Sport
CHAMPIONS: PËRMBYSJE TË ÇMENDURA, SHËNOHEN 33 GOLA NË 9 NDESHJ
Pesë fitore të skuadrave vendase , një barazim dhe tre fitore të mysafirëve me gjithësejt 33 gola të shënuar është epilogu i 9-të ndeshjeve të xhiros së shtatë në Ligën e Kampionëve të Europës në futboll me formatin e ri. Pas këtyre ndeshjeve të mbrëmshme dy ekipe kanë siguruar kualifikim në fazën tjetër dhe atë Liverpuli që ka 7 fitore maksime dhe Barcelona me 6 fitore e një humbje.
Liverpuli mbrëmë mundi skuadrën franceze Lille me rezultatin 2-1 duke ruajtur kreun e renditjes me pikë të plota, 21 nga 7 ndeshje.
Ndërkohë një ndeshje spektakolare u zhvillua në Lisbonë mes Benfikës dhe Barcelonës që përfundoi me rezultatin 4-5. Katalonasit golin e fitores e shënuan në sekondat e fundit me autor, Raphinha.
Në takimet e tjera Atletico Madrid mundi Leverkusenin e Xabi Alonsos, me rezultatin 2-1, me të njëjtin rezultat Bollonja mundi Dortmundin. Atallanta mundi 5-0 skuadrën austriake Strum Grac me rezultatin e thellë 5-0
Ndërsa në Beograd Crvena Zvezda pësoi nga holandezët e PSV 2-3, Slloven Bratislava para tifozëve vendas pësoi nga Stuttgarti 1-3, Monako me rezultatin 1-0 mundi Aston Vilën, ndërsa ndeshja e vetme që përfundoi pa gola ishte ajo mes Club Brugge dhe Juventusit .
Rezultatet
Club Brugge – Juventus 0-0
Slloven Bratislava – Stuttgart 1-3
Atalanta – Strum Grac 5-0
Shaban Sinani / TV Koha
Kampioni i në fuqi i futbollit në vendin tone Struga Trim Lum nga data 18 janar vijon përgatitjet e fazës kryesore për pjesën e dytë kampionatit në ligën e pare. Ekipi krahas seancave të rregullta stërvitore me intensitet të shtuar të hënën ka zhvilluara ndeshjen e pare kontrolluese kundër hungarezëve të Debrecen e cila ka pԯrfunduar me barazim pa gola. Pas kësaj ndeshje ekipi gjatë ditës së martë ka punuar sipas plan programit të hartuar nga trajneri Qatip Osmani me të vetmin qëllim që ekipi të realizon projektin për të mbrojtur titullin e fituar në dy kampionatet e fundit. Për punën në qendrën sportive “Emirhan Sports Center” në Antalia për televizionin Koha, futbollisti i cili 90 minuta qëndroi në lojë Ard Kasami, u shprehë i kënaqur me punën e deritanishme të përgatitjeve
“Momentalisht gjendemi në Antalia ku kemi ardhur për fazën kryesore të përgatitjeve. Çdo gjë është në rregull sa i përket kushteve çdo gjë është në nivel të lartë ku do të kemi gjithashtu edhe pesë ndeshje kontrolluese. Shpresojmë që nga këto ndeshje të marrim maksimumin dhe të përgatitemi mire. Dhe besoj se sa më mbarë të na pres fillimi i kampionatit në Maqedoni” deklaroi Atrd Kasami futbollist i KF Struga Trim Lum.
Struga Trim Lum në këtë afat kalimtar të dimrit ka angazhuar futbollistin Memetriza Hamza nga Bashkimin e Kumanovës dhe senegalezin Pape Fall , por gjithsesi se përforcimet më të mëdha për struganët do të jenë Bunjamin Shabani dhe Besmir Bojku të cilët pas një kohe të gjatë shkaku I lëndimeve ishin jashtë fushës së. Ndeshjen e radhës kontrolluese se Struga Trim Luma do ta luan kundër skuadrës Korona Kielce nga Polonia. Shaban Sinani / TV Koha
Ekipi nga Dobërdollit për të siguruar mbijetesën në elitën e futbollit vendor vijon përgatitjet sipas planit, ndërsa nga dita e nesërme fillon edhe me ndeshjet kontrolluese.
Klubi i futbollit Besa e Dobërdollit nga 10 janari nën drejtimin e shefit të stafit teknik Gorazd Mihajllov , në kushtet aktuale në Gostivar vijon përgatitjet për pjesën pranverore të kampionatit në elitën e futbollit vendor. Për punën fazës së parë drejtori teknik Izair Emini thotë se është i kënaqur me punën e kësaj faze pasi po punohet me përkushtim dhe seriozitetin e nivelit më të lartë.
‘’Fazën e parë e kemi filluar më 10 janar dhe normalisht shkon sipas asaj që ka planifikuar trajneri. Mirëpo kohën e fundit pak edhe kushtet atmosferike na vështirësuan në fakt, mirëpo çdo gjë shkon sipas planit. Faza e para vijon shumë mirë dhe normalisht fazën e parë presim ta përmbyllim me dy ndeshje kontrolluese . me datën 22 jemi Arsimin e Çegranit dhe më pas me Skopjen’’ deklaroi Izair Emini drejtor sportiv në KF Besa
Drejtori sportiv Izair Emini tha se faza kryesore do të zhvillohet në Ohër ku edhe do të zhvillohen tre ndeshje kontrolluese
‘’Faza e dytë është planifikuar nga data 28 janar. Do të thotë që ne do të shkojmë në qytetin e Ohrit ku edhe atje kemi planifikuar tre ndeshje kontrolluese do të shohim cilat ekipe do të jenë atje. Thanë se ka ekipe nga Serbia, Kosova është edhe një ekip e Ohrit. Do të shkojmë atje ku ndoshta do të ketë kushte më të mira për punë , më të rehatshme që të kalojmë fazën e dytë atje në Ohri ‘’ tha Izair Emini.
Ekipi gjatë këtij afati kalimtar në radhët veta ka sjell dy përforcime ndërsa ditëve në vijim priten edhe tre të tjerë
‘’Është e vërtet që ky afatë kalimtar është i vështirë , tani në këtë detyrë të re e shohë se sa i vështirë afati kalimtar i janarit. Momentalisht neve kemi sjell dy futbollist ata janë Shefit Shefiti dhe japonezi Jememi Kande. Jemi në bisedime në fakt në fazën përfundimtare të tre lojtarëve që duhet të na vinë. Po presim që të na vinë pasi kemi pak probleme edhe me vizat e punës që na vështirësojnë punën . Por presim që nga kjo javë të na bashkohen dhe në Ohër të kompletohemi si ekip‘’tha drejtori sportiv Izair Emini
Pjesa pranverore e kampionatit fillon më 17 shkurt, ndërsa Besa e Dobërdollit është mysafire e n Voska Sportit, ndërsa qëllimi parësor i ekipit është të sigurohet mbijetesa
Pas një pauze të gjatë, sot dhe nesër rikthehen ndeshjet xhiros s; shtatë të garës më të fortë për klubet evropiane, ato të Ligës së Kampionëve.
Në program janë ndeshjet e xhiros së parafundit të fazës së ligës, format ky që po aplikohet për herë të parë në këtë garë, ndërsa sot do të zhvillohen nëntë ndeshje.
Dy sfidat e para që do të luhen më herët janë ato mes Monakos e Aston Villas dhe Atalanta e Shturm Grazit.
Në orën 21:00, Barcelona në transafertë kundër Benfikas në Lisbonë do të synojë të sigurojë biletën e kualifikimit në fazën tjetër të garave . Ndeshje interesante pritet të jetë edhe ajo që do të luhet në Madrid, mes Atletiko Madridit dhe Bajer Leverkuzenit, po ashtu në orën 21:00. Juventusi në ndërkohë do të ketë punë në udhëtim me Klub Brizhin, ndërsa Liverpulli do të jetë nikoqir i Lille-s në stadiumin “Anfield”. Në Beograd ka një ndeshje interesante ku Crvena Zvezda sfidon PSV-n, skuadra italiane Bollonja takohet me Borusia Dortmund dhe ndeshja e fundit është ajo mes Slovan Bratislava dhe Shtutgart
XHIROJA E 7-të, takohen:
18:45 Atalanta – Sturm Graz
18:45 AS Monako – Aston Villa
21:00 Atletiko Madrid – Bajer Leverkuzen
21:00 Benfika – Barcelona
21:00 Bolonja – Borusia Dortmund
21:00 Klub Brizh – Juventus
21:00 Crvena Zvezda – PSV
21:00 Liverpull – Lille
Limani: Për këtë vit planifikohet të ndërtohen 25 çerdhe të reja
Fetai: takim i frytshëm, përpjekje për kthimin e pasurive të paligjshme
Kompania “Saubermacher” Tetovë: Paguani, ose do t’i aktivizojmë përmbaruesit!
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
-
Lajme nga vendi2 years ago
Zyra e Avokatit të Popullit në Tetovë sot do të jetë e hapur
-
Lajme nga vendi2 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve