Lajme nga bota
Përmbytjet në Hungari, Orban shtyn fjalimin e tij në Parlamentin Evropian

Fjalimi i shumëpritur i Viktor Orban në Parlamentin Evropian do të shtyhet.
Kryeministri hungarez ka njoftuar se ka anuluar të gjitha angazhimet e tij ndërkombëtare pas përmbytjeve të tmerrshme që goditën vendin e tij.
“Për shkak të kushteve ekstreme të motit dhe përmbytjeve të vazhdueshme në Hungari, kam shtyrë të gjitha angazhimet e mia ndërkombëtare”, shkroi Orban, ku premtoi se do të jetë një debat i zjarrtë.
Të paktën nëntë persona kanë humbur jetën nga përmbytjet e shkaktuara nga stuhia Boris, e cila goditi Evropën qendrore dhe shkaktoi rrebeshe shiu, në sasi që nuk ishte parë në rajon për të paktën 30 vjet dhe, sipas ekspertëve, më e keqja nuk ka ardhur ende.
Në Rumani, shteti më i prekur, ka gjashtë viktima të konfirmuara dhe një person është zhdukur. Një tjetër person u mbyt në Poloni dhe një zjarrfikës u vra në Austri teksa po përpiqej të shpëtonte disa njerëz.
Dhe me kalimin e orëve shtohet numri i viktimave, të zhdukurve dhe të zhvendosurve. Vendet e tjera që prej ditësh po përballen me ujin, shiun thuajse të pandërprerë dhe rrezikun e lumenjve të fryrë, janë Çekia, Sllovakia dhe Hungaria.
Transporti dhe shërbimet janë të bllokuara në shumë fusha, përfshirë energjinë elektrike.
Pamjet e përmbytjeve tregojnë lagje të tëra nën ujë, diga të improvizuara për të ndaluar daljen e lumenjve, njerëz që kërkojnë strehim.
Danubi dhe degët e tij janë “bomba uji me sahat” dhe autoritetet në gjysmën e Evropës po përpiqen të forcojnë brigjet e tij me frikën e një përmbytjeje më të madhe se ajo e vitit 2013, më e keqja në 500 vjet, e cila shkaktoi dhjetëra të vdekur dhe të zhdukur dhe dhjetëra mijëra njerëzve të zhvendosur.
Hungaria ka mobilizuar 17,000 ushtarë për të punuar për të forcuar argjinaturat për të parandaluar më të keqen.
Në vend të kësaj, vullnetarët u këshilluan të udhëtonin vetëm me kërkesë të shprehur dhe popullatës iu këshillua të qëndronte në shtëpi.
Presidentja e Komisionit Evropian, Ursula von der Leyen shprehu në një mesazh për X “solidaritetin e saj me të gjithë të prekurit nga përmbytjet shkatërruese” dhe deklaroi se “BE është e gatshme të ofrojë mbështetje”.
Lajme nga bota
Kina i kundërpërgjigjet SHBA-së me tarifë prej 125 për qind

Kina njoftoi të premten se e ka rritur tarifën ndaj mallrave amerikane nga 84 për qind në 125 për qind, duke iu kundërpërgjigjur presidentit amerikan, Donald Trump, i cili ditë më parë e rriti tarifën ndaj mallrave kineze në 145 për qind.
Tarifa e re e Pekinit për mallrat e importuara nga Shtetet e Bashkuara do të hyjë në fuqi të shtunën.
Kina kishte paralajmëruar se do t’i luftonte tarifat amerikane me kundërmasa, duke i cilësuar veprimet e Trumpit si “bullizëm ekonomik”.
Veprimet e Trumpit për tarifa ndaj të gjitha vendeve të botës bënë që drejtuesit e bizneseve të paralajmëronin për recesion të mundshëm ekonomik. Disa nga partnerët më të mëdhenj tregtarë të SHBA-së u hakmorën duke vendosur taksa ndja mallrave amerikane, megjithatë Trump njoftoi një pezullim 90 ditor.
Por, Trump dhe Kina vazhduan tarifat reciproke ndaj njëri-tjetrit.
“SHBA-ja, duke rritur tarifa anormale ndaj Kinës, është kthyer në një lojë numrash, e cila nuk ka asnjë rëndësi praktike ekonomike, dhe do të shndërrohet në një shaka në historinë e ekonomisë botërore”, tha një zëdhënës i Ministrisë së Financave të Kinës në një komunikatë.
“Megjithatë, nëse SHBA-ja këmbëngul të vazhdojë t’i shkelë në mënyrë të konsiderueshme interesat e Kinës, Kina do të kundërpërgjigjet me vendosmëri dhe do të luftojë deri në fund”, tha ai.
Ministria e Tregtisë e Kinës tha se do ta dorëzojë një tjetër padi në Organizatën Botërore të Tregtisë kundër tarifave amerikane.
Javën e kaluar, Pekini pezulloi importet e sorgumit dhe shpendëve nga disa kompani amerikane, vendosi më shumë kontrolle eksporti mbi mineralet e rralla, të cilat janë thelbësore për teknologji të ndryshme, dhe vendosi disa dhjetëra kompani amerikane në lista që ua ndalojnë kompanive kineze t’u shesin atyre mallra për përdorim të dyfishtë.
Duke pasur parasysh madhësinë e dy ekonomive, ekspertët kanë frikë se do të ketë trazirë ekonomike globale.
Kreu i OBT-së, Ngozi Okonjo-Iweala, tha më herët këtë javë se lufta tregtare midis SHBA-së dhe Kinës “mund ta dëmtojë rëndë perspektivën ekonomike globale”.
Lajme nga bota
Një kosovar në Zvicër dyshohet se ka vrarë bashkëshorten dhe më pas vetën

Dyshohet se një shtetas i Kosovës ka vrarë bashkëshorten e tij, po ashtu kosovare, në një fshat të Zvicrës, e më pas ka vrarë edhe vetën.
Thuhet se i dyshuari mësohet të jetë nga Malisheva dhe ka shtënë me armë zjarri ndaj viktimës, e cila po ashtu është nga një fshat i Malishevës.
Referuar medias La liberte, thuhet se fillimisht i dyshuari ka shtënë me armë zjarri edhe jashtë shtëpisë, në të cilën ka hyrë më pas dhe objekti më vonë është kapluar nga zjarri.
Raportohet se në shtëpi janë gjetur dy trupa të pajetë, dhe thuhet se njëri nga ta mund të jetë i dorasit.
Ndërkohë mosha e dorasit sipas policisë zvicerane është 42 vjeç, ndërsa gruaja është e moshës 38 vjeçe.
Gjithashtu, mësohet se çifti ka lënë pas katër fëmijë.
Mediat në Zvicër raportojnë se rasti është ende i dyshimtë dhe se viktimat ende nuk janë identifikuar.
Televizioni ka mësuar se çifti është përballur me probleme me vete për një kohë të gjatë, dhe kanë pasur një lidhje me ndarje e bashkime.
E ndjera thuhet ta ketë denoncuar bashkëshortin e tij për dhunë, dhe i njëjti ka qëndruar i mbyllur për 1 muaj. E me të dalë në liri, dyshohet të ketë ndodhur rasti tragjik.
Media zvicerane laliberte.ch ka dhënë detaje nga ky rast i rëndë, i ndodhur të enjten në mëngjes në fshatin Epagny në Zvicër.
Dy persona janë gjetur pa shenja jete në rrënojat e një shtëpie të shkatërruar nga zjarri. Policia thotë se njëri nga dy trupat e vdekur mund të jetë i të dyshuarit për të shtënat me armë zjarri në afërsi të shtëpisë para zjarrit.
papërcaktuara”, ka thënë policia kantonale e Fribourgut të enjten mbrëma.
Dy viktima ende nuk janë identifikuar.
Policia kantonale është njoftuar për një rast të shtënash rreth orës 9:15 të enjten nga një person afër një shtëpie. Sipas informacioneve që ka siguruar policia, një burrë, me një armë të gjatë, ka hyrë në shtëpi. Zjarri ka shpërthyer më pas në atë shtëpi, e ndodhur afër disa bizneseve të cilat shpëtuan.
Zjarrfikësit kanë intervenuar në fikjen e zjarrit, i cili u vu nën kontroll në mesditë. Vetëm në orët e pasdites, policia arriti të identifikonte njërin nga trupat në rrënojat e mbetura nga zjarri, ndërsa u gjet edhe një armë zjarri.
Trupi i dytë i pajetë është gjetur në mbrëmje.
Hetimet po vazhdojnë nga Zyra e Prokurorit Publik. Në këtë fazë, shumë pyetje mbesin pa përgjigje derisa identifikimi formal i dy viktimave po vazhdon.
Lajme nga bota
Kina reciprocitet me SHBA-në – vendos të njëjta tarifa sikurse Trumpi

Kina njoftoi të premten se do të vendosë tarifa reciproke prej 34 për qind për të gjitha importet nga Shtetet e Bashkuara, duke filluar nga 10 prilli. Ky vendim erdhi si përgjigje ndaj masave të reja të administratës amerikane, të cilat synojnë të kufizojnë importet kineze dhe të ushtrojnë presion mbi ekonominë e dytë më të madhe në botë.
Të mërkurën, presidenti amerikan Donald Trump shpalli tarifa shtesë prej 34 për qind për të gjitha mallrat kineze që importohen në SHBA, duke përfshirë produkte industriale, elektronikë dhe mallra të konsumit.
Ky veprim i konsideruar si pjesë e strategjisë së administratës amerikane për të reduktuar deficitin tregtar me Kinën, është pritur me kundërshtime të forta nga Pekini dhe ka ngjallur shqetësime për ndikimin e tij në tregjet globale, raporton cnn.
“Kjo praktikë e SHBA-ve nuk është në përputhje me rregullat e tregtisë ndërkombëtare, dëmton seriozisht të drejtat dhe interesat legjitime të Kinës dhe është një praktikë tipike e njëanshme e bullizmit”, tha Komisioni i Tarifave të Këshillit të Shtetit të Kinës në një deklaratë zyrtare.
“Kina ka qenë gjithmonë një mbrojtëse e vendosur e rendit ndërkombëtar ekonomik dhe tregtar dhe një mbështetëse e vendosur e sistemit tregtar shumëpalësh. Ne i bëjmë thirrje SHBA-së që të korrigjojë menjëherë praktikat e saj të gabuara dhe të anulojë masat e saj të njëanshme tarifore”, shkruan më tutje.
Në këtë situatë të tensionuar, analistët theksojnë nevojën për dialog dhe negociata për të shmangur një luftë tregtare të gjatë dhe të dëmshme, e cila mund të ndikojë jo vetëm dy superfuqitë, por edhe ekonominë globale në tërësi.
Ekspertët paralajmërojnë se ky përshkallëzim i tensioneve tregtare midis dy fuqive ekonomike mund të ketë pasoja të gjera, duke prekur stabilitetin financiar ndërkombëtar dhe zinxhirët e furnizimit global. Shumë kompani ndërkombëtare, të cilat mbështeten te tregtia ndërmjet SHBA-së dhe Kinës, mund të përballen me kosto më të larta dhe ndërprerje në operacionet e tyre.
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve