Sport
LIGA E KOMBEVE: SUKSES I MADH PËRFAQËSUESES SË RMV-së
Reprezentacioni i Maqedonisë së Veriut në futboll me fitoren e djeshme kundër Ishujve Faroe 1-0 në sfidën e fundit të grupit katër të Liga C në UEFA Liga e Kombeve dhe me 16 pikë të fituara bindshëm doli e para në grup që paraqet një sukses shumë madh për futbollin e vendit tonë
Maqedonia e Veriut në arenën ”Todor Proeski”në Shkup me një lojë mesatare mundi reprezentacionin e Ishujve Faroe me një gol që e realizoi Bojan Miovski në minutën e 62-të që rezultoi të jetë mjaftueshëm për fitoren e pestë radhazi në këtë kompeticion të garave. Mesëfushori titullar Isnik Alimi pas ndeshjes tha se përfundim më të mirë se kjo as që mund të mendonin
“Unë mendoj se më mirë nuk mund të përfundonim këto ndeshjet Liga e Kombeve, 16 pikë, 1 gol i pranuar dhe nga pesë ndeshje që s’kemi pranuar gol në shtëpi . Ishte pak ndeshje e vështirë me Ishujt Faroe pasi ato mbroheshin të gjithë bashkë dhe nuk kishte shumë hapësira. U munduam se me rëndësi ishin tre pikët, në pjesën e dytë ia arritëm të shënojmë., mundeshim të shënojmë edhe më tepër gola, por më e rëndësishmja ishin ttre pikët që të mbyllim në vend të parë, Pasi ky ishte synimi jonë për këto ndeshje të UEFA Liga e Kombeve dhe tani do shohim dhe do shpresojmë për diçka më shumë përmes play off-it ose të presim për tu kualifikuar në Botërorë përmes UEFA Liga e Kombeve”. deklaroi mesfushori Isnik Alimki .
Ishte kjo fitorja e pestë Maqedonisë së Veriut me radhë pas barazimit në ndeshjen e parë në Torshvan me Ishujt Faroe dhe më pas pasuan dy fitore kundër Armenisë, dy fitore kundër Letonisë dhe kjo e sotmja kundër Ishujve Faroe duke grumbulluar 16 pikë. Maqedonia e Veriut në gjashtë ndeshjet e zhvilluara ka shënuar 10 gola dhe ka pranuar vetëm një gol. Ishte ky edicioni më suksesshëm i Maqedonisë së Veriut në garat e UEFA Liga e Kombeve ndërsa në edicionin e radhës do të garon në Liga B të UEFA Liga e kombeve.
Kundër Ishujve Farore reprezentacioni ynë luajti me këtë formacion :
MAQEDONIA: Stole Dimiterievski, Ilievski, (Ashkovski) Zajkov, Serafimov, Ezgjan Alijoski, Jani Atanasov, Isnik Alimi, Enis Bardhi, Çurlinov (Lirim Qamili), Trajkovski (M.Ristovski), Miovski,
Seleksionues: Bllagoja Milevskl
ISHUJT FAROE: Reynatrod, Faero, Vatnhamar, Edmundason, Hansson, Benjaminsen, Hendriksson, Davidsen, Sorensen, Knudsen, Olsen
Seleksionues: Hakan Erikson
Armenia e cila konsiderohej favorite në kët♪7 grup përfundoi e dyta me vetëm 2 fitore, një barazim dhe 3 disfata. Në ndeshjen tjetër të këtij grupi në Riga Armenia mundi Leytoninë 2-1 . Tabela përfundimtare e gript t në Liga C. 1 Maqedonia e Veriut 16 pikë, 2. Armenia 7 pikë, 3 Ishujt Faroe 6 pikë, 4 Letonia me 4 pikë.
