Nga viti në vit, numri i auto-taksive të licencuara në territorin e komunës së Tetovës shënon rënie. Sipas autoriteteve komunale problemi me auto-taksitë është problem në nivel të shtetit dhe jo vetëm në Tetovë.Megjithatë, edhe ato pak taksi që kanë ngelur hasin në shumë probleme. Pak vende të caktuara për parkim, ndërsa shpesh herë ata duhet që të mos arrjnë të parkohen edhe në vendet e tyre të caktuara sepse aty parkohen vetura tjera. Nga kompanitë që aktualisht janë duke zhvilluar këtë veprimtari nënvizojnë se konkurrenca e pandershme gjithnjë ka ndikuar negativisht në punën e tyre, pasi shumë taksistë punojnë në mënyrë ilegale, ndërsa janë të detyruar të paguajnë kontributet për vozitësit, por edhe licenca për punën e tyre. Kjo situatë, sipas tyre, është shumë e vështirë ngase detyrimet ndaj shtetit janë të larta, kurse shumë të vogla janë hyrjet nga puna që kryejnë.

“Të gjindesh si mundesh, në vendet tona parkohen veturat tjera dhe nuk mund të parkohesh prej tyre.Ka shenja, ka vende të caktuara gjithandej, por nga veturat private nuk mund të parkohesh.Në këtë rast kam gjetur fatmirësisht vend dhe nëse nuk gjen vend duhet të jesh në lëvizje tërë kohën” thotë një taksist.

Nga ana tjetër, komuna e Tetovës ditë më parë ka hapur thirrje për licenca për ushrimin e veprimatrisë së auto-taksive. Në bazë të kërkesave që do të arrijnë aq vendqëndrime do të planifikohen nga komuna, tha kryetari i komunës së Tetovës Bilall Kasami.

Dekklarata Billi

Jo zyrtarisht mësohet se shumë kompani që nuk kanë vazhduar licencat i janë bashkangjitur punës në mënyrë jolegale, pasi nuk kanë mundur të mbijetojnë në një konkurrencë jolojale, ku pjesa dërmuese e këtyre të fundit nuk posedojnë licenca.Ndryshe, vendimi I këshillit të vitit 2013 është se veturat e taksistëve duhet që të kenë ngjyrë të bardhë.Po në atë vit komuna e Tetovës gjegjësisht sektori për rrugë dhe komunikacion  ka caktuar  rreth 40 lokacione me kapacitet të ndryshëm për parkim të auto-taksive.

Advertisement

Ministri i Drejtësisë, Igor Filkov e shkarkoi gjykatësen Daniella Aleksovska Stojanovska nga pozita e anëtares së grupit punues për Kodin Penal në kuadër të ministrisë, për shkak të reagimeve në opinion se gjykatësja paraprakisht e ka shpëtuar nga burgu Vasill Jovanovin, i cili është kapur me lëndë narkotike.Jovanov, në vend që të ndodhej në burg, në gjendje të dehur, pa patentë shofer dhe në semafor të kuq, aksidentoi për vdekje 23-vjeçaren Frosina Kullakova. Filkov, kërkoi nga Këshilli Gjyqësor ta rishqyrtojë veprimin e gjykatës. Derisa vazhdon revolta e qytetarëve të cilët kërkojnë llogari, kreu i Këshillit Gjyqësor Aleksandar Kambovski, thekson se do të shqyrtohet rasti dhe nëse ka pasur shkelje do të ketë sanksione.

“Nuk e di konkretisht çështjen, nuk e di cilat kanë qenë provat, si ka qenë ngjarja dhe nuk do të guxoja të komentoj në lidhje me vendimin derisa nuk e shoh lëndën e plotë. Sigurisht, se do të shqyrtohet. Gjithkund ku ka lëshim, do të sanksionohet. Të gjithë angazhohemi për sundimin e ligjit, domethënë nuk njoh dikë që pajtohet që të na ndodhin gjendje të këtilla”, tha Aleksandar Kambovski, kryetar i Këshillit Gjyqësor.

Jovanov, i cili më 29 janar duke vozitur në gjendje të dehur, pa patentë shoferi dhe duke kaluar në semafor të kuq, e goditi për vdekje Frosinën.Pavarësisht se është kapur me marijuanë dhe kokainë, në vend që të përfundojë në burg, gjykata i ka shqiptuar masë për dërgim në shtëpinë edukuese-korrektuese në Tetovë.Megjithatë, Jovanov nuk ka shkuar në shtëpinë korrektuese pasi që lënda është në procedurë ankimuese në Apel. Qytetarët kanë shprehur revoltën ndaj veprimit të gjykatës nëpërmjet protestës.

Advertisement

Në qytetin e Tetovës gjithsej pritet të vendosen rreth 40 mijë ujëmatës.Para dhjetë viteve ishin vendosur 5700 ujëmatës, kurse para gjashtë muajve ka filluar sërish vendosja e tyre.Fillimisht, janë përfshirë harxhuesit më të mëdhenj të ujit, në këtë rast lavazhët,bizneset e mëdha dhe të vogla, ndërsa më pas ujëmatës do të vendoset edhe nëpër amvisëritë.Procesi i vendosjes së ujëmatësve në tërë qytetin e Tetovës  duhet të përfundojë të paktën brenda dy viteve.

“Në fillim kanë qenë harxhuesit më të mëdhenj, lavazhët pasi që ata janë harxhuesit më të mëdhenj sepse ujin e shfrytëzojnë për çështje komerciale.Prej muajit janar kemi filluar vendosjen e ujëmatësve edhe tek bizneset e mëdha dhe të vogla. Gjithsej duhet të vendosen 40 mijë  ujëmatës ku do të përfshihen bizneset dhe amvisëritë.Ndërsa vetëm për bizneset e mëdha dhe të vogla janë tre mijë ujëmatës që duhet të vendosen”, deklaroi Valon Zeqiri drejtor  i Ndërmarrjes Publike Komunale “Sharri”, në Tetovë.

Ndërkaq, problemi me ujin më shumë shfaqet në Tetovë gjatë sezonit të dimrit, kur ka më pak prurje nga burrimet në ujësjellës. Ndërkaq, vendosja e ujëmatësve pritet që të sjellë ndarje të barabartë të ujit.

“Vendosjen e ujëmatësve duhet të vendoset më shumë rend për sa i përket shfrytëzimit të ujit dhe të gjithë qytetarët do të kenë ujë në mënyrë të barabartë dhe nuk do të ketë nevojë që të shfrytëzojnë hidrofore, sepse në Tetovë ka rreth 16 mijë hidrofore dhe ajo nuk e bën në mënyrë të barabartë ujin.Më shumë probleme kemi gjatë dimrit, ka më shumë defekte dhe më pak prurje të ujit nga burrimet në ujësjellës. Prandaj, kërkojmë që qytetarët në këto raste të mos e keqpërdorin ujin sepse ka ende raste të keqpërdorimeve” deklaroi Zeqiri.

Ndërmarrja Publike Komunale “Sharri”  në Tetovë sërish apelon deri tek qytetarët  se pagesa e rregullt e faturave për furnizimin me ujë të pijshëm dhe shërbimet e kanalizimit është përgjegjësi e çdo konsumatori dhe se mospagesa në afatin e caktuar sjell vështirësi në mirëmbajtjen dhe funksionimin e sistemit të ujësjellësit  duke ndikuar drejtpërdrejt në cilësinë dhe vazhdimësinë e shërbimeve që ofrohet.Prandaj, nga kjo ndërmarrje kërkojnë nga të gjithë konsumatorët që kanë borxhe të papaguara të kryejnë obligimet e tyre sa më parë, për të shmangur ndërprerjen e shërbimeve dhe procedurat ligjore që mund të pasojnë. “Në rast të vonesave të mëtejshme, do të detyrohemi të ndjekim hapat ligjorë për mbledhjen e detyrimeve përmes noterit dhe gjykatës përmbaruese”, apeluan nga Ndërmarrja Publike Komunale “Sharri”  në Tetovë

Advertisement