Lajme nga rajoni
Panik në Greqi, 200 lëkundje toke në Santorini, mbyllen shkollat

Më shumë se 200 lëkundje toke janë regjistruar në afërsi të ishullit të Santorinit duke bërë që autoritetet greke të mbyllin shkollat dhe t’u thonë banorëve që të shmangin disa porte. Ekspertët e tërmeteve thonë se rritja e aktivitetit sizmik rreth ishullit turistik të Egjeut, i njohur për ndërtesat e tij të bardha dhe plazhet me rërë të errët, nuk lidhet me aktivitetin vullkanik. Kryeministri grek Kyriakos Mitsotakis kryesoi një takim urgjent në Athinë, ndërsa autoritetet e Santorinit janë përgatitur për një evakuim të mundshëm. Tenda janë ngritur në një stadium, policia dhe zjarrfikësit janë vënë në gatishmëri dhe njësitë speciale të reagimit ndaj fatkeqësive me qen nuhatës janë gati po ashtu. Banorët e ishullit janë këshilluar të shmangin tubimet e mëdha në ajër të hapur dhe të qëndrojnë larg katër porteve të vogla duke përfshirë portin e Firës, i cili u shërben kryesisht anijeve turistike. Pronarëve të shtëpive dhe hoteleve u është thënë gjithashtu që të zbrazin pishinat e tyre për shkak të shqetësimeve se vëllime të mëdha uji mund të destabilizojnë ndërtesat në rast të një tërmeti të fortë. Shkollat u mbyllën të hënën në Santorini si dhe në ishujt e afërt të Amorgos, Ios dhe Anafi. Më shumë se 200 tërmete janë regjistruar që nga orët e para të së premtes, por nuk ka raportime për dëme apo viktima. Tërmeti më i fortë i regjistruar ka qenë me magnitudë 4.6 të së dielës pasdite, ndërsa kanë pasuar disa lëkundje me magnitudë mbi 4 dhe dhjetëra të tjera me magnitudë 3. Ekspertët thanë se ishte e pamundur të parashikohej nëse aktiviteti sizmik mund të çonte në një lëkundje më të fortë, por shtuan se zona mund të prodhojë një tërmet me magnitudë deri në 6 ballë.
Lajme nga rajoni
Erdogan: Askush s’e ka fuqinë ta largojë popullin e Gazës nga atdheu i tij

Presidenti turk, Recep Tayyip Erdogan, ka hedhur poshtë idenë e presidentit amerikan, Donald Trump, për të zhvendosur palestinezët nga Gaza, duke thënë se “nuk ia vlen të merret në konsideratë apo të diskutohet”.
Në një konferencë për shtyp të hënë, presidenti Erdogan ka deklaruar se asnjë forcë nuk mund të dëbojë popullin e Gazës nga “atdheu i tyre i përjetshëm”, raporton AP.
“Dëshiroj ta them qartë këtë, propozimet e paraqitura nga administrata e re e SHBA-së në lidhje me Gazën, nën presionin e lobit sionist, nuk ia vlen të merren parasysh apo diskutohen nga këndvështrimi ynë”, u ka thënë Erdogan gazetarëve përpara se të nisej për një udhëtim në Malajzi.
“Askush nuk ka fuqinë për të larguar popullin e Gazës nga atdheu i tyre i përjetshëm”, ka shtuar ai.
Këto ishin komentet e para të presidentit turk për propozimin e Trumpit për të zhvendosur palestinezët nga Gaza.
Javën e kaluar, ministri i Jashtëm turk, Hakan Fidan, e etiketoi propozimin si “të papranueshëm”.
Lajme nga rajoni
EUROSTAT: Shqipëria, e dyta pas Norvegjisë për prodhim më të lartë energjie të gjelbër sesa nevoja për konsum

Pozicioni i Shqipërisë në bregdetin adriatik e ka lejuar atë të ketë avantazhe në energjinë e rinovueshme.
Teksa në vitin 2023, energjia e rinovueshme përfaqësonte 24.5% të energjisë së konsumuar në BE, nga 23.0% në 2022, Shqipëria sipas një raporti të publikuar së fundmi nga EUROSTAT-i, renditet në vendin e dytë pas Norvegjisë për konsumin bruto të energjisë nga burimet e rinovueshme.
Pjesa e energjisë nga burimet e rinovueshme në konsumin bruto të energjisë elektrike, për vitin 2023 për Shqipërinë llogaritet 106,381%.
“Vendi i EFTA-s Norvegjia dhe vendi kandidat Shqipëria prodhuan më shumë energji elektrike nga burime të rinovueshme sesa sasia totale e energjisë elektrike që ata konsumuan në vitin 2023, duke çuar kështu në një përqindje më të lartë se 100%”, thuhet në raport.
Ndër vendet e BE-së, më shumë se 75% e energjisë elektrike të konsumuar në vitin 2023 është prodhuar nga burime të rinovueshme në Austri (87,8%), Suedi (87,5%) dhe Danimarkë (79,4%). Konsumi i energjisë elektrike nga burimet e rinovueshme ishte gjithashtu i lartë në Portugali (63%), Kroaci (58,8%), Spanjë (56,8%), Letoni (54,3%) dhe Finlandë (52,4%), duke përbërë më shumë se gjysmën e energjisë elektrike të konsumuar. Në anën tjetër të shkallës, pjesa e energjisë elektrike nga burimet e rinovueshme ishte më pak se 20% në Maltë (10,7%), Çeki (16,4%), Luksemburg (18%) dhe Hungari (19,5%).
Sipas raportit, rritja e energjisë elektrike të prodhuar nga burimet e rinovueshme të energjisë gjatë periudhës 2013-2023 reflekton në masë të madhe një zgjerim në dy burime të rinovueshme të energjisë në të gjithë BE-në, përkatësisht energjinë e erës dhe energjinë diellore.
Në vitin 2023, burimet e rinovueshme të energjisë përbënin 45.3% të konsumit bruto të energjisë elektrike në BE, më shumë se 4 pp më i lartë se një vit më parë (41.2% në 2022).
Për Europën të bëhet kontinenti i parë neutral ndaj klimës në botë deri në vitin 2050 është sfida dhe mundësia më e madhe e kohës.
Në Shqipëri, prodhimi neto vendas i energjisë elektrike, në vitin 2023, arriti vlerën 8.796 GWh nga 7.003 GWh energji të prodhuar në vitin 2022, duke shënuar një rritje të prodhimit me 25,6 %.
Ky prodhim u realizua nga hidrocentralet publike në masën 58,2 %, nga hidrocentralet private dhe koncensionare në masën 40,8 % dhe nga të tjerë prodhues (Fotovoltaikë) në masën 1,0 % të prodhimit neto vendas të energjisë elektrike.
Shkëmbimi i energjisë elektrike (diferenca mes eksportit dhe importit bruto të energjisë), në vitin 2023, ka arritur vlerën pozitive prej 920 GWh. Në vitin 2022, shkëmbimi i energjisë elektrike kishte nje vlerë negative prej 921 GWh (fig.2). /j.p/
Lajme nga rajoni
Një ditë pas zgjedhjeve në Kosovë, Vjosa Osmani udhëton drejt Francës me ftesë të Macron. Në darkën zyrtare i pranishëm edhe zv/presidenti i SHBA, Vance

Presidentja e Kosovës, Vjosa Osmani, ka udhëtuar për në Paris me ftesë të presidentit të Francës, Emmanuel Macron. Vizita në Francë vjen një ditë pasi Kosova zhvilloi zgjedhjet parlamentare dhe rezultatet e deritanishme nxjerrin fituese Lëvizjen Vetëvendosje të kryeministrit Albin Kurti. Kurti pritet të nisë negociatat për formimin qeverisë së re.
Sipas njoftimit të Presidencës, gjatë qëndrimit në Francë, presidentja Osmani do të marrë pjesë në Samitin për Inteligjencën Artificiale, përkrah presidentit Macron, zëvendëspresidentit të Shteteve të Bashkuara, JD Vance, kryeministrit të Indisë, Narendra Modi, si dhe liderëve të tjerë botërorë.
“Në kuadër të vizitës, presidentja Osmani do të jetë e pranishme në darkën zyrtare në Pallatin Élysée, në pritjen zyrtare të organizuar nga delegacioni amerikan, si dhe në seancën plenare të bashkëkryesuar nga presidenti Macron dhe kryeministri Modi”, thuhet në njoftim.
Gjithashtu, gjatë kësaj vizite, do të organizohet një pritje nga Zonja e Parë e Francës, Brigitte Macron, ku i ftuar është edhe Prindon Sadriu, bashkëshorti i Vjosa Osmanit.
-
Lajme nga vendi2 years ago
Zyra e Avokatit të Popullit në Tetovë sot do të jetë e hapur
-
Lajme nga vendi2 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve