Connect with us

Lajme nga vendi

VLEN: Freedom House e dëshmoi se pushteti i korruptuar i BDI-së po e çon vendin në humnerë

Published

1 month ago

on

Raporti i fundit i Freedom House konstaton regres dhe rënie të theksuar të Maqedonisë së Veriut në parametrat e demokracisë. Maqedonia e Veriut vlerësohet si regjim hibrid ose tranzicional.

Ajo që ne e themi gjatë gjithë kohës, ka marrë edhe njëherë një vërtetim ndërkombëtar.

Për aq kohë sa BDI-ja është në pushtet, vendi do të shkojë prapa dhe krizat do të thellohen. Me BDI-në e korruptuar nuk ka zhvillim, nuk ka reforma të mirëfillta dhe nuk ka integrim. Aferat korruptive të BDI-së, duke filluar nga kreu i BDI-së Ali Ahmeti dhe familjarët e tij “biznesmenë” në krye të Soravisë, e deri te ministrat dhe drejtorët në pushtetin mbi 20-vjeçar të BDI-së.

Vetëm në vitin e fundit, ky pushtet u përfshi në dhjetëra skandale, të cilat po regjistrohen nga organizatat relevante ndërkombëtare. Kodi i ri Penal, me të cilin praktikisht u amnistua Nikolla Gruevski, presioni ndaj gjykatës, skandali i onkologjisë dhe të tjera që përmenden në raportin e Freedom House, janë dëshmi që pushteti i korruptuar po e çon prapa demokracinë.

Kjo mbrapshtësi e BDI-së do të përfundojë më 8 maj. Shqiptarët e kanë vendosur se vendit i duhet ndryshim. Ata e dijnë se ndryshimi dhe progresi vijnë me fitoren e koalicionit VLEN.

Advertisement
Related Topics:
Advertisement

Lajme nga vendi

(VIDEO) Në Tetovë mbahen Gara në Rabgy

Published

17 hours ago

on

May 18, 2024

By

Nxënës të shkollës fillore “Liria”, të Tetovës, Gjergj kastrioti Skënderbeu të fshatit Poroj, shkollës fillore Eqrem Qabej të fshatit Neproshten, gjatë muajve të kaluar janë trajnuar për gara në Ragby, i njohur ndryshe edhe si futbolli amerikan.
Krahas këtyre nxënësve, pjesë e këtyre garave ishin edhe nxënës të paraleleve me nevoja të veçanta. Ky aktivitet deri në përmbylljen e tij, që ishin garat e sotme, është organizuar nga Ambadasa e Amerikës, Këndi Amerikan dhe Universiteti i Tetovës.Nga Universiteti i Tetovës thonë se sporti i ragbit është i rëndësishëm për fëmijët për shkak se duhet një përgatitje e madhe fizike dhe kjo do të ndikojë që edhe fëmijët të kenë përgatitje më të madhe fizike.
Organizatorët shprehen se para këtyre garave janë mbajtur edhe puntori me nxënësit e shkollave fillore dhe të mesme ku qëllimi ka qenë që nxënësit të afrohen mes vete që të zgjidhin konfliktet dhe kanë përgatitur edhe disa piktura që janë ekspozuar gjatë garave të sotme.
Garat e sotme ishin të veçanta për shkak se ky lloji sporti është shumë pak i njohur në hapësirat tona, ndërsa organizatorët premtojnë se edhe në të ardhmen do të ketë evente të këtilla me qëllim që në të ardhmen edhe ky sport të jetë atraktiv për shoqërinë tonë.TV KOHA

Continue Reading

Lajme nga vendi

(VIDEO) Vendi i parë Gara për Gjykim të simuluar për fakultetin juridik të UEJL-së

Published

18 hours ago

on

May 18, 2024

By

Studentet e Fakultetit Juridik në Universitetin e Evropës Juglindore në Tetovë Gentiana Reka, Elona Zendeli, Era Gjakova dhe Flutra Xhemaili nën mentorimin e profesoreshës Vedije Ratkoceri arritën që fitojnë vendin e parë në garën ndërkombëtare për gjykim të simuluar në Tiranë në konkurrencë me 16 ekipe të fakulteteve juridike nga Shqipëria, Kosova dhe Maqedonia e Veriut.Garat u zhvilluan në dy faza, në fazën e përgatitjes dhe dorëzimit të dokumenteve për lëndët përkatëse gjyqësore, në të cilën një pjesë u diskualifikuan disa fakultete, ndërsa në fazën e dytë dhe përfundimtare, pjesa tjetër e ekipeve vazhdoi me një gjykim të simuluar verbal.
Skuadra e UEJL-së kishte një paraqitje brilante në të gjitha raundet dhe u vlerësua lartë nga juria për përgatitjen profesionale, hulumtimin e bërë dhe nivelin e lartë të shkresave të dorëzuara, prezantimin oral, bashkëpunimin e skuadrës si dhe gatishmërinë dhe mënyrën e përgjigjes ndaj pyetjeve të parashtruara si nga skuadrat kundërshtare ashtu edhe nga juria.
Ekipi i Universitetit të Evropës Juglindore në Tetovë kishte një performancë të shkëlqyer në të gjitha fazat dhe u vlerësua me nota të larta nga juria për përgatitjen profesionale, për hulumtimin e bërë dhe për nivelin e lartë të punimeve të arritura, për prezantimin gojor, për bashkëpunimin e ekipit, si dhe për përgatitjen dhe mënyrën se si përgjigjeshin në pyetjet e parashtruara nga ekipet kundërshtare dhe nga juria. Garat u organizuan për herë të dytë radhazi nga Fondacioni Halimi, me mbështetjen e Ambasadës së Holandës në Tiranë.TV KOHA

Continue Reading

Lajme nga vendi

(VIDEO) Promovohet libri i Shaban Sinanit “Kolosët e Sportit”

Published

18 hours ago

on

May 18, 2024

By

Gazetari Shaban Sinani, sot në Tetovë ka promovuar librin e tij të rradhës në sferën e sportit. Bëhet fjalë për librin Kolosët e Sportit kushtuar ikonave të sportit ndër vite, atyre që kanë lënë gjurmë sidomos në sportin shqiptar, në mesin e tyre Shaban Tërstena, Qatip Osmani, Miftar ZIberi e këshu me rradhë. Autori është shprehur se këta sportis që kanë shënuar shumë suksese sidomos në garra ndërkombëtare duhet që të jenë motiv për sportistët e ardhshëm që të arrijnë suksese në nivele me të larta.Ai ka bërë të ditur se ky libër u dedikohet familjes së tij të ngushtë të cilët e kanë përkrahur gjatë tërë karrierës.
Në këtë promovim, ishin të pranishëm një numër I madh I puntorëve sportiv, gazetar, trajner, ish sportist të dalluar nga Tetova, Shkupi e kështu me rradhë, të cilët në fjalën e tyre theksuan se të arriturat e sportistëve shqiptarë janë të mëdha dhe është mirë që këta suksese të shënohen nëpër libra që të ngelë dëshmi edhe për të ardhmen. Ky është libri I shtatë me rradhë me autor Shaban Sinanin, ku kryesisht sikurse ky libër, edhe të tjerët kanë qenë në sferën e sportit.TV KOHA

Continue Reading

Më të lexuarat