Kryeministri izraelit, Benjamin Netanyahu, ka deklaruar se Izraeli po vuan “shumë humbje, humbje të dhimbshme” nga sulmet iraniane, transmeton Anadolu.

Siç raporton ‘The Times of Israel’, Netanyahu në një video-deklaratë falënderoi presidentin e SHBA-së, Donald Trump, për “qëndrimin në krah” të Izraelit.

“Ne jemi në komunikim të vazhdueshëm, përfshirë edhe natën e kaluar. Patëm një bisedë shumë të ngrohtë”, tha Netanyahu.

Tensionet rajonale janë përshkallëzuar që nga e premtja, kur Izraeli nisi sulme ajrore ndaj shumë lokacioneve në të gjithë Iranin, duke përfshirë strukturat ushtarake dhe bërthamore, pas çka Teherani nisi sulme hakmarrëse.

Të paktën 585 persona janë vrarë dhe 1.326 të tjerë janë plagosur në Iran që kur Izraeli nisi sulmet.

Advertisement

Autoritetet izraelite, nga ana tjetër, thanë se të paktën 24 persona janë vrarë dhe qindra të tjerë janë plagosur që atëherë në sulmet me raketa iraniane.

Presidenti rus, Vladimir Putin, tha se përpjekja e NATO-s për të rritur shpenzimet për mbrojtje nuk është “kërcënim” për Rusinë.
Kjo deklaratë, e bërë gjatë një konference për media në orët e vona të 18 qershorit, vjen disa ditë para se aleanca të nënshkruajë një plan për të forcuar kapacitetet e saj ushtarake në mbarë Evropën.

Udhëheqësi rus tha po ashtu se trupat e tij nuk do të ndalojnë avancimin në Ukrainë, teksa tentoi të minonte autoritetin e presidentit ukrainas, Volodymyr Zelensky.

Aleanca ushtarake perëndimore do të mbajë një samit të rëndësishëm në Hagë javën e ardhshme, ku shtetet anëtare të NATO-s do të diskutojnë për rritjen e shpenzimeve për mbrojtje në 5 për qind të Bruto Produktit të Brendshëm, teksa presidenti amerikan, Donald Trump, vazhdimisht kërkon që anëtarët e aleancës të rrisin shpenzimet.

Putin e ka paraqitur ofensivën e tij në Ukrainë – që e nisi në shkurt të vitit 2022 – si pjesë e një konflikti më të gjerë mes Rusisë dhe NATO-s, e cila e ka mbështetur Kievin që nga nisja e luftës.

“Ne nuk e konsiderojmë asnjë riarmatosje nga NATO-ja si kërcënim ndaj Federatës Ruse, sepse ne mund ta garantojmë vetë sigurinë tonë”, tha Putin gjatë konferencës për media në Shën Petersburg.

Advertisement

Rusia “po modernizon vazhdimisht forcat e armatosura dhe kapacitetet mbrojtëse”, tha ai, duke shtuar se “nuk ka asnjë kuptim që NATO-ja të shpenzojë më shumë para për armë”.
Megjithatë, ai e pranoi se nëse shtetet e NATO-s do të shpenzonin më shumë, kjo do të krijonte disa sfida “të veçanta” për Rusinë.

“Ne do t’i përgjigjemi të gjitha kërcënimeve që do të paraqiten”, shtoi Putin.

Kievi po kërkon garanci të sigurisë nga NATO-ja si pjesë e çdo marrëveshjeje që do të ndalonte luftimet.

Moska ka shfaqur pak vullnet për të ndalur luftimet, dhe Putin tha se Rusia ka “avantazh strategjik” në fushëbetejë.
“Trupat tanë po avancojnë në mbarë vijën e kontaktit. Çdo ditë, pak a shumë, por çdo ditë ata po avancojnë dhe do të vazhdojnë të avancojnë”, tha Putin.

Putin po ashtu tentoi të justifikojë luftën kundër Ukrainës, duke vënë në pikëpyetje legjitimitetin e Zelenskyt, teksa mohoi se shteti i tij shënjestron civilët përmes sulmeve të përditshme ajrore.

Advertisement

Ai tha se është i gatshëm të takohet me homologun e tij ukrainas, por vetëm “në fazën finale” të negociatave për t’i dhënë fund konfliktit trevjeçar.

Putin po ashtu sugjeroi se Zelensky nuk ka të drejtë të nënshkruajë ndonjë marrëveshje paqeje, pasi tha se i ka skaduar mandati pesëvjeçar si president. Edhe më herët, Putin kishte folur rreth mandatit të Zelenskyt, por Kievi i ka cilësuar këto deklarata si propagandë./REL

Zyrtarë të lartë amerikanë po përgatiten për mundësinë e një sulmi ndaj Iranit në ditët e ardhshme, në një moment tensioni të lartë në Lindjen e Mesme, raporton “Bloomberg”, përcjell Gazeta Sinjali.

Burime të afërta me bisedimet private tregojnë se administrata amerikane po organizon infrastrukturën për një përfshirje të drejtpërdrejtë në konflikt me Teheranin, me disa plane të mundshme sulmi që përmenden për fundjavën e ardhshme.

Presidenti Donald Trump ka deklaruar se po shqyrton opsionet dhe preferon të marrë vendimin përfundimtar “një sekondë para afatit”, duke theksuar natyrën e paparashikueshme të situatës. Ai ka pohuar se mund ta ndërmarrë sulmin, por edhe mund ta shmangë, ndërkohë që Shtëpia e Bardhë thekson se të gjitha opsionet mbeten në tavolinë.

Ndryshe nga qëndrimi i mëparshëm, ku Trump favorizonte bisedimet diplomatike për programin bërthamor iranian, tani ai po tregon gatishmëri për një përplasje ushtarake. Kjo pritje disa-ditore synon t’i japë Iranit kohë për të treguar gatishmërinë për të zvogëluar kapacitetet bërthamore, me shpresën për të parandaluar një sulm.
Ndërkohë, ministrat e jashtëm të Britanisë, Francës dhe Gjermanisë do të takohen me homologun iranian në Gjenevë për bisedime bërthamore.

Irani vijon të mohojë synimet për armë bërthamore, ndërsa sulmet izraelite dhe kundërpërgjigjet iraniane me raketa dhe dronë po shtojnë tensionet në rajon.

Advertisement