Në organizim të Federatës së Volejbollit të Maqedonisë së Veriut këtë fundjavë starton edicioni i parë i volejbollit për veteranë, të moshave mbi 40 vjeç, ku do të marrin pjesë tetë skuadra të veteranëve si Shkëndija e Tetovës, Tetova, Boreci Veles , 11 Oktomvri i Prilepit, Gjevgjelia, Strumica, Skopje dhe ZSV Sportist nga Strumica . Ky kampionat i parë i volejbollit për veteranë do të zhvillohet me sistemin e turnirëve në të gjitha qytetet e ekipeve pjesëmarrëse, ndërsa java e parë do të mbahet në Gjevgjeli. Për fillimin e kësaj Lige të volejbollit për veteranë, Durim Luma tha se Shkëndija do të prezantohet me volejbollistët të cilët fituan titullin kampion dhe do të drejtohen nga trajneri Miftar Ziberi
‘’Vitin e kaluar u bë një garë eksperimentale për veteranët, mirëpo këtë vit do të startoj liga e re e veteranëve të volejbollit të Maqedonisë. Do të marrin pjesë 8 ekipe ndër to është edhe Shkëndija e cila vendosi që të merr pjesë në këtë ligë. Besoj se do të jetë një kënaqësi për të gjithë ata që do të ndjekin këtë eveniment pasi do të shohin lojtar shumë të vjetër . Kriteri është që ato të jenë mbi 40 vjeç por aty do të ketë edhe 60 vjeçar dhe 65 vjeçar. Sa i përket Shkëndijës , ka një fond lojtarësh veteranë ku në ekip do të marrin pjesë ish lojtarët e Shkëndijës si Pllumb Vela, Ilir Vela, Besim Rexha, Mensur Hamza, Durim Luma, Naser Qamili do të jetë kapiten, Miftar Zyberi do të jetë trajneri që do të na udhëheqë neve dhe shumë lojtar të tjerë Fatoni, ndërsa ne e kemi regjistruar edhe Idris Bexhetin i cili ka premtuar se po që se hymë në play off, në katër vendet e para ai do të vinë nga Zvicra dhe do ti bashkëngjitet ekipit’’ deklaroi Durim Luma veteranë në ekipin e Shkëndijës
Me që kjo Ligë do të zhvillohet në sistemin e turnirëve, dhe do të organizohen në shtatë qytete sipas radhës
‘’Ky manifestim do të mbahet me turnirë domethënë do të ketë shtatë turnirë. I pari do të organizohet në Gjevgjeli, ndërsa ne në xhiron e parë do të luajmë kundër ZSV Strumica, turneu i dytë do të mbahet në Strumicë, aty do të luajmë me ekipin rival tonin Tetova, kurse turneu i tretë do të mbahet në Tetovë, ku organizatorë do të jetë Shkëndija. Besoj se tre turnirët tera do të caktohen deri në fund të manifestimit’’ tha Durim Luma.
Në xhiron e parë të Ligës së veteranëve që fillon më 6 prill në Gjevgjeli do të përballen: 11 Oktomvri – Gjevgjelia, Tetova – Strumica, Boreci – Skopje dhe ZSV Sportist Strumica – Shkëndija.
Shaban Sinani – TV Koha
Sot në hapësirat e Federatës së Futbollit të Maqedonisë në praninë e komisrat të garave dhe përfaqësuesit e katër skuadrave gjysmëfinaliste si ato të Struga Trim Lum, Vardarit, Shkëndijës dhe AP Brera u hodh shorti për gjysmëfinalen e Kupës. Shorti deshi që në gjysmëfinale të përballen Shkëndija –Struga Trim Lum dhe Vardari – AP Brera
Ndeshjet e para gjysmëfinale do të zhvillohen me 9 prill me fillim në pra 15:00, dhe atë Shkëndija – Struga Trim Lum dhe Vardari – AP Brera, ndërsa ndeshjet kthyese në Strugë dhe Strumicë do të zhvillohen më 23 prill me fillim në ora 16:00. Kujtojmë se finalist të vitit të kaluar ishin Tikveshi – Voska Sport ku fitues doli Tikveshi, ndërsa fitues i fundit i Kupës
Në 31 edicionet e deri tanishme Vardari ka fituar 5 herë Kupën e Maqedonisë , Shkëndija 2 herë fituese e Kupës, AP Brera njëherë, ndërsa Struga Trim Lum nuk ka fituar asnjëherë Kupën republikane
Shaban Sinani – TV Koha
Tre fitore të skuadrave vendase dhe katër e atyre mysafire është epilogu i shtatë ndeshjeve të zhvilluara sot në kampionatin amerikan të basketbollit NBA.
Ndeshja e derbi e ditë së sotme mes ekipeve Memfis dhe Golden State ka përfunduar me fitoren e skuadrës mysafire me rezultatin 125-134. Në këtë takim për skuadrën fituese ka shkëlqyer basketbollisti Stefen Curry i cili ka realizuar 52 pikë e 10 kërcime
Te fitorja është rikthyer edhe Milvoki që ka mundur ekipin e Feniksit me rezultatin 133-123. Më efikas në këtë takim ishte lojtari mysafirë Booker i cila ka realizuar 39 pikë. Ndeshja më dramatike e ditës së sotme ishte dueli mes Denverit dhe Minnesotas që ka përfunduar 139-140 pas lojës shtesë. Jokiq ka regjistruar 61 pikë, 10 kërcime e 10 asiste
Fitore në transfertë kanë regjistruar edhe Orlando, Portland dhe Minnesota, ndërsa te vendasit fitore kanë shënuar edhe Çikago dhe Nju Jorku. Të gjitha ekipet pretendojnë që të sigurojnë një vend në fazën e play off.
Rezultatet e sotme
Atlanta – Portland, 113-127
Milwaukee – Phoenix, 133-123
Nju York – Philadelphia, 105-91
Çicago – Toronto, 137-116
Memphis – Golden State, 125-134
San Antonio – Orlando, 105-116
Denver – Minnesota, 139-140
Shaban Sinani – TV Koha
Nafta mbetet jashtë vëllimit të doganave të reja të Trampit
Costa për luftën tregtare: Po shkakton një dëm të madh ekonomik
Udhëheqësit botërorë kritikojnë tarifat e Trump si ‘goditje të madhe’
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve