Lajme nga vendi
Qindra të rinj “rrezikojnë” të drejtën e votës, kjo është arsyeja
![](https://tetovaexpres.com/wp-content/uploads/2024/04/zgjedhje-ne-struge-333333-780x454-1.jpg)
450 të rinj të cilët do të mbushin 18 vjet deri në ditën e zgjedhjeve presidenciale, përkatësisht më 24 prill nuk kanë asnjë dokument identifikimi me qëllim që të mund të shfrytëzojnë të drejtën e votës për herë të parë. Ndërkohë mbi 80 të rinj nga gjithsej 101 në terrorin e Shkupit kanë arritur të aplikojnë për dokumente në thirrjen e fundit të MPB-së për fotografim pa terminë.
“Rreth 450 shtetas të cilët kanë mbushur moshën 18 vjeç nuk kanë asnjë dokument biometrik, as letërnjoftim dhe as pasaportë. Në territorin e qytetit të Shkupit, 101 persona të cilët kanë mbushur moshën 18 vjeçare nuk posedojnë asnjë dokument biometrik, as letërnjoftim dhe as pasaportë. Prej tyre, 81 persona janë fotografuar në stacionin “Prolet” më 6 prill 2024”, njoftojnë nga MPB .
Përderisa këta të rinj presin që të pajisen me dokumente, para sporteleve të MPB-së presin edhe shumë qytetarë. Sipas tyre pritjet për marrjen e dokumenteve me procedurë të rregullt zgjatë më shumë se dy muaj.
“Isha për lejen e vozitjes dhe dy muaj që pres tani e mora. Pasaportë nxorët? Jo nuk më duhet ku do shkoj, letërnjoftim kam dhe ja këtë dy muaj që pres me procedurë të shpejtë”, tha një qytetar.
“Për pasaportë ishit? Po, e mora tani. Pas sa kohe? Pas dy muaj e gjysmë” , u shpreh një tjetër qytetar.
“E mora pas 3 muajsh pasaportën por mirë është”, theksoi një qytetar.
“Isha për të ndryshuar dokumentet. Ka pritje dhe rrëmujë por çfarë të bëjmë ata janë procedurat, ai shtet është. Jo ende nuk kam caktuar termin”, deklaroi një tjetër qytetar.
“Ishim për fotografim, njëherë më procedurë të rregullt për datën 11 nëntor por që duhet të shkojmë tek vajza dhe u deshtë të nxjerrim me procedurë të shpejtë, 6400 denarë për një pasaportë edhe të mos kesh e kisha patjetër. Ky është shteti ynë”, kështu tha një qytetar i anketuar nga Alsat.
Nga Ministria e Punëve të Brendshme njoftojnë se deri më 4 prill për letërnjoftim me emrin e ri të shtetit kanë aplikuar mbi 1 milion e 200 mijë qytetarë, për pasaportë rreth 1 milion e 490 mijë qytetarë dhe për leje të vozitjes rreth 646 mijë qytetarë. /Alsat.mk
Lajme nga vendi
Paraburgim për një 31 vjeçar nga Shkupi, dyshohet për tentim për përdhunim
![](https://tetovaexpres.com/wp-content/uploads/2024/09/paraburgim_Pritvor-780x470-1.jpg)
Prokuroria Themelore Publike (PTHP) Shkup ka lëshuar urdhër për zhvillimin e procedurës hetuese ndaj personit për të cilin ekziston dyshimi i bazuar se ka kryer vepër penale sulm seksual dhe dhunim nga neni 186 paragrafi 1 lidhur me nenin 19 (në tentativë ) të Kodit Penal.
“Më 5 shtator, 31-vjeçari ka sulmuar një grua në Kisella Vodë dhe në kundërshtim me vullnetin e saj të shprehur qartë, ka tentuar qëllimisht të kryejë akte seksuale ndaj saj. Viktima ka qenë duke ecur në drejtim të shtëpisë së saj dhe pasi ka kaluar në vendkalimin për këmbësorë në bulevardin “Boris Trajkovski” afër komunës Kisella Boda, i dyshuari e ka kapur me të dyja duart dhe ka tentuar ta tërheqë zvarrë në një rrugë anësore. Ai e shtyu dhe tentoi ta sulmonte seksualisht. Gruaja vazhdonte të bërtiste, të kërkonte ndihmë dhe përpiqej të çlirohej, ndërsa kur njerëzit filluan të mblidheshin, i dyshuari e la të ikte pa e arritur qëllimin e tij”, thuhet në njoftimin e lëshuar nga PTHP-ja.
Prokurori publik kompetent i ka dorëzuar gjyqtarit të procedurës paraprake propozim për caktimin e masës së paraburgimit për të dyshuarin, me të cilin ka deklaruar se ekziston rreziku që ai të ikë, të pengojë procedurën penale ose të përfundojë tentativën e veprës penale. Gjykata themelore penale e Shkupit e ka pranuar propozimin dhe të dyshuarit i është shqiptuar masa e paraburgimit në kohëzgjatje prej 30 ditësh.
Lajme nga vendi
Durmishi: Ministria e Ekonomisë dhe Punës ndan mjete financiare për realizimin e programit (projektit) për mbrojtjen e konsumatorëve
![](https://tetovaexpres.com/wp-content/uploads/2024/09/thumbnail.jpg)
Ministria e Ekonomisë dhe Punës, në përputhje me përkushtimin e saj për mbrojtjen e të drejtave të konsumatorëve, shpalli sot thirrje publike për ndarjen e mjeteve financiare për realizimin e programeve dhe projekteve nga shoqatat e konsumatorëve në kuadër të Programit për mbrojtjen e konsumatorëve për vitin 2024. Mjetet financiare nga ky Program janë të dedikuara për realizimin e programeve dhe projekteve nga shoqatat e konsumatorëve. Përmes kësaj mbështetjeje financiare, Ministria e Ekonomisë dhe Punës ndan mjete financiare për realizimin e programit (projektit) për mbrojtjen e konsumatorëve në vlerë prej 300.000,00 denarë deri në 500.000,00 denarë në përputhje me propozim programet (projektet) e dorëzuara për mbrojtjen e konsumatorëve deri në shterimin e mjeteve financiare të parashikuara për këtë thirrje, të organizatave joqeveritare për mbrojtjen e konsumatorëve për sigurimin e informacioneve dhe ndihmës për konsumatorët.Kjo iniciativë është pjesë e përpjekjeve tona të vazhdueshme për të përmirësuar cilësinë e jetës së të gjithë qytetarëve dhe për të forcuar mbrojtjen dhe të drejtat e tyre.Inkurajojmë të gjitha shoqatat e konsumatorëve që të shfrytëzojnë këtë mundësi dhe të aplikojnë për mbështetje financiare që do t’u mundësojë atyre të realizojnë projekte të rëndësishme për të mirën e konsumatorëve. Kjo thirrje është dëshmi e përkushtimit tonë për transparencë, drejtësi dhe gjithëpërfshirje në krijimin e politikave që përmirësojnë kushtet e jetesës së të gjithë qytetarëve.Më shumë informacione për kushtet e aplikimit, shumën e mjeteve financiare dhe afatin për dorëzimin e kërkesave mund të gjeni në ueb-faqen tonë www.economy.gov.mk.Sektori i Koordinimit të aktiviteteve të ministrit
Ju bëjmë thirrje të kontribuoni bashkërisht në forcimin e të drejtave të konsumatorëve në vendin tonë. Afati përfundimtar për dorëzimin e aplikimeve është jo më vonë se ora 16:00 më 20.09. të vitit 2024.Tv Koha
Lajme nga vendi
Gjendet një trup i pajetë brenda një hoteli në Tetovë
![](https://tetovaexpres.com/wp-content/uploads/2024/09/policia-mk-stop-780x439-1.webp)
Me datë 05.09.2024 në ora 11:40, në SPB Tetovë nga Emergjenc Mjekësore e Tetovës kanë raportuar se në një hotel në Tetovë ndodhet një person i vdekur, i cili nga mjeku i Mjekësisë Emergjente ka konstatuar vdekjen pa shenja dhune.
“Është konstatuar se bëhet fjalë për P.J.R (68) nga Britania e Madhe. Prokurori publik dhe zyrtarët policorë nga SPB- Tetovë kanë kryer këqyrje në vendin e ngjarjes dhe me urdhër të Prokurorisë Publike, trupi i pajetë i të ndjerit është dorëzuar për obduksion”, thuhet në kumtesën e SPB Tetovë.
-
Lajme nga vendi2 years ago
Zyra e Avokatit të Popullit në Tetovë sot do të jetë e hapur
-
Lajme nga vendi2 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve