë e madhe për sisteme shëndetësore shumë më të sofistikuara dhe për shtete shumë më të mëdha se e jona, dhe unë i përgëzoj dhe u jam mirënjohës në emrin tim dhe në emër të Qeverisë”, tha kryeministri.
Kryeministri Hristijan Mickoski, së bashku me ministrin e Shëndetësisë Arben Taravari, kanë vizituar të lënduarit nga zjarri në Koçan dhe kanë marrë pjesë në takimin e Shtabit të Krizave të Ministrisë së Shëndetësisë.
Protestuesit në Koçan demolojnë lokalin e pronarit të diskotekës ku ndodhi tre*gjedia
MSH: Linjë telefonike e hapur për mbështetje psikologjike për pacientët 078 378 754
Nëse do të ishte në funksion Qendra për djegie do të kishte kapacitet për katër ose pesë pacientë, deklaroi kryeministri
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve