Kryetari i komunës së Tetovës thotë se kanali për ujitje që është mbyllur në lagjen Dardania që u bë shkas edhe bujqit në këtë pjesë të qytetit të protestojnë .Sipas Kasami ky kanal do të rregullohet brenda ditësh.Ai thotë se i njëjti nuk do të rregullohet vitin e ardhshëm.Kasami nënvizoi se nuk mund të pritet deri vitine ardhshëm prandaj janë marrë masa mënjëherë.Bilall Kasami. Kryetrar i komunës së Tetovës “Duke pasur parasysh që komuna veç më është duke realizuar aty projekt për ndërtimin e shtratit të lumit, sigurisht që ne nuk kemi mundësi dhe kohë që të presim institucionet shtetërore, e në këtë rast as Ndërmarrjen për ekonomizim me ujërat e as Ministrinë e bujqësisë që të futet në plan për vitin e ardhshëm sepse tashmë kemi plan për rregullimin e lumit dhe pas reagimit të bujqive, morëm masa dhe dolëm në terren. Folëm me kompaninë që realizon ndërtimet aty dhe vendosëm të ndërtojmë edhe atë segment të kanalit për vaditje të tokave bashkë me rregullimin e shtratit të lumit”. Kasami ka paralajmëruar njëkohësisht edhe pastrimin e deponisë së egër të krijuar në shtratin e lumit Shkumbin në pjesën tek lagja Dardania, deponi kjo e cila në këtë vend qëndron tash e më shumë se dhjetë vite. Kjo deponi fillimisht u krijua nga disa pjesëtarë të komunitetit rom që jetojnë në këtë lagje, ndërsa më vonë e shfrytëzonin rastin për hedhje të mbetjeve edhe disa banorë të tjerë të Tetovës por edhe disa firma ndërtimi. Bilall Kasami. Kryetrar i komunës së Tetovës “në projekt është paraparë edhe pastrimi i asaj deponie që me dekada ka qenë aty. Jemi në bisedime dhe komunikim me disa banorë që të gjejmë zgjidhje banimit të tyre. Në proces formal të eksproprijimit të pronave të legalizuara, por jemi të interesuar që atyre banorëve që jetojnë aty e që një pjesë janë edhe pa dokumente, në objekte pa kushte dhe të pa legalizuara, që t`iu gjejmë edhe atyre një zgjidhje”.Komuna e Tetovës ka fillur me ndërtimin e shtratit të lumit në këtë pjesë të qytetit, ndërsa punët në rregullimin e lumit edhe mbylli këtë kanal për ujitje që ujitë mbi 200 hektarë tokë, që detyroi edhe buqjit që jatë të shtunës të protestojnë duke kërkuar zgjidhje./TV KOHA/

Shoqata e Gazetarëve të Maqedonisë (SHGM) dënon sjelljen joprofesionale dhe të pahijshme të deputetit të VMRO-DPMNE-së, Dragan Kovaçki, i cili sot ka penguar gazetaren e medias online, portali Sakamdakazam.mk, Sonja Delevska, gjatë ushtrimit të detyrës së saj profesionale në Kuvend.

Siç raportohet në shkresën e dërguar deri tek SHGM, gazetarja Delevska po kryente detyrën e saj profesionale duke i drejtuar pyetje legjitime drejtorit të Agjencisë për Siguri Kombëtare, Bojan Hristovski. Ndërsa Hristovski po i përgjigjej pyetjeve të Delevskës lidhur me certifikatën e tij për gjuhën angleze, deputeti Kovaçki iu drejtua me fjalët: “fike mikrofonin, po regjistron,” duke treguar nga telefoni i saj. Delevska i ofroi telefonin e saj deputetit, por ai refuzoi ta merrte dhe thirri Hristovskin që të largohej.

Ne ju bëjmë thirrje të gjithë përfaqësuesve politikë që të tregojnë një nivel të duhur respekti dhe qasje konstruktive ndaj mediave dhe përfaqësuesve të tyre, të përgjigjen rregullisht ndaj pyetjeve të tyre, dhe të përmbahen nga çdo formë presioni apo shpifjeje.

Kujtojmë se liria e mediave dhe e drejta e gazetarëve për të bërë pyetje janë parime themelore të një shoqërie demokratike. Çdo përpjekje për të penguar, frikësuar ose diskredituar gazetarët përbën një sulm të drejtpërdrejtë ndaj lirisë së shprehjes dhe transparencës së institucioneve.

SHGM do të vazhdojë të monitorojë nga afër gjendjen e të drejtave të punonjësve të medias dhe të angazhohet për mbrojtjen e standardeve profesionale gazetareske.

Advertisement

SHGM dënon komunikimin e papërshtatshëm ndaj gazetarit Sërgjan Stojançov

Shoqata e Gazetarëve të Maqedonisë (SHGM) shpreh shqetësimin dhe dënon çdo formë të komunikimit të pahijshëm ose presionit publik ndaj gazetarit Sërgjan Stojançov nga TV Tellma, i cili raportonte për procesin e përzgjedhjes së kandidatëve për anëtarë të Këshillit të Agjencisë për Shërbime Mediatike Audio dhe Audiovizive.

Komunikimi i pahijshëm dhe grupor erdhi pas publikimit të artikullit “Përpjekja e dytë për funksion për Verzivolin dhe një këshilltare lokale kandidate për Këshillin e ASHMAAV-së” në faqen e internetit të TV Tellma, ku një profil i quajtur Faik Demiri shprehu pakënaqësi për temën e trajtuar në një gjuhë tejet fyese dhe të papërshtatshme.

Sipas kolegut Stojançov, i cili sot informoi SHGM-në, në rrjetet sociale ka marrë komente fyese dhe thellësisht përçmuese nga të afërm të ngushtë të kandidatëve potencialë për funksionarë publikë që pretendojnë të jenë anëtarë të Këshillit të Agjencisë për Shërbime Mediatike Audio dhe Audiovizive, organit kryesor për rregullimin e mediave në vend.

Çdo formë presioni, fyerjeje ose përçmimi ndaj gazetarëve, veçanërisht kur bëhet nga persona publikë ose funksionarë, përbën një sulm ndaj lirisë së mediave dhe demokracisë.

Gazetarët kanë të drejtën dhe detyrën të raportojnë për çështje me interes publik, sidomos kur ato lidhen me emërimin e funksionarëve publikë ose vendime që ndikojnë në publikun dhe mjedisin mediatik në vend. Puna e tyre duhet të mbrohet nga presione dhe kërcënime që mund të ndikojnë në lirinë e shprehjes dhe funksionimin demokratik të institucioneve.

Advertisement

SHGM mbetet e përkushtuar në mbrojtjen e gazetarëve dhe lirisë së mediave dhe do të vazhdojë të ndjekë të gjitha përpjekjet për presion ose manipulime të drejtuara ndaj gazetarëve.

Komisioni për ndarjen e çmimit shtetëror “22 Nëntori” në mbledhjen e saj ka marrë vendim për ndarjen e çmimit shtetëror “22 Nëntori” për vitin 2024 në shenjë mirënjohjeje për personat nga jeta politike, kulturore dhe shoqërore në Republikën e Maqedonisë së Veriut që kanë dhënë kontribut për përmirësimin e bashkëjetesës ndërpersonale dhe mirëkuptimit të ndërsjellë ndërmjet anëtarëve të komuniteteve, kulturave dhe feve të ndryshme.

Çmimi “22 Nëntori” i ndahet mësuesit prof. Dr. Avzi Mustafa, dhe profesori universitar Afrim Osmani.

Kryetar i Bordit për ndarjen e çmimit “22 Nëntori” është Reshat Ameti.

Çmimi do t’u dorëzohet fituesve më 22 nëntor 2024 (e premte) në orën 11:00 në Kuvend./Telegrafi/