Moti sot me vranësira dhe i ftohtë, me reshje shiu dhe dëbore në vendet më të ulëta, ndërsa në male dhe viset me të larta me reshje dëbore. Reshjet do të jenë më të dendura në pjesët perëndimore ku nëpër male do të rritet shtresa e dëborës, ndërkohë që shtresë më e ulët e dëborës do të formohet në disa vende më të ulëta. Do të fryjë dhe erë mesatare deri në të përforcuar nga drejtimi jugor, ndërsa në mbrëmje nga drejtimi verior. Temperatura minimale do të jetë në interval prej -5 deri në 1, ndërsa ajo maksimale do të arrij prej 2 deri në 7 gradë.

Në Shkup moti do të jetë me vranësira dhe i ftohtë dhe me reshje shiu, ndërsa në pjesët më të larta të luginës reshjet do të jenë me dëborë. Do të fryjë dhe erë mesatare nga drejtimi juglindor, ndërsa gjatë natës erë e përforcuar nga drejtimi verior. Temperatura minimale do të ulet në -2, ndërsa ajo maksimale do të arrij në 5 gradë Celsiusë.

Pas reshjeve të borës në malësi të Tetovës, nga komuna thonë se mbrëmë kanë hedhur rërë dhe krip. Ata u kërkojnë banorëve që të jenë të kujdesshëm me parkimin e veturave.

“Kompania e kontraktuar nga komuna e Tetovës, për pastrimin dhe mirëmbajtjen dimërore të rrugëve mbrëmë ka hedhur rërë dhe krip në rrugët e fshatrave të malësisë së Tetovës, për të mundësuar kështu qarkullim të lirë dhe pa pengesa. Po ashtu Ju bëjmë thirrje banorëve të Malësisë së Tetovës që të mos i parkojnë veturat në rrugë dhe të pengojnë procesin e punës kompanisë kontraktuese për pastrimin e borës. Hedhja e rërës dhe kripës do të vazhdojë edhe gjatë këtyre ditëve për shkak të temperaturave të ulëta dhe paralajmërimit të reshjeve të reja të borës”, njoftojnë nga komuna e Tetovës.

Deputeti i Frontit Evropian, Blerim Bexheti, ka deklaruar se propozim ligji për shkollim të mesëm është tërhequr falë reagimit të popullit dhe jo nga dëshira e qeveritarëve.

“Propozimi për ligjin për shkollim të mesëm nuk u tërhoq nga dëshira e qeveritarëve pa legjitimitet etnik por u tërhoq falë reagimit të fuqishëm të popullit!

Ky është një shembull i qartë i asaj se çfarë mund të arrihet kur zëri i qytetarëve dëgjohet në Kuvend dhe kur ne qëndrojmë të bashkuar për të mbrojtur të drejtat dhe interesat tona.

Maqedonia e Veriut është shtet multietnik, respekti i ndërsjellë dhe barazia midis shqiptarëve dhe maqedonasve janë gurëthemeli për stabilitet, siguri dhe një të ardhme të qëndrueshme.

Cënimi i Marrëveshjes së Ohrit nga Qeveria është i papranueshëm!”, ka shkruar Bexheti.

Advertisement