Lajme nga vendi
Rreth 65 përqind e studentëve të diplomuar në UEJL gjejnë punë | VIDEO
Në Universitetin e Evropës Juglindore në Tetovë është mbajtur panairi i Karrierës, ku kanë marrë pjesë rreth 50 kompani nga Maqedonia dhe rajoni.Panairi i karrierës është një mundësi e mirë sepse ofrohen më tepër se 40 vende pune dhe mundësi për punë praktike në këta kompani, nënvizoi rektori i Universitetit të Evropës Juglindore në Tetovë Abdylmenaf Bexheti. Sipas tij, ky panair u dedikohet studentëve për të pasur më shumë mundësi për punësim duke sjellur studentët, punëdhënësit dhe sektorin civil, ndërsa nënvizoi se universiteti që drejton ai gjithnjë shkon në drejtim të përshtatjes së kërkesës së tregut të punës.Bexheti tha se raporti i fundit për punësimin e studentëve që përfundojnë studimet në këtë universitet tregon se rreth 65 përqind e studentëve të diplomuar gjejnë punë.
“Ajo që tregon në raport se 65 përqind e studentëve të diplomuar në një periudhë prej gjashtë muajve të diplomimit janë të punësuar.Pra, flasim për gjeneratën 2020/21, dhe nëse kësaj ia shtojmë edhe 20 përqind të atyre që me dëshirë nuk kërkojnë punë, sepse kanë përcaktime tjera duke shkuar në profesionalizim, apo vazhdojnë master studimet, pra punësimi është 83 përqind.Pra, vetëm 17 përqind janë të papunësuar prej atrye që kanë përfunduar studimet dhe kanë diplomuar në Universitetin tonë” tha për Televizionin KOHA rektori i Universitetit të Evropës Juglindore në Tetovë Abdylmenaf Bexheti.
Duke ju referuar shifrave në nivel të shtetit, rektori Bexheti tha se në Maqedoninë e Veriut ka 17 mijë vende pune për të cilët nuk gjenden profile të caktuara.Në ndërkohë, në Tetovë tashmë ka filluar aplikimi për masat aktive të vetpunësimit dhe ka një interesim të madh, thonë nga Agjencioni pë Punësime në Tetovë.Nga ky agjencion thonë se shumica e atyre që kanë fituar grante vitin e kaluar, bëjnë aplikime për të rritur numrin e të punësuarve përmes masës për subvencionim të rrogave.
“Për momentin në Tetovë kemi afër 14 mijë të papunë dhe këta janë kërkues aktiv, kurse dy mijë janë të papunë por që janë në kategorinë e atyre që nuk janë kërkues aktiv të punës.Gjithsej janë 16 mijë të papunë në Tetovë.Më së shumti që kërkohet në trefun e punës janë profesorët e lëndës së matematikës, Inxhineirët e teknologjisë, profesorët e Kimisë e kështu me rradhë” tha për Televizionin KOHA Abdylexhelal Jonuzi, Drejtor i Agjencionin për Punësim në Tetovë.
Nga ana tjetër, rektori i Universitetit të Evropës Juglindore në Tetovë Abdylmenaf Bexheti informoi se tashmë rreth 70 përqind e të diplomuarve punësohen në sektorin privat dhe vetëm 30 përqind janë të punësuar në administratën publike shtetërore, kurse para shumë vitesh ky proporcion ishte anasjelltas. /Televizioni KOHA/
Lajme nga vendi
Tetovë, interesim I lartë për vaksinim
Vaksinimi kundër gripit sezonal ka nisur sot dhe zhvillohet në 36 loakcione të vendit. Janë siguruar 70 mijë doza, ndërsa 32 mijë qytetarë janë paraqitur për vaksinim.Në Qendrën për Shëndet Publik në Tetovë shihet një interesim i madh i qytetarëve për t’u vaksinuar.Bllagorodna Mishkovska mjeke në Qendrën për Shëndet Publik në Tetovë thotë se, vaksinimi po zhvillohet pa pengesa, ndërsa tregon edhe arsyet pse duhet vaksinuar.Sipas saj, nëse ka interesim më të madh do të sigurohen doza shtesë. “Sikurse viteve të kaluara edhe këtë vit kemi një interesim të shtuar për vaksinim.Të gjithë qytetarët e interesuar aplikojnë në portalin vakcinacija.mk, pra bëhet fjalë për grupet e rrezikuara dhe marrin sms termin se kur të vijnë të marrin vaksinën. Janë siguruar vaksina për pesë grupet e rrezikuara, të sëmurit kronikë, personat e moshës mbi 60 vjeçare, puntorët shëndetësorë, fëmijët deri në moshën 5 vjeçare dhe gratë shtatzëna.Për të gjithë këta, Ministria e Shëndetësisë ka siguruar vaksina pa pagesë.Qendra për Shëndet Publik në Tetovë, deri më tash ka siguruar 1700 doza të vaksinës kundër gripit sezonal” thotë Bllagorodna Mishkovska mjeke në Qendrën për Shëndet Publik në Tetovë Nga Qendra për Shëndet Publik thonë se vaksinimi mbron pacientët kundër gripit sezonal dhe ka nivel të lartë të imunitetit, por edhe nëse infektohen simptomat janë më të vogla dhe gripi kalohet më lehtë. Ministria e Shëndetësisë njofton se të gjithë të regjistruarit do të marrin porosi SMS për datën, orën e saktë dhe vendin ku duhet të paraqiten për vaksinim. Mjekët apelojnë që të gjithë qytetarët që janë pjesë e pesë grupeve të rrezikuara, në kohë të marrin vaksinën dhe të mbrohen nga viruset e ndryshme gjatë periudhës së ardhshme. / TV KOHA/
Lajme nga vendi
Visar Ganiu : Fëmijët ma rregulluan ditën që në mëngjes
Lajme nga vendi
Miratohet ribalansi I buxhetit të komunës së Tetovës
-
Lajme nga vendi2 years ago
Zyra e Avokatit të Popullit në Tetovë sot do të jetë e hapur
-
Lajme nga vendi2 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve