Lajme nga bota
Fshati lundrues në Tajlandë Ko Panyi tërheq vëmendjen e vizitorëve me bukuritë natyrore dhe pasurinë kulturore
Fshati Ko Panyi, i vendosur në Gjirin Phang në jug të Tajlandës, shquhet si një fshat peshkimi i ndërtuar tërësisht mbi ujë nga peshkatarët muslimanë të ardhur nga Malajzia në shekullin e 18-të, raporton Anadolu.
Banorët vendas jetojnë një jetë në kontakt me ujin në fshatin lundrues që ndodhet në Detin Andaman, ku sot e kësaj dite vazhdon tradita e peshkimit e trashëguar nga paraardhësit e tyre.
Fshati Ko Panyi tërheq vëmendjen e vizitorëve me bukuritë natyrore dhe pasurinë kulturore.
Pavarësisht rritjes së turizmit, jeta në Ko Panyi ende është e bazuar kryesisht në industrinë e peshkimit.Foto: Nurettin Boydak / AA
Xhamia Al-Azhar në Kajro të Egjiptit shquhet si një ndër xhamitë më të rëndësishme në botë, raporton Anadolu.
Xhamia Al-Azhar, e përfunduar në vitin 972, tërheq vëmendjen me arkitekturën e saj, ndërsa duke mirëpritur mijëra vizitorë çdo vit, xhamia vazhdon të jetë një qendër shkencore dhe kulturore për botën islame.
Ndërtimi i xhamisë filloi më 4 prill 970, ndërsa përfundoi në vitin 972 dhe lutjet e para të xhumasë u mbajtën aty më 22 qershor 972 gjatë Ramazanit.
Xhamia Al Azhar sot përmban shenja ndërtimesh që i janë bërë nga Fatimidët, Memlukët, Ejubitët dhe Osmanët.
Al Azhar është një kompleks, që përveç xhamisë përfshin edhe një ndër universitetet më të vjetra në botë.Foto: Mehmet Aslan / AA
Të paktën dy persona u vranë dhe gjashtë të tjerë u plagosën, mes tyre fëmijë, si pasojë e të shtënave në një shkollë në shtetin amerikan Wisconsin, transmeton Anadolu.
Të shtënat ndodhën në shkollën e krishterë ‘Aundant Life’ në Madison, e cila shërben si kopsht fëmijësh deri në klasën e 12-të. Të shtënat ndodhën në javën e fundit para pushimit të festave, kur njerëzit tradicionalisht mblidhen për të ngrënë ushqime, për të shkëmbyer dhurata dhe për të kaluar kohë me familjen dhe miqtë.
Shefi i policisë së qytetit Madison, Shon Barnes, në një konferencë për media tha se “sot është një ditë e trishtuar, jo vetëm për Madisonin, por për të gjithë vendin tonë”.
“Çdo fëmijë, çdo person në atë ndërtesë, është viktimë dhe do të jetë viktimë përgjithmonë. Këto lloj traumash nuk largohen thjesht”, shtoi Barnes.
Të shtënat vranë një mësues dhe një nxënës, pasi i dyshuari që qëlloi, i cili ishte nxënës, po ashtu është i vdekur.
Sipas një zëdhënësi në Shtëpinë e Bardhë, presidenti Joe Biden është informuar për të shtënat në shkollë.
“Zyrtarët e lartë të Shtëpisë së Bardhë janë në kontakt me homologët lokal në Madison për të ofruar mbështetje sipas nevojës”, tha zv/sekretarja për media, Emilie Simons.
Për vite me radhë, në SHBA kanë ndodhur rregullisht të shtëna vdekjeprurëse në shkolla, disa duke marrë dhjetëra viktima, me shumë anëtarë të publikut që dënojnë mungesën e kontrollit më të rreptë të armëve për të ndaluar vdekjen e shumë fëmijëve.Washington DC
Një tërmet i fortë me magnitudë 7.3 është regjistruar pranë kryeqytetit të Vanuatu, Port Vila, duke dëmtuar ndërtesa dhe infrastruktura të tjera.
Tërmeti ndodhi në një thellësi prej 57.1 km, sipas Shërbimit Gjeologjik të SHBA (USGS). Shkalla e dëmeve mbetet e paqartë, por dyshohet edhe për të vdekur.
Autoritetet dhanë alarm për cunami në pjesë të kombit ishullor të Paqësorit, por më pas thanë se kërcënimi kishte kaluar. Pamjet në internet tregojnë ndërtesa të shembura, makina të dëmtuara dhe mobilje të rrëzuara brenda shtëpive.
Ambasada amerikane në Port Vila është mes ndërtesave të dëmtuara.
Shumë ndërtesa të mëdha janë shembur në Port Vila, energjia elektrike është ndërprerë dhe uji është ndërprerë në pjesën më të madhe të kryeqytetit, tha në një deklaratë Care Australia, një agjenci humanitare jofitimprurëse.
Me një akademi solemne sot është shënuar 30 vjetori i themelimit të Universitetit të Tetovës
Diaspora shqiptare e interesuar të investojë në Tetovë
Hulumtim: Urbanizmi, sektori më i prekur nga korrupsioni
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
-
Lajme nga vendi2 years ago
Zyra e Avokatit të Popullit në Tetovë sot do të jetë e hapur
-
Lajme nga vendi2 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve